شكرا بجد ربنا يعينا

جزاك الله خيرا

موضوع راااااااائع جدااااااً قريته من اول صفحة لآخر صفحة ربنا يكرمك ياااااارب
ويوفقك ويجعله في ميزان حسناتك
أنا كان عندي استفسار انا باذن الله داخلة 3 ثانوي نظام جديد
احنا هناخد كل يوم درسين ماعذا يوم الجمعة مش هيبقى فيه دروس
وانا محتارة اروح المدرسة ولا اخدها منازل
حاسة اني مش هقدر اوفق بين الاتنين نهاااااائي
وخايفة من المنازل عشان موضوع اني مدخلش مدينة جامعية
فحضرتك ايه رأيك ؟
ولو حضرتك تعرفي ايه نظام الغياب وبعد كام يوم يتفصل أو يتحول لمنازل وكده
لاني حاسة اني داخلة مش عارفة حاجة
ربنا يوفق الجمييييع ياااااااارب
ربنا يجزيكِ كل خير

هو انا مش عارفه هل النظام الجديد هيبقي زينا ولا علي الغياب درجات؟؟؟؟ حسب والله
يعني احنا في نظامنا كنا بنروح يوم ولا اتنين ولا تلاته في الترم بس مكانش في درجات ولا تاثير ع المجموع مش عارفه في الجديد هياثر ولا لا

موضووووووووووووووع قمه الروعه

عمرى ماستفدت بموضوع قد ده
لابنا يجعله فى ميزان حسناتك
بس انا ازهرىه وفى تالته فكل المواد مع بعض

فتنظيمى للمواد بيبقى صعب جدا جدا

وسؤال كمان ازااى اذاكر رياضه ...هل احل كتير ولازم احل كل يوم .. وقد ايه فى اليوم

الازهر مواده بتبقي كتيره جدا ونظامه معرفوش بصراحه فلازم بعد الاستعانه بالله تسالي زوي الخبرات من مدرسين مثلا عن افضل حل للتعامل مع كل ماده صحيح المدرس بيدي نصيحه كويسه مهما كانت صغيره وخليهم يوصلوكي ببنات تكون شاطره مثلا ودخلت كليه انتي حلمك فيها وافهمي منها طريقه التعامل مع المواد الكتيره بتاعتكم :d
تنظيم الوقت ده بقي هتكلم معاكي فيه دلوقتي :022yb4: وده يمكن بعد مادخلت الجامعه حسيت باهميته اكتر بس اهم من تنظيم الوقت انك لاخر لحظه تؤمني ان الوقت منتهاش وتبداي من جديد وتجددي تانيه كل ما تحسي بفتور يعني مثلا انا من الناس اللي ممكن ابدا من جديد في كل سؤال في الامتحان اعتبر اني ليسه ببدا و مش بيأس طول ما ليسه في فرصه بس في الاخر بحمدربنا علي النتيجه مهما كانت :022yb4: ومزعلش وفي اللي بعده بحاول احسن واطور
بصي تنظيم الوقت في المزاكره يعتمد علي مدي صعوبه المواد مع عدم ظلم المواد السهله يعني مثلا كنت نظرا لصغر موادي في العدد ممكن اخد في اليوم مادتين دي في ثانويتي انا كنت مثبته عربي وانجليزي بالتبادل علي ما اتزكر يوم بعد يوم وماده فهم ولو مثلا في جزء عاوزه احفظه بختم بيه يعني كنت بخلي الفهم الاول او اللي محتاج تفكير وحل بس يعني طالما ناويه تزاكري يوميا ومش تهزري امشي بنظام الساعات يعني لو هتزاكري رياضه ساعتين بعد الساعتين تقفلي الكتاب وتلتزمي بده لانك لو ملتزمتيش بده هتفضلي اليوم كله في ماده واحده اما كسلا ومللا من مسك ماده اخري او حبا في الماده دي وهروب من المواد الاخري يعني بقدر المستطاع حاولي وضع جدول وتمشي علي جوهره مقصدش من 8 الي 10 رياضه يبقي قران لا اقصد طالما قررت المزاكره وقررت ازاكر الماده دي ودي ودي يبقي التزم بيهم ومديش ماده 5 دقايق زياده حتي ولو وقت الماده كله مطلعتيش منه الا بكلمه واحده ده تحدي لعقلك ولساعتك البيولوجيه
السؤال التاني وهو الرياضه طبعا علمي رياضه بيبقي فروعه كتير وزي ما قلت اهم حاجه وفي المنزله الاولي المدرس الثقه كزا حد من الطلبه يشهدله بانه شاطر وكم كبير جاب معاه الدرجه النهائيه مش شرط حوليه عدد ممكن حتي لو مش مدرس معروف بس شاطر وبيشتغل بضمير تاخدي معاه والرياضه لازم تحلي فيها افكار كتير مش شرط عدد كبير لكن انا في 2 ثانوي ساعه لما كنت بدرس رياضه كنت بهتم بالقوانين واجمعها واكتب كل فكره تقابلني جديده في كشكول كنت مسمياه قوانين وافكار رياضيه مش كنت بنقل فيه المسائل فقط اللي كان بيقابلني من قوانين وافكار مسائل جديده وعملت برده كده في الفيزياء وراجعتها قبل الامتحان بتبقي عاملاها بجهدك وانتي بتبقي فاهماها وبتلم معاكي جدا يعني من الاخر اهم من العمل الكتير اتقان العمل
وربنا يوفقك
معلش لو الرد متاخر بس انا بدخل ما بين حين واخر لجروب الثانويه عشان لو اي جديد ارد عليه فاي حد يعوز حاجه يسيب كومنت علي الموضوع وميقلقش هدخل ابعتله الرد حتي وان تاخر او يبعتلي رساله خاصه وبرده هرد عليها ان شاء الله ربنا يوفقكم جميعا:022yb4::022yb4::022yb4::d

أنا بقى هذاكر جامد و هضغط على نفسىى و هى سنه و خلاص، بس المشكله عندى إححساس دياماً إن بعد تعبى سنه كامله و أهلى صارفين عليا دروس فى الأخر هدخل الإمتحان مش هعرف أحل كلمه واحده، فا ممكن تقوليلنا الإمتحان بيجى إزاى ؟؟ يعنى المزاكر او أى حد تعب يعرف يخلصو علىطول ؟ حتى لو واحد مستواه عادى ؟ و لازم واحد متميز علشان إمتحانات الثانويه العامه كلها أسئلة ذكاء و كده ؟؟

بارك الله فيكي

بجد ف حياتي ما حسيت بكل الامل ده ربنا يكرمك يارب و هفضل فاكرة المنتدي ده لاخر يوم فحياتي وهفضل ادعي لكل واحدساعدني هنا فكل صلاه بجد حسيت اني بتولد من جديد

الف مبرووووووووووك يا دكتورة وعقبال بنتى يارررررررررررررررررررررب
نصائح ذهبيه
جزاكم الله كل خير

انا كنت فاكره زيك كده تمام اني هنسي ومش هحل وانا بقي ايه كانت الثقه بالنفس زيرو :d بس كان الطموح اكبر يعني انا كنت بحاول لاخر لحظه وكنت بطمن نفسي لاخر لحظه وفي الاخر طلعت عادي يعني اسئله عاديه جدا انتي لو متدربه كويس علي الصعب بلاش كلمه صعب لو مزاكره كويس وفاهمه كويس هتعرفي تحلي لانه امتحان عادي جدا الفكره بس ان الخوف بيضيع انما التدريب علي الامتحان والاستعداد ليه ده امر ميتخافش منه لو مع مدرسين كويسين وبيدربوكي كتير دورك انتي بقي انك تزاكري كويس وتثقي في الله ثم في نفسك والموضوع هيبقي سهل اوي

متنسيش اختك بقي الاء في دعوتين بظهر الغيب كده :022yb4:
عارفه انا فكرت في فكره الموضوع ده وبتابعه الي الان رغم ان الواحد اهوه دخل الكليه وبقاله سنتين كمان بس انا كنت في ثانوي محتاجه اوي اللي يطمني ويفهمني الفكره انا مش عارفه هل الموضوع دلوقتي مفيد بعد تغيير نظام الثانويه العامه ولالا بس الحمدلله انه ربنا جعله يفيد حد يعني حسنات كده وانا مش واخده بالي فالحمدلله والشكر لله وربنا يوفقكوا جميعا :022yb4:
دعواتكوا بقي ويارب اشوفكوا قريب معانا في طب جميعا

ربنا يباركلك فيها ويوفقها طبعا الام بيبقي لها دور جامد اوي بالنسبه لماما كانت خايفه عليا بس مكنتش محسساني ان في ازمه يعني كانت بتوفرلي كل سبل الراحه وفي نفس الوقت مكنتش محسساني ان في حاجه اسمها مشكله ثانويه عامه انا نفسي استغربتلها :022yb4:
وان شاء الله نشوف بنت حضرتك معانا قريب اي استفسارات انا تحت الخدمه