لأ مستاهلين اخى الكريم

اللى يتساهل فى جنيه بدون وجه حق

ممكن يتساهل فى اى شئ

ده مبدا أخى الكريم

صدقينى هناك بعض المديرين النشطاء ولا تكفيهم ميزانية المدرسة وهم يريدون عمل المزيد
وليس معنى ذلك اننى اؤيد هذه العمل كلا البتة لكنى احاول ان اكون موضوعية واتفهم ما يدور وراء هذا العمل
وأى زميل يستطيع بكل شجاعة وادب يقول اسف لن ادفع وصدقينى لن يجبره المدير لان كل مدير عارف ان الاجبار فى جمع اموال يعرضه لمشاكل لا قبل له بها لكن هذا المدير بالتالى سيرى انه تم احراجه من قبل المعلم وهذا لن يمرره بسهولة اعلم ان النظرية جميلة ومريحة وهادفة وراقية لكن الواقع مرير للأسف وعلى كل انسان ان يختار الأنسب له .

وهنا أتوجه بالسؤال للأستاذة هانم : هل عندما رفضتم استلام المكافأة علمتم لم تم خصم المبلغ؟؟؟ أنا عن نفسى فى احدى السنوات جمعت منا مديرة المدرسة 20جنية من المكافأة سألتها ليه؟؟؟ قالت هنعمل كراسى فى المدرسة لتجميلها فوافقت لأنه شىء يفرح أن تكون مدرستنا للأحسن مقابل مبلغ زهيد فهل سألتم لما تم الخصم ؟؟؟ لو مجرد اتاوة فلا والف لا أما لو كانت لعمل هادف سترين نتيجته بعينيك فلم لا؟؟؟؟؟؟؟

الاساتذة الكرام
يجب أن نأخذ على يد الظالم
و أبسط حاجة يقوم بها المدرسون أت يمتنعوا عن قبض المكافأة
و شوفوا أيه اللي هيحصل
أجزم أن الادارة سوف تبعث مندوب لترضية الناس و تهدئة الوضع
لأن دي مخالفة مالية كبيرة و لا أحد من المسئولين يتحمل عواقبها

و أخيراً ربنا معاكم
في وزارة الهبل التي تصرف فلوسنا في أوجه أبتدعها شخص يجلس على كرسي يقبض الالاف و لا يهمه التعليم و لا المعلمين و لا ديولو

وهنا أتوجه بالسؤال للأستاذة هانم : متى تحضرين الى المدرسة يوميا ومتى يكون الانصراف ؟؟؟ وكم يوما تتغيبين عن العمل سنويا دون عارضة - مجاملة - هوانم المدارس في بلدنا العزيز يذهبون للعمل في التاسعة واحيانا العاشرة صباحا ويتهربون من العمل بحجج واهية مثل ابني مريض وزوجي ..... وامي ...... وكل يوم حجة شكل ويتحمل الزملاء قرف المدارس وبعد كده اكثر الشكاوى من النساء يريدون اجر ا ومكافأت بلا عمل
اما بخصوص خصم 25 جنية من المكافأة فالرد بسيط جدا خطاب بجنيه واحد للنيابة الادارية ويكون مع الهانم 2 شهود واتفرجي بعد ذلك على المديرة ؟؟؟؟ ولكن لا اظن ان تشهد معك اي زميلة وتعرض نفسها من الحرمان من التأخير اليومي والحجج والهروب من العمل وكذلك الغياب بالمجاملات---- كم أنت مظلومة معنا ومنا يا بلدي

على فكرة اذا وجدت مجاملات فى أى مدرسة بتكون للجميع ليس للهوانم فقط بينما يحرم منها الباشاوات أقصد ليست السيدات فقط بينما يحرم من المجاملة الرجال فلماذا تتحامل على النساء دون الرجال؟؟؟؟؟

ومكافأة ايه اللى واجر ايه اللى النساء يطالبن بها ؟؟؟؟ ولماذا بلا عمل هل مدرسة حضرتك يدخل حصصها الرجال فقط بينما لا تحصل المدرسات على جدول عندكم ؟؟؟ طيب وساكت ليه ما كنت تبعت حضرتك خطاب بجنيه واحد للنيابة الادارية ويكون مع سيادتك اتنين باشاوات ونتفرج احنا على المدرسة اللى هوانمها لا يعملون بينما يعمل الرجال فقط؟؟؟؟؟؟؟؟

يا أخى فلنتق الله فى بعضنا البعض لأننا جميعا نعمل وحسن اتقان العمل ثوابه من الله وليس من البشر

بعد تلك الاراء ما بين مؤيد ومعارض ومولول
عاوز اقول حاجة
كتير قوى ردود ملهاش اعراب زى احمدى ربنا انهم 25 او انها مرة واحدة او احنا بيتعمل عندنا كل شهر او غيره على هذا النمط
2- الامر مش اتاوه زى كاتبة الموضوع ما بتقول - شكوى بسيطة ويا حبذا تبقى جماعية للنيابة الادارية او فاكس لوكيل الوزارة
وبعدين انا من رايى ان المديرية بس لو عرفت ان فيه شكوى ممكن تعمل زى الببيهات ( متاسف باللفظ) لان فيه كتير ميجيش غير بكدا
3- حكاية ان الشكوى وراها حاجات تانية يتحملها كاتب الشكوى - معاكم فى دى - بس الساكت عن الحق شيطان اخرس
وكل واحد يقوم بعمله صح والله المستعان - وبعدين الشكوى ممكن يصحبها شكوى وشكوى لحين تصحيح الامور
4- فيه حاجات لازم نعرفها عشان منظلمش حد ان بعض المديرين يلجا لهذا مش اتاوة ولكن لسد العجز فى امور زى ممكن مثلا اجور عمال نظافة لان زى ما حضرتكوا عارفين المدرسين اللى بيكنسوا وينضفوا الفصول الوقتى لان تقريبا مفيش عمال( انا عن نفسى بعمل كدا) احيانا - او حاجات زى كدا - بس دا مش معناه انها تكون عامة كدا
يعنى ممكن واحد يدفع 10 وواحد يدفع 5 وواحد يدفع 50 - لان المرتبات بنسب
نفسى مثلا المدير كدا زى ما بيقبض كتير بالمقارنة ببعض المدرسين يدفع اكتر انما للاسف احيانا تلاقى ناس من الطفاسة اللى تخليها حتى لا تدفع جنيه واحد حتى
5 يا ريت لما نعلق نخش فى الموضوع ومنقلش احمدى ربنا طب احنا واحنا وهناك وهنا - هو احنا هنغنى - الغلط غلط ويستدعى الانصاف والمعالجة بحزم حتى لو كانت الطريقة لا تعجب بعض الاشخاص !!!!
تحياتى للجميع

احب اقولك معلومه دستوريه ....معلومه منصوص عليها في الدستور.....ان المدير في العمل لازم يذلل العقبات امام المرأه العامله ليساعدها في العمل
و حاول تبحث عنها في الدستور
اما المرأه العامله خصوصا المدرسه واجب علي الجميع مساعدتها لان مسؤلياتها جسيمه ...و احنا متجوزين و عارفين
و طالما شغاله حصتها خلاص..ايه عايزها تقعد في المدرسه تعمل ايه؟؟
و لو ابنها تعبات او مريض تذهب له علي الفور و اي زميل من مادتها يشتغل...في النخوه و التعاون..انها اما زوجتك او زوجه اخوك او عمك او صديقك....