هو ممكن يكون التحويل متاح .... لكن اعتقد انى باب التحويلات قفلت عشان تنظيم الطلاب واجرائات القيد على قاعدة البيانات وحفظها فى شئون كل كلية وهكذا ...فاعتقد استفسرى احسن من المكان المطلوب التحويل الية وهو هيفيديوكى اكتر فى الحكاية دة

انا جالى اداب انتساب عين شمس ممكن احول انتظام مع العلم ان انتظام مجموعها اكبر من مجموعى 8 درجات وفى اى مصاريف ممكن ادفعها علشان التحويل دة ولا اية

انا طالبه مغتربه واخدت شهادتي من السوعديه وكنت جايبه 99 وبقت 94 بسبب المعادله

وجاتلي كليه اداب اسكندريه

وانا كنت عايزة السن لاني بحب الياباني جدا

بس مجبتش مجموعها

وعرفت ان اداب القاهره فيها قسم ياباني

انا هعمل تاجيل سنه لظروف اني مش هقدر انل مصر السنادي

فالسنه الجيه نفسي اعمل تحويل للقاهره وادخل قسم ياباني

وانا واخده لغه اجنبيه واحده انجليزي ودرجاتي فيه كامله

وانا علمي

بالمؤهلات الي معايا استوفيت شروط قسم ياباني ؟ هينفع ادخله يعني

واسفه اني طولت

انا اداب انتساب اسماعيليه وكنت عايزه ادخل قسم جغرافيا شعبة مساحه وخرائط وصحباتى مخوفانى منها علشان دى عايزة ولاد ومش تنفع للبنات اوى لانك ممكن تباتى بره وكده وانا لسه مش عارفه طبيعة الدراسه والعمل ياريت حضرتك تفيدنى وهل لو ممكن من الشعبه دى اشتغل مدرسه برده

لا طبعا ... لان درجة الانتظام اعلى من مجموعك ...... الحل الوحيد هو انك تجيبى التقدير المطلوب فى سنة اولى وتحولى انتظام

هو حاليا كلية الاداب بقت فى شروط لكل قسم ... بالذات اقسام اللغات ... وبصراحة هما كل سنة بيطلعوا عين الطلبة فى اقسام اللغات ... يعنى انا مثلا كان نفسى اخش قسم ايطالى بس مجاش عشام مجموع اللغات و المجموع الكلى ودرجة الايطالى ........ يعنى بس انا شايف انى مجموعك كويس ولو كنتى قدمتى اداب القاهرة كان هيجيلك يابانى ... وانشاءالله لو هتقدمى السنة الجاية يجيلك برضو ...بالتوفيق

انا اداب القاهرة قسم جغرافيا .. وبالعكس يمكن قسم خرائط دة احسن من قسم جغرافيا عامة ..لان فرص الشغل بتكون اكبر واكبر .. ومجال كويس جدا ... وبعدين عادى لو مثلا طبيعة الشغل مش هتناسبك كبنوتة وكدة ... ممكن تشتغلى فى مجال الجغرافيا العامة ... او ممكن تكونى مدرسة .. عادى جدا ...

سؤال
 

بس انا الدوله الي درست فيها السوعديه اخدت لغه انجليزيه بس يعني مختش لغه اجنبيه تانيه وانا علمي

يعني يقبلوني عادي وانا علمي وبلغه انجليزيه بس

هو كليه اداب اسكندريه بالساعات المعتمده وينفع اجئل من دلوقتي ولا لا

معلش انا كان عندى استفسار
انا دلوقتى فى اولى اداب اجتماع بس انا مش عارفة اكمل فيها لانى مش ليا فى الحفظ
فهل ينفع انى احول السنة اللى جاية تجارة؟؟؟ مع العلم انى مجموعى مش جابها السنة دى

السلام عليكم ورحمه الله وبركاته

انا عايز أبقى كاتب قصص أطفال وأفلام أطفال
و عايز أعرف أدخل كلية إيه

سبحانك اللهم وبحمدك أشهد أن لا إله إلا أنت أستغفرك وأتوب إليك
السلام عليكم ورحمه الله وبركاته

كنت عايزة اعرف قسم اداب علم نفس كلية البنات جامعة عين شمس فيه انتظام و انتساب و لا انتظام بس ....... و لما تتخرج بيكتب فى الشهادة اداب انتظام او انتساب و لا مش بيكتب