انا ببلغ رساله مش ذنبى بقا جه ولا مجاش

وبعدين من امتا كل حاجه بييجى بها منشووووووور احنا الى محتاجين يبقى نروح وندور على نفسنا

انا عن نفسى سلمته اليوم

ايوة انا سلمتها من كام فعلا بدون منشور

كلامك صحيح

انا سلمتها في منطقة القاهرة الازهرية قبل المنشور
المنشور وصل يوم 30-6
وممضي من يوم 30-5
التأخير من المعاهد في استلام البوسطة

ياريت يجماعه الكل يسلمها والى ناقصه حاجه يسلمها عشان نخلص بقا وكل واحد يبلغ زمايله

انا كنت فى منطقة قنا اليوم وسالت الموظف عن موضوع الافادة قلى انه جات تعليمات من الادارة بقبول الافادة وعليها رقم السجل وبعض البيانات وكشف باسماء المدرسن وترسل الى القاهرة وقلى الموظف المسئول انهم ارسلو طلب الى الادارة بارجاع الافادات لاستكمال البيانات الناقصة وارسالها الى القاهرة
والله الموفق

دى اخبار كويسة

وسمعت ايضا هذا الكلام فى منطقة طنطا

ان شاء الله التثبيت قادم

فين رجالة الازهر
 

لو سمحتم فين الرجال فين الناس اللى دمها حامى فى الازهر

احنا كان مرتبنا 310 وكنا صابرين , على امل المرتب يزيد

يعنى شهر سبعة جه والاساسى زاد 30 جنيه , المفترض ان الحوافز تزيد 7 جنيه
والمفترض زيادة العلاوة 15 جنيه

المفروض المرتب يزيد 50 جنيه زى التربية والتعليم

بس احنا فين , هما مش شايفين حد علشان يقدروه ولسه ياما نشوف

احنا على نفسنا فى سوهاج مش ساكتين وكل يوم فاكسات وتظلمات

بس لو المتعاقدين كلها تتحد هيبقى فيه حاجة بس نعمل ايه احنا زى النعامة كلنا

ابعت الشكوى ومش هتخسر حاجة الفاكس بـ 2 جنيه على الاكثر

عايز كل المتعاقدين من مختلف المناطق تكلمنى وتشارك
وارجوكم تحركوا مش يبقى اخرنا على المنتدى ؟

احنا فى قنا بعتنا فكسات نطالب فيها بالتثبيت
التثبيت هو الحل وليس زيادة المرتب

انتو فى سوهاج اخدتو كام شهر بدل نقدى؟

تغييرات جوهرية في قانون الخدمة المدنية
درويش ل "الجمهوريه": وظائف الحكومة بالتعيين فقط
الإعلان والمفاضلة شرط للترقية.. التعاقد للمشروعات محددة المدةكتبت - ثناء حامد:
http://www.algomhuria.net.eg/algomhu...20darweesh.jpg أكد د. أحمد درويش وزير التنمية الإدارية ان التعيين فقط سيكون الوسيلة الوحيدة لشغل وظائف الدولة.. ويعتبر ذلك من أهم المباديء في مشروع قانون الوظائف المدنية.
أضاف في تصريح خاص للجمهورية ان القانون يشتمل أيضا علي شغل الوظيفة بالترقية من الوظيفة الأدني.. بالنقل والندب والاعارة.. باعتماد الاعلان والمفاضلة.. وسيختفي التعيين بالتعاقد ليقتصر علي المشروعات محددة المدة.
أوضح وزير التنمية الادارية ان المباديء الواردة بالقانون الجديد حلت مشكلة الرسوب الوظيفي نهائيا.. وعند استكمال الموظف للمدة اللازمة للترقية وتصادف عدم خلو وظيفة من المستوي الأعلي.. يتم ترقيته بصفة شخصية علي أن يمارس نفس المهام المسندة إليه قبل الترقية.
أشار الوزير إلي أن عدد الجزاءات التي يجوز توقيعها علي الموظف تم تقليلها من 11 جزاء إلي 6 جزاءات فقط.
http://www.algomhuria.net.eg/algomhu...e/detail00.asp