يا جماعه ورق ليس له اي قيمه..فهو روتين و يكتب منه اكثر من نسخه لانها بيانات ليست سريه فكشوف الاسماء و ارقام الجلوس موجوده و كذلك اسماء اللجان و ليس لها وزن

و الرقم السري بيتعمل في كنترول المناطق الاربعه و ليس في اللجنه

و الرقم السري بيتعمل في كنترول المناطق الاربعه و ليس في اللجنه

اذا كانت جريدة اليوم السابع صفراء
هاهي الدستولر اليوم تنشر الخبر بتفصيلاته
5/7/2009

مدرس بالإسكندرية يشتري أوراق كنترول الثانوية العامة لهذا العام من «زبال» بنصف جنيه للكيس
05/07/2009

( نص جريدة الدستور الصفحة الاولي)

كتب-مطاوع بركات ومصطفى شحاته

أكد ياسين مختار- مدرس لغة عربية بمدرسة شيدوان الثانوية بنين بالإسكندرية- أنه عثر علي أوراق تخص كنترول الثانوية العامة بالإسكندرية وتحديداً لجان مدرسة نبوية موسي وذلك بداخل كيس قمامة بالقرب من المدرسة- مقر الكنترول- وقال مختار إنه اشتري الكيس بأوراق الكنترول بنصف جنيه من «الزبال»، وأضاف أنه لم يسمع عن فقدان هذه الأوراق رغم أنها تخص امتحانات هذا العام 2009.

وقد جاء في هذه الأوراق بيانات خاصة بأعمال الكنترول منها ما يخص لجنة عبدالله بن الزبير الابتدائية محافظة الغربية بمدينة طنطا وورقة أخري خاصة بمادة التفاضل والتكامل وأرقام الطلاب السرية من 1329766 إلي 1329915 الخاص بالطلاب الممتحنين في مادة اللغة الإنجليزية بالمرحلة الأولي، وكذلك ورقة تحمل اسم: كشف تسجيل الأخطاء الخاصة بالعضو عبدالنبي إمام بقطاع الإسكندرية «أ»، وورقة تحمل اسم «كشف تسجيل نوعيات» خاصة بمادة اللغة العربية «2» ومدون بها الأرقام السرية من 1323900 إلي 1324099، كما وجدت أيضاً أوراق بها بيانات تعبئة كراسات الإجابة وكشوف تسجيل المواد التي توضح بيانات الطلاب في لجان الغربية والإسكندرية.

ابو جهاد عودة

يا جماعة اللى ما يعرفش يقول عدس
البيانات دى لا هى سرية ولا حاجة أظن أغلبنا جاله مراقبة وراح مراقبته وعارف ان كل مدرسة فيها كنترول فى هذا الكنترول يا إخوانى لازم أوراق الإجابة تتظرف فى أكثر من مظروف بمعدل 50 ورقة تقريبا فى كل مظروف وممكن أقل أو أكتر حسب التقسيمة اللى يشوفها اللى ماسك الكنترول وبعدين يا حضرات الأظرف دى تتحط فى شوال ومعها بعض الأوراق بتبين أرقام الجلوس من كام لكام ومين اللى غايب فى اللجنة يعنى اللى موجود فى الصورة الأولى وبعدين يتلف على الشوال سلك وفى نهاية هذا السلك يوضع الكارت اللى حضراتكم شايفينه فى الصور الأخيرة ويتبرشم السلك علشان يبقى يفتحه بتاع الكنترول الرئيسى واظن سيادتكم شايفين البرشمة على أحد الكروت وبعدين فيه عربية بتلف على المدارس التابعة لها تاخذ الشوال ده وطبعا لازم واحد من المدرسة بيروح مع الشوال لحد الكنترول الرئيسى الشخص ده بيكون هو ده عمله فى اللجنة انه يوصل الشوال كل يوم فيروح حضرته يسلم الشوال يروح يلاقيهم فى الكنترول الرئيسى مستنيين حضرته يقطعوا السلك ويعدوا الورق ويتأكدوا من الأوراق المكتوبة ويعرفوا مين حضر ومين ماحضرش وبعد كده يبقى الورق ده مالهوش أى لازمة يحرقوه يقطعوه يرموه فى الزبالة يمسحوا بيه شوية شاى وقعوا يبيعوه بالكيلو أو حتى يدوه لأى عربجى يمسح بيه .... عين حماره هما حرين
وعلى فكرة يا جماعة انا مش بأقول الكلام ده من فراغ انا اشتغلت فى كنترول المدارس وكتبت الورق ده كتير قبل كده وبرشمت الشوال وكان ساعات بيحصل اخطاء أثناء الكتابة كنا بنقطع الورقة ونكتب غيرها واحنا عارفين ان الورق ده مهمته تنتهى بعد تسليم الشوال
وأظن أنا قلت فى أول كلامى ..... اللى ما يعرفش يقول عدس
ولو الجريدة دى عندها أوراق ذات قيمة تفرجنا ..... وعجبى