ممكن سؤال دلوقتى ممكن اخش تجاره انجليزى جامعه جنوب الوادى بحيث ان لو مجموعى اكبر من المطلوب بكتير و الانجليزى 38.5 ممكن؟

للأســف مش هايكــون متاح .. لإن انتا فيه حاجة اسـمها معاييـر تقديم وشروط وحد ادني لكل شرط فيهم

وانت فيه شرط من ضمن الشروط دي انتا ما استوفتوش .. ألا وهو مجموع الانجليش لانه لازم يكون 40

فانتا شد حيلك ان شاء الله في الانجليش كدا وحاول تركز وباذن الله تلتحق بتجارة انجليش وربنا يوفق باذن الله

عندي استفسار صغير

انا سمعت ان في كلية تجارة خاصة في جامعة القاهرة

هل الكلام دا صحيح؟؟؟

أكيد لا طبعاااااااا .. كلام خاطئ جدا

انا علمى رياضة وجيب343.5 وجيب فى الانجلش 42 ممكن الحق تجارة انجلش

تسلم على الموضوع فعلا مميز و شامل بس انا كان عندي سؤال وهو ان مكتوب في موقع عين شمس ان يتم قبول 100 طالب من كل شعبه يعني 400 طالب بس يعني كده احتمال ضعيف جدا اني ادخل صح؟؟ مع اني جايبه ادبي 369.5 + 45.5 + 1.5= 415 و تجاره انجلش السنه ال فاتت كانت من 403 طب اعمل ايه بقى لو ماجتش كمان لو مثلا قدمت على حلوان و القاهره و اتقبلت في واحده فيهم ينفع اعمل حوار التغريب ده و انقل على عين شمس؟ و لو حبيت اقدم خاص اذا ماجتش حاجه عدله حكومه اعمل ايه :excl:
معلش صدعتك:rolleyes:

صعب جداااا .. لان انتا العبرة في دخولك تجارة انجليش انك تكون جايب مجموع تجارة انتظام

وفي نفس الوقت يكون مجموعك الاعتباري من اعلى 700 او 800 طالب على حسب الكلية طالبة كام طالب

انت لو حسبتها هاتلاقي نفسك جايب حوالي 354 واجمع عليهم الـ 40 ونص بتوع الانجليش زائد الـ 2.5 بتوع المستوي هاتلاقي نفسك جايب 397 .. وتحارة انجليش في المجموع الاعتباري غالبا بتاخد اعلى من 400

فعشان كدا بقولك صعب

بكل واقعية وبدون اوهام .. لاء :d

فكك من الكلام اللى ع السايت دا ولا ليه تلاتين لازمة

الناس دي اصلا مابتعملش ابديت للبيانات الا كل 7 سنين !! .. ماحدش بيخش على سايت الكلية دا الا عشان النتيجة وبس

فانتى لاء بالعكس انتى فرصتك ان شاء الله كبيرة وخاصة انك ادبي كمان فمجاميع ادبي بتبقى اقل من العلمي في القبول

فعموما انا شايف انك تقدمي وخشي بقلب جامد كمان وربنا هايوفقك باذن الله ..

حوار التغريب دا ماينفعش خالص في تجارة انجليش .. بمعنى أصح ممنوووووووع ومافيش اي امكانية انك تعمليه

ابعدي عن الخاص خااالص بالذات في محاسبة وادارة اعمال .. الا اذا كانت جامعة الالمانية او الجامعة الامريكية .. غير كدا لاااااء

لتصحيح فقط المعلومة و ليس اكثر :)
هناك قسم فى شعبة اللغة يسمى جامعة جورجيا .. ده قسم زى شعبة اللغة بالظبط .. بس بمصاريف اكتر 4 اضعاف " تقريباً 20 الف " و مجموع اقل .. معرفش المجموع كام .. و ده فقط فى شعبة اللغة ..

و الاستاذ فامبير كلامه صح بالنسبة لكلية تجارة .. و اسمعوا منه ده راجل زى الفل هو السبب فى دخولى تجارة انجليزى القاهرة السنة اللى فاتت ^_^

هههههههههههه حبيبي يا مااااااو .. كل سنة وانت طيب :)

عايز اسأل بس دلوقتي شكلهم رجعوا التنسيق الداخلي دلوقتي لو انا اتقبلت وقدمت في شئون الطلبة نتيجة التنسيق الداخلي دي بتتطلع امتى يعني بتكون الدراسة بدأت ولا لا ولو متقبلتش ينفع التحويل من كلية لتانية اثناء السنة ولا لازم السنة تخلص وشكرا على مجهودك ووقتك

لاء طبعاااااا بتبقى قبل بداية الدراسة

بس ساعات بتتأخر

يعنى مثلا على ما اتذكر في 2008 في جامعة القاهرة نتيجة التنسيق طلعت قبل بداية الدراسة بأسبوع !! ودا كان قمة الهبل بصراحة

طبعا دا مش المعتاد .. بس الطبيعي انها بتظهر قبل الدراسة باسبوعين او تلات اسابيع

المشكلة ان ساعتها بيكون باب التحويلات اتقفل في التنسيق لان نتيجة التنسيق الداخلي بتاعة تجارة انجليش بتطلع متأخر وهيا دي رخامتها

بص يا عزيزي .. من الاخر كدا التقديم لتجارة انجليش بيكون فيه ريسك عالى شوية

فانا مش عايزك تحط في دماغك مبدأ يا تجارة انجليش يا اشوفلي كلية تانية

لانك بالطريقة دي بتقفل الباب في وش نفسك

تمام متشكر جدا على ردك بس انا هسألك سؤال تاني معلش دلوقتي في البنوك ايه الوظائف الي بتكون بعيدة عن التعاملات الربوية علشان سألت وعرفت ان الشغل بس الي مش متعلق بالتعاملات الربوية هو الي مش حرام وانا والله متعرفش انا في حيرة ازاي من اختيار الكلية والايام بتجري ويوم الاربع اخر يوم ومش عارف اعمل ايه