ليه الأسلوب ده "ايه معنى أخدوا صابونة" أولا احنا مدخلناش الكادر علشان احترمنا كلام صدر عن وزارة التربية والتعليم التصريحات كانت واضحة ان لازم نأجل علشان الدرجة " نحن لا نعلم الغيب " وايه لا نعرف مصيرنا احنا معلمين مثلكم ومصيرنا زي مصيركم وانشاء الله هنصرف زيكم ويارب تكون صرفت الفلوس في الخير

صرفوا حوالى 3000 جنيه من اين اتيت بهذا الرقم والرزق على الله

يا اخواني انا ملاحظ بلجنه نجع حمادي الثانوية بنين ومن اول يوم لاحظت التالي:
لاول مرة احس ان فيه لجنه ثانوية عامه مهرجله (اسف علي اللفظ) دخلت لقيت ان الملاحظة لم توضع واللي يدخل يمضي حضور يتحط في اللجنه اللي عليها الدور.
رئيس اللجنه ذي الغرقان بيلف ويدور حولين نفسة ومش عارف يعمل ايه.
مراقب الدور مش موجود وبسؤاله عن عدم وجودة في الدور افاد انه موزع علي دورين تحت بعض وبقعد هنا شويه وهنا شوية.
استلمت اوراق الاجابه وذهبت للجنه وجدت 3 من اولياء الامور مع ابناءهم بداخل اللجنه ( استمرت لليوم الثاني ) اولياء الامور بتدخل اللجان مع ابناءهم.
كل اللي قدر عليه رئيس اللجنه في اليوم الثاني انه منع الملاحظين الاحتياط (50) من عدم مغادرة اللجنه والذهاب لتحضير الغداء لباقي الزملاء في الاستراحه واصر علي عدم المغادرة الا بعد نهاية الوقت الرسمي للفترة الثانية.
اكثر من 10 عمال باللجنه ولا تجد احد يمر بكوب ماء ليه لان رئيس الجنه مش عايزهم يطلعو الي اللجان وهو نفسة مدخلش يمر علي لجنه واحده لمدة اليومين.
هو ده التحسين اللي عملوة وطوروة والدقة هذا العام

إخوانى المدرسين الأفاضل

الأستاذ الذى ذكر كلمة " صابونة " فى كلامه لم يكفر

ولم يأتى بفعل فاضح حتى تقيمون عليه الحد بهذه الطريقة

إعتبروها غلطة أو هفوة أو زلة لسان ...

وإن لم تكن زلة لسان وكان هذا رأيه بالفعل فهو حر فى رأيه

المهم ألا تشغلنا مثل هذه التوافه عن الأهم

طب ماطول عمرنا الحكومة بتدينا فى الصابون ولا عمرنا زعلنا يعنى

يا إخوانى سعة الصدر مطلوبة ولو كنتم زعلانين

هاتو الصابونة وانا هاخدها :d:d

أنا حاسس أنى هتزحلق من كتر الصابووووون ;)

بيتكلمو
 

اليوم خرجت الجرائد تحدث عن صعوب امتحان الفيزياء وان كثير من الطلبة اغمي عليهم
وكمتان الكيمياء والتاريخ كان صعب اما باقي الامتحان بدون مشاكل!!!!!!!!!!

يوم كمان عدى بلا طلبة

يا جماعة الخير الرجاء لا تزعلوا من رؤساء اللجان التعليميات السنة دي صارمة والوزارة ممكن تضحي بأي حد ومعظم رؤساء اللجان قاب قوسيسن أو أدنى من المعاش فربنا يكون في عونهم وهم السنة بيدوروا على الأخطاء
كل اللي بيحدث هذا العام توابع تسريب الامتحانات في المنيا العام السابق يعملوها أصحاب الأهواء والأطماع وتطلع على الشرفاء والغلابة فلكم الله
زملائي نحن بعون الله أصحاب أشرف مهنة بعد النبوة ونحن كملاحظين خرجنا في سبيل الله فاحتسب الأجر من الله عز وجل
أما " الأخ بتاع الصابونة سامحه الله ولكن احنا لم ندخل الامتحان كي لا تضيع درجاتنا ونحن لا نثق في بعض وعود الوزارة واللي قبض 3000 جنيه هنيئا له وربنا يزيده وهذا رزقه ورزق عياله
وفرصة سعيدة يا زملائي الأعزاء