انا عايز اخوش تجاره انجليش جايب 387 و في انجليش 43.5 و 2 مستوي رفيع انجليزي وكل اما اخوش الاقي كليه تجاره بس خايف اكتب رغبه تجاره و اخوش جوه في تنسيق داخلي الاقيني لبست عربي

اقصد جايب 7 في مستوي رفيع انجليزي

يا باشا انتا جايب 94 % !! .. دانتا تخشها وانتا حاطط رجل على رجل

قدم وباذن الله هاتتقبل وابقى قول الراجل دا قال :)

طيب حضرتك مردتش على ردي الاخير انا محتاج الرد ده

معلش والله ماخدتش بالي .. الرد بتاعك كان في الصفحة اللى قبلها

سؤالك اللى انت بتسأله دا نفس السؤال اللى انا كنت دايما بسأله بردو

بص يا سيدي .. لو انتا هاتشتغل في بنك فانتا قدامك تلات فرص

اما انك تشتغل جوا ادارة من ادارات البنك ودي صعبة شوية للي لسه متخرج جديد

او انك تشتغل في الكوول سنتر بتاع البنك

او انك تشتغل في فرع من فروع البنك

بالنسبة للادارات ماقدرش اقولك ان كلها حرام لان انا مش مفتى يعنى في ادارات مثلا مالهاش علاقة اصلا بالتعاملات المصرفية زي الاتش ار والقطاع القانوني والمشروعات الخ الخ

وفيه ادارات تانية كل شغلها اصلا في الفلوس زي الـ corporate banking

وفيه ادارات بقى كل شغلها في الربـا .. بل ان مصدر رزقهم كله الربا اصلا زي الكريديت والتريجاري !!

تيجي تروح مثلا للكول سنتر دا انا شايفه عادي .. انت بترد على تليفونات لو فيه مشكلة بتحلها لو مافيش خلاص .. عميل سألك على معلومة بترد وهكذااا .. فادي مافيهاش مشكلة

تيجي للفرع بقى .. اي فرع في اي بنك في الدنيا بيتقسم لتلات حتت

تيلر - كاستمر سيرفس - باك اوفيس

التيلر بيبقى مسئول عن الكاش .. عميل عايز يسحب فلوس يديله .. عميل عايز يعمل ايداع ياخد منه فلوس ..

باك اوفيس دا بيبقى مسئول عن التحويلات والسويفتات ودفاتر الشيكات والشيكات المصرفية والهولد ميل وحاجات كتيرة كدا ممكن ماتفهمهاش دلوقتى .. المهم من الاخر يعنى بردووو دي مافيهاش حرمانية

الكاستمر سيرفس بقى هيا دي اللى انا شايف ان فيها بعض الشبهه .. لان اللي بيشتغل كاستمر سيرفس بيبقى عليه تارجت معين لازم يحققه على المدي اليومي والاسبوعي وكل دا بيسمع في التقرير الشهري

فانتا بتبقى عايز تبيع .. هاتبيع ايه ؟؟ منتجات البنك اللى هيا الى حد كبير بتبقى فيها حاجات ربوية زي الكريديت كارد و الشهادات والقروض ..

انا اديتك شرح سريع كدا للي جوا البنك .. لو هاتاخد رأيي وبما انى تعاملت جوا الكلام دا فانا شايف ان الباك اوفيس هوا احسن حل ودا اللى الحمدلله ربنا كرمني بيه واشتغلت فيه ..

فامن الاخر كدا ياتشتغل باك اوفيس او تيلر يا تشتغل في اي ادارة مالهاش علاقة بالتعاملات المصرفية

ولا يهمك وانا متشكر جدا لحضرتك ولمجهودك حاجة اخيرة معلش انا اسف تقلت عليك علشان اخد قراري اول حاجة هل المرتبات بتاعت الباك اوفيس بتبقى كويسة والترقية فيها سهلة ومطلوبة في سوق العملوتاني حاجة لو حد مش بيدرس في تجارة وعايز يفهم محاسبة وادارة اعمال وازاي يدير مشروع ةحاجات زي كده هل بيبقى فيه دورات او كورسات بتعمل الشئ ده ولا لازم يكون عنده فكرة من الاول وعايز اقولك في النهاية ربنا يباركلك في عملك ويوصلك للنفسك فيه ان شاء الله

وسؤال كمان معلش هو باب التحويل بيفتح وبيقفل امتى

وحاجة تانية بمناسبة انك شغال في بنك انا سمعت ان ممكن حد حقوق انجليزي ياخد دبلومة بعد الكلية ويشتغل في Markting او HR هل الكلام ده صحيح والمجالين دول كويسين في الشغل وبيتمتعوا بمزايا البنوك

هههههههههه ياسيدي ماتبصش لبعيد اوي كدا .. انجح بس في الكلية الاول وبعد كدا ربنا يوفق

حكاية المرتبات دي مش هاقدر اكلمك فيها واقولك كام لان زي مانتا عارف وهاكون صريح معاك ان في البنوك بالذات ماحدش بيحب يقول كام

بس في نفس الوقت انت كدا كدا بيبقى فيه حاجة اسمها salary grades ..

وطبقا للـ grade اللى انت فيه بتاخد مرتبك على اساسه بصرف النظر بقى انت شغال في ادارة ولا فرع ولا اي حاجة

والله لو رأيي انا هوا المفروض ياخد فكرة الاول عن المجال التجاري عشان لما يدرس الكورسات يبقى اسرعله في الفهم

لكن دا مايمنعش انك تاخد كورسات وتعيش حياتك .. والكورسات كتيرة والحمدلله ماتقلقش يعنى

تحويل ايه بالظبط ؟؟

اي حد ياخد دبلومة اتش ار وماركتينج انشالله حتى لو كان خريج طب !!

اذا كان على الدبلومات دي مش مشكلة خالص .. بس هل هاتفيدك في تخصصك او انت عايز تشتغل فيها ولا لاء هيا دي بقى النقطة

تمام متشكر جدا انا كنت بسأل على التحويل من كلية لكلية تانية وينفع احول من جامعة لجامعة لو نفس الكلية ولا لا وبالنسبة للدبلومات هي ممكن متفدنيش في التخصص بس بتبقى مطلوبة اصلا في البنوك*؟

بالنسبة في التنسق عند اختيار الرغبات موجود كلية تجارة فقط
و في تنسيق العام الماضي 2011 جايب درجات القبول بتجارة فقط و ايضا درجات تجارة انجليزي فهل تجارة انجليزي بتختارها بعد ما بتيجيلك انك اتقبلت بكلية تجارة و لا بتختارها في تنسيق الرغبات من الاول؟
أرجو الرد و لك جزيل الشكر

اه ينفع بس لازم يكون قبل ما باب التحويلات يتقفل دا غير ان طبعا لازم مجموعك يكون جايبها

لاء مش اوي .. هوا انت فاكر انك لما تخلص الكلية هاتبقى فاضي انك تدرس وتعمل دبلومات ؟!!

انت يدوبك هاتخلص وهاتلحق تشوف الجيش بتاعك وبعدها تبتدي تدور على شغل عشان تجيب فلوس

واثناء مانتا بتشتغل بقى تحاول تدرس وتعمل اي حاجة .. دا ان عرفت !!!!

ماتفتكرش ان الدبلومات والشهادات المهنية دي سهلة .. دي بتيجي بطلوع الروح ومابياخدهاش الا للى يستاهلها فعلا

تجارة انجليش بقت تنسيق داخلي .. يعنى تختار تجارة عادي جدا

ووا انتا بتقدم ورقك قولهم عايز اسحب استمارة تقديم لتجارة انجليش .. هاتقدم وزي الفل

بيتعمل تنسيق تااااااني جوا الكلية بقى نفسها .. لو نجحت يبقى خير وبركة وتتسجل في تجارة انجليش

لو ربنا ما أرادش يبقى هاتفضل في تجارة عربي

السلم عليكم

انا مجموعى 363 (88.54%)

درجة الانجلش 21.5+20=41.5

من غير المستوى عشان المستور رياضيات


ممكن اعرف يا مستر مجموعى دة يدخلنى تجارة انجلش ولا اه ؟!!

و مصاريف الكلية كام في القاهرة و فى امتحان تقيم ولا اه ومتى معادة قبل التنسيق ولا بعده

وشكرااا

سؤااال بسيط بس كده
انا ان الحمد لله قدمت في قسم علوم اكتوارية و ماشي في اجراءات التحويل
و كان ليا استفسار بسيط كده .... هل فرص الشغل لخريج شعبة العلوم الاكتوارية احسن و لا زيه زي اي حد في تجارة ؟؟؟؟