|
اقتباس:
طب هيا آلة fx 991 و fx 570 ينفع أدخل بيهم الامتحان ولااا لا ؟ معلش أصل انا اساسا كنت في السعودية مش في مصر شكرااا مرة تاانية |
اقتباس:
معلش يا دكتور سؤال اخير الباب الخامس جيولوجيا مش بيثبت معايا خالص اعمل فيه اي ؟؟؟ |
اقتباس:
|
اقتباس:
طالما بتنسيه على طول كدا يبقى اكيد حفظتيه زي ماهو وخلاص، بس الفصل دا مش كدا، الفصل دا عشان يثبت محتاج يتفهم الاول سواء من نفسك او تشوفيله شرح ع النت (مستر احمد شفيق او كايرو دار او اي حاجة) بس يكون بيفهم، عشان تتخيلي الكلام المكتوب، وهتلاقي حفظه بقى اسهل بكتير. فصل سهل جدا على فكرة دا كان اكتر فصل بحبه في الجيو.. صدقوني مفيش سر او طريقة معينة لمذاكرة اي حاجة، اي حاجة مهما كانت صعبة بالتكرار والحل بتيجي.. -الحاجة اللي محتاجة فهم واغلب في فهمها، بحفظها زي ما هي وخلاص، واحل عليها كتير، ومشكلتها بتتحل.. -والحاجة اللي محتاجة حفظ واغلب في حفظها، بحاول افهمها الاول واتخيلها، عشان تثبت اكتر واعرف اعبر عن اللي انا فاهمه مش لازم زي الكتاب بالنص، واحل عليها كتير ومشكلتها بتتحل.. ممكن كل ما تذاكري جيو تختبري نفسك فيه ولو حتى ربع او تلت ساعة بس، لحد مايثبت.. |
اقتباس:
خلاص انا هحل عليه كتير زي ما حضرتك قولت يمكن يثبت جزاك الله كل خير |
اقتباس:
thanks :blush::blush: |
اقتباس:
حتى لو المستر الي بتروحيله كويس جداا ممكن تستفيدي اكتر :rolleyes: |
اقتباس:
جزاك الله كل خير :) :friendsxs3: |
اقتباس:
والشكر لله |
اقتباس:
وإياكي :rolleyes: |
اقتباس:
|
اقتباس:
|
كم مول هيدروجين يلزم لتشبع
فورميل بنزين (يعني حلقة وفيهاcho) حمض البنزويك ؟؟؟؟؟؟؟؟؟ |
اقتباس:
لكن في دول كتير مش ينفع ندخل بأي الة |
اقتباس:
3مول والله اعلم |
اقتباس:
|
انا بحد حاسة انى ضعت خلاص بضيع وقت اكتر من الاول وبنام اكتر من الاول
ناس غير شغالة حل امتحانات ساعة بقول هكمل ومش هستسبم ومع اول حاجة ارجع اضايق اتخنقت وخلاص انا ضعت نفسى ربنا ياخدنى عشان مكسفش اهلى او اضيع تعبهم احسن مستهلش تعبهم معايا مش عارفة انا ذاكرت ولا لا مش عارفة حاسة ان كل حاجة اتمنيتها بتبعد عنى وبتضيع وانا واقفة اتفرح ومتنحة نفسى نطلع ونصرخ ومبكى باعلى صوت بس صعبان عليا انى اتعب اهلى معايا انا والله بكتب الكلام ده وحابسه دموعى بالعافيه مفيش اى حافز يــــــــــــــــــــــــــــــــــــــــــــــارب رحمـــــــــــــــــــــــــــــــتـــــــــك |
اقتباس:
4 مول 3 للحلقة ومول عشان الرابطة المزدوجة الي في الفورميل وحمض البنزويك بيحتاج 5 مول لتشبعه |
اقتباس:
|
اقتباس:
|
اقتباس:
اقتباس:
|
اقتباس:
المعادلة دي بتثبت ان cooh بيحتاج 2مول هيدروجين |
اقتباس:
|
اقتباس:
الدليل معادلة اختزال حمض الاستيك Ch3cooh+2h2 حمض الاستيك واخد 2 مول هيدروجين |
انتوا عارفين يعني ايه غير مشبع اصلا؟ يعني فيه رابطة مزدوجة باي بين كربونة وكربونة ((فقط لا غير))، مش بين ذرة كربون وذرة اكسجين مثلا او بين اي حاجة تانية، يعني حمض الاسيتك اللي في المعادلة اللي انت جايبها دي يا احمد اللي حصله دا مش تشبع هو مشبع اصلا، عشان كل روابط ال (كربون-كربون) اللي فيه احادية، وبنفس الطريقة كل المركبات اللي انت قولتها دي (حمض الكربونيك، البنزالدهيد..الخ) دي غير مشبعة بسبب ال 3 روابط المزدوجة (كربون=كربون) اللي في حلقة البنزين فقط، اما المجموعات الوظيفية اللي عليها دي ملهاش علاقة عشان الروابط المزدوجة اللي فيها بين الكربون والاكسجين مش بين الكربون والكربون، فمش هنحسبها، وعلى فكرة هتطلع بعد التشبع زي ماهي بردو (مزدوجة) وروابط الكربون كربون اللي في الحلقة هي بس اللي هتتحول لسيجما.. عشان يحصل تشبع باختصار يعني c=c تتحول إلي c-c (فقط) يعني الاجابة هتكون 3 مولات هيدروجين في كل دول. وحلقة البنزين يا آلاء دايما فيها 3 روابط باي مفيش حاجة اسمها اتنين في حلقة بنزين (عليكوا). عشان تعرف المركب المشبع من الغير مشبع بتشوف لو فيه رابطة مزدوجة بين كربون و كربون في السلسلة ولا لا، لو فيه يبقى غير مشبع، لو مفيش يبقى مشبع (مش اي رابطة مزدوجة، خد بالك ياسيد فكري، لازم c=c وبسسسسس). |
اقتباس:
|
اقتباس:
|
رفيقة الامل، عارفها الاحاسيس دي آخرها هتدخلي الامتحان تحليه صح كله، فمش تضيعي وقتك فيها عشان دي كلها احاسيس كدابة وشيطان مش اكتر، ثانيا هما يومين تلاتة وهتنسيها وهتذاكري، فانسيها من دلوقتي احسنلك واكسبي اليومين تلاتة دول. والله لتلاقيها اعبط من امتحان الدرس او امتحان شهر القلق في الوقت دا طبيعي بردو فحاولي تتعايشي معاه، كله قلقان بس مش كله بيقول، وكويس انك بتقولي والله، الواحد لما يحكي مشكلته بيهدى شوية. |
اقتباس:
|
اقتباس:
حاولي تحلي امتحانات من دلوقتي انا لما عملت كدا ارتحت نفسياً لاني حل الامتحانات بيديلك حافز ومش تنسي انك انتي اسمك أمل :022yb4: |
اقتباس:
محتاجة وقفة من تانى بس مش عاررفة ازاى ابداها وبقول عشان محتاجة حد من سنى ومر بالتجربة دى |
اقتباس:
|
اقتباس:
جزاك الله خيراً :) |
ياجدعان محدش يشغل نفسه بالكلية و المجموع و التفاهات دى كل ده شكليات كل حاجة مكتوبة :) اهم حاجة مين ناوى يختم القران و يصلى التراويح فى رمضان ان شاء الله :) ؟!
|
جهد مشكور ومتميز
|
اقتباس:
من دلوقتي نظمي للوقت الباقي دا بحيث تراجعي المنهج كله مرة واحدة (من مصدر مذاكرتك الاساسي) وحلي على الدروس اللي بتراجعيها من كتاب واحد (متجاوب) وحلي حوالي 25 امتحان في كل مادة وخلاص مش اكتر من كدا.. بس نظمي الفترة دي كويس اوي بحيث مش تخلي الوقت يسرقك وتلحقي تخلصي فيها كل دا. وكله هيبقى تمام اطمني |
اقتباس:
وكنت مخصص كام يوم قبل العربي وذاكرت الدين امته ؟؟؟ معلش تعبينك جامد والله ؟،؟؟؟؟؟ |
اقتباس:
انت يادكتور كنت بتعمل ايه واقسم ازاى المواد ع 25 يوم |
Duke Tefa طالب بالصف الثالث الثانوي < علمي رياضة> الموضوع : دفعة ثانوية عامة 2016 المشاهدات : 140,381 - المشاركات : 4,988 خالص الشكر و التقدير لك ابننا الغالى مع دعواتنا لك و لجميع الطلاب بالتفوق و النجاح جزاك الله خيرا و بارك الله فيك |
اقتباس:
قولت اعمل فيها زي ما عملت ف3 اعدادي عشان بحب السنة دي اوي.. كنت بجيب الفهرس بتاع كل المواد اللي عندي عشان اشوف عندي كام فصل وكام درس واسماءهم ايه وكدا واكتب توزيعة المنهج كله في ورقة.. وبعدين اشوف معايا كام يوم باقي.. واقسم الفصول والابواب اللي في المنهج كله على عدد الايام الباقية يعني مثلا الفيزياء 8 فصول ومعايا 25 يوم مثلا، يبقى اعملها يومين في الاسبوع كل يوم منهم اراجع فصل فيزيا واحل عليه.. وهكذا في باقي المواد. واقول اني هذاكر في اليوم الواحد كام مادة (3 مثلا) يوم عربي وفرنساوي وفيزيا ويوم عربي وجيو وكيميا ويوم عربي واحياء وانجليزي كان كل يوم فيه عربي عشان كبير ودرجاته كتير.. ولما يجي الدور ع المادة مش براجع باب وبس، لا لازم احل ع الباب اللي راجعته فنفس اليوم (كتير)، واحل امتحانين تلاتة في المادة دي كمان.. ماعدا العربي ليه معاملة خاصة كان يومه حاجة من اتنين: -يا اما اراجع 3 فصول قصة + درس ادب + حل 5 قطع نحو + امتحان -يا اما اراجع نص + درس او اتنين قراءة + حل قطعة بلاغة + امتحان وطبعا العربي مستمر كل يوم فكنت ابدل ف يوم كنت امشي بالنظام الاولاني دا واليوم اللي بعده امشي بالتاني.. على طول. والانجليزي بردو لما يجي عليه الدور براجع 3 units وشابتر واحل عليهم واحل امتحانين لو نفرض ان النهاردا يوم ال (عربي وجيو وكيميا) يبقى النهاردا اراجع باب جيو واحل عليه واحل امتحانين ثانوية واراجع فصل كيميا واحل عليه واحل امتحانين ثانوية والعربي اراجع 3 فصول قصة + درس ادب + حل 5 قطع نحو + امتحان اليوم بئا اللي بعده مثلا هيكون (عربي واحياء وانجليزي) هيمشي كدا: -اراجع فصل احياء واحل عليه واحل امتحانين ثانوية -اراجع 3 units وشابتر واحل عليهم واحل امتحانين -والعربي اراجع نص + درس قراءة + حل قطعة بلاغة + امتحان (بدلت اهو) واحدد بردو لما يجي الدور على اي مادة فيهم هعمل فيها ايه بالظبط، مش اقول اراجع باب وخلاص.. يعني احدد فصل ايه بالظبط ودرس القراءة والشابتر رقم كام و كله بيبقى متحدد. اكتب بئا اليوم واللي هعمله (الجمعة 5/6 هعمل كذا كذا... السبت 5/7 هعمل....الخ) وكنت بحدد مواعيد بردو عشان مافتحش فمادة واسيب الباقي. وكنت بفصل بين مراجعة الباب والحل عليه وحل الامتحانات في المادة الواحدة مش اخليهم ورا بعض عشان مازهقش بردو... يعني مثلا لو بدأت بمراجعة باب كيميا ماحلش عليه ورا المراجعة على طول لا، ممكن احل امتحان عربي واراجع باب جيو وبعدين ارجع لحل باب الكيميا اللي ذاكرته في اول اليوم دا.... وهكذا. وبردو فيه حاجة من غبائي كنت بعملها، كنت مشتت نفسي بكذا كتاب، واكتشفت متأخر اني لازم احل من واحد بس، والباقي ارميه، والحمد لله لحقت اعمل كدا.. بس كان اهم شرط في الكتاب دا انه يكون متجاوب سواء ع النت او معاه ملحق اجابات.. كنت بحل منه كتير. افضل ماشي كدا، واكون على يوم 20/5 مثلا مخلص المنهج كله وحالل عدد لا بأس بيه من الامتحانات بالنظام اللي قولتلك عليه دا، والعشر ايام الباقيين على نهاية خمسة دول اقرأ فيهم المنهج كله مجرد قراية عشان يكون حاضر فدماغي اثناء الامتحانات، واحل امتحانات كل يوم على كل المواد، مثلا 14 امتحان في اليوم (كل مادة امتحانين) وفيه مواد كنت ممكن احل 3 او 4 امتحانات عليها زي الانجليزي كدا عشان كنت بحبه. انت هتكون اتدربت على حل الامتحانات وال14 امتحان دول هتحلهم بسرعة وهيتبقى معاك وقت تقرأ فيه المنهج قراية بس زي ما قولتلك. طبعا كنت سايب الدروس عشان الحق اعمل دا كله، كنت سايبها من اول السنة اصلا، بلا دروس بلا وجع دماغ.. الدين حفظت الاحاديث في النص ساعة اللي قبل الامتحان وكنت قاري قصص الصحابة اللي في الاخر دي وباقي الامتحان طلعت فيه علي جمعة اللي جوايا :d والعربي افتكر عملتله 6 ايام مراجعة(بالنسبالكوا ابدأوا من 30/5) وكانوا متنظمين بردو هما كمان.. التنظيم دا بص.. بيخليك برنس فنفسك كدا :romarioxp6: |
اقتباس:
:romarioxp6: |
اقتباس:
انت تقدر... |
اقتباس:
|
اقتباس:
مش لازم تمشي بالنظام دا، اعملك نظام لنفسك يناسبك بس المهم ماتمشيش عشوائي، لازم التنظيم |
اقتباس:
|
اقتباس:
مانا قولتلكم ياجماعة هاتوا ياسر نوت فيه عشروميت امتحان متجاوبين اجابة نموذجية، حتى البراجراف اللي فيهم متجاوب، وكتبتلكم رقم الراجل اللي عامل الكتاب كمان عشان تعرفوا تجيبوه، بس الظاهر مفيش حد كلمه... هات كتاب مراجعة يكون فيه امتحانات كتير ونزله اجابات من هنا، لو عندك كتاب وخلصته هات واحد كمان: http://www.english2fun.com/vb/forumdisplay.php?f=6 ولو عندك كتب من السنة اللي فاتت، هتلاقي اجاباتها كلها هنا، وفي حاجات ممكن تفيدك بردو https://bookets4allstages.blogspot.c...t_230.html?m=1 |
اقتباس:
|
اقتباس:
|
اقتباس:
|
اقتباس:
|
| جميع الأوقات بتوقيت GMT +2. الساعة الآن 06:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.