بوابة الثانوية العامة المصرية - ما هى أقسام كلية أداب ؟؟؟

اقتباس:

المشاركة الأصلية كتبت بواسطة بوبوسا (المشاركة 3712474)

العفو مش في شكر على واجب
حضرتك انا طالبة في قسم الأنثروبولوجي فمش اعرف بصراحه اغلب الاقسام الاخرى
المواد اللي كتبتها من كتاب دليل الطالب بتستلميه اول مايوصل ليكي انك اتقبلي في كلية الاداب بتروحي للكلية بتقدمي اوراك وبيسلموا لكي الكتاب ده علشان في حاجه هتعمليها وهي التنسيق الداخلي عباره عن انك هتكتبي حوالي 9 اقسام اللي عايزه تلتحقي بيها في الكلية من اصل 14 قسم حسب رغبتك ومتطلبات القسم
بس اعتقد ان الدراسة باللغة العربية والمواد المتخصصه هتكون بالفارسية بس بيكون بالتدريج
اكثر الاقسام كده البداية بتكون باللغة العربية وبعد كده بتتعلمي مصطلحات وفي السنين الدراسية بعد اول سنه دراسية بتاخدي المصطلحات وكل حاجه متخصصه باللغة الاصلية الا في بعض المواد بتكون باللغة العربية ده في اغلب الاقسام مش اعرف في اللغات الشرقية كده ولا لأه بس انتي ان شاء الله بعد ماتتقبلي في كلية الاداب وقبل ماتعملي التنسيق الداخلي اسالي في سكرتارية القسم او اي دكتور في القسم عن طبيعة الدراسة واكيد هيفيدك اكثر وعلى اساسها اعماي التنسيق الداخلي
ربنا يوفقك ان شاء الله.

ربنا يكرمك شكرا علي تعبك يا حبيبتي وان شاء الله اعمل الي قولتيله عليه
انا كان نفسي ادخل ترجمه ولغات مش اداب يلا الي فيه الخير يقدمه ربنا