بوابة الثانوية العامة المصرية - لو ميعاد التثبيت ماجاش

بوابة الثانوية العامة المصرية (https://www.thanwya.com/vb/index.php)

- منتدى معلمي التربية والتعليم (https://www.thanwya.com/vb/forumdisplay.php?f=737)

- - لو ميعاد التثبيت ماجاش (https://www.thanwya.com/vb/showthread.php?t=236146)

الموضوع مش موضوع رزق
الارزاق بيد الله
لكن ده حقنا قانونيا وأدبيا ومن كل النواحى

لو فعلا عايزين يحسنوا التعليم يبقى اول حاجه يثبتوا كل العمالة المؤقتة

نحس اننا تبع المنظومة فنتأثر و نؤثر بدل ما نتأثر فقط

اللى بنطالب بيه الاستقرار والاحساس بالأمان

احنا حقنا التثبيت وان شاء الله هايجيلنا هايجيلنا مش هايقدروا يعملوا معانا حاجه تانية

اخرهم خالص معانا يوم ما يمطوحونا خالص ويقرفونا انهم يثبتونا فى 4/2011 لان فيه ناس السنة التالته بتاعتهم هاتخلص فى التاريخ ده

لكن ده حقنا ومن حقنا نطالب بيه ونعمل كل اللى فى وسعنا علشان نوصله

إحنا بنطلب من ربنا التثبيت وبنقول دائماً يا رب

اقتباس:

المشاركة الأصلية كتبت بواسطة semary8 (المشاركة 2501301)

يااستاذة انا مش ساكت عن الحق انا اكتر واحد محتاج لتثبيت واكتر واحد متضايق من اللى انا فيه بس احنا لو وقفنا الوقفة اللى زمايلنا بيتكلموا عليها ممكن يعندوا قصادنا وبل بالعكس ممكن تطلع منهم حركة مش كويسة علشاننا طيب مانفضل ورا ال ............... لحد باب الدار

وبعدين الوقفة مش هتجيب التثبيت وانا بقول كده كده لو ماثبتوناش يبقى عرفنا اخرهم ونشوف اى سفرية او مدرسة خاصة لغات نشتغل فيها

اما لو ثبتونا يبقى نصلى ركعتين شكر لله
وبعدين فكرى فى عقد الحكومة وعقد الخاص هتلاقى الحكومة احسن بكتير
الحكومة مرتبها احسن ومكافاتها احسن
اما شغل الدروس فمستواكى هو اللى هيجيبلك شغل سواء فى الحكومة او الخاص وماحدش بياخد اكتر من نصيبه
اما حكاية عن الحق احنا مش ساكتين اكيد الكلام اللى بيتقال هنا بيوصل لان الموقع ده كبير وبعدين ما اسرع وصول الكلام

انا كده زعلت وبعدين ده راى والراى لايفسد للود قضية انا لى عندك حق عرب

<< وانا بقول كده كده لو ماثبتوناش يبقى عرفنا اخرهم ونشوف اى سفرية او مدرسة خاصة لغات نشتغل فيها >> الكلام ده ليس صحيح ، لأن العقد بينُص على إنّ من اسْتوفى الشروط في خلال سنتين يُثبَّت ، فإذا لم يتمكن من استيفاء الشروط خلال سنتين يُمد لهُ سنة أخرى من وزير التربية والتعليم ، فإذا لم يحصل خلال الثلاث سنوات على الرخصة (رخصة مزاولة المهنة) إنتهى عقده تلقائياً دون الرجوع لأي إجراء ، ومعظم العقود ستنتهي في 31/10/2011 م . فيجب أن نفهم أولاً بنود العقد ونكمّل الشروط ونستوفيها ، ومن استوفى الشروط يدعوا الله أن يُوفِّقنا جميعاً لما يُحب ويرضى ، وأن ينتقم من الظالمين الذين يُماطلون ويتلكأون في تثبيت المُستوفيين للشروط وهي ( التربوي والأي سي دي إلـ و الدورات التدريبية وإلـخ ) ، حَسْبُنا اللهُ ونِعْمَ الوكيل ، اللهُمَّ عجِّل بفرجك يا أكرم الأكرمين وحْدكَ لا شريك لك ، يا مَنْ إذا قضيْتَ أمراً فإنَّما تقولُ لهُ كُنْ فيكون ، يا فعَّال لما تُريد ، يا غالبٌ على أمرك يا غلاّب ، سُبحانك وبحمدك ، عزَّ جارُكَ وجلَّ ثناؤكَ ولا إلهَ غيرُك ... ، وصلي اللهُمَّ على عبدك ورسُولك محمد وعلى آلهِ وصحبهِ وسلم ، والحمدُ لله ربِّ العالمين.

حكاية مفروغ منها

سؤال غريب والله .......هنعمل أيه يعنى هنولع فى نفسنا ولا نولع فى البلد ........أكيد كل واحد فينا هيشوف شغله فى فصله بما يرضى الله وضميره ..........لان بأذن المولى (عز وجل) التعيين جاى جاى لأنهم مايقدروش يستغنوا عننا هيلاقوا فين زباين زينا يدورلهم الطابونه بتعتهم .......هم خلاص فى عنق الزجاجة ولا مخرج لهم الا تعيننا .....أحنا خلاص أدبسنا فى بعض وملهاش مخرج الا كده .................ولا حد فيكوا ليه رأى مخالف لرأى ........والله ولى التوفيق...

اقتباس:

المشاركة الأصلية كتبت بواسطة جارةالوادى (المشاركة 2500729)

فعلا كلامك صحيح نبوس ايدينا وش وضهر ونهتف كمان للحزب وسيادة الريس وبرنامجه الانتخابى مش عارفة اقول لك ايه غير ان الساكت عن الحق شيطان اخرس ومن غير زعل يعنى انت عايز تسكت عن حقك فى التثبيت رغم انك زى الاساسى فى كافة واجباته من حيث النصاب والشغل والحضور والانصراف بس مش زيه فى الحقوق هو ليه قانون بيحميه ويحمى وظيفته اما انت لو عملت اى غلطة ممكن يفسخو التعاقد بتاعك محدد الاقامة جوا محافظتك متقدرش تطلع منها لاى سبب تجمع شمل اسرتك تروح مكان احسن فيه شقق ارخص الاساسى عنده الحق ده متقدرش تاخد اجازة طويلة شوية تراعى فيها اسرتك او تسافر اى مكان تحسن دخلك عشان الكام ملطوش بتوعهم مش بيكفو الاساسى ممكن يعمل كدة اوى وبمنتهى السهولة ربنا مقالش ان الظلم رزق ومقالش انك تسكت عن حقك وتتهاون فيه وان كنت فعلا كدة فمتحاولش تقنع غيرك انه يكون زيك اسفة على الحدة فى كلامى بس بجد استفزنى كلامك جدا

لابد ان يخجل الرجال!!!!!!!!!!!!!
احترم شجاعتك و اسلوبك المحترم

اقتباس:

المشاركة الأصلية كتبت بواسطة semary8 (المشاركة 2501301)

ياخي في عقود من سنة2002 وهي لا عارفة تسافر ولا ثبتوها دي شغليين من ايام ماكان المرتب 90 جنية وما فيش جاحة جدة ........................... ده فية اربع اصناف من موظفي الحكومةفي المدارس 1- اساس بالكادر2-اساس من غير الكادر 3- عقد بالكادر 4-مدرس لا بالعقد ولا بكادر ............هل هذا عدل هل هي دي المسواه وانت مستني التثبيت هيجي لحد عندك

اصلي فية فرق بين التوكل والتواكل

ربنا يستر ربنا يستر

اقتباس:

المشاركة الأصلية كتبت بواسطة احمد الكوامي (المشاركة 2502322)

مافيش عقود من 2002 خالص

اول عقد اتعمل فى الوزارة كان سنة 2005 وكان المفترض انه عقد مؤقت ينتهى التثبيت بدون امتحانات ولا اى حاجه

لكن لما نزلوا قانون الكادر الجديد لموضوع اتغير طبعا تبعا للقانون الجديد وكل اللى كانوا ماضيين العقد القديم مضوا العقد الجديد
اللى برضه ينتهى بالتثبيت لكن بشروط تانية تبعا للقانون

اقتباس:

المشاركة الأصلية كتبت بواسطة semary8 (المشاركة 2501301)

ياسيدى حقك على راسى وبعدين انا اعتذرت لك مسبقا فى تعليقى وفعلا ممكن نختلف بس فى الاخر هتقتنع بوجهة نظرى برضو ديمقراطية بقى هههههههههههه

ازيك يا سمرى واحشنى والله
انت عشان بتدور على الدروس بتقول اعملوا مذكرات بس انت ناسى ان فى اقسام غير الرياضه هنا
كله مستنى فرصة يتثبت
لكن انا معاك ان فى ناس مدرسين معانا شغلتهم الاولى النت ومش بيدورا على انهم يرفعوا من مستواهم فى المادة العلمية
انا عارف قصدك من الكلام ده لانى عارف اد ايه انت مشغول الايام دى وحاسس ان العالم دى فاضية
أنا معاك نرفع من مستوانا ونعمل مذكراتنا ونجهز تحضيرنا لكن لازم ندور على حقنا يا حج