اهلا يا ريــــم
احنا هنا كلنا اخوات لو احتاجتى حاجه ويارب بردو تلاقى بنوته فى صيدله قناه السويس هنااا

انا د|شروق مسعد
من القاهرة ...............اتمنى الاقى حد معايا
ياجماعة انا عايزة اسال هى الدراسة ف الكلية عربى ولا انجلش يعنى هنحتاج كورسات ميديكال قبل الدراسة ؟؟؟

اهلا بيكى يا دكتوره
الدراسه انجلش طبعــــــــــــــا
بس مش هنحتاج كورسات قبل الدراسه
احنا هنتعود على نظام الدراسه بالانجلش وهنتاقلم ع كده من غير دروس
ده غير ان عندنا ماده اسمها لغه يعنى هندرس انجلش من ضمن مواد الصيدله وده هيسهل علينا

الف مبروك لكل الى دخلو الصيدله وخرجو من عناء الثانوية وعلشان نجمع فانا عملت رابطه على الفيس بك نتشرف بان تكونوا اعضاء بها اسمها رابطه صيدله تريد(لا صوت يعلو فوق صوت العلم)

السلام عليكم
ان شاء الله معاكم صيدلة المنصورة
يا ترى في اخبار عن التقديم .

شكرا كثيرا على هذا التوبك انا الحمد لله هكون فى صيدله طنطا وربنا يوفق الجميع

اقتباس:

هاااااااااااااى انا احمد فوزى صيدلة اسيوط ايه محدش فى اسيوط معايا ولا ايه

:022yb4::022yb4::022yb4::022yb4::022yb4:

سم الله الرحمن الرحيم

أولا أحب أهنئكم بحصولكم على المجموع العالى ودخولكم كلية الصيدلة وأيضا شهر رمضان الكريم.

أنا هاقولكم مواد إعدادى صيدلة جامعة أسيوط ومعظم الجامعات مع اختلاف طفيف
الترم الأول 5 مواد ( نبات - حيوان - كيمياء فيزيائية وغير عضوية - رياضة - لغة)
المواد الأساسية هم التلاتة الأولانيين
النبات يشمل 5 فروع
1- الفسيولوجى وده بيتكلم على الأنزيمات ودورة كريبس والجهاز التنفسى (كلام أخدناه فى ثانوى بس على توسع) الدكتور بينزله مذكره
2- المورفولوجى وده فرع سهل خالص بيتكلم معلومات بدائية عن الساق والأوراق والجذور.
3-الأناتومى فرع لذيذ وعايز حضور محاضرات
4- التاكسونومى فرع غلس بس الدكتور بينزل مذكرة أسئلة مهمه بيجى منها الأمتحان
5- الفطريات فرع انا عن نفسى مفتحتوش لأنه صعب جدا وفيه كلام لاتينى غبى قوى .

الحيوان ودى مادة الأمتياز فيها سهل خالص فرعين بس
Taxonomy -------- Cytology
علم الخلية علم التصنيف

الكيمياء 3 فروع فرع غير عضوى للدكتور عارف سهل خالص وكلام اخدناه فى ثانوى فى الفيزياء
الفرع التانى للدكتور ربيع اثباتات قوانين الحركة عايز مذاكرة كويس
الفرع الثالث الكيمياء الفيزيائية وده عايز حضور محاضرات علشا تقدر تفهمه.

الرياضه مادة إضافية الغلس فيها فرع التكامل
اللغة سهلة جدا مذاكرة ليلة امتحان بس

الترم التانى 5 مواد اسهل من الترم الأول بكتير
الكيمياء العضوية تعتبر أغلس ماده علشان بتعتمد على الفهم وعايزة مذاكرة وحل بأستمرار

الفيزياء فرعين الأمتحان بيجى صح وغلط والماده سهلة

التشريح والهستولوجى فرعين من كلية الطب وعايزين حفظ رسومات كويس

تاريخ الصيدلة أول مادة تدرسها من الكلية نفسها وهى حلوة فى مذاكرتها

علم النفس ماده سهلة وإضافية .

تقبلوا تحياتى وبالتوفيق للجميع ان شاء الله .
منقوووووووووووووووووووولمن منتدى الصيادلة اليوم:d:d:d:d

مع العلم سيادتكم ان جامعة القاهرة الدراسة فيها5 سنين صيدلة بدل 4 صيدلى و1 اعدادى لانها اتلغت من2004 فالمواد تختلف عن باقى الجامعات

شهد النظام الأساسي والمناهج الدراسية لكلية الصيدلة تغيرات كثيرة على مدى السنوات المتعاقبة. لكن التغيير الكبير للمناهج الدراسية في العام الدراسي 2003-2004 ، حيث تم دمج السنة الاعدادية بالدراسة بالكلية في برنامج مكون من خمس سنوات وذلك من اليوم الاول للدراسة بكلية الصيدلة جتمعة القاهرة.

ياجماعه التقديم امتى لصيدله المنصوره

الله يبارك فيك
ان شاء الله هكون من المنضمين للجروب ويارب نلاقى فيه تميز فى الجروب
حضرتك بقى صيدله ايه ؟

مبرووووووووك يا ايمى
الحمد لله انك قدرتى تحولى
هتنورى الكليه
ربنا يوفقك