مرسى جدا يا هند:)

<div class='quotetop'>إقتباس(thestar90 @ Aug 4 2006, 08:30 PM) [snapback]180194[/snapback]</div>للأسف انا ممكن اكون زعلت شوية لأني كان نفسي انك تكوني في ركب الرياضة بس يلا مش مهم
وياريت كلامي ميكونشي هو السبب يعني ميكونشي خوفك
ده قرارك انتي مش احنا وربنا يوفقك في اللي قررتيه ونشوفك دكتورة بتعالجنا أو صيدلانية تدييني العلاج
بس انا عندي طلب منك ياريت تحاولي تصلى صلاة استخارة لو لسه متردده

مرسى جدا جدا جدا جدا يا احمد و بجد انا مبسوطة اوى بالاهتمام اللى انا لقيتة من الاعضاء و اوعدك انى هاصلى استخارة
و الحقيقة انا خفت من رياضة2 علشان فروعها كتير وكمان الميكانيكا شكلها صعب

<div align="center">السلام عليكم ورحمة الله وبركاته</div>

ربنا يوفقك يا ستار وتوصلى للخير ليكي بعد صلاة الأستخارة
وبعدين انا برده كنت خايف من رياضة 2 في الأول وأي واحد دخلها هيقول كده حتى اسألى وشوفي الرد
وكمان انا مقلتش ان الميكانيكا جامده عشان أخوفك لأ بس عشان توعيلها كويس وتصحيلها لأن مسألها بتعتمد كلياً على الرسم بتاع المسألة اللي هو بيجبلك الحل وانت ممكن تسألي مرس رياضة تكوني متأكده من كفائته
وكمان زي ما بيقولوا اللي تحبه تخاف منه ....صح ولا أيه :D
وانت ليه متسأليش حتى في منتدي الرياضة في المنتديات التعليمية هما ممكن يسعدوكي اكتر

و عليكم السلام و رحمة الله و بركاتة

انا اصلى يا احمد حجزت مع مدرس احياء خلاص 000و عايزاك تدعيلى ان ربنا يوفقنى ان شاء الله

السلام عليكم ورحمة الله وبركاته
ماعنديش حاجة اقولها غير ربنا يوفقك وينولك مرادك ونسمع عنك كل خير ونجاح
ياااااااااااااااااارب

رياضة 2 على فكرة مش صعبة زى مانتى متخيلة يا سارة
وبجد التفاضل والجبر والهندسة حلوين جدااااااااا
والميكانيكا مش هقوللك سهلة موت يعنى لا هى عايزة حلللللللللللللللللللللل كتيييييييييييييييييييييييييييييييييييييييييييييييي يييييييييير وبس
اهم حاجة تعرفى كل الافكار

وربنا يوفقك ان شاء الله وتدخلى اللى نفسك فيه

جزاك الله خيرا اخى
بجد استفدت كتير
انا رياضه 2 السنه دى باذن الله
وربنا يوفقنا جميعا

مرسى يا مراميرو يا عسل

و مرسى ليكى كتيير يا تويتى جيرل

ربنا يوفقكم جميعاً انتي يا تويتي جارل وانتي كمان يا ستار

مرسى اوى اوى يا احمد انا ان شاء الله راحة رياضة 2 و استفدت من كلامك

صعوبه الماده تتمثل فى الكم وليس الكيف
بمعنى الكل بيشتكى ان الماده كبيره ولكن مش صعبه لان الامتحانات كلها شبه مكرره
يعنى لو حليتى امتحانات كتير هتدخلى الامتحان مرتاحه جدا
ومحتاجه كمان انسانه بتحب الرياضيات وده على المادتين واحد واتنين
وان كان فى 1 مضمون 50 فى 2 مضمون 55 بالسؤال الاختيارى كمان

السلام عليكم و رحمة الله و بركاته
انا كنت رياضة 2
والحمد لله السنة دى اللى كانوا بيقولوا ان امتحاناتها صعبة انا جبت 50
أهم حاجة فى الرياضة بالذات
انك تحل أمثلة و تمارين كتاب الوزارة كلها
متسيبش ولا مسألة
حتى الأكمل و الاختيارى
حله برضه
لان امتحان السنة دى كان جاى من كتاب المدرسة بالنص
كمان فى حاجة مهمة
حل كل مسائل دليل التقويم
وخصوصا فى التفاضل و الميكانيكا
واهم حاجة فى التفاضل المعدلات الزمنية و العظمى و الصغرى
والميكانيكا كلها مهمة
يعنى فيها افكار كتييييييييييير
بس لو حليت دليل التقويم و الكتاب
ان شاء الله مش هيخرج عنهم الامتحان
عايزك كمان تحل كتاب اسمه لامى و كتاب 100%
كويس جدا و فيه حل بعض مسائل الدليل
فى ناس بتستهين بفرع الهندسة الفراغية
اول لما تبدأ ان شاء الله
ابدأبيها
وطول السنة حل عليها مسائل
هتلاقيك حفظتها
و اوعى او عى اوعى لما تدخل فى فرع جديد تسيب اللى انت خدته
لازم تراجع باستمرار
وعلى فكرة
رياضة 2 هتسهلك حاجت كتيير فى الفيزيا و العكس
حجة كمان ان رياضة 2 مش زى رياضه 1 يعنى رياضة 2 عايزة شغل باستمرار
وربنا يوفقك
واى حاجة تانية انا موجود
محمد صفوت

انا فى رأئى رياضة 1 اسهل بكتير جدا من رياضة 2 باى حال من الاحوال لكن انا والحمد لله من غير ار ولا نأ جبت
( 50 ) فى رياضة 1 ورياضة 2 (50) برضه عشان حليت كتير فر رياضة 2 بالذات وركزت اكتر على كتاب الوزارة
والحمد لله الامتحان مخرجش عنهم وربنا ستر ودخلت بترول وتعدين