زميلة لنا في المدرسة تشغل وظيفة مساعد أخصائي اجتماعي
تقدمت بأوراقها للأكاديمية ب فطلبوا منها شهادة التأهيل التربوي
وأصروا عل ذلك من جميع المتقدمين من الأخصائيين مع العلم أن منهن
حاصلات على درجة الماجستير في تخصص الخدمة الاجتماعية
نرجو الاستفسار من الأخوة فبي باقي المحافظات .
في انتظار الرد

no comment

فى دمياط عندنا أى شهادة حاصل عليها المتعاقد وليس مذكور فى الدرجة كلمة تربية لابد له من الحصول على المؤهل التربوى وقيس على هذا الكلام كل المؤهلات وبذلك يكون مؤهل بكالوريوس الخدمة الاجتماعية يحتاج الى مؤهل تربوى

آاااااااااااااااااامين

حسبى الله ونعم الوكيل

ام جداااااااا ارجوا من جميع الاخوه المتعاقدين من قراءه الماده 72 من القانون 155 لسنه 2007 قانون الكادر وملاحظه هذة الجملة واكتشاف اكبر عمليه ظلم للمدرسين المتعاقدين ويستثنى من هذا الشرط المعلم المساعد والشاغلون لوظائف تعليمية في تاريخ العمل به-أن يكون حاصلاً على مؤهل عال تربوي مناسب أو على مؤهل عال مناسب بالإضافة إلى شهادة (إجازة) تأهيل تربوي وتصدر بقرار من وزير التربية والتعليم اشتراطات التأهيل التربوي المطلوب
ويستثنى من هذا الشرط المعلم المساعد والشاغلون لوظائف تعليمية في تاريخ العمل بهذا البابذا الباب.مامعنى هذة المادة 72 من قانون الكادر ان اي شروط جديدة لشغل وظيفة معلم مثل المؤهل التربوي و icdl ,وغيرها من الشروط لاتطبق علي الشاغلون لوظاءف تعليميه في تاريخ العمل بهذا الباب ان هذه الماده 72 تعني ان يتم تسكين المدرسين المؤ قتين وقت صدور الكادر في 7/2009في وظيفه مدرس مباشرة اي المدرسين المتعاقدين في2005و2006و2007 يتم تسكينهم مباشرة عند تطبيق القانون اي في بدايه 2008 وان من يتم التعاقد معة اول مره من بدايه 2008 يكون تعا قد مدرس مساعد لمدة سنتين ثم ينفذ علية شروط الاكاديميه والكتاب الدوري

ارجو من السادة المدرسين والقائمين على الحمله قراءة المادة 72 من قانون الكادر لانها تنص على تعيين كل المدرسين العاملين في التدريس اثناء وقيل صدور القانون بدون اي شرط جديد مثل المؤهل التربوي وبالتالي بدون التقديم في الاكاديميه ولا اى حاجة لكل من كان يعمل اوتعاقد قبل 7/2007 تاريخ صدور قانون الكادر والتى تطالب الجهة التنفيذيه وهي التعليم والتنميه الاداريه باثتثناء كل المدرسين المتعاقدين قبل الكادر من اي شروط لتعينهم في وظيفه مدرس وتعينهم فور تطبيق الكادر اي منذ بدايه 2008 ولنا الحق في المطالبه بالتعويض المادي عن هذه الفتره لاننا نستحق وظيفه معلم والمرحله الثانيه من الكادر

يا جماعة احنا كلمتنا واحدة لان المطالب بتاعتنا لازم نوضح فيها موقفنا وان المادة 72 من القانون الكادر هي التى تحل المشكله لان لوسئل وزير النعليم او التنميه الاداريه عن المتعاقدين سوف يهرب من الاجابه بأن ذلك يحتاج تعديل تشريعي وقانون ونحن نطالب بتطبيق القانون هناك 24000 زميل واعتقد ان معظمهم من المتعاقدين شاهدوا الموضوع الخاص بالمتعاقدين في هذة الصفحه اعتقد يجب اللجوء لنقاب المعلمين لكي تطالب بحقنا ومسأله الوزراء عن اسباب عدم تصبيق المادة 72 من الكادر

حسبى الله ونعم الوكيل

مازالت سلسلة العذاب والمعاناه مستمره للمتعاقدين في الازهر الشريف
وحسبنا الله ونعم الوكيل

خبر سيئ :stickjo4:

مازال الخصم من مرتبات المتعاقدين مستمرا (قبضت مرتب شهر 9 زي شهر 8 أي 310,25 جنيها)

:abdoog8: :giljotiiniug3:

ممكن حضرتك تسأل فى الحسابات عن سبب الخصم ممكن يكونوا بيعملوا ليكم النقابة أو اى شىء من هذا القبيل

mmeegypt
ممكن اسال حضرتك اخر ميعاد للتقديم فى اكاديمية دمياط امتى سمعنا انه الاسبوع دا الكلام دا صح
جزاك الله خيرا

أستاذ أحمد صالح كلامك منطقى وزى الفل والله

فكرة عمل موقع لنا نحن المعاقدين(المظلومين و المهمشين) جيده و لكن ارجو ان تكون فعاله
و بالمناسبه انا م/amiraeltr مدرسه متعاقده بالتعليم الثانوى الصناعى وتعاقد جديد2009/2 ولكنى كنت اعمل بنظام الحصه قبل ذلك.

لا اله الا انت سبحانك انى كنت من الظالمين

أنا فى واحد لسه قايلى أن مرتبات المتعاقدين الجدد 100 جنيـــه فقط !!!!!!!!!!!!!! :(

هل الكلام ده حقيقى ، أنا لسه همضى على العقد :(

هما لسة محددوش موعد لانتهاء التقديم ياميادة

وبعدين احنا ليه لسة هننتظر ماتروحى تقدمى

احسن شىء انك تقدمى بدرى بدرى

صدقونى ياجماعة احنا هنا ( المتعاقدين ) فى دمياط قالبين الدنيا رأس على عقب وعاملين حملة قوية فى جرائد دمياط المحلية والمحافظ وعدنا انه هيوضع حل للموضوع ده

لو كل واحد بدأ بنفسه ومحافظته أكيد الوضع هيتغير

اللهم انى لا اسالك رد القضاء ولكنى اسألك اللطف فيه

السلام عليكم و رحمة الله
انا عندى مشكله كبيييييييييييييييييره جدا و هى التربوى اولا انا اخصائيه تطوير و زميلتى اخصائى اجتماعى و مطلوب منننا دبلوم تربوى عام , و طبعا عوزه اخدها فى مكان سهل لانى عندى اطفال و كمان يكون قريب
المهم عوز اعرف هل الاخصائى للتطوير ليه تربوى ؟ و لو فيه اه الورق المطلوب و الفلوس و كل حاجه عن الموضوع ده علشان انا ارفانه جدا جدا و عوزه اعرف راسى من رجلى
ارجو الرد بسرعه

يا جماعة ، هل فعلا مرتب المتعاقد 100 جنيه فقط ؟؟؟؟!!!! عقد عادى مش مميز فى البداية .

.... نمرة شئون الطلبة في معهد الدراسات التربوية بجامعة القاهروة ....0235675866
انا اخدت الدبلوم التربوي السنه دي ونجحت بفضل الله
في معهد الدراسات التبويه بجامعة القاهره
بس نظام تعليم اليكتروني او زي مابيسموه التعليم عن بعد
ارتباطك بالمعهد عن طريق النت..... الانشطه والاعلانات عن المقابلات او الامتحانات المناهج ومقابلات الدكاتره
كله بيكون عن طريق النت
كل المطلوب كان مستخرج اصلي للمؤهل وشهادة الميلاد واكيد صورة البطاقه
المصروفات السنه دي كانت حوالي 850 جنيه مصري
والدبلومه سهله جدا وممتعه ...
بس اسمحيلي ازيدك الكلام للاخر
ان في مشكلتين ..اولا كان اخر ميعاد لتقديم 1/9/2009
ومش عارفه ممكن تقدمي التماس او كده ولا لاء

ثانيا نظام التعليم عن بعد السنه دي شرط تقدمك بما يفيد انك اخدتي الicdl
على القل الاربع موديولات بتوع الوورد والباور بوينت و و .... وبردو للاسف مش عارفه هل ممكن زي الاكاديميه كده يكتفوا بانك تمضي تعهد باخد الicdl في اقرب فرصه ولا لاء ؟؟

يا رب اكون افدتك

المتعاقدين الجدد بقبضوا _ المفروض _ صافي 226
الغقد المميز بياخدو 322 تقريبا في اول سنه
تاني سنه 340
تالت 370
والمكافأه زي ماهي ال1600

جبت الارقام منين
احنا مرتبنا 307 بالعافيه
عمره ماهيعدى 322 تانى اللى بعد التسكين على معلم بلاش كتر كلام وخد الخبر الحلو ده
معلش يا جماعه الحملة هندهديها شوية
ومعلش برضوا لاخونا اللى جايب منشور النقابه لان ده حاجه قديمه فعلا احنا لينا نقابه بس الادارات بتختلف من مكان للتانى فى وقت الخصم والاشتراك
المهم الخبر اللى خلانى طاير من الفرحه
يسرى الجمل يعلناختبارات المعلم المساعد(80 الف) فى اكتوبر الجاى وتعييين الامر اللى متكررش من سنسن
والكلام ده مش من عندى لا من البوم السابع ومبروك التثبيت ليكم

اولا الف شكر ليك على اسلوبك في الرد
:slap1qk6:

ثانيا انا اعمل بالعقد منذ ان كان المرتب يا استاذي افاضل 107 جنيه وبتاع 35 قرش تقريباً

وبعدين في تعديل في المرتبات واصبح مرتبنا في متوسط ال195 جنيه ثم 226

ثم انعم الله علينا بالعقد المميز واصبح المرتب لي ولكل من حولي 322 والسنه دي اصبح 340 تقريبا وبنقبضهم ولله الحمد

طبعا كل تغير في الارقام بنتكلم في سنه ماليه
الا نقلة العقد فابنصرف الفلوس زي العقد مامكتوب من تاريخه
يعني الي استلم في ابريل بيقبض من اول ابريل 322 واترقي في السنه الماليه في شهر 7 الى 340 العام الماضي والسنه دي هم بيقبضو 370وملحوظه... انهم قبضو بعد شهر 7 بأثر رجعي

واحنا اللي نزلنا العقود في اكتوبر 2008 قبضنا فرق المرتبات في شهر مارس

اي خدمه:stickjo4:

اكرر شكري لاسلوبك في الرد

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها
لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا

عندي ليكم خبر حلو
بس ربنا هو الموفق
جاء في جريدة الجمهوريه وباب (عقول تتفتح) أن إختبار الصلاحيه سيكون في أكتوبر المقبل.
وكذلك في جريدة الأهرام
ياااااااااااااااااااااااااااااااااااااااارب التوفيق

السلام عليكم
ياستاذ تامر مين الى يقدر يحكم بنجاح الحملة وامته هو احنا لسه عملنا حاجه لسه فى الاول لما نيجى ونحكم دلوقتى ده ظلم وبعدين قولنا لسه الموضوع مش منتشر لان الدراسة لسه وكمان فيه متعاقدين كتير مش عندهم نت بس الاسباب دى فى ايدنا احنا بدل ما نتكلم نقول منجحتش نقول ايه الاسباب الى تنجحها وتو صل صوتنا وانا معاك فى الحلول دى والمفروض اننا لسه فى خطوات اولى واكيد ده هيحصل ان شاء الله بس المهم كل واحد يعمل الى عليه وبلاش ياس

خطوة كويسة للأمام

انا اخصائية اجتماعية معايا شهادة دورة تاهيل تربوى من كلية التربية جامعة الاسكندرية ومعايا شهادة icdl من مكاتب الثقافة الجماهيرية بيقولوا انها معتمدة هل لازم اخد دبلومة التربوى علما انى لو اخدتها اصبح مدرسة علم نفس وفلسفة

يا جماعة ياريت نجهز نفسنا للأمتحان

وخصوصا ياريت نبعت لبعض اى حاجه عشان نذاكرها

وخصوصا اللغة العربية والتربوى

واللى عنده حاجه زى كده ياريت يبعتها .. كلنا يا جماعة فى مركب واحدة

ياريت نساعد بعض عشان ربنا يساعدنا ويكرمنا كلنا

ودى ملفات من عندى للغة العربية فى المرفقات .. هتساعدكوا جداً

السلام عليكم اثناء البحث وجدت رابطين عسى يكون فيهم نفع ان شاء الله

الاول به سلسة محاضرات تربويه

http://www.tariqel3lm.com/vb/showthread.php?t=14904

الثاني به تجميعه من اسئلة الكادر التربويه مع الاجابات


http://www.******.com/vb/showthread.php?t=2411

لا اعلم السبب ولكن الكلمة التي تتحول الي نجوم في العنوان هي e g y e d u

اضطريت لكتابتها مفرطه ... معذرة

مشكوررين بس يااريت إلي عنده أسئله في التخصص علوم
يبعتها وياااريت تكون محلوله
وهي فكره رائعه أن نتعاون مع بعض للتغلب علي ما يواجهنا من صعاب

يا جماعة عندى ليكوا مفاجأة

أسئلة للتربوى مجمعة من أكتر من مكان ومجاوبة كمان

نزلوها وأدعولى .. بس هى ملف مضغوط .. فكوه الاول

وأرجوكوا .. عشان خاطر ربنا .. محدش يكسل أو يستخسر

اللى عنده اى حاجة منظمة للغة العربية أو التربوى

يخدمنا ويبعتها .. وربنا أكيد هيعوضه

ماتنسوش .. كلنا فى مركب واحدة

انا عايزة اعرف ينفع اقدم بالشهادات اللى معايا ولا لا وكمان عايزة اعرف المقصود فى النشرة دورة تاهيل تربوى ولا الدبلوم العام ارجو الرد

طيب انا معايا شهاده الicdl مش من اليونسكو تنفع اقدم بيها

لو أنتى خريجة كلية تربية .. خلاص روحى قدمى

لو كلية تانيه هتحتاجى شهادة تأهيل تربوي من كلية التربية .. بتدرسيها لمدة سنه وبعدين تمتحنى فيها

روحى جربى بيها فى الاكاديمية

ولو الموظف ماوفقش عليها .. روحى لمدير الاكاديمية
لو وافق عليها .. هيمضى عليها بالموافقة

لو ماوفقش يبقى الشهادة دى مش نافعة

أكاديمية القليوبية فى روكسى

تركب المترو وتنزل محطة سراى القبة

وتسأل فين كلية التربية

هتلاقى الاكاديمية جنب مدرسة الطبرى

السلام عليكم
الرابط ده موجود عليه كل الافادة ان شاء الله ومتنسوش الدعوات هتلاقوا اسئلة تربوى لغة عربية وكورسات للمعلم الحديث وان شاء الله كل الاقسام هتستفيد من التربوى
http://www.4shared.com/file/10672816.../__online.html