|
عالم فاضية
اقتباس:
ههههههههه كنت لسه هقول إستضيفوا أحمد بيعمل كبدة بالشربة هايلة :d هى تى المفاجأة يا سمنتى طاااااااايب :romarioxp6: |
اقتباس:
لا وانا اللى كنت فاكر الكيتشن ماشين ده اصدار جديد من البلاى ستيشن :d |
ياجماعه وربنا انا مرة دخلت المطبخ حطيت البطاطس فى الخلاط ال عشان اعمل عصير بطاطس ........
مووووضع جامد اوى يامحمد متابعين كلنا |
فكرة موضوعي ان العضو الي عليه الدور هيدخل يحكي عن تجاربه الفاشله في الطبيخ والمطبخ والعزومات واللذي منه انتظروا الحلقه القادمه مع بنوته اهلاويه ملحوظه : طفايات الحريق جاهزه :d |
اقتباس:
متابعة :( |
موضوع جميل متابعه معاكم اا نشوف ياسو حبيبي هتعمل ايه هتولع ف الدنيا اكيد بلا شك مش المطبخ بس منتظرين |
موضوع ظريف :d ع الرغم انه هيسبب ذكريات مؤلمه للبعض مضحكه للبعض الاخر الا ان شخصيا ذكرياتى ومواقفى مع المطبخ قليله ومخزيه الصراحه يعنى لانى لغايه دلوقتى والحمد لله كانت اكبر مهامى المطبخيه قليه كام بيضه وكبايه شاي اللى الصراحه نادر لما تطلع كويسه بس منذ الصغر ونظرات الخوف كانت بتطلع من عين ابويا وامى ( او بابى ومامى لزوم الرقه المصطنعه ) لمجرد دخولى المطبخ لقضاء ابسط الاحتياجات اشرب ميه اجيب طبق جيلى - بحب البتاع ده- ولانى والحمد لله اتمتع بخيال خصب بطريقه مبالغ فيها اوى يعنى :d فكانت كل حاجه بتكلمنى صاحبتى بمعنى ان التلاجه كانت اعز اعز اصحابى الصراحه عمرى مطلبت حاجه وقالت لا والارانب كانت الاناتيم :D -احيانا الحيوان والجماد بيفهمك اكتر من الانسان- وبما ان الموضوع متعلق بالمطبخ ولانى وعدت ارنبى ان اقول قصتنا -زمان قبل ميتم قتله مع سبق الاصرار والترصد- وانى هنشرها حتى لو فى مجله ميكى المهم ان الاخ الارنب ده كان سبب فى قطع علاقتى مع الوالد والوالده لمده اربع ساعات تقريبا وذلك لانه الارنب الوحيد اللى فهمنى وكان الوحيد اللى اكل من ايدى جزر دونا عن اولاد العماره كلهم الا ان بابا قتله اودبحه -لتجميل الصوره - وبعد بكاء وشحتفه وتشنجات عصبيه منى ومن الارنب اعتراضا ع هذا القرار الذى يخرق كل قوانين حقوق الحيوان -ع اساس ان احنا فى بلدنا بنحترم حقوق الانسان- الا ان بابا ضرب بكلامى ونهنه الارنب مش عرض الحائط بس لا وطوله كمان وتم قتل الارنب ذا اللون الاسود والعيون الحمرا والفيونكه الفوشيا -كان جميل والله- :friendsxs3: ومن هنا اندلعت الحرب فى البيت واقسم بالله اننى لم اتذوق -غير الرقبه بحب امصمصها- *** وفى يوم من الايام الغبره -لا اعادها الله- طلبت الحاجه الوالده انى اعمل طبق سلطه الموضوع قد يظهر للبعض تافها فى الوقت اللى كان عمليه انتحاريه من الدرجه الاولى بالنسبه لى :d وبعيدا عن صباعى اللى كان هيطير من السكينه الا ان والحمد لله اتعمل احلى طبق سلطه بس الصراحه بردو ان الضيوف اللى عندنا كان سبب فى عياطهم بل والوصول لدرجه الشحتفه طبعا مش عشان فكرت عمو بطبق سلطه مامته الله يرحمها :slap1qk6: الا ان كميه الفلفل الاسود والشطه كانت ممكن تحل مشاكل كتير فى البلد برطمان الشطه ادلق منى -غصب عنى والله- فكانت النهايه المآسويه وطبعا الضيوف دول منوروناش تانى :d *** وبما ان الموضوع واقع ملبوس (ملموس يعنى) والمنحوس منحوس وان الواحد اتفضح وبقت سيرتنا ع لسان كل زائر هقلكم ع وصفه جميله اسمها (الروموعسل) كلمه مش أبيحه الترجمه تحت الرو=الرومان مو=موز عسل عسل مش عاوزين زكاوه حطوا حبات الرمان ع شرايح الموز وعليهم كميه من العسل الابيض ودوق وان شاء الله خير *** الا انى مازلت اذكر حريق مطبخ عمتى واللى كنت سبب صريح فيه وطبعا اعتقد ان الموضوع ناقصه ريحه الشياط دى واللى بقيت مشهوره فى العيله بمستر كيس بدلا من اكس وسبب الحادث الاليم وهو كان حريقه فعلا بجد حقيقى حيث كنت فى زياره تقيله لعمتى وكنت قاعده مع بناتها نشاهد احد افلام الرعب ع mbc2 والصراحه الواحد مدمن افلام رعب ومع استغراقنا فى مشاهده هذا الفيلم نسيت الزيت ع النار واللى كان من المقرر وضع بعض شرايح البطاطس لنفاذ المؤنه بتاعتنا من الكرانشي المهم انا اتشغلت بمشاهده لقطات الفيلم حيث تقدم البطل -اللى مطلعش بطل فى الاخر- من البطله - اللى مطلعتش بردو البطله - واداها بالسكينه اللى مازلت متأكده انها مطوه قرن غزال متسربه من مصر لامريكا المهم ان احنا لقينا نور احمر فى اخر الطرقه طبعا واضح ان احنا كنا متأثرين فطنشنا الا ان فى الاخر اكتشفنا ان المطبخ ولع والحمد لله الذى لا يحمد ع مكروه سواه واولاد الحلال كتير متقلقوش ومن ساعتها بطلت ادخل مطابخ *** وقررت ان شقتى فى المستقبل البعيد اوى اللى هو مش هييجى ان الشقه هتتجهز من غير مطبخ ولكن كعاده كل امهات مصر وان البنت ملهاش غير بيت جوزها وانى لازم اتعلم وضل راجل ولا ضل حيطه واللى ملوش كبير يسيب البلد احسنله ويطير او يعد ويجيله انفلوانزا خنازير ومتسألش ايه علاقه ده بموضوعنا كانت ماما بتاخدنى من ايدى وتقعدنى اتفرج عليها عشان اتعلم واشوف النفس العربى الاصيل والمغامرات والالعاب الاكروباتيه الا انى بكتفى بالغنى والترزيع فى الحلل فى الاخر بطرد طبعا من المطبخ وانا بفضل كده :d وبما انى طفله وديعه-بلاش تريقه يا ست زينب- ومليش فى التهزيق وقله القيمه كانت ماما دايما تصبرنى وتقلى ان شاء الله فى انطلاقه تانيه وهتبقى كويسه فى المطبخ وكنت بكتفى بالنظر لرجل الكنبه وافتكر الرئيس المبارك اللى بيوعدنا دايما بالانطلاقه التانيه واننا ع مشارف مستقبل احسن وان قضى ربع القرن اللى فات فى الانطلاقه الاولى هل كان يقصد انطلاقنا فى المطبخ ولا احنا اصلا مش قادرين ع التقدم حتى لو استعنا بخبرات اجنبيه او حتى بخبرات منى عامر كفايه كده شكرا يا محمد ع الاستضافه الكميله :D |
ههههههه الله يكسفك زي ما كسفتينا وبهدلتينا انتي لا تنتمي للبنات قصرتي رقبتنا وفضحتينا اياك اشوفك هنا تاني ربنا يصبرني ويصبر اهلك عليكي مش عاوزه اشوف رقمك علي التليفون لا موب ولا ارضي اصل تعديني منتظرين الضيفه التانيه اللي هتعجن الرز |
اقتباس:
انا لاانتمى للبنات احم ليه كده يا يوما اومال لو مكنتيش تعرفينى لا لا لا وبتطردنى كده ماشي ماشي عامه ورونا اللى عليها الدور او عليه هيعمل ايه |
ههههههههههههه بصراحة ضحكت بجد وحقيقى طريقة عرض البتاع ده منك تجنن :d اى نعم تلات ارباع اللى انتى قولتيه لا يمت الى الموضوع بصلة ( من الوصل وليس البصل اللى بيخلينا ندمع ده ) بس السلطة شىء عادى اى بنت فى دولة سمنود تعرف تعملها حتى الولاد كمان اى نعم انا حصللى الشرف وعملت سلطة بس الحمد لله انتهت بسلطة طماطم بدم لان صباعى طار فى اول مرة بس الحمد لله ربنا ستر ومفيش خساير فى الارواح بالنسبة لحريق المطبخ فدا شىء متوقع من امثالك عادى يعنى منتى هنا بتولعى بردو الدنيا مش هتولعى مطبخ وقبل ما اتنيل على عينى واتدبس فى جوازة ما يعلم بيها الا ربنا هكتب فى عقد الجواز فى حالة ان الزوجة مطلعتش ست بيت شاطرة على دراية كاملة بفنون الطبيخ والغسيل والكنس والمسح وخلافه تكون مطلقة فى الحال مع سقوط حقها فى النفقة والمتعة وكل حقوقها لانى هكون مفلس ساعتها تتكو البلاوى مليتو البلد :d |
ههههههههههههههه اسلوبك تحفه يا بنتى بجد ضحكت ضحك ربنا يكون فى عون اللى معاكى :d انتى بتدفعيلهم كام عشان يستحملوكى انتى و عمايلك و لسانك الثوكر ده :d اقتباس:
شايفه شايفه اخرتها اديكى فرجتى الناس علينا :slap1qk6: كنتى خليتى سرك معاكى يا بنتى صحيح اتا اتعس منك :d بس بردو بعرف اعمل السلطه و كمان سلطه الزبادى عبقريه يا بنتى مش اى حد :d و حكايه الزيت بقى انا ماما مش بتسمحلى انى اجرب اساسا بتقولى من بعيد لبعيد امبارح اول مره اقلى حاجه كل ما احط البطاطس تقولى هوششششششششش حيقع عليكى الحمد لله هوششششششش حيقع عليكى الحمد لله كنا شغالين فى فيلم رعب :d المهم فى الاخر بسألها بكل براءه هو كان حيحصل ايه يعنى لو وقع عليا :unsure: عملتلى الاموشن ده بالظبط :slap1qk6: و طاخ على راسى :d و تقولى ساقط ثانوى اللى وافق يدخلك طب ده :d مقنعاهم فى البيت اللى امه داعيه عليه من هنا لبعد بكره لازم يكون حافظ الاسعافات الاوليه و قواعد السلامه الدوليه :d يلا خير خير :d:d:d فى رعايه الله |
ده انتم بهدلتم سمعه البنات انتم بنات انتم؟؟؟؟؟؟؟ اشك يلا يا بتاع هووووووووووووش الحمدلله امشي العبي بعيد |
هههههههههههههههه
ههههههههههههههههههههههههههههه هههههههههههههههههههههههههههههههه بجد جامدة يا اخت بنوتة ان شاء الله متقلقيش يجى منك كدا على كمان خماشر سبعشر سنه كدا ربنا يستر علينا وعلى ولايانا |
اقتباس:
بس انا رافضه عشان الواحد وقته مش ملكه اقتباس:
اقتباس:
تى مين تى انا !! ياجماعه جنات غنتلى الطفله البريئه وانتى تقولى انى بولع الدنيا لا لا مكنتش اتوقع اقتباس:
يبقى مش هتلاقى عرايس ياابنى احنا فى زمن التيك اواى ملينا البلد !!! روح جبلك عروسه من بنجلاديش يا ريس اقتباس:
طبعا توحفه يابنتى -حبه غرور بئا - والله كنت خايفه اعك وتطلع اول حلقه موش ظريفه بس يلا العواقب جت سليمه وربنا ستر اقتباس:
هم لسه هيتفرجوا [/quote]:d هى العمليه فى النمليه من زمان اقتباس:
سلطه زبااادى يييييعععععع لا يع فعلا ماعلينا اقتباس:
انا حسيت بكده بردو حلوه هووووش دى اقتباس:
ماعلينا هى البلد ماشيه كده :p اقتباس:
الشارع كله اتلم ودعا عليه اصلا يلا دونيا انتى مش هينفعك غير حانوتى اصلا اقتباس:
ههههههههههههه انا وولاء بنطرد من حتت كتير اوى الايام دى ربنا ع الظالم اقتباس:
:d لا خلتنى اتفائل يا احمد والله خماشر سبعاشر ع رأيك ربنا يستر ع ولايانا :d |
ياسو تجننى بجد مالكيش حل :d اقتباس:
انا لو مكانهم اخليكى تاكلى كل السلطة اللى عملتيها لوحدك ومفيش حاجة تانية :d اقتباس:
مش باحب العسل ده غير انه اختراعك يعنى الموضوع مش مضمون من الاول اصلا :d اقتباس:
فكرتوا ان ده تبع الفيلم يعنى :d |
| جميع الأوقات بتوقيت GMT +2. الساعة الآن 06:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.