بوابة الثانوية العامة المصرية - اخبرنا عن صورة رمزية مخالفة

هفهمك انا يا ناصر

بص

دا رد لعضو في موضوع اخبرنا عن مخالفة من مشرف او اداري

اقتباس:

المشاركة الأصلية كتبت بواسطة banzer (المشاركة 1060837)

تم حظرك لوضع صور فنانين مرتين وحذفهم ثم وضعها للمرة الثالثة. ده مجرد تنبيه

ده كان الحظر اللى عليا من يومين بس اسمحولي اضيف تعليقي عالموضوع وياريت من غير زعل

1- اول حاجة انا مكنتش حاطط صورة هيفا ولا نانسي ده كانت صورة لماتريكس وعادية جداً ومش شايف فيها أي غلط

2- بفرض إنها صور فنانين وما إلى ذلك اش عرفني انا إنه الموقع لا يسمح بصور من ذلك

3- اساساًَ الجهاز عندي كان بايظ وكنت فاكر إنه الصورة عندي مش بتظهر فكنت بجدد تحميلها
مش عارف خالص إنه الموقع بيمسحها وانا برجعها
لأنه لما ميكونش في صورة بيكون اسمك تحتيه الكلام على طول
لكن انا كان بيظهرلي مربع وفيه اكس - تقريبا - يعني الصورة مش عايزة تظهر
عشان كده كنت بعيد تحميلها

4- الحظر 3 ايام ليس وسيلة للتنبيه ابداً
وإذا كان الموقع حذف الصورة مرة وانا عدتها منبهنيش ليه برسالة
ياريت الإدارة تبقى تستخدم التنبيه بالرسائل قبل الحظر المباشر
وبعدين تحظروا حتى اسبوع براحتكم
وعلى فكرة انا زعلت جداً ومقعدتش حتى عالجهاز خالص امبارح

وأشكر الإدارة على القيام بمجهودها ولكنه مبالغ فيه قليلاً
خاصة إني لاحظت كثرة الموقوفين اليومين دول

واقدم احترامي للجميع

ودا كان ردي عليه

اقتباس:

المشاركة الأصلية كتبت بواسطة همس (المشاركة 1061042)

انا عشان المشكلة دي عملت حاجة بسيطة

لاني لقيت ان الاعضاء بيرجعوا الصورة تاني

وقلت اكيد بيحسبوا ان الصورة مش بتظهر عشان كدا بيرجعوها تاني

ونظرا لاننا بنحذف كذا صورة لكذا عضو في نفس الوقت

مش بيبقى في وقت نبعت رسائل لكل الاعضاء الي حاطين صورة مخالفة

المهم

انا بطلب يعني من الاداريين

انهم لما يلاقوا صورة مخالفة

يحذفوها

ويحطوا بدالها الصورة دي

ودي صورة صغيرة كدا عملتها على السريع

لما بيكون في عضو حاطط صورة رمزية مخالفة بشيلها وبحط ليه الصورة دي عشان يعرف

ياريت كل الاداريين برده يحفظوها عندهم ويحطوها بدل ما يحذفوا الصورة خالص والاعضاء تتلهبط وتحصل المشاكل دي

http://www9.0zz0.com/thumbs/2009/01/31/10/367735744.jpg

عشان كدا الصور الي انت شوفتهم

انا كنت بدلت الصور المخالفة بتاعتهم

وحطيت دي بدالها