بوابة الثانوية العامة المصرية

اقتباس:

المشاركة الأصلية كتبت بواسطة لمى 2016 (المشاركة 1087463)

ازيكم يا كماحة
بصوا بقى
الموضوع دة
مهفوف (منقول يعنى)
بصوا جاوبونى على الاسئلة دى على السريع كدة
اوك؟
يلا بقى جاوبوا بسرعة بس من غير غش
انا شايفاكم :slap1qk6:
- عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير
لا بالعكس مين الي قال كده
انا اخدت من روضه لثانيه ثانويه في مصر
وثالثه ثانوي اخدتها في الكويت
انتي متعرفيش المعلومات الي كانت عندي من منهج مصر
قد ايه
منهج مصر قوي
يعني مثلا في البلاغه عندهم البلاغه هاييفه
وكلوا هتناك بيتلغبط فيها
انا عمري ماذكرت نحو وبلاغه هناك
كل مره كنت بدخل فيها الامتحان
كنت بعتمد علي الي اخدته في مصر
انا اه بعترف ان منهج مصر صعب زياده عن اللزوم
بس انا جربت غيره بره
وعرفت الفرق
احنا ممكن نقول نظام الثانويه العامه نفسه
ونعيب عليه
اقولك ماشي انا معاكي
اما المناهج
عمرنا ما نقول علي العلم انه حشو دماغ ع الفاضي
والي جرب غيره بره عرف الفرق
العيب في النظام
شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه .

- عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً .
ياريت توضيحيلي السؤال ده
المستقبل مجهول بمعني انك معندكيش هدف تصبوا اليه
ولا ليكي هدف ولكن صعب انك تحققيه من بعد الجامعه
لقلة الوظايف ولا سعر كيلو الكوسه زاد:)

- عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر .

اولا في ايه في القران لو مشيتي عليها اعتقد نسبة الفقر
هتببقي معدومه
بسم الله الرحمن الرحيم
((كلوا واشربوا ولا تسرفوا ))
دول للناس المسرفين
اما موظف الحكومه الي بياخد 200 جنيه
هيتعلم الاسراف من فين
استحاله هيعيشوا
هو وعياله
وكمان هو لوحده
فعلا الناس في مصر عدمانه العافيه
القمح ..القمح
بنستورده من بره
ويدفعلوك كام عشرين مليون جنيه
عشان نجدد الاستادات
عشان لما كاس العلم للشباب يتلعب في مصر
الناس
تلاقي نجيله نضيفه تدوس ليها :)

- عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق .
بصراحه الحكاية دي جربتها مره واحده تقريبا
بس تقريبا من ضغوط الحياه
والهموم الي شايلنها
اكل وشرب ولبس والي نفسه يحج ومش عارف
حاجات كتير وبلاوي اكتر
الشعب تعبان ياريس :d

- عمرك سألت نفسك هو ليه الاتوبيس دايما زحمة .
عشان الناس مش معاه فلوس تركب تاكسي :p

- عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ .
لا من ديه الحمد لله مبخافش:)

- عمرك سألت نفسك هو انت ليه بتخاف من السياسة والكلام فى السياسة ؟ .
ده ضد الديمقراطيه
وانا عمري ما هكون ضدها :)

- عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ .
مفيش حاجه بتكبر في مصر
عشان الناس الكيره تعيش
وميكونش في دبانه
تعكر صفوهم
الدليل : احمد عز :)

- عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات .

يعني العسكر بيبقي عارف الي راكب فب العربيه
احواله ايه
لا طبعا بيكتب علي كله
عسكري المرور في مصر مينفعش يخلص شغله
غير لما يخلص الدفتر
اول ما يخلص شغله
يبقي كده النباطشيه بتاعته خلصت
اتعلومها بقي:)

- عمرك سألت نفسك هو ليه فى ناس ولاد ناس ، وناس ولاد البطة السوداء .
دي بقي عامل اسري وتربوي
في ناس من كتر العز الي هما فيه في مصر
بيصبهم جنون العظمه
مش كلهم
في ناس زي كده كتير فعلا محترمين
والي بيساعد الناس انهم يتفشخروا
سوء الحاله الاقتصاديه في مصر
ده ممكن الي معاه الجنيه يتفشخر علي الي ممعهوش
الناس معذوره :d

- عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر .
ولاد اكبر تجار الكوسه في مصر
ده بيقولوا سعرها غلي دلوقتي :d

- عمرك سألت نفسك هو ليه فى مصر نتسأل هو انت ابن مين فى مصر ؟ .
ازاي؟:blush:

- عمرك سألت نفسك ليه الوظيفة فى مصر بقت بالوراثة ؟ .
اهه عشان يضمن لابنه
ان دخل يدخله
عشان الاب عارف
مهما لف ودار مش هيعرف يجيبله وظيفه
وكمان الي نعرفه احسن من الي منعرفوش:p:)

- عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة .
قولتلك فوق الحمد لله مبخافش منهم
متعبرهيمش:p:)

- عمرك سألت نفسك هو ليه كل حاجة لازمها واسطة حتى انك تجيب خمسة أرغفة عيش لازم تكون عارف البش مهندس الفران .
الي نعرفه احسن من الي منعرفوش :d
دول خمسه ارغفه ياماما
لوكانوا نص او واحد
مش لازم وسايط :p:)

- عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ .

لدواعي امنيه :p:)
او علي راي المنتدي
اسباب اداريه :d

- عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ .
شقة الفول ولا الطعميه :d

- عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! .
الحكومه مالها بالدروس الخصوصيه
هي المدارس الحكومه هتدفع تمن الدروس الخصوصيه كمان
اتقوا ربنا شويه :d

- عمرك سألت نفسك هى الشوارع بقت عشوائية كده ليه ؟ .

- عمرك سألت نفسك هو احنا بقينا مخنوقين كده ليه ؟ .
تعرفي حد بيدخن سجاير ولا ايه:p
- عمرك سألت نفسك هو الفساد والاهمال انتشروا كده ليه ؟ .
عشان الضمير في اجازه بدون مرتب:)

- عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة .
ايه يا استاذه كل انسان خطاء
انتوا بتتددقوا علي حاجات غريبه خالص
دي فوطه ولا موبايل نسيوها جوه يا سبحان الله
وكده احسن عشان القلب يعرف يكلم حبيبته :p

- عمرك سألت نفسك هو انت واخد حقك فى البلد دى ولا ايه ؟ .
تقريبا ساعات :p

- عمرك سألت نفسك هو احنا مش عايشين زى الناس ليه ؟ .
عشان مفيش ناس عايشه:)

- عمرك سألت نفسك هو انت ساكت على العيشة دى ليه ؟ .
مفيش امل يقدر الانسان ياكله يديله طاقه عشان يتكلم وميفضلش ساكت عن العيشه:)
كلمة قالهالي مدرس الجغرافيا في الكويت
من لايملك قوته لايملك قراره :)
ـ وفى الأخر ممكن تسأل نفسك هو انا بحرضك ولا ايه ؟

:stickjo4::stickjo4: لا خالص:stickjo4::stickjo4:
لالالالالالا خالص

الحياه حلوه والشعب زى الفل

وربنا يخلى لنا حكومتنا

http://www.freetalaba.com/board/styl...lt/biggrin.gif

شكرا علي الموضوع بجد
ومستنين موضوعك الجاي ان شاء الله