|
دى بئه المواد الى هدرسها السنادى ياريت لو ف اختلاف بينها وبين مواد الازهر اعرف :) الترم الاول رياضه -1 ميكانيكا( استاتيكا) -2 فيزياء -3 لغه انجليزيه -4 رسم هندسى -5 برمجه حاسبات -6 لانى لاحظت ان ف اماكن بتختلف عن بعضها ف المواد |
هو انت روحت فين بالظبط
عشان ابقى عارف بس دى حلوه ولا .... برمجه حاسبات -6 دى اللى غريبه مش فاكر بقى مكانها ايه عندنا اللى لسه طالعين من اعدادى يفكرونا بقى ويااااااارب بالتوفيق |
بصى يا سالى انتى لازم تفتخرى انك هتكونى eng وكمان حاولى تتعودى عليها لحد ما ربنا يكرمك وتكملى وتبقى اكبر دكتوره فى الهندسه يا رب ربنا يوفقك
والله يا بشمهندس الزعيم انا بحاول انسى العماره خالص بس هى ال ورايا ورايا اعمل ايه امبارح لسه جايلى فرصه للتحويل بس طبعا اترفضت رفضا تام وبعدين بلاش تعقد سالى سيب البنت دى لسه داخله وبتقول يا هادى يلاش نحبطها ونقولها كفايه النجاح والكلام ده ربنا يوفقها والله مشكلهع النوم دى معايا مشكله مستديمه على طول انا دايما ببقى هموت وانام فى المحاضره وبعد ما تخلص افوق واحاول افهمها ليه ما تعرفش |
مبروك يا بشمهندس رفاعى والله تعدين كويسه جدا انا اعرف مهندس ميكانيكا دايما يقولى ان بترول دى اسم على الفاضى وخلاص وده عنده حوالى 50 سنه يعنى عارف هو بيقول ايه
والله مصر بلد اليمقراطيه والواسطه والواسطه دى اكتر شويه يا رب تكون فاهمنى |
ايوه صح دى المواد ال كنا بندرسها فى الترم الاول بس تقريبا برمجه الحاسب دى كان اسمها عندنا مقدمه فى الحاسب الالى وبعدين يا بشمهندس رفاعى انت لحقت تنسى دا انت لسه جديد
|
جديد ايه بس
انا كنت بفتكر السنه اللى فاتت بالعافيه اه فعلا كان اسمه مقدمه فى الحاسب الالى كان كتاب ازرق كده وخدنا فيه الماتلاب صح انتوا عارفين بقى المشاغل بتنسى |
يا عينى يا عينى على المشاغل مناجم دهب بقى وبتاع ماشى يا عم
بس بجد ماشاء الله بتشرح كويس فعلا اه خدنا الماتلاب |
طب والله كويس
عندى ذاكره برضه لسه فاكر ودهب ايه بس ياياسمين دا احنا مخدناش حتى طوب لحد دلوقتى |
اقتباس:
روحت هندسه 15 مايو ,, بس بعد ماروحت اكتشفت انه مفيش كهربا ,, فهضطر احول بعد سنه الاعدادى,, ان شاء الله ,, يعنى ف الاغلب هروح اكتوبر,, ,, ربنا يسهل,, |
انا اعرف ناس كتييير فى 15مايو
وان شاء الله رايح بكره اسلم على الناس دى بس طبعا كلهم فى تانيه انا اساسا فى حلوان وانت كده جنبى عموما ربنا يوفقك |
اقتباس:
وانا اعرف ناس كتير هناك رايحين معايا ربنا يسهل ويعدى السنادى ع خير ,, لانها اول سنه ,, ,, ربنا يكرمك ,, بالتوفيق للجميع |
السلام عليكم انا اخوكم مؤمن وان شاء الله داخل اعدادى هندسه بس لما روحت الكليه لقيت ان مفيش حاجه خالص لاعدادى الاسبوع ده فياريت حد يفيدنا ويقولنا الجدول هاينزل امتى وهانبدأ محاضرات امتى تقبلو مرورى |
طوب ايه بس يا بشمهندس ما تخافش يا عم احنا مش بنحسد وربنا يوفقك
اهلا بيك يا بشمهندس مؤمن نورت التوبيك وكمان الكليه عادى يا هندسه مفيش مشاكل اول اسبوع ما بيكونش فيه دراسه بس ان شاء الله تنتظم الاسبوع الجاى والسكاشن الاسبوع ال بعده ومره تانيه اهلا بيك ويا ريت تفضل مستمر معانا على طول واى سؤال احنا تحت امرك |
السلام عليكم ورحمه الله وبركاته لو سمحتوا يا جماعه انا عايزا اعرف الادوات المطلوبه للكليه كمان تكاليفها وياريت اعرف المطلوب بالضبط بحيث انى اشتريهم مره واحده انا الحقيقه مش عارفا القسم الى ممكن ادخله بعد الاعدادى ممكن كهربا ..او عماره لسه مقررتش |
اولا اهلابيك يا اختى معانا
ثانيا بالنسبه للادوات الكتور هيقعد يقول حاجات كتير وسنون مش عارفه ايه واقلام مش عارفه ايه واساتيك ايه سيبكم من الكلام ده والله انا هقولكم الادوات ال مطلوبه بالظبط وال انا احتاجتها طول السنه 1- مسطره حرف تى 80 او 100 حسب طولك بقى علشان ما تحتاسيش بيها هههه تكون المسطره روترينج لانها افضل نوع 2- برجلين واحد تلاتينى ستينى والتانى 45 ويا ربت يكونو شفافين الماركه سمير وعلى بلاش روترنج روترينج لونه اصفر مش حلو وما يكونوش مدرجين او مشطوفين 3- هتحتاجى برجلين واحد بسن وقلم والتانى بسنين واسمه ديفيدر انا اشتريت علبه مش غاليه قوى كانت ب50 جنبه تقريبا بس بصراحه فادتنى 4- قلم سنون مش لازم اتنين اشترى واحد 7 مللى وخققى خطك او تتقليه حسب الحاجه يا ريت يكون القلم روترينج لانه نظيف 5- استيكه نوع نظيف مش لازم الصابونه والكلام الفاضى ده النوع ال انتى متعوده عليه فى نوع اسمه ميلان او استيودنت 6- فوطه صفره زى بتاع العربيات علشان نظافه اللوحه 7- يا ريت يكون معاكى رول وده علشان تحطى فيه اللوح ومش تتبهدل منك وجراب بيتحط فيه الرول وال مسطره لونه اسود كده ودا مش غالى تقريبا ب 5 جنيه بس تقريبا هى دى الادوات بانسبه للتكلفه دا على حسب المكان ال هتجيبى منه لو هتجيبى من مكتبه سمير وعلى هتتطلع ب300 جنيه ولو هتجيبى من الفجاله ودا افضل هتقف عليكم ب120 جنيه اه صحيح اشترى بالمره كراسه كانسن صغيره علشان الوصفيه وكمان 2 كشكون تفصيل كبير علشان الورش والوصفيه هتحتاجيهم جبيهم معاكى علشان المواصلات والوش ده يعنى يالمره علشان الشحططه |
الله عليكى يا ياسمين
جبتى من الاخر الدكتور هيعد يلت ويعجن فى طلبات غبيه كده عاوز الناس تشترى البراجل كلها مع ان ملهاش لزمه وعاوز سنون bb ومش فاكر التانيه كانت ايه هو hb ربنا يخلهولنا ونخفف ونتقل على حسب الحاجه وطبعا ياعنى كلنا هنروح نلاقى الصاله بتاعه الرسم مردومه بالتراب وطبيعى واحنا بنرسم هتتوسخ عشان كده ممكن تشتروا بدره تلك بتاعه الاطفال وتحطوها على اللوحه قبل الرسم خالص اضمن واللى مش هتتوسخ لوحته ميجبهاش بس لازم تتوسخ وخاصه فى الاول والناس محتاسه بقى فى اول كام رسمه كده وطبعا اهلا بكل الوجوه الجديده واخرهم البشمهندس مؤمن والبشمهندسه طالبه القرآن نورتم التوبيك ويارب تبقوا ديما متواجدين ومشاركين وطبعا ياريت كل واحد يعرف نفسه ونبذه عن طمحوته وكده ياعنى كلنا تقريبا عملنا كده وربنا يوفقنا |
يا عم رفاعى الموضوع مش مستاهل بدره ولا حاجه انا ما استعملتهاش ولا المره البتاعه دى اساسا شكلها يضحك التراب هنحله اننا نمسح البرده بالفوطه وبعين منديل مبلل ولا نجيب بدره ولا حاجه دا عن نفسى
السنون انا كنت بستخدم 2b علشان بتبقى حلوه فى التفنيش وكده |
بالنسبه للدخلو كهربه دكتور مهنا دخل من اول محاضره ابشرو وسمعت انه شرح كمان ودكتور شريف باهى دخل وقال ان المحاضره هتكون محاضره ونصف يعنى هتكون 3 ساعات والمحاضره الجايه هيشرح السمار الالوظ
يا بشمهندس جاد طمنى الله يخليك اخبار رسم كهربه ايه بيقوله رسمها رخم وكله تجميع وحاجات غريبه وبعدين انا ما كنتش بحب المسامير دى من السنه ال فاتت يقوم يشرحها اول محاضره ربنا يستر يلا نبدا بدرى ادينى فكره عن الرسم وبالذات المسامير صحييح هنحتاج ادوات تانيه ولا بتاع اعدادى تكفى |
اقتباس:
متشكره اوى ربنا يخليكى |
لا عليه البراجل مش اسمها ديفيدر البرجل ال بسنين هو ال اسمه ديفيدر
مش فاهم تقصدى ايه بالنسبه للاقلام بصى هو قلم اسنان عادى بس بيكون نوع نظيف اسمه روترينج فى بقى 5 مللى وفى 7 مللى وفى 3 مللى وكده هيقعدو يقولولك هاتى التلاته وحطى فى ال 3 مللى اسنان 2h والخمسه hb وال سبعه 2b والوش ده سيبك من الكلام ده كله هو قلم واحد بس ال يريحك جيبيه لان القلم بيكون فى 15 جنيه وفى 24 جنيه فا احسن جيبى واحد مش علشان حاجه بس مش هتحتاجى كل الكلام ده لا طبعا لازم تشترى الاستيكه وتكون نوع نظيف جدا لان دا رسم مش لعب فى استيكه اسمها استيكه قلم ممكن تجيبيها لانها بتول لاماكن الضيقه بس لو مش عايزه عادى انا مش جبتها عن نفسى اه بيقولو على نوع من الاساتيك الصابونه لان شكلها زى الصابونه شويه وكبيره كده بس انا ما حبتهاش لانها وسخت اللوحه معايا مكتبه سمير وعلى دى موجوده فى كل مكان لان لها فروع كتييييييييييير فى فرع عند جنينه مول كده بس بعده بشويه الفجاله اى مكتبه عادى بس خلى بالك من اسم المكتبه علشان لو احتاجتى ترجعى حاجه ما تدوخيش لانها مليانه مكاتب وربنا يوفقك اسئله كتير ايه يا بنتى ولا اسئله ولا حاجه احنا هنا علشان نساعد بعض وبعدين انتى لسه ما تعرفنيش اسئلى الموجودين دا انا مش ببطل اسئله ههههههههه دول خلاص قربو يطفشو منى لا عادى ولا يهمك اسالى انتى بس على ال انتى عيزاه وما يهمكيش وشكرا على مرورك ويا رب الاستمرار معانا على طول |
السلام عليكم انا البشمهندس عمرو
من الدقهلية بهنى جميع الموجودين وعلى راسهم البشمهندسة ياسمين واتمنى نكون اصدقاء انا السنة دى فى اعدادى بالقاهرة |
وعليكم السلام ورحمه الله وبركاته
اهلا بيك يا بشمهندس عمرو اخ لينا ويا ريب تفضل مستمر معانا على طول وشكرا ليك على التهنا طبعا انتم مجرد دخولك بقيت صديق لينا طب كويس يعنى معاك ناس كتير موجودين هنا ال ادك وال اكبر منك ومره تانيه اهلا بيك |
بسم الله الرحمن الرحيم اقتباس:
هاتيها 80 ، 100 هاتعذبك في الشيل وفي الرسم اسأليني أنا :blush: اقتباس:
وعلى فكرة أنا كنت شغال بروترينج عشرة على عشرة، ومشطوف وبينفع في التهشير وبعدين المستحيل ليس ألمانياً برضه :d اقتباس:
أنا كنت شغال بقلمين 5 مللي، واحد 2h للرسم والتاني hb للتفنيش زي ما بيقول الكتاب :078111rg3: اقتباس:
فعلاً البودرة بتفرق جداً في نظافة اللوحة اقتباس:
حلو :angry2::angry2: |
شكرا على التصحيح بس اكيد هى فهمت قصدى يعنى بانسبه للمثلثات هى لسه فى الاول والمشطوف هيلبخها فى الرسم لانه بينزل تحت المسطره وكمان اظن ان الدكتور بينبه على الموضوع دع بلاش مشطوف او مدرج بالنسبه للنهشير دا فى اخر السنه وممكن تبقى تهشر ب ارسطو او تعمل المثلث ال 45 بالبرجل
يا بشمهندس بلاش نمخول الناس دول لسه فى الاول صحيح نسيت اقولك يا بشمهندس على المثلث الارسطو دا مهم جدا فى الوصفيه شكرا يا بشمهندس على الافاده والتذكير بانسبه للبدره دى حاجه حسب الرغبه يعنى لو حست انها محتاجها تجيبها انا عن نفسى ما استخدمتهاش ولا مره وبعدين بتبهدل اللوحه بعد التفنيش دا عن نفسى واظن ان موضوع البدره ده مش مهم اننا نقولها عليه ونعمل منه موضوع ولا ايه |
بسم الله الرحمن الرحيم اقتباس:
خلاص يا جماعة، اللي بيمخول يبطل عشان الناس دول لسه في الأول اقتباس:
طيب في إيه حسب الرغبة ولو محتاجاها تجيبها، وفي إيه مش مهم نقولها عليه ونعمل منه موضوع !! وبعدين هي سألت سؤال وأنا عشان شايف إنها مهمة وكانت بتفرق معايا في نضافة اللوحة قلتلها عليها بس آه صحيح ياترى لو عملنا من البودرة موضوع هيكون في منتدى إيه ؟ |
اظن ان السواء كان ايه هى الادوات المطلوبه واظن ان البدره مش من الادوات
وان كان حضرتك بتتريق فعادى لو عايز تعمل موضوع عن البدره روح اعمله فى قسم الاطفال عند شركه بمبرز |
بسم الله الرحمن الرحيم مش عارف والله يا بشمهندسة ياسمين إنتي مكبرة الموضوع ليه ؟!! عادي كل واحد قال اللي عنده وهي حرة تستخدم اللي هي عايزاه مش عارف ليه حاسس إنك زعلانة العملية بسيطة خالص |
انا مش مكبره حاجه والموضوع مش مستاهل وموضوع تافه قوى على ايه مش عارفه كل الكلام ده
وبعدين انا مش زعلانه ازعل ليه |
بسم الله الرحمن الرحيم طيب الحمد لله كنت عايز أسألك صحيح د.مهنى ود.شريف دخلوا شرحوا عند البنات ولا البنين ؟ وهايعيدوا اللي شرحوه تاني ولا لأ وبعدين هو فيه حد حضرلهم في أول أسبوع !! |
هم دخلو عند البنات انا معرفش دخلو عند الولاد ولا لا
دكتور مهنا هو بس ال شرح لكن دكتور شريف لا ما شرحش بس ما اظنش ان الدكتور مهنا هيعيد حاجه دا ال انا اعتقده معرفش بس ال حضرو كتبو المحاضره ممكن ابقى اكتب على التوبيك ال محاضره اه طبعا فى ناس حضرت اصل عندنا شويه بنات ملتزمين قوى بيرحو الجامعه كل يوم حتى يوم الاجازه مش عارفه ايه ده حاجه تخنق بس ما اظنش ان الولاد ممكن يكونو حضر منهم كتير اصل الولاد دماغهم عاليه مش زى الفاضيين بتوعنا بس اهم بينفعو |
ايه الحقد ده بقى يا ياسمين انا مكنتش من الناس اللى بيحضروا ولا حاجه ولكنى كنت بعشق محاضرات مهنا عشان كدا مكنتش بفوت ليه محاضره
وكان طبعا احضر للدكتور اسماعيل رسم هندسى بس الكلام ده فى اعدادى لكن السنه دى بقى الدكتور شريف بيدينى رسم ميكانيكى مش هندسى والحجات دى مش عندكم والدكتور عاطف بيدينى رياضه مكان مهنى بس عاطف ده ايه حاجه تمام بيسقط الناس حاجه احلى من مهنى كدا |
اقتباس:
|
الدمرداش
كفااااااااااااااااااااااااااااااااااره انت رجعت من الحجاز امتى انت بقالك قرووون مش هنا خالص عموما اهلا برجوعك بس ياريت الاستمرار بقى ايه ياجماعه عملتوا موضوع من مفيش بلاها بدره خالص بس بجد ياياسمين انا عاوزك تروحى صاله عماره واتفرجى عليها اللوحه اساسا لازم تتوسخ مهما تعملى شكل الصاله عندكم نظيفه وانا بالنسبالى البدره كانت مهمه جدا فى الاول لكن بعد كده خلاص بقى والف شكر فعلا ارسطو ازاى يتنسي انا كنت بعمل بيه كل حاجه انا فاكر مره روحت وكنت نسيت اخد الادوات ومكنتش فاكر خالص ان فى رسم فى اليوم ده بس الجيش قالك اتصرف خت برجل من واحد صاحبى ورسمت الرسمه كلها بارسطو والحمد لله خلصت معاهم وكل حاجه تمام ياعنى للى اشتغل كتير ممكن يرمى حرف التى دى خالص وطبعا بالنسبه للرسم الميكانيكى مهم جدا محاضره المسامير دى معاكم لاخر الترم لازم تعرفوا تتقنوووووووووووووووهااااااااااااا انا فاكر كنت بعملها بحته فبركه كده اما افتكرها هاقولهالكم ان شاء الله بعد كده طبعا هتاخدوا حتت مكسره وانتم تصلحوها ههههههههه قصدى حتت مفككه وانتم تركبوها وكل واحد يفطن بقى ياترى دى هنا ولا هنا وياسلام بقى كان الدكتور بيجيبلنا ورق تصويره زباله كنا بنتعمى عشان الابعاد وان شاء الله موضوع الرسم ده افتكروا وان شاء الله هتكلم فيه بالتفصيييل وطبعا احب اختم بالسلام والتحيه لاهل الدقهليه كلها اهلا بيك يابشمهندس عمرو نورتنا ويارب تبقى دايما منورنا على طول يعنى مشاركاتك معانا |
اقتباس:
متشكره اوى يا بشمهندسه ياسمين ربنا يخليكى ومتاسفه على سوء التفاهم الى حصل بسببى جزاكى الله خيرا |
اقتباس:
اه فعلا دكتور مهنا كان كويس بس فى الترم الاول لكن الترم التانى مش عارفه ايه ال حصله كان بيقرأ من الكتاب مش عارفه ليه بس يمكن علشان البنات كانت منرفزاه بصراحه انا كنت بموت فى محاضره الرسم فكنت بحضر المحاضرتين للدكتور اسماعيل وللدكتور شريف ومره كمان ادانا دكتور اسمه تامر بس ما حبتش شرحه خالص يمكن لانى مش متعوده على شرحه ربنا يطمنك يا بشمهندس والله بالنسبه للدكتور شريف يعنى المحاضره مش 3 ساعات طب كويس |
يلا واحنا مستنيينك يا بشمهندس رفاعى علشان تعلمنا الفبركه زى اعدادى
خلاص يا جماعه اكيد كلنا رجعين الجامعه ان شاء الله بقى نتقابل اخر الاسبوع ونشوف ايع ال حصل فى المحروبه سلام وشدو حيلكم من الاول مده علشان ان شاء الله تبقى سنه سعيده علينا ةاخرها يبقى تمام مش قلق من النتيجه يلا بلاش رغى سلاااام |
لا شكر على واجب يا طالبه القران احنا فى الخدمه ومفيش سوء فهم ولا حاجه دا عادى جدا مجرد نقاش بس وخلاص الحمد لله خلص واى حاجه عيزاها انا معاكى فى الكليه انزلى اسالى عليه تحت وانا تحت امرك
|
بس اعدادى مفبركتش فيها
غير قليييييييل فى الرسم اما احس ان الرسمه فيها حاجه غلط كنت بتصرف انا الجيش قال ايه ؟؟؟؟ |
انا اسف يجماعة على عدم المشاركة بس كانت عندى ظروف صعبة ولسه فايق منها المهم انا ماروحتش الكلية لحد الان ومش هقدر افيد حد اووى بالنسبة للرسم هو سهل جدا وهتشوفوا بنفسكم الفرق بين اعدادى واولى اهم حاجة فعلا المسمار المسمار المسمار المسمار سلام لانى بجد تعبان |
الف سلامه عليك يابشمهندس
وربنا يعدى الظروف على خير |
السلام عليكم ورحمه الله وبركاته ازيكم يا بشمهندين ويا بشمهندسات وعاملين ايه كل سنه وانتم طيبين بمناسبه الدراسه والبدايه ويارب تبقى سنه سعيده كده على الناس كلها وكلها خير يارب ازيك يا بشمهندس رفاعى والف سلامه على البشمهندس الزعيم لا فوق وارجع تانى لنشاطك زى زمان كده وكل مهندسين ف التوبيك انا ف كهربا الحمد لله مع ياسمين بس ايه حساها صعبه شويه والدكاتره يالا ربنا معانا يعنى عندنا دكتور مهنى بيدينا دواير ودكتور شريف رسم ودكتور المجالات اسمه دكتور علوان تقريبا وبرمجه دكتور حمدى عبدالحليم برمجه ياريت اى حد يعرف حاجه عن القسم يفيدنا يا جماعه او عن الدكاتره والنظام وكده واسفه انى طولت عليكم يالا سلام |
وعليكم السلام ورحمه الله وبركاته
الحمد لله انا تمام وربنا يرجعلنا الزعيم بالسلامه لانه هو اكتر واحد هايعرف يفيدكم ياعنى عشان كلكم متكهربين |
السلام عليكم اهلا بيكى بشمهندسة نور الحياة نورتى قسم كهربا انتى والبشمهندسة ياسمين معلش هتحسوا بصعوبة شوية فى اول السنة بس ان شاء الله هتلاقوها سهلة بالنسبة للدكاترة الدكتور مهنى احضرى كل محاضراته واكتبى وراه كويس وباذن الله هتلاقوا الامتحان مش هيخرج كتير عن اللى هيقولوه معلش مادة الدوائر هتلاقوها شديدة شوية بس اللى هتخدوه الترم الاول كله هيتلم ليكم فى اول محاضرة من الترم التانى بالنسبة للدكتور علون قولوا ربنا يستر لانوا لسه راجع للقسم واول مرة اشوفه كان فى امتحان الشفوى السنة اللى فاتت فبصراحة معرفش عنو حاجة بالنسبة للدكتور حمدى انا هقول معاكم ربنا يستر لانو اول سنة هيدنا السنة دى وقال كلمتين صعبين فى اول محاضرة بس بصراحة هيفيدكم جامد والمادة دى جميلة هتحسوا انها لعبة حلوة بصوا مهم جدا تعرفوا نظام الدكتور فى القسم بتاعنا بالذات وانا باذن الله هبقى اقول ليكم حاجات بس مش دلوقتى مكدبش عليكم انتوا هتسدفيوا بس هتتعبوا ! ربنا معانا |
ربنا يكرمك ياعمى رفاعى الحمد لله اخبار السنة الجديدة معاك ايه؟ |
اقتباس:
صحيح يا بشمهندس رفاعى ايه الجيش ده مش فهمه |
ساره ازيك ايوه كده ارجعى نورى التوبيك تانى وكويس انك اتكلمتى على الدكاتره بس طبعا نسيتى تتكلمى عن اهم واحد فى المنطقه دكتور عبد ربه السنارى بتاع الرياضه مش عارفه والله يا جماعه الدكتور ده جاى منين من كوكب اخر دا بيشرح لوحده كده مش عارفه بلاش نغلط المهم انى مش عارفه ايه اخبار الرياضه السنه دى فى الرياضه شكلها هتبقى ماده الموسم مع دكتور عبد ربه ما علينا ربنا يستر
ايه ده هو ال دوائر ماده ممتده ولا ايه يعنى مش هنمتحنها ترم اول ولا ايه بصراحه اكتر ماده حبتها هى الدواير حلوه بتشغل المخ بالنسبه للدكتور محمود علوانى محدش عارف نظامه وكمان الماده مش باين لها معالم يا ريت تعرفونا نظامها ايه وكمان ايه هى المواد ال هنمتحنها فى الترم الاول وكمان دكتور حمدى نظامه ايه مش ده بتاع الرياضه ال انتم كنتم بتتكلمو عليه وبتقولو انكم مش بتفهمو منه ولا ايه بس بصراحه شكله دكتور كويس ومحترم قوى مش زى ما كنت فاكره بس بيقولو بيجيب امتحان مش حلو ربنا يستر اسفه يا جماعه على كتر الرغى بس كفايه على الشمهندس جاد يعرفنا النظام والبشمهندس رفاعى يعرفنا الرسم ومره تانيه اسفه على كتر الاسئله |
يا ياسمين ممكن طلب لو سمحتى
|
اقتباس:
|
انا ممكن اكلمك ميل يا يسمين ولا على المعوم ده ميلى bb_bb4995 انا فى انتظارك
|
جدول كلية الهندسه اولى اعدادى بنات ازهر ايه ممكن ؟
|
| جميع الأوقات بتوقيت GMT +2. الساعة الآن 09:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.