بص تمام انك متفوق حاليا .. ربنا يوفقك واستمر على كده ..
اهم حاجة دلوقت ركز على العربي والانجلش واللغة التانية لان هما مستمرين معاك .. وركز في المواد كلها عموما ..
اما بالنسبة للقصة .. احنا هنعاملها كفلم .. او مسلسل .. حاول تعيش جو القصة .. حاول تتخيل نفسك كنت هناك .. وزاكرها بطريقة سؤال وجواب .. وعلى فكرة القصة بتحب الكتابة كتير .. يعني في الامتحان اكتب كل حاجة عن السؤال .. وفصل كتير .. وحاول تكتب بأسلوب قريب من أسلوب الكاتب .. ومتحفظش بالنص .. لكن اقترب من الاسلوب بتاع الكاتب ..
وحاول تقراها كتير .. حتى كل يوم قبل النوم .. اهم حاجة تكون مرتبط بيها ..
ومتخفش من حاجة .. طول ما انتا بتشتغل هتلاقي نتيجة شغلك بتوفيق ربنا ..

وحزاك الله كل خير ..

السلام عليكم
انا طالبه فى تانيه ثانوى انا الحمدلله متفوق فى دراستى
بس خايفه من ثالثه ثانوى وخايف انى ما احقق حلمى انى اكون مهندسه
وكل ما اقول ان شاء الله احقق مع الجد والاجتهاد وطاعه الله وتوفيق
بفتكر حلمى للى كنت عايزه احقق زمانى كان نفسى ادخله مدرسه. احمدزويل للمتفوقات بس ما اتحقق
بقول لنفسى انى كانت طريقه المذاكره خطا وعدلت منها اوى
بس حاسسه انى فاشله حتى اهلى للى فى البيت بيقولى ان صاحبتى دخل ادبى لانها وخايفه من علمى مع انها اشطر منكى بكتير

وبابا كل مابشوفنى يقولى ان الجامعه الحكوم . مش للى زى دول عايزين وطالبه متفوقين
وكمان تاتا بتقولى انتى ملكيش فى التعليم انتى دخلتى ثانوى ازاى
وديما بتقارنى طالبه فاشله بتعيد السنه

شكرا ليك يادكتور وربنا يوفقك بس البراجراف اعمل فيه اية ؟ ازاي انظم افكاري ومستوايا الحمد لله كويئس في الكلمات والقواعد ؟وبصراحةانا بحب اجيب كذا كتاب في المادةواحله ؟ هل استمر على كدةولا تشتيت؟ وعلفكرة كذا كتاب معايا بيثبت المعلومة بس اوقات يعقدني:d:):blush::blush::blush: وجزاك الله كل الخير على اهتمامك

بصي انا عملت الجدول .. لكن عندي نصيحة .. انتي لو مش مستفيدة من المدرسة بلاش تروحيها .. لان انا شابفها مضيعة وقت الا اذا كان فيه شرح .. واستحيري ربنا قبل اي قرار هتاخديه .. والامر راجعلك .. انا بنصح بس ..

بصي من كلامك كده واضح ان فيه ضغط من اللي حواليكي .. لكن ما عليني .. انا كنت قلت قبل كده حاجة .. اللي هيا كن نفسك .. متفكرش الا في نفسك .. مش قصدي اناني قصدي متقارنش نفسك بحد .. انتا تشتغل على نفسك بس .. سيبك من اللي حواليكي .. على فكرة احمد زويل عند 100 مليار خلية وبل غيتس زيه وفاروق الباز زيه .. وكل البشر كده .. لكن هما عرفوا يستغلوهم ازاي .. فالنظرية في استغلال اللي عندك وتصديقك لحلمك ونفسك ..
حاول تاخدي الموضوع تحدي للي حواليكي .. ومتنتبهيش لكلامهم .. يعني اول متسمعي اي كلمة احباط لازم تقولي في نفسك .. انتو بتقولوا عليا كده .. طيب والله لوريكم انا هعمل ايه .. وحطي في بالك دايما ان المخ واحد .. لكن اللي بيفرق هوا الجهد واستغلال القدرات ..
وفكري دايما في يوم النتيجة .. واهم حاجة انك تكوني عايزة تثبتي للي حواليكي انك غير ما هما فاكرينك ..
واهم حاجة متقارنيش نفسك بحد ..
ربنا يوفقك ويحققلك حلمك ..

وجزاك الله كل خير ..
كزا كتاب كويس .. لكن الطريقة كالاتي انك تخلص كل كتاب بعدين تدخل في التاني .. مش تحل من ده شوية وده شوية .. لأ كده هتشتت افكارك .. وانا ان كنت افضل كتاب او كتابين طول السنة ولنفرض the best و top students بس الاخير مستواه عالي شوية ونادر .. لكن هيفيدك جدا .. وعلى فكرة الكتب كلها بتكرر من بعضها او اغلبها يعني ..
اما البراجراف .. انا عايز منك تحفظ كلمات .. وتحفظ مقدمات ونهايات .. ومن الافضل ان الحاجات دي تكون منك انتا مش حفظ .. لان غالبا المصححين بيعرفوا ان ده حفظ .. فانتا حاول تزبط المقدمة والخاتمة حسب الموضوع .. ولازم تحل مواضيع كتير جدا .. واكتب باسلوب كويس .. واستغل اللي عندك في الامتحان سواء من القطعة او غيرها ممكن تفيدك بحاجة ..
واهم حاجة تحفظ كلمات .. لان فيه طلبة لما ميعرفش الكلمة بيوصفها .. وبالتالي اسلوبه بيكون ركيك جدا .. وهينقص على الموضوع .. واهم حاجة تركز على التعبير جدا .. يعني كل اسبوع خمس مواضيع او اربعة كويس ..
وخلي في تواصل بينك وبين المدرس علشان يقولك غلطك واتعلم منه .. ولازم يتابعك ..
ربنا يوفقك ..

شكرا يا دكتورر
ممكن استفسار ازاى اذاى الانجليزى
انا كل سنه بيجيب سبريز
وطبعا كل المدرسين بيشتغلوا من الملازم
بذاكر منه . وكل اسبوع بكتب برجراف عن اى موضوع وبخلى المستر يعلمه وطبعا الترجمه بحفظ كلامات كتير
بس مع كل د ه لازم انقص درجه او درجتين فى امتحان اخر السنه
وغير كده النحو ده عقدتى بحل كتير لازم اخرج من الامتحان عندى حاجه فى الاعراب خطا

كل اللي اقدر اقوله في النحو انك تحلي كتير جدا .. علشان تتدربي عليه كويس .. وركزي في الاعراب جدا .. وبالنسبة للبراجراف انا جاوبت على الاخ محمد احمد عبد الغفار .. لو استفدتي من الرد كان بها .. ولو مستفدتيش انا موجود اقولك على حاجة غير كده .. لكن هوا ده اللي انا كنت ماشي بيه .. يحتمل الصحة ويحتمل الخطأ ..
ربنا يوفقك

شكرا لحضرتك واناعندي فعلا كتاب توب ستيودنت بس المئستر قال انه كله عقد وكرهني فيه وبالنسبةلموضوع التعبير اقرا ولا اكتب؟وانا اسئف على ازعاجك وشكراجدا جدا:):):):022yb4::022yb4::022yb4::022yb4:

شكرااا يادكتور ربنا يوفقك :d
ممكن استفسار لو ما فى ازعاج لحضرتك
انا عندى كتب فى الانجليزى ل٣ ثانوى انا مسكت اول ٣ units اكمل ولا ما اسبق الاحداث شكرااا لحضرتك

الكتابة اهم لكن مع التصحيح والتعلم من الخطأ .. ولو عايز تقرا اقرا علشان تكتسب اسلوب ومهارة .. حتى لو من خارج الكتاب .. وفيه كتب بتكون عاملة نماذج لمواضيع ممكن تتطلع عليها .. لكن متحفظهاش ..
واما ان توب استيودتنس هوا صعب فعلا .. ومن اسم الكتاب .. احنا بئا عايزين top دي مش عايزين نجاح وخلاص .. فانتا حاول تخليه بعد the best .. وهتعرف قيمته وانتا طالع من اللجنة .. وبرضو كلام مدرس حضرتك ليه الاولوية لانه ادرى بالكتاب وبالمادة ..
دعواتك ..

مش فاهم حضرتك تقصدي ايه

بادعي لحضرتك باتوفيق والنجاح الدائم باذن الله وعموما يادكتور انا جبت الكتاب وبحله وعاجبني اسئئلته ؟ بئس ليا ائستفسار بخصوص الدروس ؟هل من الضروري اروح للمدرئس الخبرة حتى لو شرحه مش اوي مع مدرس بفهممنه ؟ولا اروح للي بفهم منه وخلاص ؟:):):):) وجزاك الله الخير

بص انتا في اختيارك للمدرس بتتوقف على عاملين اللي هما كفاءته ومدى ارتياحك ليه .. وركز على الاخيرة اوي لان ممكن مدرس انتا مش متوافق معاه يكرهك في المادة خصوصا المواد الصعبة .. وبرضه الخبرة ضرورية .. ومتروحش لمدرس بعيد أوي بحيث ياخد منك وقت جامد الا لو هتراجع معاه كام حصة مش طول السنة .. علشان انتا اولى بكل دقيقة في المواصلات .. لكن اهم حاجة يكون المدرس اسلوبه كويس وشرحه كويس والخبرة مش شرط اوي .. اهم حاجة تفهم منه وترتاح معاه ..

بص انتا في اختيارك للمدرس بتتوقف على عاملين اللي هما كفاءته ومدى ارتياحك ليه .. وركز على الاخيرة اوي لان ممكن مدرس انتا مش متوافق معاه يكرهك في المادة خصوصا المواد الصعبة .. وبرضه الخبرة ضرورية .. ومتروحش لمدرس بعيد أوي بحيث ياخد منك وقت جامد الا لو هتراجع معاه كام حصة مش طول السنة .. علشان انتا اولى بكل دقيقة في المواصلات .. لكن اهم حاجة يكون المدرس اسلوبه كويس وشرحه كويس والخبرة مش شرط اوي .. اهم حاجة تفهم منه وترتاح معاه ..