|
بسم الله ما شاء الله لا قوة الا بالله بجد اشكركم على الروح الحلوة بينكم وبين بعضكم وخصوصا اختى ياسمين لانى اعرفها شخصيا وبجد هيا شخصية حلوة جدا وربنا يكرمكم ويزيدكم حب واخوة
|
اقتباس:
|
بسم الله الرحمن الرحيم كل سنة وإنتوا طيبين ويارب يكون الجميع بخير كان عندي استفسار يا بشمهندس رفاعي بالنسبة لقسم بتورل وتعدين، إيه نظام الدراسة فيه ؟ هل فعلاً بتعتمد على الحفظ أكتر ؟ و هل سنة أولى بتكون صعبة جداً زي ما بنسمع ؟ لأن الواحد محتار فعلاً يدخل قسم إيه |
انا انصح اى حد بلاش يخشوه
لانها مجازفه صعبه قوى بس هو بيعتمد على الانجليزى شويه وانت شهر كده ولا حاجه هتلاقى نفسك بقيت لبلب هو بيعتمد على الحفظ اكتر وهو اكثر حاجه متعبه فيه الضغط النفسى لانك محتاج مجموع كبير جدا عشان تخش بترول مش مجرد جيد جدا لا انت لازم تلعب على الامتياز وكمان انت هتدرس القسمين مش قسم واحد فدى حاجه جامده برضه وكمان المعيدين اللى موجودين بتوع تعدين بس مفيش ولا معيد لبترول يعنى اعتمادك الاساسى على الدكتور ولو مفهمتوش منه اضرب دماغك فى الحيط مفيش حا تانى الدكاتره فيه متراعيش حد هو قسم شغله الحمد لله شغال لكن المجازفه والضغط النفسى هو ده اللى مصعب المهمه والحمد لله على كل شئ واتمنى ليك التوفيق وعليك برضه على صلاه الاستخاره لو بتخير بين قسمين واللى فى الخير يقدموا ربنا ان شاء الله |
كلامك يخوف معنى ذلك ان الكلام ده ممكن القيه فى كهربيه اثناء الاختيار بين بور واتصالات لو الكلام ده صحيح يبقى بناقص القسم ده خالص
|
لو فى فرق كبير بين بور واتصالات
يبقى بلاش احسن انا الحقيقه معرفش بالنسبه للولاد اما البنات فطبعا اتصالات مفهاش كلام والله أعلم لو مش فارقه يبقى عادى واتوكلى على الله |
والله منا عارفه موضوع القسم ده منكدنى انا خلاص كنت قربت اقتنع بكهربه بس كمان خايفه ما اجبش اتصالات وساعتها ابقى ضعت اروح بور اعمل ايه
ولو قلنا عماره مرهقه جدا مع انى بعشق الرسم بس كمان خايفه منها كله مخوفنى وتخطيط زيها ولو قلنا نظم هو كويس بس جامعه الازهر بنات مستحيل ان الله حليم ستار بلاش نفتح الاحسن كفايه اعدادى ونقعد فى البيت |
هههههههههههههههه
هى دى اخره اللى يفكر فى هندسه ادخلى القسم اللى حباه عشان تتفوقى فيه بلاش نسبق الاحداث وان شاء الله |
اقتباس:
لا بجد يا يا ياسمين مينفعش الكلام كده من غير ما تسالى حد ثقه وبعدين اانتى لازم تشوفى بتحبى ايه عشان تتفوقى فيه مش احسن ما تدخلى مجال ماشى فى السوق ولقدر الله ما تحققيش النجاح اللى بتتمنيه ربنا يوفقك ياااااااااااارب |
بسم الله الرحمن الرحيم اقتباس:
طيب هو ليه كله بيتكلم على بترول ؟!! إيه عيب التعدين مثلاً ؟ اقتباس:
بيعتمد على الحفظ جامد ؟!! اقتباس:
واضح إنك مش واثقة في كلامي :) والله العظيم يا ستي السنة دي فريق من هندسة الأزهر بنات خد المركز الأول على مستوى العالم مناصة مع كوريا في مسابقة دولية للأسف مش فاكر اسمها ده غير إن قريبتي متخرجة من القسم من سنتين تقريباً وبتشكرلي فيه |
اقتباس:
|
اقتباس:
الموضوع انى اعرف حاجات مش كويسه عن القسم ده فى الجامعه من بنات كتير وال اكد لى كلامهم بعض الدكاتره قالولنا انتم زى بناتنا بلاش القسم ده وان كان ناجح كتير بس مش كل حاجه النجاح انا اسفه مقدرش اقول حاجه من الكلام ده بس الدكاتره بتوعه مش كويسين يا ريت المعنى يكون اتفهم ايوه القسم ناجح وانا عارفه بس النجاح مش كل حاجه النجاح اه النجاح مطلوب بس الراحه النفسيه كمان مطلوبه بالنسبه لقريبتك ال بتشكرلك فى القسم انا متاكده انك لو سالتها هتعرف انا قصدى ايه واكيد هى مش هتقولك :confused:بس بالنسبه لقسم نظم هو قسم كويس وشكر على الرد |
اقتباس:
انا محمد مخلص 3ث ازهر موضوع حلو اوى ازيك يا بشهندسه ياسمين قسم عماره جميل جدا وكله ابداع وفن بيقولوا مش اى حد بيدخله غير ناس كدا برتسيجها عالى هههههه مش فاهم ليه يعنى بس قرات ان قسم عماره بتاع فنون جميله اولى انهم يشتغلوا لانهم بيدرسوا 5 سنين عماره مفيش عندهم اعدادى الموضوع دا اثر ضجه الكل سمع منه سبب قلق كتير لهندسه قسم عماره ااما بالنسه لكهربا اعتقد مجال شغلها فضل واوسع مش الى نصحوكى بيها قلوا كدا!!! بس انا مش فاهم لاقسام بتاعتها بتدرس ايه ؟؟!! بالنسبه لنظم وحاسبات دلوقت طلابها بقيوا كتير مغطين سوق العمل لانها الاول مكنتش موجوده حصل بئه عليها هجو مفاجى غير محسوب فزاد طلابها خصوصا انها كليه مستقله ف العام وهناك فرق بين حاسبات ونظم وبين هندسه حاسبات الدراسه مختلفه خالص هى عماره والله حلوه اوى خصوصا للبنات معظم البنات بتدخلها بس عندى سؤال بعد اذنك هو مجموع الاعدادى ممكن يكون سبب ف عدم دخول قسم معين ولو كد فعلا مكن ترتبيلى كد الاقسام من حيث المجموع معلش هتعبك معايا ربنا يكرمك ويوفقك يارب |
اقتباس:
احلى حاجه ف عماره ممكن تحسى بيها انك هتاخدى حقك اغلبها يعتمد ع الرسم يعنى مجهودك محسوب قيمته النظرى قليل جدا فيها وهتدرسى فيهم بعض اشياء المدنى الى هو قسم عندنا ف البنين مش موجود عندكم معلش هما بيخوفوكى من ناحيه ايه من ناحيه فرص العمل ام الارهاق وانها متعبه لو من ناحيه الارهاق والتعب من غير تفكير ادخليها مدام حباها من ناحيه فرص العمل معرفش بئه غير الى قلته لحضرتك وفقك الله |
ايه ده الدنيا اتغيرت ولا ايه ههههههههههههههههههه كنت عايز اصحح معلومة عن قسم كهربا مفيش تنسيق لدخول باور او اتصالات اللى عايز يدخل اى شعبة بيدخلها والله انا مقدرش اقول لحد ادخل قسم معين بس لو هتقارنى بين كهربا ونظم يبقى كهربا اكيد وده مش لانى انا فى كهربا بس دى معلومة مش محتاجة نقاش |
اقتباس:
بالنسبه لترتيب الاقسام عند البنات انا والله مش عارفه عند الولاد ايه بس تقريبا بترول وتعدين الاول بعدها ميكانيكا والله اعلم بالنسبه للبنات على السنه ال فاتت الاول عماره وبعدين نظم وبعدين كهربه واخيرا تخطيط |
اقتباس:
|
اقتباس:
انت متاكد من المعلومه دى ولا ايه يمكن الكلام ده عندكم فى البنين لكن اعتقد ان عندنا فى البنات لا بيكون فى تنسيق يا ريت يا بشمهندس لو تعرف تتاكد عن المعلومه دى بالنسبه للبنات يكون جزاك الله خير هو صحيح حضرتك قسم ايه بور ولا اتصالات وشكرا |
ما شاء الله
ايه اللى حصل التوبيك مره واحده كده انفجر ماشاء الله اهلا برجوعك يا بشمهندس الزعيم فينك ياراجل اهلا ب محمد(o) نورتنا طبعا المجموع هو اللى بيحدد الاقسام واللى دخل قسم وعايز يحول لقسم تانى اول اسبوع فى الدراسه بيكون فى التحويلات بيتدفع سبعين جنيه ونحول من قسم الى قسم اخر بشرط تكون جايب مجموعه لو مش جايب مجموعه مينفعش واعدادى صعبه وكل حاجه لكن عايز فيها جيد مرتفع وان شاء الله الاقسام كلها تتفتحلك الموضوع مش صعب قوى يعنى وبالتوفيق ان شاء الله والبشمهندسه ياسمين حيرتينى معاكى هو مشكله عماره عندك المجموع ولا فرص العمل ولا الارهاق ولا ضعف النظر ولا ايه بالظبط لو مجموعك جابه ادخليه واتوكلى على الله وكمان بالنسبه لضعف النظر ده انتوا هتتعلموا الاول على اللوح لانكم لازم تكونوا بتعرفوا ترسموا لكن الحقيقه بعد كده هيكزن كله اوتوكاد كمبيوتر يعنى مفيش عمى خالص شغل كمبيوتر وبرامج مش لوح وسنون ياريت تاخدى بالك من الموضوع ده |
والله يا بشمهندس رفاعى كل دى مشاكل بالنسبه لى بس انا خلاص اخدت قرار ان القسم ال هيجيلى هروح من غير كلام وان شاء الله يكون لى الخير فيه بس المهم ربنا يبعدنا عن نظم ومعلش انى حيرتك معايا
|
يا باشمهندسة ماله قسم نظم! ده قسم جميل خالص ودراسته لذيذه
|
لو قراتى مشاركاتى ال قبل كده فى تفس الصفحه هتفهمى ليه
|
انا كده فهمتك بس الدكاتره اتغيرت وانا كنت السنة اللى فاتت سنة اولى والدكاتره كويسين جدا وانا فعلا سمعت الكلام ده بس الحمدلله لحد دلوقتى وادعى ربنا يكملها بالستر وربنا يكرمك ويديكى القسم اللى نفسك فيه ويكرمك فيه
|
مش عارف مالى الايام دى مش بدخل المنتدى كتير بصراحة وقت رمضان بيعدى بسرعة انا اللى اعرفه ان شعب كهرباء بنين مفيش فيها تقدير اللى عايز اى شعبة بيدخلها الخوف من اتصالان عندنا علشان الدكاترة بصراحة انا اعرف واحدة من بلدنا فى كهربا عندكم لكن مكلمتهاش خالص ومعتقدش انى هكلمها علشان كده معرفش حاجة عن كهربا بنات حاليا ومقدرش اعرف ليكى دلوقتى باين اووى انى باور ههههههههههههه انتى حسستي انى انا اللى بختار القسم هههه كل اقسام هندسة حلوة يلا سلام اه نسيت وحشتنا ياعم رفاعى ههههه واهلا بالضيوف الجداد اللى اسمائهم غريبة |
اقتباس:
ايه ده انتى طلعتى هندسه معانا اهلابيكى ويا رب التواصل على طول معانا |
نتكلم بصراحة انا السنة اللى فاتت كان الدكاتره اللى بتدينى قمة فى الاحترام وقمة فى المادة العلمية والحمدلله ممكن نقول 99% من الدفعة ناجحة وبتقديرات عالية وعلى فكرة كل الدكاتره اللى كانت بتدينا كانوا لسة واخدين الدكتوراه وفى دكاتره كتير كانو لسة متعينين يعنى ماتقلقيش وعلى العموم الدكاتره اللى قصدك عليهم هو واحد بس المشكلة وانتى طبعا عرفاه بس هو مادرسليش وسمعت من بنات كتير انه مش بيركز مع اى حد كده انتى فاهمة هو ممكن مش بيدى تقديرات بس انا اعرف بنات كتيير نجحوا وماديقهومش خالص بس الواحد يحاول يتقى شره ومايتعاملش معاه
بس فعلا القسم جميل اوى على فكره دفعتنا كانت 50 بس وكانت الدكاتره بتحترمنا جدا وبيعاملونا كويس اوى |
طيب يابنات ليه متقدوموش شكوه
والعميد يغوروا فى اى مصيبه الكلام اللى انتم بتقولوه ده كلام كبير جدا ميعديش بالساهل اقل مافيها سمعه الازهر انا الحقيقه معلقتش على الكلام من الاول عشان انا مكنتش مصدقه لكن كده لأ لازم وقفه وكل بنت يحصلها موقف المفروض تروح على العميد على طول والعميد اساسا راجل عسل قاعد مبيعملش حاجه مستى اى حد بخش يكلمه عشان يتكلم معاه شويه لو اى واحده حصلها موقف راحتله كان زمان الدكتور ده اتفصل واطمنى ياياسمين أكيد الدكتور ده اتعلم عليه |
اتعلم عليه ايه يا باشمهندس الدكتور ده ماحدش يعرف يكلم معاه دا انا اعتقد العميد نفسه ممكن يكون بيخاف منه دا واصل اوى
دا كل الدكاتره عرفاه دا احنا يوم امتحان العملى كان واحد من اللى بيمتحنونا كان فى دكتور هناك كان بيقولنا ماحدش يروح يمتحن معاه |
اقتباس:
|
اقتباس:
|
اقتباس:
|
مفيش حاجه اسمها العميد ممكن يكون بيخاف منه
لو ثبت على الراجل ده حاجه هيتخير بين حاجتين ياما يتفصل يايقدم استقالته وكمان لو واصل يبقى واصل على نفسه وهو تهاون من البنات برضه لو كل واحده حصلها موقف راحت فضحته كان زمانه اتسوح من زمان لكن هنعمل ايه فى جبن المصريين عصبتونى |
اطن ان اول حاجه اتعلمناها واحنا رايحين الجامعه ملكيش دعوه باى حاجه وامشى جنب الحيط ومتعمليش مشاكل مع الدكاتره وانت اول واحد بتقول متعملوش مشاكل مع الدكاتره يبقى ازاى هيروح يشتكو وبعدين يعنى انتى فكرك ان العميد مش عارف والله العظيم ال قالنا الكلام ده دكتور يعنى الدكاتره عرفين يبقى العميد م عارف والدكاتره ال ما اتكلموش قالو بلاش نظم يا بنات ومرضوش يفصلو علشان زميل وكده. ها تقول ايه بقى دلوقتى يبقى الاحسن نبعد عن القسم ده وخلاص ولا نعمل ايه
|
يابنتى قولتلك متعمليش مشاكل مع الدكاتره
يعنى متبلطجيش مع حد فيهم سورى قولتها بالعاميه قوى عشان المعنى يوصل لكن توصل لكده يبقى لأ طب ايه رأيك نعمل جروب على الفيس بوك نقول على الفضيحه دى خلينا نولع الدنيا وتنشروه فى القسم والناس كلها تحكى وهنا بقى محدش هيخاف من دكاتره لانهم مش شايفينكم وطبعا متخشوش بأسمائكم الحقيقيه والحل ده على فكره بيجيب نتيجه مجرد اقتراح |
والله انا ليا راى فى الموضوع ده وياريت تسمعوه لانى خلاص بنهى حياتى فى الجامعة انا اتعلمت انك فى الجامعة مش تمشى جنب الحيط امشى جوا الحيط علشان ربنا يسهلك وتخلص انا واصحابى كنا بنقول اننا عاملين زى الحرامية اللى بنسرق الشهادة من الكلية من غير ما حد يشعر بينا ملناش تواجد يعنى انا عارف انكم مممن تقولوا ده جبن لكن الواقع محدش يقدر يحاسب الدكتور غير ربنا وحده مهما تسمعوا كلام كتير وقليل دى الحقيقة والواقع بيشهد على ده كفاية |
اقتباس:
انا معاك فى فكرت الجروب ده طبعا بس ازاى انا مبعرفش قوى على الفيس بس فكره كويسه |
انا رايى من راى م.الزعيم نمشى جنب الحيط خلينا نعدى من الكلية ديه ونخلص وبعدين هو مش فارقه معاه يتفصل ولا لأ دا بيشتغل فى جامعة خاصة كمان غير جامعة الازهر وبيقول ان اللى هناك بنات مش زى اللى فى جامعة الازهر فلاحين وريحتهم وحشة
|
احنا مش بنتكلم على ان الموضوع يفرق معاه او لا احنا بنتكلم على اننا نخلص منه وخلاص
وكمان بيشتغل فى جامعات خاصه تانيه يعنى فضيحه الازهر بقت بجلاجل والله بقى بتوع الجامعات الخاصه فلاحين وريحتهم وحشه دا فعلا مريض والله ربنا يستر علينا |
ده انسان مش محترم
وعشان تبقوا عارفين اللى بيروح جامعه خاصه بيكره اليوم اللى راح فيه لانه بقى بيدرس للفلوس مش للعلم ومعروف مش مهم المستوى التعليمى عامل ايه المهم الفلوس اللى هتيجى للمعهد من وراه عامله ايه عشان كده الطالب او الدكتور اللى فى الخاصه المجتمع بيبصلهم نظره مختلفه عن اللى موجود فى الحكومى بتوفيق ربنا ليه وبمجهوده عشا كده بالنسبه ليه لازم يفضل فى الازهر ولو اتهز منها شويه هيضيع وربنا يسترها علينا وعلى اخوانا وعلى أخواتنا ويعديهالنا على خير |
انا عايز احكيلكم قصه حلوه كده اخويا حكاهالى
هو اساسا خريج هندسه يجى من تسع سنين ولا حاجه مش فاكر ماعلينا كان عندهم دكتور كان دايما بيشتم فى الازهر وطلبه الازهر شتايم مقولوكوش يعنى متوصى وكان بيحب قوى يسقط الطلبه ويقول انا دكتور ففى طلبه نزلت اشتكت للعميد فالعميد قالهم سجلولوا اللى بيقولوا فدخل الدكتور وكان معظم الطلبه محضريين الوكمان الوكمان ده كان موجود زمان قبل الموبايلات بمواحل عامل زى التسجيل بالظبط وكان بالحجاره وكان ليه سماعات ودن وكان بيتحط فى شرايط للى عايز يسمعها او عايز تسجل اى حاجه على الشريط فطبعا الراجل دخل كالعاده رماله دبشتين من الدبش اللى بيرميه كل مره مش واخد خوانه بقى وزى متقولوا كده العميد كان مستنى اللحظه دى عشان يمشيه كان عايز يمسك عليه اى حاجه فطبعا بعد الشتايم على الازهريه الطلبه قامت مع بعضها ونزلوا للعميد وسمعوه الانشوده العميد خيره بين حاجتين يايفصله ولو فصله مفيش اى جامعه هتقبله بعد كده يايقدم استقالته ويمشى وبالتالى قدم استقالته والطلبه والدكاتره والعميد خلصوا منه وتوته توته خلصه الحدوته هههههههههههه وعشان تعرفوا ان العميد معاه سلطه على الدكاتره مش قاعد تحت بيغنى ظلموه بس يلاقى الحجه اللى يمسكها على الدكتور المريض ده وشكرا |
|
قصدك طبعا اتفهم يا بشمهندس رفاعى والله انا اعرف بنت حصل معاه موقف مع الدكتوره ده والبت دى مخمره وقمه فى الالتزام البنت دى من يومها محضرتش ولا محاضره للدكتوره ده وقالت انا اجيب فى مادته مقبول احسن والحمد لله جابت جيد فى مادته وده بمزاكرتها لوحده يعنى انا اقصد ان لو كل البنات اتفقو ومرحوش المحاضره بتاعه يمكن يكون ده موقف كويس بس ده طبعا مستحيل لان البنات كلها ماشيين بمدائ الجبن سيد الاخلاق
والله انا سمعت ان فى جهاز بيصور وانت حطه فى جيبك بس لو افترضنا اننا جبنا الجهاز ده وصورناه هل العميد والدكاتره هيكونو معانا ولا هيراعو الزميل مهو قبل ما تخطى خطوه لازم تعرف ايه ادامها هعرف امشى بعد الخطوه دى ولا لا وان ما عرفتش هعرف ارجع؟ طبعا مستحيل ولا انا غلطانه اظن ان البشمهندس الزعيم متعودناش منه على الموقف السلبي ده اظن انه لو فكر شويه ان الدكتور ده بيدرس لاخته او لحد قريبه وسمع منه هو بيعمل ايه مكنش بقى ده موقفه مع احترامى ليك طبعا بس انا كنت بسبب الدكتوره ده اهلى مكنوش هيدخلونى هندسه خالص ولما اصريت قالو القسم ده مستحيل ولحد دلوقتى بيقولو مستحيل وفى ناس كتير وخدين فكره هباب عن القسم ده والسيئه بتعم يعنى عن هندسه بالكامل ادعولى ان القسم ده ميجليش علشان ..................................... ربنا يستر |
السلام عليكم اذيكم يابشمهندسين ويابشمهندسات وحشتوني كلكم والله عاملين ايه رمضان مبارك عليكم وكل سنة وانتم طيبين ممكن اعرف تنسيق اقسام هندسة القاهرة بنين هتظهر امتي او قبل الدراسة بكام يوم وجزاكم الله خيرا وربنا يوفق الجميع |
طب البنت دى لو راحت للعميد وشافت وجهه نظره
ايه المشكله مهى كده كده مش خسرانه حاجه وتقول للعميد متقولهوش عشان مايوصيش عليا والكلمتين دول ونشوف وجهه نظره هل هو عارف وبيستعبط ولا كان مستنى اللحظه دى ضرورى جدا ان يكون في وقفه حتى لو مدخلتيش القسم ده ساعتى اخواتك اللى هناك جربوا مش يمكن |
وعليكم السلام ورحمه الله وبركاته علي ابو حجر
وكل سنه وانت طيب انا فاكر ان التنسيق هيبقى بعد ما الدراسه تبدأبشويه يعنى ممكن تبدأوا دراسه فى شهر عشره والله اعلم ده اللى فاكره وربنا يوفقك |
ياه يا yasssmine انت سمعت عن الدكتور ده من قبل ما تدخلى الكلية انا ماسمعتش عنه غير لما دخلت القسم وانا سمعت انه بيستهبل بس ماكنتش اعرف انه اوى كده وسمعته سابقاه حتى للى لأول مره يروح الكلية
|
وعلى فكرة يا yasssmine انت قلقتينى جدا وهتخلينى افضل قلقانة لغاية ما اتاكد انه مش هيدينى السنة دى خصوصا انه قال فى الامتحان لبنات معانا انه هيدينا السنة دى وهيبهدلنا انت عارفة لما نبقى 50 بنت بس هنبقى عاملين ازاى ادعولى ربنا يسترها
|
جزاكم الله خيرا وياريت لو في اخبار عن تنسيق الاقسام حد يبلغنا
|
السلام عليكم ورحمه الله وبركاته ازيكم كلكم يا باشمهندسين وبشمهندسات بجد المنتدى وحشنى جدا والتوبيك والكلام معاكم انا مكنتش بفتح المنتدى بقالى كتير بس الحمد لله رجعت ليه واتمنى انى اشارك معاكم تانى ويالا سلام |
وعليكم السلام ورحمه الله وبركاته
بس واضح ان رمضان والعباده واخده الناس كلها دلوقتى اللهم تقبل منا |
| جميع الأوقات بتوقيت GMT +2. الساعة الآن 10:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.