عمرك اطول من عمري ..
انا كنت ناوي اعمل موضوع على الظاهرة اللي تخنق دي و كمان كنت هعمل الموضوع بنفس العنوان .. المهم
فعلا دلوقتي حاجة اتصل ب0900 او من اي موبايل على (رقم مكون من 4 او 5 ارقام) او ابعت رسالة على (رقم مكون من 5 ارقام).
و مش بس مسابقات ده تحميل برامج و رنات حتى القرآن بيتاجروا بيه و المذيعة تخلي صوتها كأنها متأثرة اوي و تقول اتصل و حمل برنامج المصحف.
و لا قنوات الاغاني اللي بقت شغالة مسابقات ليل و نهار .. حاجة بجد تقرف و بقت لا تحتمل.
يعني ايه واد او بت مايصين واقفين قدام الكامير و مفيش حاجة على لسانهم غير اتصل .. ابعت رسالة..
و اي قناة تعمل اي برنامج يبقى لازم تعمل مصلحة من 0900
اتصل و توقع مين اللي هيفوز.
و بالنسبة بقى للمسابقات اللي زي المفتش "كرومبة" يعني الناس اللي بتتصل بيها مفكروش ازاي تكون المسابقة بالسهولة و الهبل ده.. يبقى اكيد نصباية..يعني اللي بينصب اهبل عشان بيعملها بالسهولة دي .. و اللي بيتصل اعبط و اعبط.
المفروض حد من المحاميين الكبار يعمل قضية لأن ده نصب عيني عينك.

الله عليك يا معاذ بارك الله فيك وجزاك خيرا
تقبل مرورى اخى الكريم

موضوع مهم فعلا :bosyht9:
بجد عادت حاجه تخنق
تفتح التليفزيون
كلم 0 مش عارفه كام كده تكسب اسبوع رحله اقامه فى فندق مش عارفه ايه والرحله وكام تذكره وحاجات عجيبه كده :o
طيب لو جينا نفكر كده
ازاى يعنى هكسب هو هبل وخلاص
وفى الاخر بيضحكوا على الناس ويلموا من وراهم ملايين :angry2:
طيب الناس تفكر يعنى على اى اساس هتاخد جايزه زى دى
ليه يعنى ؟؟صعبان عليهم وحابين يساعدوك فى المصاريف
ياللا ربنا يكمل الناس بعقلها (هقول ايه غير كده)
دا غير البرامج اللى بتشتغل على قنوات الاغانى 24 ساعه كل مااقلب الاقى
عيل ولاعيله واقفين يتنططوا وحاجه شكلها مقزز ايه .........دا
ويقولك مفيش حد خسران معانا:angry2:
ههههههههههههه
صح صح صدقوا ممكن بردو ليه لا
وبجد بجد بتخنق من كم الاتصالات اللى الناس بتعملها للبرامج اللى زى دى
ودا قاعد يقول للى بيقدم البرنامج انت لذيذ معلش اصله واقع فى عسل
يعنى ياريت بس بيضحكوا على الناس
ويسرقوا (بجد سرقه بمعنى الكلمه) لا كمان ابتذال وقرف
وذنوب على الفاضى
ربنا يتوب على الناس من الحاجات دى
جزاك الله خيرا على التوبيك
تقبل مرورى

والخسران كسبان :d

بغض النظر عن موضوع السرقة في المسابقات ده
انا بتغاظ اكتر من منظر اللى بيقدم والبنات اللى بتتصل تتغزل فيه

مرة كان واقف بيسأل واحدة (كانت من بره مصر بس كانت في مصر)
بيقولها انتي لون شعرك ايه
و لون عينيكي ايه
وانتي مش عارف ايه
باقي يقولها انتي ساكنة فين

بجد قمة المهزلة

ربنا يرحمنا

شكراً لمرورك

جزاك الله كل خير وكل عام اونت بخير

ههههههههههههههههههههههههه
والله ضحكتني على الصح
بجد يامعاذ التوبيك رائع
وتسلم إيدك
جديد ومحدش إتكلم فيه
بس نبهت ليه
كنت خليت الناس تكسب
هههههههه
لابجد موضوع حلو
ودايما مواضيعك متألقه وجزاك الله خيرا


أختكم
الزاهــــــــــدة

الموضوع هدفه مفيد بس كان ممكن توضحه من غير لهث النساء
ورغايه رغى يابوووووووووووووووه

ايوه صح انا مرة اتصلت وكسبت ايس كريم وادوني 3 جنيه الا ربع بس روحت اجيب بال3 الا ربع ايس كريم تاني اصله عجبني