|
اقتباس:
يلا الحمد لله اهو عدى عقبال النظرى |
اقتباس:
الهيستولوجى عندى عينه غلطة وربنا يسامح اللى ف باللى بقى كنت عملاها صح وبعد كده شطبتها يلا الحمد لله الاناتومى بقى عكيت عك محصلش انا الفت اسامى اصلا يلا الحمد لله |
معلش يا نغم مايهمش
انا برده واحدة صاحبتي اسمها ولاء معاكو بتقول عكت برده وكمان ال داتا شو تقريبا كان رخم يلا الحمدلله متزعليش خير ان شاء الله |
انا الداتا شو اصلا مش فاكرة ايه اللى جالى فيها
خرجت م الامتحان بيقولوى قولى كده بقولهم قولوا انتو انا مش فاكرة حاجه والمصيبه اصلا ان محدش عارف ايه الحل اللى يقولك كيدنى واللى يقول ستومك و االلى يقولك ريكتم و معظمه بقى كان كده كل واحد يقول حاجه والرسم بقى داخلى كذا رسمه ف بعض و جابلى جزء م رسمه تاينه فضلت متنحه قدامها نص ساعه ياترى ده جهاز شريانى ولا وريدى يلا خير انتو هتعرفوا نتيجه الميد تيرم امتى؟؟ |
احنا عرفنا اغلب المواد
بس ناقص التيرمنولوجي والارينتيشن والبوتاني يما انا خايفة من البوتاني في الاورينتيشن ربنا يستر المهم عملتو ايه في محاضرة الاورينتيشن الجديدة بدل \كتور عبدالحميد؟؟ كانت حلوة ولا؟؟ وهوا دكتر عبدالحميد مش هيديكو ريفجن ولا ايه؟ |
ممم
_عملتى ايه؟؟ _لا ان شاء الله خير قوليى البوتانى كان فيه اسئله دش كتير وكده ولا؟ _ف الاورينتاشن بقى انتو بتاخدو نفس منهجنا؟؟ لو كده دكتور عبد الحميد بينزلكوا الورق اللى خطه زباله ده ولا بينزلكوا كتاب ولا بينزلكوا ورق عدل و نظامو ايه؟؟ _هو كان قالنا ف محاضرة اتفقوا ع معاد وتعالوا قولوليى بس تقريبا طنشوا وهو كمان اتنرفز علينا جامد اوى اخر محاضرة فاعتقد مش هيعمل حاجه والله اعلم ياعنى _دكتورة نهى اللى اديتنا ورينتاشن بسيطه ان شاء الله انا سرحت منها كتير المحاضرة حسيت انها طويله وبتقعد تلت وتعجن ف حاجات ملهاش لازمه المهم كانت بتتكلم عن تعريف الصيدله ونشأه الدوا و انواعه وصفاته |
اقتباس:
البوتاني كان تشوز وترو وفولس بس كان جبار انت ما ادراك بامتحانات دكتورة شيرويت تقري السوال مرة تفهمي حاجة تقريه مرة تانية تفهمي العكس تماما المهم انها بتكتب perfect english gramatically language يعتي لازم تفهمي ايه عايد على ايه وكده عيشي حياتك في السؤال وتعدي تفكري بعمق شديد الاورينتيشن دكتور عبالحميد بيدينا نفس المنهج بس احنا مطالبين اننا نكتب كله انجلش في ورقة الامتحان وهموا كاتب المحاضرات كلها عربي يعني ترجمي وعيشي حياتك برده احلى حاجة ده كله وكمان سابلنا الملزمة التالتة كلها لما اتعصب وقال ده داخلة في الامتحان ابقو اقروها وسبنا مع نفسنا مش عارفة دكتورة نهى ده بس ربنا يستر انا اصلا عرفت ليه في ناس بيشيلو الماده ده مع انها بيقولو تافهة ماعلينا ربنا يستر متعرفيش اخبار عن امتاحات العملي احنا عندنا هتبدا 9 -1 وكمان ايه اخبار الفيزكال كمستري عندكو والمسائل والمولاريتي والنورماليتي كده عاملين فيها ايه؟ احنا متظبطين.... ربنا يستر |
|
اقتباس:
زى ماقولتك بتدينا تاكسونونى وده جزء زباله اصلا كل مافتحه اقفله م غير ماعمل فيه حاجه ربنا يستر اقتباس:
يابنتى احنا عندنا المحاضرة بتبقى ساعه وبتبقى اول واحده بيقضي نصها تريقه ع اللى داخلين متأخر واللى بيههوى والاخ اللى قاعد جنب الاخت وشوبه يزعق ومابيكلمش ف الموضوع الا نص ساعه ساعه الا ربع بكتيره وبيقعد يحكيكلك ف حكاوى بقى متفهميش دى هتيجى ف الامتحان ازاى ورق المحاضرة بقى اللى بينزلوه بجد خط استغفر الله العظيم بيتهيقلى خط الروشته ارحم منه (اصله بيعودنا ع الخط الوحش) تلاقينا كاتبنا ف المحاضرة صفحه وهو منزلك المحاضرة ف 30 صفحه جابهم منين اللى اعلم وقابلينى لو عرفتى تفكى الخط اصلا وتلاقى بقى ف الورق ده بقى ع اسا انه كل اللى فات ده مش كفايه اكمل م المحاضرة ع اساس انه قال حاجه ربنا يستر برده اقتباس:
وربنا معاكى امتحانات العملى بتتبقى غالبا سهله اقتباس:
ربنا معاكوا يارب .... بقولك لو عندك اكونت ع الفايس ابعتهولى ع الخاص |
مش غريبه يا جماعه ان احنا لحد دلوقتى معناش كارينهات
المفروض ان احنا هنخش الامتحان بالكارنيه ولا ايه؟؟؟ |
يا نغم الكارنيهات طلعت من زمااااااااااااااان وانا أخدتها وعليها من تحت كده parcode عاملة زي بتاعة السوير ماركت
يالا ممكن يفتحولنا سوبر ماركت في الجامعة.... |
انا مسمعتش حد م عندنا طلع كارنيه
حتى لما بنخش بنخش بكارنيه معمل الفيزيا ان شاء يوم الاحد ابقى اروح اشوف |
هتجنن واعرف ايه لازمه السكاشن اللى بناخدها
احنا مش خلاص امتحنا عملى ولا هو وجع دماغ وخلاص انا ماصدقت خلصن م البوكس قولت هرتاح م التريقه ونظارات الاسنحقار اللى بشوفها وانا ماشيه بيه بس هو قدرى بقى و نصيبى لا وزياده بقى كل مرة بروح 6 ونص الدنيا بتبقى ضلمه محدش بيبقى واخد باله اوى (همات بياخدوا برده بس مش زى الصبح) الاسبوع اللى فات بقى حضرت مع مجموعه الصبح تيرمنولوجى وفيزيا واكيد ان شاء الله لازم الاسبوع ده كمان هعمل كده هنروح والدنيا منورة والرخامه بقى والرزاله واحنا ماشين ربنا يصبرنى |
ربنا يوفقك يا نغم
وربنا يعينكم ويعينا يارب |
انا عن نفسى معرفش حد استلم كارنيهات
و حتى موضوع اللوكر وقف خالص و محدش عاد بيتكلم عنه زى ما يكون اعدادى دول مالهومش لازمه بس كارنيه علوم اه بيسد برضه |
| جميع الأوقات بتوقيت GMT +2. الساعة الآن 04:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.