بالنسبة للانجليزى عايزة اعرف احسن طريقة لمذاكرته اصل كل ما اقول احفظ كلمات بزهق وانا حسه ان المادة دى كلها عبارة عن كلمات وده اساسها و عايزة اعرف ناويين على ايه في طريقة المذاكرة السنادى وهل في قصة عربى ولا لا ?????????????? انا بزهق بسرعة من المذاكرة مش عارفة ليه عايزة اعرف ازاى اتخلص من الزهق ده .
وتحياتى لكل المشاركين في الصفحة دى .

بصى كلمات الانجليزى تجيبى ورق قديم و تمسكى كلمة كلمة تحفظيها اهم حاجة كتابة
لو كلمة صغيرة او عارفة من السنين اللى فاتت بتكون سهل انك تحفظيها
انما لو قبلتك كلمة كبيرة شوية او لقيها كذا مقطع حاولى انك تجزئيها
على 3 او 4 على حسب المقطع بتاعها او بتاع نطقها
هديكى مثال علشان تفهمينى اكتر
زى مثلا كلمة nationality
هتقسميها كدة nat\ ion \ al \ ity
و تكتبى الكلمة كذا مرة بعد كدة تخبى الكلمة و تكتبيها من دماغك :d
لو غلطى مفيش مشاكل عيدى حفظها تانى
و اهم حاجة المراجعة على الكلمات اللى انتى حفظتيها
علشان ماتتنسيش بسرعة

و بالنسبة لقصة العربى فهى للاسف رجعت تانى

و بالنسبة لزهق المذاكر فدة مش لوحدك كلنا لها :d
بس لازم نحاول اننا نتغلب على كدة اننا نفتكر مثلا هدفنا
و اننا بنذاكر علشان لازم نذاكر و مش نشمت حد فينا ....... كدة يعنى :d

شكراا ليك يا نور على النصايح الجميلة دى وان شاء الله استفيد منها
و القصة جت حاجة متوقع من منظومة تعليم متلخبطة اصلا وربنا يوفقنا ويعنا على المذاكرة في السنة دى الى لازم نتعلم منها بجد ومانفوتش الفرصة دى علينا علشان نبقى داخلين 3 ثانوى واحنا على الاقل معانا اساس كويس من ثانية وعايزة نتابع انا وانتى كل يوم على الصفحة دى على الى عملناه في المذاكرة كل يوم وانجزنا ايه ان شاء الله عايزة اعرف رايك وانا هدخل كل يوم على الصفحة تمام

العفو :)
ايوة فعلا المفروض اى قرار ينزل مايتغيرش كدة علشان منتلخبطشى
فعلا لازم نستغل الفرصة دى و ندرب نفسنا على المذاكرة
و نكون خرجين من 2 عارفين كل حاجة و عارفين هنعمل اية فى 3
و نحاول نعالج نقط ضعفنا فى اى مادة او فى المذاكرة عموما
و اللى ضعيف فى مادة معينة يحاول يقوى نفسه فيها بالمذاكرة و التكرار و حل اسئلة و امتحانات كثير
و ان شاء الله نستمر و نتابع مع بعض كلنا
و نورتى الجروب :av4056bb7jp3:

دا نورك انا عايزة اعرف انتى اخذتى دروس ايه لحد دلوقتى وفى كل مادة واقفين فين وايه خطتك فى الدراسة السنة دى
انا اخدت رياضة واخدت فيها النهايات والدالة وقاعدة الجيب والنجليزى الوحدة الاولى والعربى والكيمياء لسه هبدا الاسبوع الجاى
والاحياء لسه باقول يا هادى فيها

انا بلافخر لسة لحد دلوقتى مخدتيش ولا درس لانى اولا معرفشى هخد اية الترم الاول
انا هخد فى كل المواد ان شاء الله
ثانيا محتارة فى حكاية المدرسين مش عارفة اخد مع مين ولا اخد مدرسين المدرسة ولا اخد مع مدرسين بره ولا اعمل اية اصل انا غالبا بحب اخد مع مدرسين الفصل :d
بس انا حاليا جبت كتاب سيربرايز و حفظت كلمات انجليزى
و ياريت انتى كمان تعملى كدة حاولى انك تحفظى كلمات كثير و تكسبى وقت الانجليزى بحره واسع اوى
و محتاج كلمات كثييييييير و انا للاسف اهملت النقطة دى فى اولى و محفظتيش كلمات كثير
اهم حاجة الكلمات الجرامر مفيهوش حاجة و معظمه متعاد من السنين اللى فاتت اصلا
و بالنسبة لخطيتى الصراحة انا مفيش حاجة معينة فى دماغى غير انى اذاكر اول باول ان شاء الله و ماسبشى حاجة تتراكم و اهم حاجة المراجعة علشان ماننساشى ( و نقطة المراجعة دى برضه بغبائى اهملتها فى اولى و جيت فى الاخر لقيت نفسى ناسية معظم المنهج
و حاولى برضه انك تتعلمى من اخطائك فى اولى زى
انا اتعلمت منها كثيييييييييير

بصى يا حبيبتى
انا الانجليزى ده كان مشكلة عندى بردو لغاية سنة اولى
كنت متعقدة منه خالص
مع انى اتفاجئت فى الاخر ولقيتنى
جايبة فيه اعلى درجة على سنة اولى كلهم يعنى نقصت تقريبا درجة واحدة
بصى انا حبيت علشان مشكلة الانجليزى متكبرش معايا
فاخدت درس لوحدى مع مدرس كويس جدااااااااااااا وبيحب يشتغل
بالنسبة للمذاكرة بقا
انا كل يوم قبل ما ببدا مذاكرة اى حاجة بحفظ على الاقل 10 كلمات انجليزى
بحفظهم زى العيال الصغيرين
بكتبهم فى عامود واكرررررررررررررررررر
بالنسبة بقا للوحدات
كل يوم قبل الدرس بساعة بحفظ كلمات الوحدة علشان لما المستر يشرحلى ويدينى امثلة اكون فاهمة
وبعد ما اخلص الدرس اذاكر القاعدة واحل كل التمرينات اللى عليها
والحصة اللى وراها المستر بيراجع معابيا التمرينات علشان لو فى حاجة غلط اخد بالى منها

معلش طولت جاااااااااااااامد بس حبيت افيد:d:d:d

انا برضه بحفظ كلمات ونفسى اوى احفظ على قد ما اقدر فى سنة ثانية علشان فى ثالثة ما اقلقش بالنسبة للدروس انا باخد مع مدرسين بره المدرسة وانا برضه بحاول اتعلم من اخطاء اولى ثانوى الانسان عايش علشان يتعلم فى حياته من تجاربه الى قبل كده وربنا يعينا عايزة اعرف الاحياء لازم نا خد فيها درس ولا ايه ؟؟؟؟؟

شكرررا ليك يا مروة على النصايح الرائعة دى وانا احاول انفذها زيك ان شاء الله وانا عجبتنى طريقتك اوى لانها بتثبت الكلمات والوحدة ربنا يكرمك انتى ونورهان بتفيدونى بجد وربنا يوفق الجميع

طب يا مروة انتى كان معاكى كتاب خارجى اية ؟؟؟؟؟؟؟؟؟

بصى انا جربت فكرة انى مخدشى درس فى مادة او اتنين
بالذات اما تكون سهلة او كلها حفظ
بس النتيجة كانت انى كانت بذاكر على حسب الاولوية
يعنى كانت بقول انا دلوقتى عندى واجب درس يبقى لازم احله عندى امتحان لازم ازاكر علشانه الاستاذ فى الدرس هيسمع درس كذا يبقى لازم ازاكره و لو كانت مذاكراه كانت براجعه
و طبعا كانت المادة اللى مش باخد فيها كانت بتتركن على الاخر
يعنى انا بصراحة عملت كدة فى احياء اولى مكنتيش باخد فيها و قولت دى كلها حفظ
المهم ركنتها و جيت قبل الامتحان بشهر لميتها كلها و كانت مدياها وقت كبير عن المواد التانية
بس جيت فى اخر باب لو تتذاكريه لقيته كله فهم و لقيت فيها برضه جزئيات فهم مكنتيش فاهماها فعرفت ساعتها انى اى مادة بيكون فيها حتة فهم و انى اما المدرس يشرحها بيكون احسن طبعاااااااا بس الحمد الله لحقت نفسى فيها و ربنا كرمنى و جبت 18
رغم انى الامتحان كان صعب :(
بس انا بصراحة حبيها و حسيت انها سهلة و لذيذه
بس بصراحة احياء 2 هى دى الاحياء على حق :)
فا انا بصراحة هخد درس فى الاحياء علشان مش عايزة نفس اللى حصل فى اولى يحصل فى تانية
و علشان اكون متابعة المادة بستمرار
و الدرس هيكون فى اهتمام اكتر ووجبات و كدة

لااله إلا الله ... سيدنا محمدا رسول الله

:d:d:d:p:p

انتى قصدك ع الباب السادس
ده كان يكلم عن التطور هو كان رزل بس مش محتاج فهم ولا حاجة