هقول لحضرتك ع حاجة

حاجة زى القانون ده لو جينا نطبقه ع حياتنا هنلاقيه بيحصل فى حاجات كتير جداااااااااا
فى قوانين تانية كتير اوى و حاجات فى الفيزيا بجد تنفع جدا تتطبق ع حياتنا
انا بس مش عايزة اقولها منعا للتعقيد
بس لو حضرتك حابب ممكن احاول ابسط شوية
بس و الله بجد الفيزيا بالذات يمكن اكتر من المواد التانية قوانينها تتطبق فى حياتنا لان حياتنا تقريبا عبارة عن معادلة فيزيائية كبيرة و معقدة فى نفس الوقت
كان دكتور الفيزيا بتاعنا كل مايشرح حاجة فى الحياة
يقولنا حتى دى فيها فيزيا
و من جملته ع فكرة انا عملت عنوان الموضوع

هي والله مادة لذيذة ومفيدة عامة بس لما ناخدها كمجال للتفكير مش شكل المواد الدراسية اللي عندنا :(


وثانكس علي التوبيك

السلام عليكم و رحمة الله

ازيكم يا جماعة عاملين ايه؟و اخبار الامتحانات معاكم ايه
يارب يكون كله تمام

طبعا نسبة كبيرة مستغربة عنوان الموضوع
ايه اللى جاب الفيزيا لحياتنا و تصرفاتنا العادية؟
الفيزيا المفروض ان نسبة كبيرة مننا معتقدين انها بتاعت الاختراعات فقط
بس
المرة دى بقى هنحاول نشوفها بوجهة نظر مختلفة شوية يمكن لو فهمناها نتصلح

من ابسط قوانين الفيزيا
ان لو قوتين متساويتين و ضد بعض فى الاتجاه هتتلاشى القوتين و المحصلة تكون صفر كاننا مش عملنا اى قوة
و لو قوة من الاتنين اكبر من التانية
القوة الاكبر هيا اللى هتغلب بس بعد طرح القوة الاولى منها

حد فاهم حاجة؟؟؟؟؟؟؟؟
اتمنى
بس كملو معايا الموضوع

لو جينا بقى طبقنا القانون الفيزيائى البسيط ده ع حياتنا تعالو نشوف كده

1- فى حياتنا الشخصية

قبل الامتحان طبعا كلنا تقريبا بنذاكر بمعدل اكبر بكتير من الايام العادية
بس بييجى وقت علينا
بنبقى خلاص
لازم ناخد راحة
اوك
طبعا مافيش حد يقدر يقول اننا مش نرتاح
بس المفروض نرتاح نسمع قران او نقرا قران نشوف مناظر هادية نسمع حاجة هادية-مش موسيقى طبعا:)- نعمل حاجة بنجبها اى حاجة بس مفيدة
احنا بقى بنعمل ايه؟؟؟؟؟؟؟؟
نروح بسرعة ع التليفزيون -بالنسبة لهواة التليفزيون- او النت -بالنسبة لهواة النت-
فبنلاقى ان قوة المذاكرة اللى احنا ذاكرناها بتتلاشى قصاد القوة المضادة اللى هيا التليفزيون اللى هو اصلا بيقلل التركيز
و بالتالى
المحصلة = صفر


و بالسالب ساعااااااااات :)
موقف تانى
اوقات كتير اوى بنبقى سهرانين مثلا بنسمع برنامج دينى فى التليفزيون
اكيد فى اخر البرنامج استفدنا
البرنامج خلص
بنقلب فى القنوات الكويسة مافيش حاجة
نعمل ايه؟؟؟؟؟؟؟؟؟؟؟؟
بسرعة ع فيلم او اغنية او اى حاجة برده تضيع فايدة البرنامج الدينى
و بالتالى
المحصلة = صفر


تطبيق غير مباشر للمثل
( ساعة لقلبك و ساعة لربك )
و ياريتها بترسي ع الساعة :romarioxp6:
موقف ثالث
نسبة كبيرة مننا فى الجامعة او خلصو الجامعة
المهم
اثناء الدراسة نلاقى الناس كل همها الحفظ او التقدير او اى حاجة الا الفهم
طيب يا جماعة ازاى ؟؟؟؟؟
يابنتى خلاص بقى مافيش حد هيقولك انتى فاهمة ايه احفظى عشان تنجحى
و فى الاخر
محصلة المعلومات اللى طلعنا بيها من الدراسة = صفر
هنا بقى تقريبا مافيش قوة ايجابية ضد سلبية فيلاشو بعض .
القوة الوحيدة المؤثرة هيا السلبية اللى هيا الحفظ

و هكذااااااااااااا مواقف كتير فى حياتنا لو طبقنا عليها القانون ده هتتصلح باذن الله
بس نفكر كويس


لا تعليق لأني في ثانوي
2-فى مصر

اكتر حاجة تقريبا مفتقدينها فى مصر
ان مافيش خطة الكل يتحرك عشان ينفذها
الكل بيشتغل و الكل بيتعب
بس للاسف كل واحد فى اتجاه و كل واحد فى مجال
فالمحصلة بنلاقيها صفر
مافيش تقدم
مافيش نهضة
لان كل قوة بتلاشى التانية و بالتالى كاننا مش عملنا اى قوة

مش كدة و بس
ده تلاقي كل واحد مش سايب التاني
في حاله
فلان يقعد يقول ده عمل كذا و كذا
و مش باصص هو بيعمل ايه
3- قضية فلسطين

كل دولة عربية بتعمل حاجة لوحدها كانها فى عالم تانى
كل دولة تبعت تبرعات قدرها كذا
كل دولة تقول اصل العيب فى التانية
كل دولة تقول مافيش حل غير الوحدة العربيةو المقاطعة لاسرائيل
و نيجى نلاقى كل دولة عربية عادى يعنى فيها سفارات اسرائيلية
المعاملات موجودة
مافيش وحدة عربية
لحد دلوقتى مش سمعنا عن خطة عملية لنصرة فلسطين
كل دولة فى وادى

و بالتالى المحصلة صفر
لحد دلوقتى اسرائيل مش بطلت:mad:

الغريب ان كل يوم بتلاقي قمة
يا سلام !!!
اصل السياسة واخدة حقها اوي
و برضو النتيجة مش صفر لأ
-1203
(لغاية دلوقتي:( )
ده بقى ابسط قوانين الفيزياء
ليه دور كبير فى حياتنا
لو فكرنا فى حاجات كتير اوى قبل مانعملها و طبقنا عليها القانون ده
يمكن نتصلح فى حاجات كتير