الكلام ده لو كانت حكومة مش خاصة الخاصة بتقبل مجاميع اقل بس مش عارفه اقل حاجة تقبلها كم؟؟؟؟

لو سمحت عايز اعرف كل حاجة عن كلية الهندسة الجامه الامريكية اسعارها مجموع كام شكراااا

انتي لو جايبه اعلي من 80% اطمني ... هتلاقي خاص هيا بس بتكون مصاريفها تقيله شويه:romarioxp6::romarioxp6::romarioxp6:

فنون جميلة
فيها سنة اعدادي في اول سنة في الجامعه ومن خلالها اللي التقديرات فيها بيتم تقسيم التخصصصات ما بين ديكور وجرافيك وزيت والخ..............

ولا ع طول بندخل سنة اولي ومن درجات الثانوية بندخل التخصصصات

حد بلييييييييز يساعدني فيها اعدادي ولا لا

أول حاجة انتا طلبتها السعر ..

عايز اقولك ان الجامعة الامريكية مابتمشيش بنظام السعر المحدد .. يعني مش يقولك مثلا ان انتا السنة دي هاتدفع كذا

لا .. هما بيقولولك انتا طبقا للي انتا هاتدرسة هاتدفع كذا

وبما ان الجامعة ماشية بنظام الساعات المعتمدة .. بالتالي طبقا لعدد الساعات اللي انتا هاتدرسها هاتدفع على قدها

وغالبا عدد الساعات مابيقلش عن 30 ساعة .. اذن حضرتك هاتدفع في الترم الواحد 42 الف جنيه

طبعا عايزك تعرف انهم هناك مش ماشيين بنظام التيرم الاول والتيرم التاني بتاع الحكومة !

لا هما ماشيين بنظام تاني شبه بتاع الحكومة

النظام بيتلخص على اساس ان السنة كلها بتتقسم لاربع فصول دراسية

فصلين دراسيين مدتهم كبيرة (اللي هيا بتساوي في الحكومة الترم الاول والتاني)

ودول اسمهم fall semester = الترم الاول .. spring semester = الترم التاني

وفصلين دراسيين مدتهم صغيره (ودول اختياريين على حسب مانتا عايز تاخدهم او لأ)

وبيبقوا في الاجازة طبعا

الاول اسمه winter session ودا بيبقي في اجازة الـ fall ، التاني اسمه summer session ودا في الاجازة الكبيرة

طبعا ماتنساش ان اي حاجة وكل حاجة في الجامعة دي بتمشي بالفلوس

يعني تروح تسحب ابلكيشن عشان تسجل في المادة .. تدفع فلوس .. تعمل دروب للمادة .. تسحب فلوس

تنسحب من الكورس .. تدفع فلوس .. وهكذاااااااا

الكلام اللي فات دا كله بالنسبة للفلوس .. يعني من الاخر لو مقتدر والحالة المادية كويسة والحمدلله خشها

بالنسبة بقي لقسم هندسة .. عشان تبقي عارف برده .. هما هناك مقسمين الجامعة لتلات اقسام رئيسية

قسم للعلوم الطبيعية .. وقسم للعلوم الهندسية .. وقسم للعلوم الانسانية .. غير اللغات

العلوم الهندسية دا بيضم كليات الهندسة وكلية الحاسبات والمعلومات

طبعا عشان تبقي عارف المبني بتاعهم هناك من أبرز المباني اللي في الجامعة كلها

ومنطقة الكلية بتاعة هندسة دي من اكتر المناطق الحيوية اللي في الحرم عندهم هناك .. وتحب تقعد هناك اوي

بس هتواجهك مشكلة وهيا الشمس .. عشان للاسف الكلية بتطل على منطقة اسمها بارتليت بلازا

ودي كلها شمس .. بارتليت بلازا دي زي ماتقول كدا عاملة زي حوش المدرسة !! .. بس على كبير بقي

عشان ماخنقكش في الرغي الكتير ..

انتا كل اللي بتعمله بتروح تقدم عادي جدا زيك زي اي بني ادم رايح يقدم في الكلية

بتروح تسحب ملف اسمه admission application .. ودا بـ 250 جنيه .. ممكن يكون غلي ، هابقي اسألك صحابي

بعد كدا وانتا بتكتب البيانات بيقولك حدد الميجور بتاعك لو انتا هاتخش هندسة ..

طبعا نصيحة مني ليك .. سيبها فاضية وماتعملش تشيك عليها .. لإن انتا هاتبقي جديد لسه ومش عارف حاجة

فاما تخش جوا هاتتلاقي دكاترة كتيرة هايساعدوك ويحددولك انتا ايه هوا القسم المناسب ليك

بعد طبعا ماتتعرض لاختبارات الانجليش وامتحانات الـ ELPT والتويفل والـ voice room وكل الكلام دا

ربنا هايكرمك ان شاء الله وتعدي (طبعا لو كنت كويس في الانجليش ، لكن لو تعبان وفر على نفسك)

بعد كدا قبل الدراسة مابتبدأ (بتبدأ في اول يوم حد من شهر 9) بـ 3 ايام فيه حاجة اسمها فريشمان بروجرام

ودا بيبقي عبارة عن برنامج معد خصيصاً للناس الجديدة اللي هما لسه داخلين جداد ..

بمعني اصح حاجة كدا زي الويلكم بارتي بتاع اي جامعة حكومية .. بس البرنامج دا بيبقي مستمر لمدة 3 ايام

بيعرفوكوا فيه الجامعة ماشية ازاي وايه النظام وبتتعرفوا على بعض والدكاترة بيعرفوكوا على نفسهم وهكذا يعني

بعد كدا بتبدأ الدراسة ..

طبعا قبل مابتبدأ الدراسة سيادتك بتكون عملت ايميل لنفسك على موقع الجامعة ..

من خلال الايميل دا بتقدر تسجل في المواد بتاعتك

ملحوظة (هناك انتا اللي بتختار المواد بنفسك ، مافيش حد بيجبرك على حاجة)

هاتقولي يعني ايه ؟ .. هاقولك يعني انتا هناك مش زي الحكومة ..

في الحكومة بيجبروك على دراسة عدد معين من المواد خلال الترم الواحد

لكن في الايه يو سي لأ .. بيحددولك عدد معين من المواد لا تتجاوزة (قول مثلا 6 مواد في الترم الواحد)

وانتا بقي بتختار المواد اللي على مزاجك .. بس في نفس الوقت هما بيقيدوك

لإن مثلا عشان تسجل في مادة معينة لازم تكون نجحت في مادة بتكون مؤهلة ليها

من الااااخر .. انتا اللي بتسجل المواد بنفسك .. وعشان ماتتعبش نفسك في حاجة هناك اسمها advisors

ودول عبارة عن ناس من سنة رابعة للي هما الـ minors .. دول هما اللي بيقولولكوا وبينصحوكوا

التوتال بتاع عدد الساعات في قسم الهندسة اياً كان قسم ايه ..

هوا 162 ساعة خلال 5 سنين (10 ترمات) على الاقل

وطبعا فيه اقسام هناك على حسب مجموعك ورغبتك ..

فيه هندسة ميكانيكية ، اكتوارية ، رياضة ، اليكترونية ، زراعية ، بناء ،

والسنة اللي فاتت حطوا قسم بترول وتعدين .. ودا طبعا عليه اقبال كبير جدا

أظن انا كدا جمعتلك المعلومات اللازمة .. وقولتلك السيناريو العام للي هايحصل

ومن الاخر ماحدش هايعرف يشرحلك النظام بتاعهم الا اذا كان هناك وراح هناك وتعامل معاهم في الجامعة

واي استفسار تاني انا تحت امرك ..

حضرتك اتفضلي خشي على اللينك دا وان شاء الله هاتتلاقي المفيد

http://www.thanwya.com/vb/showthread.php?t=53816

ملحوظة (صاحبة الموضوع دخلت كلية حاسبات ومعلومات ! .. فماتستغربيش !!)

جزاك الله خيرا

كنت عاوزة اعرف قسم اجهزه طبيه موجود فى عين شمس ولالا وتقديره ايه وهل هندسه عين شمس احسن ولا القاهره ياريت حد يقولى

قسم الهندسة الطبية للأسف مش موجود في عين شمس .. لكن موجود في القاهرة

وبالنسبة للتقدير دا بيبقي على حسب التوزيع الداخلي بتاع الكلية ساعتها .. مجلس الكلية هوا اللي بيحدد

هوا بصي .. العموم بيقولك ان هندسة عين شمس اصعب في الدكاترة من القاهرة

لكن القاهرة امتحاناتها كتيرة وصعبة .. ومناهجها اتقل بكتير من عين شمس

طبعا دا غير ان في اقسام موجودة في القاهرة ومش موجودة في عين شمس .. والعكس صحيح برده

يعني مثلا القاهرة فيها هندسة طبية وطيران وبترول .. عين شمس مافيهاش

عين شمس فيها تحكم آلى .. القاهرة مافيهاش

وعموما اسألي الناس اللي في هندسة .. اكيد هايفيدوكي اكتر مني وبمعلومات اكتر شوية

وربنا معاكي

شكرااااا كتير ربنا يخليك

لا بصي .. انا تقصيت الحقائق .. واكتشفت الآتى ..

ان الفنون الجميلة امتحان القدرات بتاعها بيبقي اثناء الثانوية العامة سواءا كان عمارة او فنون

لكن كلية الفنون التطبيقية هيا اللي امتحانها بيبقي داخل الكلية تحت مسئولية مكتب التنسيق

وعشان تتأكدي من كلامي .. الكلام دا موجود في موقع مكتب التنسيق

http://www.tansik.egypt.gov.eg/Application/Dalel/18.htm

ركزي على شروط كلية الفنون التطبيقية وكلية الفنون الجميلة (عمارة ، فنون)

والله اعلم

شكلك مش عايزة تخشيها اصلا ومغصوبة عليها !

اني واي .. انا هاجيبلك الكلام اللي مكتوب في الصفحة اللي مش عايزة تتفتح معاكي كوبي بيست



· يشترط للقبول بهاتين الكليتين أن يكون الطالب قد اجتاز اختبار القدرات الفنية والابتكار والذي ينظمه مكتب التنسيق بعد امتحان الثانوية العامة مباشرة ويعقد بمقر كل من الكليتين بالجيزة ودمياط



· يشترط للقبول بهذه الكليات النجاح في اختبارات القدرات في مادة رسم العمارة الذي يعقد ضمن امتحان الثانوية العامة.


· يشترط للقبول بهذه الكليات النجاح في اختبار القدرات في مادة رسم الفنون الذي يعقد ضمن امتحان الثانوية العامة.

culture and science academy is the best in egypt




www
.webshabab.com/vb

يا جماعة الناس اللى بتسأل عن القدرات وكده
ما انصحش حد بالفنون الجميلة والفنون التطبيقية غير لو كان غاوى الموضوع
الناس بتاعت علمى رياضة يا يدخلوا حاسبات يا يدخلوا هندسة

من فضلكم ارجو الرد عليا ضرورى انا فى تالته ثانوى وجيبت فى تانيه 62% انا عارفه انه مجموع زى الزفط بس لو انا ان شاء الله جيبت السنه دى اكتر من 85% هيبقى مجموعى كله حوالى 73% فى حدود ال70 المهم انا هموت وادخل كليه اداب فشوفت تنسيق السنه اللى فاتت لقيت كليه البنات اداب واخده من 73 % فياريت حد يساعدنى ويقولى ياترى ممكن الحق اى كليه اداب فى اى منطقه حتى لو اقاليم بجد نفسى ارتاح لانى حاسه انى هموت لو مادخلتش اداب ومش عايزه ادخل كيه خاصه انا عايزه حكومى . الف شكر لكل واحد هيتعب نفسه ويرد عليا ولكم جزيل الشكر

والله يا سما انا ماقدرش افيدك في الكلام دا

لإن انا مش هاينفع اني اتنبأ بعلم الغيب ..

وعلم الغيب هنا المقصود بيه تنسيق السنة دي ..

كل سنة ليها تنسيقها المختلف عن السنة اللي قبليها طبعا

انتي لو قارنتي تنسيق دفعة 2007 بـ 2008 هاتفاجئي طبعا

لإن تنسيق 2007 (اللي هوا دفعتى) يعتبر اعلي تنسيق في تاريخ الثانوية العامة

هاتيجي تقارنيه بـ 2008 مش هاتتلاقي اصلا وجه مقارنة ..

فا كله بيبقي على حسب عدد الناجحين ومستوى المجاميع وكدا

انتي ونصيبك .. وربنا معاكي

بالظبط الموضوع بالنسبة ل الامتحانات والمجاميع
يعنى السنة بتاعت اعلى تنسيق دى كانت امتحانات زى الفل
المجاميع عليت
الكلات اخدت مجموع عالى
السنة بتاعتى اللى هى اللى فاتت
اصعب امتحانات ف تاريخ الثانوية العامة
كل حاجة نزلت فى التنسيق
فا هى حسب الامتحان
فا نصيحة من مجرب ماحدش يزعل لو الامتحانات جت صعبة لان العملية بتتظبط ف التنسيق
وبالتوفيق لكل طلبة الثانوية يارب

اه صح نسييت بس المووضع ده بالنسبه لسؤالي للكليات اللي في الاسكندريه ...وشكرا

بليز عايزة اعرف عن الجلمعة الالمانية .....صيدلة

عدد الساعات
السعر
الاقامة و نوعها

المجموع

نحنوووووووووووووووووا في الانتظااااااااااااااااااااااار

المعهد خاص ومصاريفة 6000 جنية مصري ولو عايز اى شىء راسلنى انا معيد فى هذا المعهد وارجو لكم دوام التوفيق

انا 3ثانوى رياضة وعايز باذن الله ادخل حاجة للكمبيوتر حلوة وجبت فى ثانية 80.5% ممكن تيفيدونى وكمان عايز مصاريفها حلوة مستقبلها حلو وكده

هاي يوكا انا 1 صيدلة الجامعة الالمانية بصي هو متوسط عدد الساعات في الترم حوالي 30 ساعة اسبوعيا وبيبقي في يوم اجازة غير الجمعة السعر لو مجموعك من 90% ل 94% هتدفعي 16 الف ف الترم يعني فالسنة 32 الف السعر ده كان السنة اللي فاتت مش عارف هيغيروه ولا لا لو جايبة من 97 % ل 98% هيبقالك خصم 50% لو جايبة اكتر من 98% هتبقي مجانا اول سنة بالنسبة للاقامة في سكن للبنات في مدينة الرحاب بس مش عارف سعره بصراحة وفي باصات للجامعة لاي حتة جوه القاهرة اتمني اكون فدتك ولو في اي سؤال انا موجود وربنا معاكي في الامتحانات

هاي يوكا انا 1 صيدلة الجامعة الالمانية بصي هو متوسط عدد الساعات في الترم حوالي 30 ساعة اسبوعيا وبيبقي في يوم اجازة غير الجمعة السعر لو مجموعك من 90% ل 94% هتدفعي 16 الف ف الترم يعني فالسنة 32 الف السعر ده كان السنة اللي فاتت مش عارف هيغيروه ولا لا لو جايبة من 97 % ل 98% هيبقالك خصم 50% لو جايبة اكتر من 98% هتبقي مجانا اول سنة بالنسبة للاقامة في سكن للبنات في مدينة الرحاب بس مش عارف سعره بصراحة وفي باصات للجامعة لاي حتة جوه القاهرة بالنسبة للمجموع اقل من 90% ممكن ماتتقبليش بس فوق ال90% تبقي ضمنتي الجامعةاتمني اكون فدتك ولو في اي سؤال انا موجود وربنا معاكي في الامتحانات

سلام عليكم لو سمحتوا ياجماعة ممكن تساعدوني
اولا اعرفكم بيا انا طالب تالتة ثانوي علمي رياضة جبت 64% السنة اللي فاتت والسنة ديه احتمال اجيب حوالي 65 الي 70% في السنتين أن شاء الله يعني فعاوز اخش اي كلية خاصة او معهد عالي حلو تجارة او هندسة او نظم ومعلومات اي حاجة حلوة او ليها مستقبل وتكون معتمدة وليها شغل واهم حاجة مصاريفها تكون حلوة كدة بس والنبي ياجماعة فيدوني بليز متنسونيش

يلا ياجماعة والنبي بسرعة حد يرد عليا

يا جماعة انا عايز اعرف كلية السن بتاخد كام فى درجة الانجليزى

ممكن اعرف كليه حقوق بتاخد من كام انتساب وانتظام من ادبي
وكليه تربيه نوعيه بردوا كذلك خصوصا منيه النصر

كلية الهندسة بجامعة مصر الدولية
 

السلام عليكم
حد عنده فكره كلية الهندسة بجامعة مصر الدولية وجامعة 6 أكتوبرأسعارها كام

معلومات عن طيران امبابه

انا سمعت انوا معهد مش جاعه وبيقول وحش هل الكلام ده صحيح ؟

ويا ريت معلومات عن السعار والمجموع وكده

بسم الله الرحمن الرحيم

السلآم عليـكم ورحمه الله وبركـاته

بـعد ازنكـ عاوز بس استفسـر كلية التجارة جامعه خاصة المصاريف الاوراق الحاجات دى عاوزها فـ تلت مناطق فـ ( القاهرة - الاسكندرية - المنصورة ) عشان اعرف الفرق واللى يكون احلى ليا فـ التلاته ياريت تفدونـــى

لكــم منـى اجمـل التحيــات

اسنفسار
هل يوجد كلية فنون جميلة قسم ديكور فى الجامعات الخاصة
لو يوجد ما شروطها
وتابعة لاى جامعة
وما مصاريفها

هما على حسب ما سمعت من ناس صحابي انهم عموما مابيقبلوش اقل من 85 %

بس عموما .. انتي ممكن تخشي على اللينك دا www.guc.edu.eg

وتملي الـ application form .. وهما بيردوا على الاسئلة بالتفصيل الممل

ماعتقدش .. الا انك تشد حيلك بقي في تالته وتجيب مجموع كويس تخليك تترفع لـ 85 %

عشان تقرب من المجموع اللي عن طريقه تتقبل في جامعة خاصة ويكون فيها كلية حاسبات ومعلومات

غير كدا طبعا لازم تبقي علمى مش ادبي

الجامعات الموجودة في الخاص ..

جامعة 6 اكتوبر .. بـ 14600 في السنة .. غير الـ 100 جنيه رسوم ملف التقديم

جامعة مصر الدولية .. بـ 22000 في السنة

مودرن اكاديمي .. بـ 8000 تقريبا بس مش متأكد

واعتقد ارخصهم هيا مودرن اكاديمي

ماهو دا بيتحدد على اساس التنسيق الداخلي بتاع الكلية على حظك بقي

النظام ياسيدي بيبقي كالآتى

ان انتا اما بتخلص الثانوية العامة بتاعتك ويظهر نتيجة التنسيق (اكيد طبعا مرحلة اولي)

واانتا خلاص ربنا كرمك وقدمت في الالسن واتقبلت اللي بيحصل انه بيبقي فيه تنسيق داخلي

التنسيق الداخلي دا بقي انتا وحظك فيه بيبقي على حسب مجاميع الناس اللي متقدمة في السنة بتاعتك

بس اعتقد غالبا يعني بياخدوا ممكن من 48 لـ 49.5

عشان بديهيا اللي بيجيب الدرجة النهائية في الانجليش في الثانوية العامة بيخش ياباني او كوري

والله اعلم

والله دا بيبقي على حسب المرحلة بتاعة التنسيق

واللي بيحكم دا بعض المتغيرات

زي المرحلة الكام (اولي ولا تانية ولا تالته) ، ادبي ولا علمي ، مستوى المجاميع في السنة بتاعتك ،
جامعة ايه

كل دا انتي ماحدديتهوش .. وبالتالي انا للاسف مش هاقدر افيدك

بس عموما انا هاسترشد بتنسيق السنة اللي فاتت (كمرجع مش اكتر)

اعلى مجموع في حقوق دايما بيبقي للاقاليم .. زي جنوب الوادي وبني سويف والحتت دي

السنة اللي فاتت (2008) خدت مرحلة اولي أدبي مجموع 328 في جنوب الوادي

وبني سويف خدت 299 .. وانتي في النازل بقي

وطبعا اعتقد بما انك جيبتي سيرة منية النصر .. يبقي دي تبع المنصورة على ما اعتقد

يبقي جامعة المنصورة / كلية الحقوق / المرحلة الاولي / أدبي (2008) كان مجموعها 289.5

السنة اللي فاتت (2008) خدت مجموع 346.5

ومعا ذلك نصيحة مني ليكي .. كل سنة بيختلف التنسيق عن السنة اللي قبلها ..

عشان كدا اوعي تاخدي تنسيق السنة اللي فاتت كدليل ليكي عشان تسترشدى بيه عن تنسيق السنة دي المتوقع

اللي بيتحكم في نتيجة التنسيق المجاميع العامة للطلبة في الامتحانات ..

لو كانت عالية يبقي التنسيق عالي .. كانت منخفضة يبقي التنسيق في النازل

انتي بنفسك قارني مابين تنسيق سنة 2007 بـ 2008 .. هاتتلاقي مافيش وجه مقارنة اصلا

لان امتحانات 2007 كانت جايه سهلة فالمجاميع عالية .. قام التنسيق جيه عالي

2008 ت الامتحانات صعبة .. فالناس نيلت الدنيا وحلت وحش .. قامت المجاميع نازلة ..
قام التنسيق نازل

وهكذاااااا .. يارب تكون فكرتي وصلتك

دا دليل تنسيق 2008 (أدبي) >>

http://www.tansik.egypt.gov.eg/appli...imitsA2008.htm

كلية هندسة / جامعة 6 اكتوبر >> 22000 في السنة

كلية الهندسة جامعة مصر الدولية >> 27500 في السنة

بالعكس مين قال كدا .. دا معهد مشهور وليه سمعته وكيانه على مستوى الشرق الاوسط كله

بص ياسيدي .. الناس اما بتسمع كلمة معهد بتفتكر انه حاجة وحشه ..

عشان اغلب المعاهد اللي في مصر تلاقيها لوكال شوية

بس عموما .. اللي اعرفه ان معهد الطيران بتاع امبابة دا عبارة عن مجموعة معاهد في بعض

يعني مش معهد واحد بس .. ومقره دلوقتى في 6 اكتوبر مش امبابة زي مالناس كلها عارفه عشان نقلوه

وكل معهد او كل فرع فيه بيدرس جانب معين من جوانب الطيران .. زي مثلا :

- معهد مصر للطيران ... يخرج طيار مدني .. ومدة الدراسة فيه 18 شهر .. بس طبعا لازم تخضع لاختبارات قبول ..

وتقريبا والله اعلم لازم تكون جاي من مدرسة طيران

- معهد المراقبه الجويه ... دا بيخرج مراقب جوى في البيز بتاعة المطار ..

اللي بيشوف المطار كله من برج المراقبة

وبيكون على اتصال دائم بأى طيار راكب طيارة في المجال الجوي بتاع المطار ..

ودا مدة دراستة حوالي 4 سنين

- معهد هندسه و تكنولوجيا الطيران ... ودا بيخرج مهندسين طيران على أكفأ مستوى

وبيبقوا احسن من خريجين هندسة ..

لإن الدراسة بتتم فيه بالتخصص من اول سنة على طول ومدة دراستة 5 سنين

بالنسبة بقي للمصاريف .. عندك في قسم الطيران .. دا بـ 300.000 جنيه

بس خد بقي كدا شوية نصايح عشان تبقي عارف برده

1- دلوقتي الدراسة في المعهد دا اما بتخلصها بيديك رخصة معتمدة من مصر بس .. يعني مش رخصة عالمية .. بمعني .. انتا دلوقتي اما بتتخرج ماينفعش تسوق طيارة الا تبع شركة في مصر لان رخصة سواقتك مش هايعترفوا بيها في اي شركة تانية بره مصر

2- طبعا بعد ما هاتقرا الملحوظة الاولي هاتقولي بس خلاص لاقيتها .. انا اشتغل في مصر للطيران وامري لله .. هاقولك استني .. مصر للطيران الشغل فيها صعب جدا وبواسطة كمان .. غير كدا في دفعات قبل كدا لسه ماشتغلتش .. فاكيد بياخدوا بالاولوية

3- عدد الساعات اللي انتا هاتتمرن بيها 205 ساعة .. العدد دا طبعاااا مش كافي .. عشان كدا دا مش هايأهلك لانك تشتغل بره مصر .. وبالتالي هاتدفع وتكع 300 الف جنيه وانتا مش ضامن اصلا انك تشتغل

4- طيارين كتير شغالين على خطوط مصر للطيران بينصحوا بان الدراسة تتم في امريكا أو كندا .. واللي انتا هاتدفعه هنا ممكن تدفعه هناك ..

اه وقبل مانسي .. بالنسبة للمجموع بقي

كان في 2008 الحد الادني --> 350

و 2007 كان --> 365 ..

و 2006 كان --> 310.5

دي كانت شوية ملحوظات قولت ابلغك بيها قبل ماتدبس .. وربنا معاك يا معلم

نمسكهم منطقة منطقة

1- القاهرة :

طبعا فيه جامعات خاصة كتيرة في القاهرة .. واشهرهم 6 اكتوبر ومصر الدولية

- جامعة 6 اكتوبر :

دي فيها دراسة عربي ودي بـ 10500 في السنة .. وفيها دراسة بالانجليش ودي بـ 13000 في السنة

- جامعة مصر الدولية :

دي الدراسة انجليش على طول بدون اختيار طبعا .. بـ 26250 جنيه في السنة

2- الاسكندرية :

ماعتقدش ان فيه في اسكندرية جامعة خاصة غير جامعة فاروس

جامعة فاروس كلية تجارة فيها بـ 8750 جنيه في السنة

3- المنصورة : ماعرفش عنها حاجة صراحة (من قال لا فقد أفتى)

ماعتقدش ان فيه جامعة خاصة في مصر اصلا فيها كلية فنون جميلة

هوا فيه كلية فنون تطبيقية اه .. في جامعيتن تقريبا ..

1- جامعة 6 اكتوبر .. ودي فيها اقسام تصوير واثاث واعلان

2- الجامعة الامريكية ..

بيتهيألي غير كدا مافيش

وعموما .. انا آسف يا جماعة للتأخير على أسئلتكوا .. لكن بجد والله دا شئ خارج عن ارادتي

اولا لسبب الامتحانات كانت جايه ورا بعض ..

ثانيا كان فيه ظروف مرضية جاتلي فماقدرتش اتابع اول بأول معاكوا

وأي استفسارات انا تحت امركوا جميعا ..

الف شكر ليك وبجد معلومات مفيده جدا س انا كنت بسال عن هندسه الطيران مش الطيران المدني يعني حلوة وفي التوظيف وادوس فيه ولا بلاش؟

وايه رايك ادخل هندسه الطيران دي ؟

ولا ادخل فنيه عسكريه قسم هندسه طيران بيقولوا احسن هندسه الطائرات الحربيه

ومعلش اخر طلب عاوز مجموع الفنيه العسكريه ونظام التقديم والاختبارات

يا رب مكنش تقلت عليك :)

انا عاوزة اعرف الامتحانات الى فى كليه فنون تطبيقيه هتبدأ امتى وهى عامله ازاى

مانا قولتلك دا بيبقي على حسب احتياجات شركات الطيران اللي موجودة في مصر

ومتهيألي مفيش اصلا شركة طيران في مصر الا شركة مصر للطيران .. والله اعلم بقي

شغلانه محترمة ومرتبها محترم ..

دا يكفي يا اخي ان احمد حلمي كان طالع فى دور مهندس طيران في فيلم اسف ع الازعاج !

فنية عسكرية مستقبلها مضمون في الشغل .. لإنك بتشتغل تبع القوات المسلحة

يعني لا محتاج واسطة ولا بتاع .. تتخرج وتشتغل على طول .. بس قرفها بقي في الاوامر وكدا

بس طبيعي انتا بما انك راجل في الجش فاكيد هاتكون واخد على كدا يعني

لكن هندسة طيران في المدنى مستقبلها مش مضمون لانه كل على حسب احتياجات شركات الطيران

المجموع : 90 % وانتا طالع فوق .. بس تكون علمي رياضة

نظام التقديم : بعد ما نتيجة الثانوية العامة بتظهر ..

في شهر 8 بيفتحوا باب التقديم بتاع كليات الشرطة والقوات المسلحة ..

ودي فروعهم ..

- المكتب الرئيسي بالكلية الحزبية / طريق العروبة - القاهرة

- المدرسة العسكرية الرياضية / سوحة - اسكندرية

- مركز قيادة المنطقة الجنوبية العسكرية - اسيوط

- المدرسة العسكرية الرياضية - المنيا

نظام التقديم كالآتى :

أولا اختبار السمات الشخصية:

1-يهدف اختبار السمات الشخصية إلى الوقوف عل قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة عذا بالإضافة إلى قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة .

2-يتم اختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار .

3-تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة .

ثانياً اختبار المستوى الطبي:

يستغرق الكشف الطبي يومان في الغالب ما لم يقرر غير ذلك.

1-يهدف الأختبار الطبي إلى تحديد اللياقة الطبية للطالب ليكون مبدئياً لائقا طبياً كطالب بإحدى الكليات والمعاهد العسكرية. (كلية حربية-كلية بحرية-كلية جوية-كلية فنية عسكرية-كلية دفاع جوي-المعهد الفني).

2-يقوم بهذا الأختبار لجنة طبية تشكل لهذا الغرض ويكون قرارها نهائياً ولا يعتد بأي قرارات خارجية ، كما يتم الأختبار بمقار اللجان الطبية وفي المستشفيات التي يتم الإعلان عنها.

3-يتم أختبار المستوى الطبي للطالب في جميع التخصصات الطبية وفقا للمستوى المعمول به في داخل القوات المسلحة والمستويات الطبية المطلوبة لكل كلية والمستويات المطلوبة لكل فئة أو تخصص ويجب تواجد بطاقتك الشخصية معك أثناء الكشف الطبي .

4-ترشح اللجنة الطبية من تطبق عليه شروط الترشيح للكشف في الكلية الجوية لأستكمال الكشف في المجلس الطبي الجوي.

5-يتم إخطارك بنتيجة الكشف الطبي فور إعتمادها م رئيس اللجنة الطبية كتابة ومعها يحدد موعد اختبار اللياقة البدنية الذي يكون في اليوم التالي غالباً.

- نصائح وتوجيهات طبية:
اللياقة الطبية لمصلحتك حيث أن من لا يستطيع تحقيق المستوى المطلوب للقبول بالكليات والمعاهد العسكرية لا يستطيع الإستمرار في الكلية لذلك:
1-دون الإقرار الطبي بأمانة .
2-تجنب الحصول على أية دواء يغير من صفتك الطبية أو نتائج التحاليل .
3-تأكد من نظافة الأذن ويجب غسلها قبل توقيع الكشف الطبي عليك .
4-إفصح عن الأمراض أو العمليات الجراحية التي أجريتها في أية مرحلة من حياتك قبل الكشف الطبي وذلك لعرضك على اللجنة المختصة .
5- الطالب الذي يحق له الكشف بالنظارة عليه أن يتأكد من أن مقياس النظارة سليم ومناسب له .
6-لا يعتد بأي كشوفات أو تحاليل أو تقارير طبية بخلاف ما تصدره اللجنة الطبية العسكرية .

ثالثاً اختبار الثقة والسباحة واللياقة البدنية:

1- عند إجتيازك لإختبار المستوى الطبي يحدد لك ميعاد إختبارات الثقة والسباحة واللياقة البدنية التي تكون في الغالب بعد إنتهاء الكشف الطبي وعليك الحضور في ذلك اليوم تمام السابعة صباحاً ومعك الملابس الرياضية و لباس البحر .

2-سيتم إعطائك رقم رياضي تتعامل به أثناء تأديتك لإختبارات الثقة والسباحة واللياقة البدنية .

3- الاختبارات التي يؤديها الطالب
أ-اختبار الثقة:
(1) يعتبر هذا الأختبار شرطاً أساسيا لراغبي الألتحاق بالكليات والمعاهد العسكرية .
(2) يجب أن يؤدى هذا الأختبار بنجاح للإستمرار في الأختبارات التالية ويعتبر هذا الأختبار أيضاً شرطا للإستمرار في الكلية حيث أنه يؤدى بشكل دوري .
(3)إختبار الثقة هو القفز بالأرجل من برج حمام السباحة من إرتفاع 7.5 م .
(4) التقييم :
مضى . قصر .
ب-إختبار السباحة:
(1)هو السباحة لمسافة 50 متر بأية طريقة من طرق السباحة وهذا الأختبار يقيم بالزمن. (2)أسلوب التقييم:
سباحة 50 متر في زمن حتى 45 ثانية 50 درجة.
سباحة 50 متر في زمن حتى 60 ثانية 30 درجة.
سباحة 50 متر في زمن أكثر من 60 ثانية 20 درجة.
سباحة عرض حمام السباحة 10 درجات.
ج-إختبارات اللياقة البدنية:
يؤدى هذا الأختبار في سبعة تمرينات تقيس عناصر اللياقة الدنية للطالب .
العقلة "الشد لأعلى" 40 درجة
تمرين البطن 40 درجة
تمرين الضغط "الإنبطاح" 40 درجة
تمرين الوثب الطويل من الثبات 10 درجات
العدو 100 متر 15 درجة
التوازن 10 درجات
تمرين الجري المتعرج "الرشاقة" 10 درجات
العدوم مسافة 1500 متر 25 درجة
ومنه اختبار المهارات الرياضية (التفوق في رياضة بعينها) .

رابعا الإختبار الشخصي أو كشف الهيئة:

1- إحضر في يوم الأختبار الساعة السابعة صباحاً ولا يُسمح بالتخلف أو التأجيل .
2- الإختبار الشخصي يهدف إلى إنتقاء أفضل العناصر التي تلتحق بالقوات المسلحة والتي تتوفر فيها :
أ-السمات الشخصية والنفسية المناسبة.
ب-اللياقة الطبية والبدنية التي تؤهل الطالب للنجاح في عمله .
ج-قوة الشخصية والقدرة على التصرف .
د-المعلومات العامة والثقافية.
هـ-الرغبة الأكيدة للطالب للإلتحاق بالكليات العسكرية .
3-يتم الأختبار وفقاً للشروط واللوائح والقوانين المنظمة وطبقاً لإحتياجات القوات المسلحة في الأفرع الرئيسية المختلفة .
4-تذكر أنك تتقدم لمجلس مديري الكليات والمعاهد العسكرية لأختيارك من ضمن آلاف المتقدميين فحافظ على مظهرك وأرتدي الزي المحدد بالطريقة المناسبة .
5-في يوم إختبارك سيحدد لك موعد العرض الطبي العام .
6-بعد إعلان نتيجة العرض الطبي العام سيحدد لك موعد إعلان نتيجة القبول بالكليات والمعاهد العسكرية .
7-تذكر أنك في مسابقة وليس معنى وصولك للعرض الطبي العام أنك تم إختيارك لكن عليك بذل أقصى جهدك لتكون من المتفوقين.

اظن تمام كدا ..