بشأن ماسلف
بشأن حكم قضية مدة اقدمية المؤهل الأعلي تم تسوية معلم أول أ في ٢٥/٩/٢٠١٢
اما بشأن الحكم تم سحبه بعد٤٠يوم من صدوره ووصل الادارة التعليمية مرسل من المديرية في ٢/١٠/٢٠١٢
رأي الادارة تسوية الأقدمية دون ترقية وللهروب من الموقف ارسلوني للمديرية وكان ردهم نفس راي الادارة وان معلم اول ا مسألة لا ترقية فيها لأنها شأن أكاديمي
وإليك منطوق الحكم حرفيا
نري الحكم
بقبول الدعوي شكلا
وفي الموضوع بأحقيتهم في إحتساب أقدميةإعتبارية تساوي كامل مدة اشتغالهم بالمؤهل المتوسط تضاف إلي أقدمية حصولهم علي المؤهل العالي علي النحو المبين بالاسباب
وما يترتب علي ذلك من آثار
وإلزام الجهة الاداريه المصروفات
للعلم تركت ديوان المدرية بعد ان احسست ان هناك نية مبيتة أو عدم فهم0
لم يتبقي لي سوي توجيهاتكم
علما بأننا١٧معلم لدينا احكام وشكرا لسعة صدركم

تاريخ الحكم
 

الحكم في٢١/٦/٢٠١٢
ترقية معلم اول أ ١/١٠/٢٠١٢

سيادة المستشار لقد فام موجه اللغة الانجليزية بنقلى خارج القطاع الذى اتبعه واسكن فى منطقته الى مدرسة فى قطاع اخر على مسافة بعيدة نكاية بى لانى تجرأت وطلبت نقلى من التعليم الثانوى الى التعليم الابتدائى حيث اننى خريج تربية تعليم اساسي فما العمل؟
يوجد فى المدرسة التى تم نقلى منها فى بلدتى مدرس معيين خريج تربية عام فهل يجوز ان اطالب بتحويلى الى مدرستي بدلا منه لاننى خريج تربية تعليم ابتدائى
ماهى القواعد التى تحكم تنقلات المعلمين من حيث التخصص والموقع الجغرافى الى اخره وهل التوجيه له كامل الحق فى نقل المعلمين دون قيد او شرط؟
اذا تأخر انتداب معلم لمدرسة منذ بداية العام مع العلم ان ادارة المدرسة رفعت مذكرة بذلك منذ فترة ما التصرف الذى يمكن ان يتخذه اولياء الامور لمحاسبة التوجيه؟
اذاقام عدد عشرة معلمون برفع طلب بعمل اجتماع يضم كل مدرسين المادة فى فترة تنقلات المعلمين بداية كل عام عملا بمبدأ الشفافية فهل العدد كافى والى من يوجه الطلب؟
هل يملك التوجيه كتابة تقرير ما نهاية العام يتسبب فى عدم تعيينى حيث اننى معلم مؤقت؟ وكيف احمى نفيس من ذلك ان كانت العملية شخصية وهناك تعنت وظلم
سؤال اخير كيف نقضى على مسئول فاسد وماهى الملفات التى يمكن ان وجدناها ان تخلصنا من فساده؟ وهل ان طالب مجموعة ما من المعلمين بعزل هذا المسئول فأى جهة تخاطب واي تصرف تفعل ؟ بارك الله فيك فى كل لمحة ونفس عدد ما وسعه علم الله

اخي الفاضل اعمل مدرس لغة انجليزية اعدادي وتم نقلي بمدرسة تعليم اساسي اقوم بتدريس 18 حصه اعدادي وفي يوم جاء اليانا موجه القسم الابتدائي وقام باسناد 9 حصص ابتدائي وحيث اني اعتذرت عن الحصص الابتدائي وقلت له ان المدرسة عايزه مدرس ابتدائي متخصص قالي لي ليس من شأنك فوزع الصفوف الاول والثاني والثالث الابتدائي علي مدرسين فصول وقال لي سوف تأخذ الصف الرابع والخامس والسادس فهل يمكن الاعتذار لان نصابي سيكون27 حصه مع العلم اني معلم نصابي 21 حصه وست مناهج مختلفة من ضمنهم 3 مناهج اعدادي فأتصل بالموجه الاول بتاعي وقال لي درس 15 حصه اعدادي و9 ابتدائي وغير ذلك لي زميل مدرس رياضيات يعطي 18 حصه اعدادي ولم يتم تكليفه بالحصص الابتدائي وقال له الموجه سوف اجيب لكم مدرس حساب ابتدائي الاسبوع القادم فما العمل وهل الموجه الابتدائي له سلطه علي مدرس الاعدادي وغير ذلك اني لم اعمل ابتدائي قبل ذلك ماذا افعل هلي يوجد ضرر عليا لو رفضت الحصص وطلبت ندبي بمدرسة اخري اعدادي لتكمله النصاب وماذا افعل عندما ارفض الحصص الابتدائي مع العلم باني لم امضي علي ميزانية الماده بالمدرسة

هل يمكن حذف اسم المدرس المنتدب كليا الى مدرسة اخرى من دفتر الحضور والانصراف؟

هام وارجوا الرد
انا معلم خبير ( اعدادى ) تعين 87والسيد الفاضل الموجه عاوز يشيلنى 18 حصة + الاشراف
( ومن رأى سيادته ان ماينفعش مدرس تعين 2002 يشتغل 24 وانا اشتغل 12
اصل كده يبقى حرام
ماذا افعل

حضرتك انا فيه حاجه حصلت معايا ومش لاقيالها تفسير وعايزا رايك القانونى فيها انا المفروض طلعتلى نشره بالنقل من اداره لاداره وانا اصلا كنت منتدبه كليا فى ادارتى لمدرسه تانيه فرحت الاداره مدير الاداره اشر على النشره ورحت للموظف المسؤل قالى اطلعى الغى ندبك من المدرسه المنتدبه ليها كلي بالنشره اللى عليها امضى مدير الاداره وختم الاداره المهم طلعت على المدرسه اللى منتدبه ليها فعلا لغيت ندبى بالنشره طلعت على مدرستى الاصليه عشان اعمل اقرار القيام بالعمل واخلى طرفى الادارى المسؤل مرضيش ياخد صوره من النشره وقالى هاتى جواب من الاداره جبتله الجواب المهم عملى اخلاء الطرف بس عمل حاجه اصر اصرار غريب انه ميدينيش غير اصلين بس ويحتفظ لنفسه بباقى الاخلاءات اللى المفترض انها ست اخلاءات كنت بوزعها فى الاداره وكل واحد بيمضى انه استلم وفى الاخر باخد نسخه بامضاءاتهم كلهم المهم مرضيش يديلى غير اتنين بس واصر على كدا اصرار مثير للشك وقالى ان هو اللى هيوزعهم فى الاداره وانه عايز يخدمنى لكن بصراحه انا شاكه فيه ومش واثقه فى كلامه خاصه ان فيه بينى وبينه مشاكل كتير جدا والمدير السابق من افعاله معايا كان مانع اى تعامل بينا ولحد دلوقت كان بيعقدلى اى حاجه تخصنى خاصه ويحاول يضايقنى على قد مايقدر بشكل بيثير استغراب اللى حواليا ومتاكده تماما انه كان عايز يعطلى قرار النقل المهم هو ادانى نسختين بالعافيه من اخلاء الطرف ومعاهم جواب لمدرستى انى هاخد الشهر دا بالحوافز من عنده وابتداءا من الشهر الجاى هاخدهم من مدرستى اللى اتنقلت ليها حاليا فى الاداره المهم بعد ماخدت الاخلاءين بالعافيه طلعت على الاداره اللى كنت تابعه ليها سالنى الموظف ليه موزعتيش الاخلاءات قلتله اللى حصل وقالى انه لازم يسلم الاخلاءات عشان اعرف اطلع مفردات مرتبى من الاداره وقالى اطلعى على الاداره بالنشره واخلاء الطرف من المدرسه وحصل فعلا وخلصت اجراءات لكن طلبوا منى مفردات مرتبى وقالولى تطلعيها اخر الشهر عشان ابتداءا من الشهر الجاى هتاخدى مرتبك من عندنا اللى طبعا مرهونه بانه يروح يوزعها فى الاداره زى ماقالى وزى ماقلت لحضرتك دا راجل مش كويس بمعنى الكلمه فانا بصراحه قلقانه هو ليه احتفظ بباقى اخلاءاتى وخلنيش اوزعهم فى الاداره لانى كنت رايحه فى نفس اليوم وهو لسه هيروح المفروض بكره بصراحه انا مبثقش فيه واصلا انا سايبه المدرسه بسببه لان موجهى لما عرف اللى حصل بينى وبينه ندبنى كلى بره المدرسه لحد ماجت نشره النقل لبلدى فانا عايزا راي حضرتك هل هو اصر يحتفظ باخلاءاتى عشان يضايقنى لان دا نظامه معايا ولا هل ليه هدف تانى وان كان ليه هدف ايه هو ؟؟؟؟؟؟؟؟خاصه انه مضانى انى استلمتهم منه بس فيه اتنين من زمايلى شاهدين على كلامى دا وانى مخدتش منه غير اتنين بس وهو تعهد قدامهم انه هيسلمهم مكانى فى الاداره كمان مفيش معايا مايثبت انى وزعتهم فى الاداره

شكرا لحضرتك بس هو كان بيخطط لحاجه ولا ايه ممكن يضايقنى بيها لان اصراره فعلا كان مثير للشك خاصه وان اللى بينى وبينه ميدلوش اى حق انه حتى يعرض خدماته ؟؟؟؟؟كمان هى فيها مسؤليه عليا لو الاخلاءات دى متسلمتش فى الاداره ولا ممكن انضر بسبب دا ؟ وهل من حقه قانونا انه ياخد اخلاءاتى يوزعها هو ؟ كمان انا عايزا مايثبت انى سلمتها لو هو مرضيش اعمل ايه ؟ على فكره فيه واحده صحبتى قالتلى انى اعمل فيه شكوى واوديها لمدير الاداره واستشهد بزمايلى واقول انه مرضيش يديهالى وانه كان هيتسبب فى تعطيل اجراءات نقلى لان موظف الاداره قالى لازم تتسلم عشان اقدر اطلع مفردات مرتبى واسلمها فى ادارتى الجديده

بمناسبة الاحتفال باليوم العالمي للمعلمين صرح الدكتور إبراهيم غنيم وزير التربية والتعليم‏,‏ بأنه تم وضع خطة عاجلة لحل مشكلات ترقية‏600‏ ألف معلم تضرروا من تطبيق القانون.

ماصحة هذا الخبر

السلام عليكم و رحمة الله و بركاته
راجعت شئون العاملين واخبرونى طالما عدى على الخدمة العسكرية اكثر من 15 سنة لا تضم مدة الاحتياط الى الخدمة فهل هذا حقيقى بالرغم من انى تقدمت بطلب لضم مدة الاحتياط سابقا منذ تم تعينى ولكنهم رفضوا ضمها

نعم هذ كلام صحيح

اخى الفاضل : مدير المدرسة يقول انة لا يجوز ان يعطى اى مدرس عند اول تعيين لة تقدير امتياز لازم ياخد جيد ثم يتدرج هل هذا كلام صحيح ام لا وما هى خطورة تقدير جيد على مستقبل المعلم الوظيفى .

السلام عليكم
ما تحكيه شيء غريب جدا ينم عن جهل الموظفين بادارتك
أساسا ما فيش مشكلة بالنسبة ليكي خالص
أنتى بتخلي من المدرسة زي ما عملتى و بتأخذي نسخة الاخلاء و بتستلمي في الادارة الجديدة زي ما عملتى
أما النسخ الستة اللي أنتى بتتكلمي عنها دي مسئولية اداري المدرسة و صميم شغله يوديهم الادارة
أومال هو متعين يعمل ايه ؟
النقطة الثانية بالنسبة لمرتبك لو معملش المرتب ممكن تشتكيه و حيأخذ جزاء بس احتفظى بالورقة اللي ادهالك انه حيتنقل مرتبك من الشهر التالي لأنه ممكن يفضل يطلعلك مرتبك من مدرسته و انتى عارفة لما الحكومة بيستردوا حاجة بيأخذوها مرة و نصف فاحتفظى بهذه الورقة اللي ادهالك حتحميكي من مكره و هو يأخذ جزاء لو ارتكب حاجة ضدك
و هو الحكاية عوز يتعبك في مشاوير فقط عشان تتضايقي لا أكثر و لا أقل لأنه مفيش حاجة معاه يقدر يعملها

اوك شكرا لحضرتك بس انا استغربت جدا لانى اخليت اكتر من مره من اكتر من مدرسه وفى كل مره كنت انا اللى باخد الاخلاءات وبوديها الاداره وزى ماقلت لحضرتك انا مبثقش فيه فعشان كدا خفت ليكون بيفكرلى فى حاجه كمان ممكن استفسار عن موضوع جهل الموظفين فى الاداره جهل ازاى يعنى ؟؟؟؟؟؟ كمان بالنسبه لمفردات مرتبى اللى طلباها الاداره التانيه عادى اروح اخدها اخر الشهر من ادارتى السابقه ؟ كمان فيه سؤال هو لو مثلا مسلمش اخلاءاتى دى فى الاداره ينفع اخد المفردات عادى اخر الشهر ؟

أقصد بجهل الموظفين في الادارة هو انك مدرسة و بيخلوكي تأخذي مشاوير علي الفاضي و تقومي بالعمل اللي المفروض الاداري في مدرستك يعمله
يعنى اللي بيحصل عندنا في محافظتى انه الادارة بتعطيكي جواب من نسختين واحد عودتك لمدرستك الأصلية و ده بتعطيه للمدرسة المنتدب لها و خطاب للمدرسة الاصلية باخلاءك للادارة عشان كده الاداري في مدرستك مش غلطان و مرضيش بالصورة لانه لازم خطاب معتمد بالختم من الادارةثم بعد ذلك بتخلي من الادارة و تستلمي في الادارة الجديدة ده النظام المتبع عندنا المهم خلاص اخليتى و الحمد لله
أما بالنسبة للاخلاءات الستة اللي بتقولي عليهم فهم قانونا مسئولية الاداري انه يوديهم لانه ده شغله و عمله
- مسئولية الاداري عمل المرتب للموظفين فلو ما عملش مرتب لموظف تشتكيه بيأخذ جزاء فهو بالاخلاء ده لازم يوديه في الادارة عشان حيرفع اسمك من كشوف المرتبات عنده بناء علي الاخلاء ده. (حتقولي ممكن يعمل مرتب ليكي ويأخذه حقلك حيروح النيابة لأنك معاكى نسخة من الاخلاء اللي ودتيه ) فهو نسخة واحدة من الاخلاء كفاية أما باقي النسخ فدي مسئولية الاداري و عنه ما وداهم الادارة بالعكس حيأخذ هو جزاء
= أما بالنسبة لمفردات المرتب تنفع تأخذيه في أي يوم يعجبك في الشهر و كمان ممكن أي حد من أهلك يجيبلك مفردات المرتب و كمان ممكن تخلي أداري المدرسة في ادارتك الجديدة بتاعتك يبعت خطاب لادارتك القديمة بارسال مفردات مرتبك و هما حيبعتوها بس احنا بنجيبها بنفسنا عشان الوقت و بتجيب المفردات من الماهيات و بيكتبها في دقيقة واحدة
فمتقلقيش من الاداري ده ب هو ملهوش عندك أي شيء بس زي ما قلتلك احتفظي بالخطاب اللي قلك انه هو حيعملك مرتبك الشهر ده عشان لو ما عملهوش تعرفي تبهدليه في الشئون القانونية و تحت امرك في أي استفسار

[QUOTE=Mr Refaat;4899380]أقصد بجهل الموظفين في الادارة هو انك مدرسة و بيخلوكي تأخذي مشاوير علي الفاضي و تقومي بالعمل اللي المفروض الاداري في مدرستك يعمله
يعنى اللي بيحصل عندنا في محافظتى انه الادارة بتعطيكي جواب من نسختين واحد عودتك لمدرستك الأصلية و ده بتعطيه للمدرسة المنتدب لها و خطاب للمدرسة الاصلية باخلاءك للادارة عشان كده الاداري في مدرستك مش غلطان و مرضيش بالصورة لانه لازم خطاب معتمد بالختم من الادارةثم بعد ذلك بتخلي من الادارة و تستلمي في الادارة الجديدة ده النظام المتبع عندنا المهم خلاص اخليتى و الحمد لله
أما بالنسبة للاخلاءات الستة اللي بتقولي عليهم فهم قانونا مسئولية الاداري انه يوديهم لانه ده شغله و عمله
- مسئولية الاداري عمل المرتب للموظفين فلو ما عملش مرتب لموظف تشتكيه بيأخذ جزاء فهو بالاخلاء ده لازم يوديه في الادارة عشان حيرفع اسمك من كشوف المرتبات عنده بناء علي الاخلاء ده. (حتقولي ممكن يعمل مرتب ليكي ويأخذه حقلك حيروح النيابة لأنك معاكى نسخة من الاخلاء اللي ودتيه ) فهو نسخة واحدة من الاخلاء كفاية أما باقي النسخ فدي مسئولية الاداري و عنه ما وداهم الادارة بالعكس حيأخذ هو جزاء
= أما بالنسبة لمفردات المرتب تنفع تأخذيه في أي يوم يعجبك في الشهر و كمان ممكن أي حد من أهلك يجيبلك مفردات المرتب و كمان ممكن تخلي أداري المدرسة في ادارتك الجديدة بتاعتك يبعت خطاب لادارتك القديمة بارسال مفردات مرتبك و هما حيبعتوها بس احنا بنجيبها بنفسنا عشان الوقت و بتجيب المفردات من الماهيات و بيكتبها في دقيقة واحدة
فمتقلقيش من الاداري ده ب هو ملهوش عندك أي شيء بس زي ما قلتلك احتفظي بالخطاب اللي قلك انه هو حيعملك مرتبك الشهر ده عشان لو ما عملهوش تعرفي تبهدليه في الشئون القانونية و تحت امرك في أي استفسار

اوك شكرا لحضرتك

اولا احب اشكرك علي هذا الموضوع وهذه المعلومات
وموضوعي باختصار
طلع لي جواب نقل من ادارة لادارة والجواب جة المدرسة بس المدير مش راضي يخليني لاني مفيش حد في المدرسة يستلم العهدة انا اخصائي تطوير راح المدير بعت للتطوير التطوير ادالة جواب مختوم انة ميخليش لما يسلم حد من المدرسة
ما هو وضعي القانوني وكيف انفذ النقل وشكرا

الخدمة العسكرية
 

اخي العزيز (المستشار القانوني)
لقد انهيت الخدمة العسكرية في 1/9/2002 عن مدة قدرها سنة وشهر و10 ايام وقد تم تعييني بتاريخ 1/7/2004 ولما اردت ضم الخدمه العسكرية الي الخدمه المدنيه في البداية رفضوا بحجة انها قبل التعيين ولمل صدر القرار 154 لسنة 2009 والمادة 44 منه الخاص بالقوات المسلحة والذي يدل علي ان مدة الخدمة العسكرية تضم للخدمة المدنية مع اضافة العلاوات المقررة ذهبت للادارة التعليمية وقمت لهم صورة منه رفضوا الضم وقالوا لي ارفع قضية مهو الراي القانوني لذلك

هل من حق مجة التخصص رفض قرار اللجنة الطبية التى تقرر ان حالتى الصحية تتاثر من السفر فى حالة الندب خارج المدرسة

قام توجيه اللغة العربية والتربية الإسلامية بوضع شروط الندب لموجه إعدادي مخالفة للمادة 78 من قرار الترقية معتمدا على النظام القديم بالحصول على وظيفة مدرس أول ثانوي لأنه لايعتد بقانون الكادر ويسخرمنه ويقول خلي الثورة تنفعكم هي والكادر واختار دفعة 85 وأنا دفعة 84 فماذا أفعل للحصول على حقي من التوجيه والتنسيق اللذان يعيشان على طريقة النظام القديم ولا يحبون الملتحين والمنتقبات0
أخوكم أبو زياد - العزيزة

سيدى الفاضل /حصلت شقيقتى على اجازة اعتيادية فى الفترة من5/8/2012 الى15/8/2012 عشرة ايام فقط واليوم فوجئت بالادارية بالمدرسة تخبرها بانه سيخصم منها 150جنيها عن هذه الاجازة فهل هذا قانونى وماذا تفعل مع الشكر

انا معلمة رياضيات بالفيوم كنت اعمل بالتعاقد العادي 105 ومن ثم تعاقدت للتثبيت في 1/7/2011 علي درجة معين ولانني تزوجت بالاسكندرية حاولت ان اخذ اجازة رعاية طفل فتم رفضها كما انني حاولت ان انقل من الفيوم الي الاسكندرية رفضت المديرية بالفيوم الطلب
برجاء افادتي عن حقوقي وعن طريقة لحل مشكلتي مع المديرية

ارجو معرفة كيف تحسب الاقدمية بين الزملاء في التخصص الواحد وبالدليل لو سمحت وهل تاريخ اسنلام العمل من بينها

استشاره
 

انا معلم رياضيات من اوائل الخرجين تم تعييني ضمن القرار الاخير لتعيين اوائل الخرجين وتم توزيعي في ادارة غير ادارتي مع العلم انه يوجد عجز فبي ادارتي وكذلك تم توزيع معلمه في نفس القرار وفي نفس تخصيصي في اداارتي وبالتحديد في البلد التي اسكن بها وللعلم انه في هذا القرار لم يتم توزيع اي معلم اخر يوجد عجز في اداراته في اداره اخري وكذلك هناك صعوبة كبيرة في النقل من الاداره التي تم توزيعي فيها
فهل لي حق في التظلم ولمن اتظلم او اشتكي

التحضير
 

انامدرسة لغة انجليزية ابتدائى ومعى 24 حصة وشايلة كذا منهج وعاوزينى اخد ريادة فصل مع انى فى مدرستى السابقة وكيلة النشاط قالت ان الرواد بيكونوا مدرسى عربى او رياضيات ولكن مدرس الانجليزى بيدخل الفصل فترة وننص بس فامياخدش ريادة ارجوك افيدنى بالرد

انامدرسة لغة انجليزية ابتدائى ومعى 24 حصة وشايلة كذا منهج وعاوزينى اخد ريادة فصل مع انى فى مدرستى السابقة وكيلة النشاط قالت ان الرواد بيكونوا مدرسى عربى او رياضيات ولكن مدرس الانجليزى بيدخل الفصل فترة ونص بس فامياخدش ريادة ارجوك افيدنى بالرد