|
فرص عمل لأوائل الخريجين بالمعاهد الخاصة
قرر مجلس شئون المعاهد العليا الخاصة، برئاسة الدكتور عمرو عزت سلامة، وزير التعليم العالى والبحث العلمى والتكنولجيا، الموافقة على توفير فرص عمل بالمعاهد للحاصلين على درجتى الماجستير والدكتوراه، للاستفادة منهم فى استكمال هيئات التدريس بهذه المعاهد. كما اتفق المجلس، فى اجتماعه الذى عقد صباح اليوم، على توفير فرص عمل لأوائل خريجى الجامعات للعمل كمعيدين أو موظفين فى هذه المعاهد، وتقرر أن تقوم هذه المعاهد بإرسال طلباتها من هذه الدرجات خلال أسبوع لرئيس قطاع التعليم بوزارة التعليم العالى. كما وافق المجلس على تشكيل لجنة لدراسة المعايير المطلوبة لتحويل بعض المعاهد إلى أكاديميات، أو الإبقاء على الأوضاع الحالية بنفس المسميات، ووافق أيضا على تنظيم ورشة عمل بشأن وضع خطة لتنفيذ برامج الجودة فى المعاهد بمشاركة هيئة ضمان الجودة والاعتماد والمعاهد المختلفة. وأكد الدكتور عمرو عزت سلامة، فى الاجتماع، على أهمية دور المعاهد العليا فى منظومة التعليم العالى، وضرورة تحقيق الجودة التعليمية فيها بما يساعد على إعداد الخريجين وفق المستويات المطلوبة، والتى تؤهلهم للالتحاق بسوق العمل، وتلبية احتياجات المجتمع من التخصصات المختلفة فى إطار خطة التنمية، مضيفا أن هذه المعاهد تضم قرابة 450 ألف طالب وطالبة فى التخصصات المختلفة. |
جريدة الاخبار بتاريخ 4/6/2011
علمت* »الأخبار*« ان الجهاز المركزي للتنظيم والادارة برئاسة الدكتور صفوت النحاس بدأ اتخاذ اجراءات تعيين *٠٣ ألفا من اوائل الخريجين بالجامعات من دفعات *٣٠٠٢ وحتي *٠١٠٢. تم مخاطبة الجامعات لحصر اوائل الكليات وارسالها الي الجهاز وعلمت* »الأخبار*« ان الجهاز يقوم الآن بالتنسيق مع وزارة المالية لوضع قواعد تعيين اوائل الخريجين في وظائف بالجهاز الاداري للدولة*. ... |
[quote=رحييق;3470638]حضرتك اكتب في جوجل أكاديمية البحث العلمي
واختار اول توبيك ثم اضغط على اوائل الخريجين هتظهر كل الجامعات تختار الكلية واضغط go وانتظر ثواني للتحميل وهتوصلك الاسماء بالتوفيق[/quote أذا سمحت ولو مفيهاش تعب على حضرتك ممكن تبعتلى اللينك اللى نازله عليه الأسماء لأنى مش عارفة أجيب الأسماء خالص وأشكر حضرتك |
دة رابط صفحة الاكاديمية اللى عليها الاسماء
http://www.asrt.sci.eg/ar/ |
ممكن أعرف ليه مفيش حد راضى يرد علينا ليه
|
http://www.asrt.sci.eg/ar/5eregin-mena7.html
اللينك ده افضل هتختار اوائل الخريجين وبعد كده تشوف الجامعة الخاصة بك وتشوف اسمك موجود ولالا |
اقتباس:
لو الاسم موجود يبقى معناه ايه ؟؟؟ ان حيتم التعيين ؟؟؟؟ |
مكتوب الترتيب مش مظبوط
ياترى حتفرق في حاجة . ولا مش مشكلة |
انا خريجة حاسبات ومعلومات 2010 وطالعة السادسة وبصيت في الموقع ده
http://www.asrt.sci.eg/ar/pdf/graduat/zagazig/information%20and%20computer%20sciences.pdf لقيت محطوط لحد 2008 بس ده معناه ايه مش قال لحد 2010 ياريت حد يعرفني |
السلام عليكم ورحمة الله وبركاته ........ جزاكم الله خيرا أخوتي في هذا الموضوع .. لي سؤال .. أتمنى أجد الإجابة عليه .. أنا معي كشف من الكلية بأسماء الأوائل العشرين والخطاب الذي أرفق بالأسماء للمجلس الأعلى وكان به كشف بأسماء أوائل دفعة 2009 لكلية الأداب جامعة المنيا.. ومن بينها اسمي .. لكـــــــــن .. عندما دخلت الآن على موقع أكاديمية البحث العلمي وجدت أن كلية الأداب لجامعة المنيا لم يتم رصد أسماء سوى لدفعتي 2006 و 2007 فقط ولم أجد أسماء أوائل دفعتي وهي 2009 .. مع أني دخلت على أوائل كلية الفنون الجميلة فوجدت أنه تم رصد أوائل دفعات من 2006 حتى 2010 .. فهل معنى ذلك أنه لن يتم تعيين أوائل كلية الاداب سوى لدفعتي 2006 و2007 ... ؟؟؟؟؟؟؟؟؟ أتمنى أن أجد إجابة .. وجزاكم الله خيرا كثيرا
|
بعض الكليات لم تدرج حتى الان على الموقع
وبعض السنوات ببعض الكليات لم تدرج وبعض الجامعات لم تدرج كاملة حتى الان مثل القاهره وحلوان والله أعلم |
[quote=nodyyass;3485749]
اقتباس:
اللينك اساتذتى الافاضل وضعوه جربه حضرتك وبالتوفيق |
اقتباس:
|
اقتباس:
إن شاء الله يا أستاذي الفاضل حضرتك تابع بقى وانتظر الجواب هيوصلك على البيت بإذن الرحمن والف مبروك للجميع وبالتوفيق دائما |
اقتباس:
أشكر حضرتك جزاك الله خيراا |
اقتباس:
المهم ان الاسم موجود وانتظر التعيين وممكن حضرتك تسأل في كليتك عن الخطأ للاطمئنان الف مبروك للجميع وبالتوفيق |
يا استاذه رحيق ليه محدش رادد على اسالتى انا قلقان قوى ياريت تردى على اسئلتى ابو الدكتور عبدالرحمن يرد عليه
|
اقتباس:
حضرتك بقى تسألي في كليتك وإن شاء الله خير بالتوفيق |
اقتباس:
اطمئن حضرتك إن شاء الله خير فيه كليات مختلفه حدث بها هكذا ممكن يكون خطأ عند الرفع كل الكليات في كل الجامعات هيتعينوا كما ذكروا ومادام حضرتك شوفت اسمك خلاص ممكن ترجع لكليتك للإطمئنان فقط والف مبروك للجميع وربنا يوفق الجميع لما يحب ويرضى |
اقتباس:
اولا حضرتك اكتب بلون غامق كي يظهر للقراءة ثانيا انا رديت باللى أعرفه وبالنسبة لأسئلة اللى اتأمن عليهم او الرخصة لا أعرف لكن اللى أعرفه إن أي حد اسمه موجود في العشرين هيتعين حتى لو كان متعين لما يجي له الجواب يقدم ورق تعينه ويحصل معادلة لو حابب يستقر في مكانه اللى فيه او يحول لمكان التعيين الجديد ودي إجراءات روتينية حكومية بقى ساعتها هيعرفها يعني متأمن عليه أو مش متأمن رخصة مش رخصة هيستلم تعيننه غصب عن الكل لان دا حقه وبالتوفيق يارب للجميع |
دكتور عبد الرحمن لم يدخل من فترة يارب يكون المانع خير
إن شاء الله يرجع بالسلامة ويسعدنا بمشاركاته المتألقة بجد بنستفيد منه كتيييير ربنا يبارك فيه ويجعله في ميزان حسناته ونطمئن عليه في أقرب وقت |
أن شاء الله يرجع بالسلامه ويكون خير
والف شكر ليكى يا استاذه رحييق انا بس المشكله خفت انهم يستبعدونى من الاوائل عشا عامل رخصه ودافع تامين وانا والله العظيم ما استفدت بيها حاجه ومسقتش حتى سياره ابدا ويعلم الله بكده لانى زى ماقلت هيتم استبعاد اى واحد متامن عليه وانا على علم ان 70من الاوائل شغال شغل خاص او فى شركات ومتأمن عليه ومش مستريح فى شغله ومستنى الفرصه دى ويجى مره واحده ميلقيش نفسه مع الناس الى اتبعت ليها جوابات ده كان قصدى سؤال تانى::::: مفيش اى جديد عن التعيينات او أى خطوه ايجابيه فى التعيين أو حتى هما ناويين أمتى يرسلوا الجوابات خـــــــــــــــــــــــــــــــبر هام احتمال90%ان وزير التعليم الحالى يشلوه من منصبه وبرده وزارة البحث العلمى هتستقل عن وزارة التعليم العالى وتبقى وزاره وحدها أسف على الكلام الكتير |
السلام عليكم ورحمة الله وبركاته فعلا يا جماعة عمرو عزت سلامة حيمشى من الوزارة الخبر نازل في جريدة الجمهورية السؤال هنا هل قرار تعين الاوائل سارى ولا لأ؟ عاوزين حد عارف الموضوع ده ويرد علينا
|
أنا بجد تعبت من كتر التفكير فى الموضوع ده
وخايف فى الاخر يكون كدبه وتثبيت للناس وبس مش عارف اقولكم ايه اكبر دماغى من الحوار ده وخلينى زى ما انا فى تفكيرى انه مفيش تعيينات زى زمان والا ايه انتم قولولى |
ايه يا جماعة مفيش أخبار عن أوائل الأزهر بعد فض الاعتصامات مش كانوا حددوا مهلة اسبوع لتنفيذ القرار والأسبوع انتهى . مفيش أخبار جديدة لو سمحتوا حد يطمني
|
لازم نتحرك يااخوانا ونسأل وان تطلب الأمر اننا نروح لرئيس الوزراء ووزير التعليم العالي لان ده حقنا وإلا لو مش طلبنا بيه هيضيع ولازم نتحرك وبسرعة
وياريت منفرحش بوظيفة اداري لاننا لازم نتعين معيدين وياريت نتجمع مع بعض ونروج للوزارة ونعتصم هناك وانا هكون اول واحد وياريت نحدد يوم لده لا يضيع حق وراءه مطالب |
الله الموفق والمستعان
|
إمتى بقا التعيين أنا عايزة أعرف
يا جماعة والله الواحد زهق لأن خلاص معتش على شهر سبعة إلا أسبوعين يعني أنا عايزة أعرف بقى الجوابات هتيجي إمتى وخلاص الأيام عمالة تعدي يوم وراء يوم والله الواحد خايف لحسن يكونوا بيضحكوا علينا .
أرجوكوا حد يطمئني ويقولي هو فعلا هيعنونا قبل شهر سبعة ولا ممكن الموضوع يطول شوي معاهم وهم ليه متأخرين كده بقالهم في الموضوع ده من شهر ثلاثة يعني بقالهم ثلاثة أشهر طب وبعدين لحد أمتى بقا بصراحة أنا كل يوم أقول خلاص أكيد هما هيبعتوا الجوابات بقى لكن الأيام عمالة تعدي . معلش ياجماعة ممكن حد يدلني على أني لو كنت موظفة مؤقتة في وظيفة إدارية وأنا من الأوائل هيكون مصيري إيه وخصوصا يا جماعة أنا مش مرتاحة خالص في الوظيفة دي لأني مش في مجال تخصصي خالص طب هما هيعملوا إيه . في ناس قاللولي لما يجيلك جواب التعين قوللهم إنك مش متعينة عشان يودوكي في المكان اللي أنت عايزاه فهل أعمل كده . معلش يا جماعة أنا طولت عليكم لكن والله الواحد زهق ومش يقول لمين . |
اذا كنتى انتى زهقتى قيراط فانا زهقت فدان ربك يسترها
وادينا قاعديين ويكفينا شر الى جايين |
اقتباس:
طيب يا جماعة دى اخبار الاوائل طيب ايه اخبار طلاب المنح الجامعات مش راضيه تعينهم والوزارة بتقول معنديش سلطة على الجامعات ؟؟؟؟؟؟؟؟؟؟؟؟؟؟ جامغة واحدة اللى هى اسيوط عينت طلابها اشمعنى بقية الجامعات حسبى الله ونعم الوكيل يا ريت اى حد عنده اخبار يريح بالنا |
ياريت نفكر في عمل منتدى الزهقانين انا اول واحدة هاشترك وخلونى المشرف لانى ناوية اعمل دولة الزهق والقرف والملل من المماطلة والكدب اللي منتشر في مصر من الحكومة سواء اللي غارت في داهية ولا اللي قاعدة على قلوبنا
|
اقتباس:
|
هل هيتم تعيين خريجين الازهر و الجامعات الخاصة ؟؟؟؟؟؟؟؟؟ ارجو الافادة للى عنده معلومة بالله عليكم
|
السلام عليكم . يا جماعة ايه أخبار تعيينات الأزهر هل من جديد؟
|
تم حصر ال20 الاوائل علي الكلية من جميع الاقسام ودا علي موقع اكاديمية البحث العلمي مشروع تعيين اوائل الخرجيين .وتم ارسال متطلبات واحتياجات كل جامعة من الموظفين الاداريين مع العلم بانة من داخل ال20 الاوائل في ناس تم تعينها معيدين بالكلية
............. وبالتوفيق للجميع |
انا خريج علوم سوهاج 2007 ورحت الشئون وسالت عميد الكليه ورئيس الجامعه قالولى الفاكس اللى وصلهم انهم طالبين العشرين الاوائل متضمنين المعيدين وليس باستثنائهم وانا ترتيبى 22 بالمعيدين وباستثناء المعيدين يبقى ترتيبى ال 17 حد يدلنى على الصح واللى المفروض اعمله وهوه بالمعيدين ولا باستثنائهم حد يقولى ايه الحكايه انا تعبت من كتلر ما رحت وجيت
|
اقتباس:
|
اخى الكريم اولا ان شاء الله التعيين سيتم من غير المعيدين ودا فاكس تقريبا بتاريخ 3/6 وصل الجامعات دا مش بس استبعاد المعيدين دا كمان فى احتمال استبعاد المؤمن عليهم بس فيه بطىء فى الجامعات دا طبيبعى لتناقد تصريحات الوزير اما بالنسبة للاسماء ان شاء الله سيتم عرضها كامله فى موقع اكاديمية البحث العلمى خلال الاسبوعين الجايين وهتنزل استمارة ابلكيشن تملا فيها رغباتك فى اماكن التعيين والله اعلم
انا رحت وشفت الاسماء اللى اتبعتت فى الكشف بنفسى فى الجامعه واسمى مش موجود فيهم وقالى انهم طالبين بالمعيدين انا شفته بنفسى فيه 5معيدين مبعوتين ومكتوب قدامهم تم تعيينهم انا مش عارف اعمل ايه انا شفت الكشف بنفسى ومش عارف اشتكى لمين ولا اعرف الخبر الصح من فين احنا الظاهر متغيرناش وقاعدين زى ما احنا بل ممكن نكون رجعنا للخلف يعنى ايه قرار يطلع وميتنفذش |
اقتباس:
|
طيب دلوقتي
اختي طالعة الرابعة على الدفعة 2010 وهى شغالة و مؤمن عليها وسوف ينتهى عقدها يوم30/8 تسأل فى اى مكان عن استبعاد المؤمن عليهم علشان لو فعلا سوف يستبعدوهم تقدم استقالتها ولو قدمت استقالتها ممكن برده يستبعدوها بسبب انها كانت شغاله وقت نزول الاعلان لو تعرف هى تسأل فين ممكن ترد عليا مع العلم ان كليتها متعرفش حاجة |
الاخوة الاعزاء لقد تقابلت مع الاستاذ /علاء القهوجى الصحفى بجريدة الدستور وتحدثت معه عن موضوعنا وكتبه امامى وسوف ينشر فى الجريده فتابعوا المقال وحددت لعه المطالب وهى تعيينا فى الجامعات او مراكز البحوث او الجامعات الخاصه وليس اداريين وعندما قلت له الوزير قال استبعاد المؤمن عليه قال(لا لائحيا ولا قانونيا)يقدر يعمله لان الناس هتعمل ايه هتقعد عطله من2003 االمعروف لما بيجى لك الوظيفه فى الجامعه بتتنقل من المكان اللى انت فيه على كادر الجامعه وبنفس الرقم التامينىوقد قمت بالاتصال بالاستاذ شمس ويعمل فى مكتب الوزير وسالته عن التعيينات قال لسه الموضوع هياخد شويه يعنى شهر لانى لسه فيه جامعات مبعتتش قلتله له هيتعينوا معيدين ولا اداريين قال حسب الاحتياجات قلتله طيب هل الوزير اخد قرار باستبعاد المؤمن عليه قال همه كانوا بيتكلموا فى الموضوع ده يعنى بغرض يعنى اللى مش بيشتغل بس لسه مخدوش قرار بخصوصه قلتله طيب افرض واحد شغال ومؤمن عليه هتضييع عليه الوظيفه قلى لحد دلوقتى الملامح لسه مش بينه ومفيش قرار اتاخد بخصوصه ده كان نص المكالمه منقول لافادة
|
اقتباس:
[جزاك الله كل خير |
لا الله الا الله
|
السلام عليكم ورحمة الله وبركاته
أخوكم معتز عبدالكريم عبدالرازق كلية خدمة اجتماعيه جامعة جنوب الوادى العاشر على الدفعه خريج 2010 نفسى أعرف موضوع المؤمن عليه خلاص كده هيستبعدوه والا لسه عشان موضوع الاستبعتد لا يجوز قانونيا أو لائحيا(الليحه) فياريت حد يفيدنى بخصوص هذا الموضوع ولكم جزيل الشكر أخوكم معتز عبدالكريم |
على فكرة انا رحت النهاردة ادارة الجامعة في اسكندرية وسألت هناك لكنهم لم يفيدوني بشئ وقالولي لو عايز تتأكد من حكاية المؤمن عليهم روح واسأل في الجهاز المركزي للتنظيم والادارة اللي في مدينة نصر
فياريت لو حد من القاهرة وقريب من المكان ده ويروح ويسأل لان دي فائدة للجميع وجزاكم الله كل خير والله المستعان |
يارب الفرج قريب
|
بالتوفيق للجميع
|
السلام عليكم
على فكرة يا جماعة الموضوع مهم بجد ومصلحة للجميع فيا ريت اللى ساكن فى القاهرة او فى اى مكان قريب من الجهاز المركزى للتنظيم و الاداره يروح ويسأل عن المؤمن عليهم ممكن يستبعدوهم ولا لأ علشان لو فى حاجة ممكن نعملها قبل فوات الاوان لان الوقت بيجرى بسرعة وزى ما قلت فى الاول ان دى مصلحة لينا كلنا وجزاكم الله خيراً ...................... و الله المستعان |
السلام عليكم ورحمة الله وبركاته
وآسف لانقطاعي الفترة الماضية بسبب تواجدي بالفيوم في منطقة لاتتوفر فيها خدمة الانترنت وسعيد بكل من سأل عني الفترة السابقة وأسعد بتواصلي معكم |
يارب يكون فيه اخبار جديدة ..... تطمن
|
| جميع الأوقات بتوقيت GMT +2. الساعة الآن 06:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.