ومفيش صحيح لبس معين دة انتى بتلبسى لبس معين دى بقا فى شهر التدريب الصيفي يعنى لو فنادق بتلبسى لبس زى البدلة بالنسبة للولد بس بنات معرفش بيلبسو اية اما بقا لو درسات فى مادة فى سنة تالتة بتلبسى فيها لبس مضيفة وانتى راحة الجامعه فاهما
بس وارشاد ملوش لبس

انا كان قصدى اللبس فى الانترفيو

لا البس طقم شيك يعنى تبقى منسقة فى الواناتك وكدة لازم تبانى انك بنت شيك عشان تاخدى درجة لانهم فى الورقة حطين 30 درجة على الشكل والشخصية يعنى اسلوبك فى الكلام

اه
طب انا اسمى نرمين
يعنى اروح يوم ايه اجيب من جامعة القاهرة زى انتى ما قلتيلى فوق
وحرف النون يوم الخميس يعنى اروح يوم الخميس اعمل الخطوات اللى قلتيلى عليها فوق ولا ايه

لو سمحتو حد يرد عليا
طب انزل بكره ولا لا

والله يا نرمين للأسف انا ماعرفش :(

المسألة مش مستاهلة القلق ده كله با نرمين ولو اتصلتى بالكلية لكان أفضل .

انا خلصت الثانوى العام
وامتحان القدرات بتاعى يوم الاربعاء
ومش عارف اعمل ايه
ممكن اعرف ايه الاسئله الى بتتسأل للطلبه الى بتختار قسم ارشاد سياحى
وانا سمعت ان لازم رقم الجلوس يكون مع الطالب بس هوا ضايع منى..ايه العمل
وياريت يا جماعه الى راح مايبخلش عليا بالمعلومات
يارب تردوا بسرعه مافضلش غير يوم
وربنا يكرم الى يرد عليا يارب

طيب ممكن تقول الرقم

يا سلام بس كدة ,,

ده رقم كلية السياحة جامعة حلوان : 3647729 او 3681838 والرقم ده من موقع الكلية نفسه

واى حد عايز رقم كلية السياحة اللى فى الجامعة بتاعته يدخل على موقع الكلية عالنت من جوجل او غيره او يدخل على http://www.140online.com/ - دليل التليفونات المصرى

الف شكر يا باشا
بس ممكن تجاوبلى على الاسئلة الة فى المشاركة الى قبل دى:)

الاسئلة بتبقى سهلة جدا , يعنى ممكن تتسأل فى العواصم والاثار والاماكن السياحية وبما انك عايز ارشاد يبقى لازم تكون واخد فكرة كدة عن التاريخ وكمان ممكن يسألك اسئلة جانبية يعنى انت دخلت الكلية دى ليه وكمان شوية اسئلة سهلة بالانجليزى بس بتعدى يعنى .

اهم حاجة انك تحسس اللى بيسألك انك وائق فى نفسك وكمان ياريت يكون المظهر العام كويس .

السلام عليكم انا ادبى وجيبة 83.8 ونفسى اخوش دراسات سياحية حلوان وانا من بنها وهى اقرب واحدة ليه تقريبا المنوفية وانا مرحلة اولة ونفسى اخوش فى حلوان بس معرفش هعرف اخوش ولة لا ف بقا اثناء الرغبات اكتب الكلية القريبة ولة الكلية الى انا عاوزاها بم انى مرحلة اولة ولة اية لوسمحت تعرفنى ومش تبخل عنى بالمعلومات جزاك الله خيرا

ان شاء الله تلحقى سياحة وفنادق , وبالنسبة للرغبات اكتبى سياحة وفنادق حلوان اول رغبة لو انتى عايزاها ولو برنامج التنسيق عالنت قالك """ خطأ توزيع جغرافى """ يبقى لازم تكتبى اقرب جامعات من مكان اقامتك اللى فيها سياحة وفنادق وبعد كدة ليكى الحرية انك تكتبى الجامعات اللى انتى عايزاها .

بس انتى شكلك هتدخلى المنوفية عشان قريبة منك وكمان علطول بتاخد من مجموع قليل ,, بالتوفيق

لالالالالا منوفية وحشة انا عاوز يامنما حلوان ياما اسماعلية