|
نبدا مع اول قصة نجاح http://shabayek.com/blog/images/kfc1.jpg اسمه هارلند دافيد ساندرز الراجل العجوز اللى شعره ابيض ده اللى بيبقى على محلات كنتاكى الراجل ده والده توفى فوالدته اضطرت انها تشتغل و كان هو كبير اخواته فكان بيعمل لهم الاكل زى ما مامته كانت بتقوله اتعلم اكلة الدجاج المقلى المهم يعنى الراجل ده اشتغل كل الشغلانات اللى فى الدنيا اشتغل فى مزرعة مقابل دولارين فى الشهر والدته اتجوزت فهو سافر و اشتغل برا البلد و هو عنده 16 سنة (قدى يعنى ) اشتغل فى الجيش الامريكى فى كوبا بعدين اشتغل حاجات تانية كتير اشتغل فحام و اشتغل بياع لبوليصات التأمين و اشتغل فى محطات البنزين و دة اللى يهمنا كان بيدير المحطة و كان بيبيع الفراخ للناس اللى بيجوا يمونوا من المحطة المحطة دى كانت فى ولاية كنتاكى الامريكية بعد كدة اتشهر و بقى الناس ييجوا له عشان يشتروا منه مخصوص و بعد كدة اشتغل فى مطعم بتاع فندق ادام المحطة دى كان كبير الطهاه (شيف يعنى) بعد تسع سنين بقى متميز جدا فى مجال عمل الدجاج المقلى دة و قدر انه يعمل خلطته السرية المتكونة من 11 نوع من التوابل اللى بتدى الطعم الرهيب ده كانت حياته كميلة لدرجة ان محافظ الولاية (كنتاكى) اداله لقب كولونيل و هو عنده 45 سنة على طبخه الكويس بس كان فيه عيب ان الفراخ بتااعته لازم تستنى 30 دقيقة عشان تحصل عليها (مدة طبخها يعنى) المطاعم المنافسه بقى تغلبت على العيب دة و كانوا بيطبخوا بسرعة بس طبعا فيه اختلاف رهييب فى الطعم الموضوع ده مضايقهوش لاء ده فكر و استخد حلل الضغط المنتشرة دلوقتى دى لاء و كمان عدل فيها بحيث انها تحافظ على الطعم و تنجز بس فيه حاجة حصلت دلوقتى هو سريع و الناس عنده كتير لكن الحكومة (ربنا يجعل كلامنا خفيف عليهم) غيروا الطريق العام و مبقاش بيمر بالمطعم فالناس مش بقت بتيجى فاضطر انه يبيع كل اللى حيلته فى المزاد و عاش على معاشه 106 دولار فى الشهر كان عنده خمسة وستين سنة فى الوقت دة!! هو بقى فكر و قال انه هياخد عربيته و يلف بيها على اصحاب المطاعم فى امريكا و كندا عشان يبيع لهم الفراخ بتوعه و فعلا نجح و اتفقوا ان هو اخد فلوس على كل فرخة مدة بسيطة خالص 12 سنة بس و بقى فيه اكتر من 600 مطعم بيبيعوا الفراخ بتاعته و لما بقى عنده 77 سنة قرر انه يبيع كل حاجة مقابل 2 مليون دولار و قعد يكتب فى كتابه (( Good Life As I Have Known It Has Been Finger Lincken)) يعنى الحياة اللى هو عرفها كانت حلوة لدرجة تخليك تلحس صوابعينك:confused:(ياتك القرف) و الشركة كبرت و بقت شركة مدرجة فى البورصة و اتباعت تانى بمبلغ 285 مليون دولار و بعد كدة اشترتها شكرة بيبسى ب 840 مليون دولار و غيرت اسمها من شركة كنتاكى للدجاج المقلى الى الحروف الاولى من الكلمة بس و بقى اسمها(K.F.C) عشان تبقى شاملة و مش مقتصرة على الدجاج بس دلوقت فيه اكتر من 33 الف بنى ادم بيشتغلوا فى الشركة دى اللى فروعها فى اكتر من 100 دولة حول العالم بالنسبة بقى لكولونيل ساندرز فاصيب باللوكيميا(سرطان الدم) و قبل ما المرض ده يقضى عليه كان قطع اكتر من 250 الف ميل عشان يزور فروع مطعمه فى العالم كله و اختم كلامى بمقولة بتقول (( عندما يبدو ان كل شىء يعاندك و يعمل ضدك تذكر بان الطائرة تقلع عكس اتجاه الريح و ليس معه))"هنرى فورد" ملحوظة : شوفوا الراجل ده نجح و هو عنده كام سنه!! |
فعلا القصة مؤثرة
واهم حاجة نطلع بيها من القصة دى ان الامل والارادة قادرون على فعل المستحيل لو اجتمع معهم العمل والثقة فى الله مهما عدا الزمن ومادمت تمتلك الامل فانتظر دوما النجاح مهما عدا الزمن كمان فى حاجة مهمة جدا لازم نطلع بيها ان الانسان ميعلقش حياتة على حاجة واحدة او امل واحد لو متحققش يبقى خلاص الدنيا اتهدت الراجل دة فى سبيل تحقيق هدفة اشتغل كل حاجة واى حاجة لاكن فى الاخر وصل لهدفة لاانة كان مؤمن انة قادر على تحقيق هدفة واشتغل فكان لة ما اراد وتبقى معادلة النجاح واضحة صريحة وهى ارادة+اخرص+دعاء+تخطيط سليم=نجاح اكيد لا تقهرها الظروف او تعدلها الصعاب |
جميل قوى الموضوع يا لمى :) و انا كنت قريت فعلا قصته قبل كده حاجه كده و لا فى الخيال انه ينجح ده كله و فى فتره صغيره زى دى و فى سن زى ده :bosyht9: بس كل الموضوع انه اعاد اكتشاف نفسه عرف هو متميز فى ايه و اخلص عشان الحاجه دى زى ما قولتىعاش على معاشه 106 دولار فى الشهر و ده بس اللى احنا محتاجينه نعرف احنا بالظبط حنقدر نتميز فين و نروح المجال ده مع ايمان تام بموهبتنا و اننا نقدر نفرق مع الناس و مع نفسنا فعلا :) يلا كملى يا بنتى متابعاكى :romarioxp6: فى رعايه الله |
تصدقى الواحد بيعرف الحقيقة فى وقت متأخر قومى احنا اصلا عشان نغير مجتمعنا المصرى لو كل واحد بدء بنفسه حالنا هيتغير دا حتى ربنا قال " إن الله لا يغير ما بقوم حتى يغيروا ما بأنفسهم" دا خلاصة الموضوع كله |
| جميع الأوقات بتوقيت GMT +2. الساعة الآن 06:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.