والالتماس ده بيبقي ازاي يعني لو جايبه كام اعمل التماس

يعني لو جايبه 46 فرنش وعاوزه تخشي قسم اسباني وهوا خد من 47 بتعملي التماس وتخشي القسم بس هتخدي لغه تانيه اجباري اللى هيا هوسا " افريقي " ودا شغله نادر بس تقديراته امتيازات كلها

اة يعني بيبقي علي درجه واحده بس

الى احسن انى اقدم التماس واخد اسبانى كلغة اولى وافريكان كلغة تانيةولا انى اخد اسبانى كلغة تانية ؟ يعنى من الاخر الى احسن واضمن كمجالات للشغل او البعثات انى اخد اسبانى كلغة اولى او تانية ياريت الاجابة لانى محتار جدا ومعتش عارف افكر ازاى

اسباني لغه اولي تختلف كتير عن اسباني لغه تانيه لو انت حابب الاسباني وعاوز تشتغل بيه خليك لغه اولي والبعثات بتبقي ف اللغات التانيه ( بولندي مجري برتغالي )

السلام عليكم
بعد اذنكم حابب اعرف ايه فرص العمل المتاحة عموما بعد التخرج من الكلية
اقصد ايه اكتر الاقسام اللي بتكون مطلوبة ؟
ثانيا اذا حد حابب يدخل قسم ياباني مثلا او كوري ودرجته في الانجليزي اقل من اللي في التنسيق بدرجتين هل فيه طريقة يدخل بيها؟

وعليكم السلام ورحمه الله وبركاته
فى مجال الترجمه التدريس الصحافه مرشد سياحى
الاقسام كلها مطلوبه اهم حاجه تكون متمكن فى اللغه
للأسف لأ درجتين صعبه اوى

هو اختيار اللغة التانية بيتوقف ع ايه
وهل ليها لازمة بعد كدة والا لا
وياترا بدرس فيها ايه

كمان انا جبت 50 فرنساوي لازم اخد لغة تانية فرنساوي
والا اخد اي لغة تانية عادي
واسفة على الاطالة

متشكر جدا لردك , نقطة تانية بس بعد اذنك , التمكن في اللغة الاولي مثلا ايه افضل طريقة ليه ؟ هل بالكورسات ولا باي طريقة ؟
ومتاسف لازعاجك

اللغه التانيه بتتوقف على اختيارك مفيش اى شروط
من حيث ليها لازمه فأكيد بس بنسبه صغيره مقابل اللغه الاولى
اى لغه انتى عايزاها بس تتوافق مع اللغه الاولى
مفيش داعى للأسف بالتوفييق:)
لا شكر على واجب
التمكن فى اللغه عن طريق الكليه بنسبه 40%
و30% تثقيف ذاتى وده أهم شئ عن طريق المكتبات والتحدث مع الاجانب وده محتاج جرأه
30% كورسات
مفيش داعى للأسف
بالتوفييق :)

فيه شيء بس مستغربه , ايه علاقة اللغة اليابانية او الكورية بدرجة اللغة الانجليزية في الثانوية العامة؟
علي حد علمي ان مفيش اي نوع من التشابه حتي بين اللغتين , طيب لو المطلوب تقنين اعداد الطلبة في القسمين دول ممكن يكون فيه شروط تانية اكثر منطقية
بس نفسي افهم ايه الربط بين الانجليزية واليابانية

سمعت والله اعلم ان اللغات دة بتتعلم عن طريق اللغة الانجليزية
علشان كدة لازم تكون متمكن في الانجليش ودرجتك فيها عالية
والله اعلم ولو حديعرف ليه يبقى جزاه الله خير لو افادنا

مانا سالت قبل صفحة اتحاد طلاب الالسن قالولي اللغات بتتعلم بالعربية لغاية سنة تالتة بتكون بنفس اللغة اللي انت مختارها
ياريت اذا حد يشرحلنا ايه سبب الشرط دا , وبالمرة هل ممكن التنسيق الداخلي للايطالي يشترط ان تكون درجة الفرنساوي كلغة تانية في الثانوية العامة 49 مثلا في خلال سنة ؟
بمعني اللي جايب 48.5 فرصته عالية في الايطالي ولا التنسيق اعلي من كده؟