يا جماعة لو حد رايح يقدم لسياحو وفنادق الفيوم ياريت يكلمنى ونروح مع بعض

انا خلاص قدمت والله بس فى ناس لسه ما قدمتش كانت مستنية نتيجة التحويل ممكن تتقف معاهم و بالنسبة للطريق هو سهل اوى اسهل طريق انك تركب من الجيزة او من الرماية على حسب انت ساكن فين و بالتوفيق

ياجماعة نظام بيت الطلبة هناك اية رخم ولا حلو والاشتراك كام

انا اتصلت بكلية الفيوم وقالولى الانترفيو ممكن تعمليه يوم التقديم
اتصل بكلية حلوان عشان تعرفودول رقمين للكليه ممكن تتصل بيهم 23647729
23681838

انا ياجماعة رحت النهاردة قدمت وقالى كلمنى بعد اسبوع علشان اخد معاد الانتر فيو بس الرجوع من الفيوم للقاهرة صعب اوى لو حد عرف ميعاد الانترفيو ياريت يقولى

ميرسى وعلى العموم انا خلاص عملت الانترفيو وهو اسهل ما يمكن اخر حاجه نفكر فيها هى القلق ويارب تيجيلى ارشاد انا نتيجتى بكره ادعولى يا جماعه

شكرا ليكى على المعلومات الجميله وجزاكى الله كل خير

اولا احب ارمى السلام والتحيه فى البدايه
ثانياا بقى انا مبسوطه بجد بالتجمع الحلوو اوى ده لطلبه سياحه
انا طبعااا عضوه جديده هناا واصيبت بالاحباط بصراحه علشان انا جاتلى سياحه بس السادات وانا طبعا اكيد مخنوقه من الجامعه دى بس نظراا لانها تعتبر الاقرب لياااا فانا مضطره انى اكمل بس حاسه ان هنا محدش سادات خالص فياريت يعنى تقولولى رايكم احول جامعه تانيه وده ينفع دلوقتى اصلا ولاا ولا هيكون الاحسن ليااا انى اكمل فى كليه تكون قريبه ليااا
وياريت اسمع رايكم قريب

السلام عليكم
ازيكم
عايزه اقولكم انى رحت قدمت النهارده فى الفيوم وعملت الملف فى بيت الطالبات وهقدموا ان شاء الله يوم الاتنين
ومعاد الانترفيو للناس اللى معملهوش يوم الاتنين والاربع من الساعه9.30 للساعه 2.30
عايزه اقولكم ان التقديم فى السكن الجامعى كان مغلق وفتحوه امبارح وانهارده استثناء
سورى انى قولتلكم متاخر واخر ميعاد للمدينه الجامعيه والبنك هناك1.30

اولا احنا مبسوطين انك معانا ونورتى التوبيك
انتى ممكن تقدمى تحويل او التماس لاى جامعة تانيه بشرط انك تكونى فى النطاق الجغرافى بتاعها
واللى فهمته من كلامك ان النطاق الجغرافى ليكى السادات
من رايى انك تفضلى فى السادات طالما قريبه ليكى
وكان فى ناس هنا السادات يعنى انت مش لوحدك
وكمان انا كنت زيك مكنش حد معايا هناك بس لاقيت بنات معايا من هنا
وربنا يوفقك ان شاء الله

اولا احب ارحب بيكى معانا
وانا عن نفسى انصحك انك تفضلى فى الجامعة بتاعتك زى ما انتى واكيد انشاء الله هتلاقى حد معاكى و حتى لو مش لاقيتى هنا اكيد هتصحبى ناس كتير هناك
انا اه كان نفسى انك تكونى معانا فى الفيوم لكن مادام دى اقرب ليكى خلاص خليكى هناك و مش تخافى انشاء الله هتلاقى ناس معاكى
و ربنا معاكى

والله بجد شكراااا ليكم وعامتا انا هستنى وخلاص لبعد سنه اولى ان شاء الله واحاول اقدم حلوان ولو ان شروط التحويل صعبه اوى
انا مبسوطه جداا بيكم واتمنى اننا نكون اصحاب فى كل الاحوال
وشكرااااا مره تانيه على الردود بتاعتكم وانا منى من بنهااا

اهلا بيكى معانا يا منى وانا كمان هستنى اول سنه
وانشاء الله احول حلوان
انا فى سياحه وفنادق الفيوم وانا من الجيزه