|
لازم تعمل بجد والله لازم حرام عليك دا مستقبلك علشان تبى عملت اللى عليك
|
لازم تعمل تظلم طبعا ... وانا ايام ماكنت فى الثانوى عملت تظلم فى العربى ورحت راجعت الورقه ولقيت بلاوى فى التصحيح , بس رصد الدرجات صحيح والاسئله كلها متصححه ومع ذلك تكرموا عليا وعطونى نص درجه:022yb4: ورجعولى ال100 جنيه .. رحت اشتريت بيها جزمه وقعدت اضرب نفسى بيها ان انا رحت صححت :excl: والله الجزمه لسه عندى لغاية دلوقتى:p بس انصحك تعمل تظلم برضه احتمال .
|
ولا هتستفاد حاجة من التظلم
انا كمان كنت مقفلة الفلسفة وجبت فيها 46 وعلم النفس خارجة منه وناقصة حاجات ومش مقفلاه وجبت 50 فيه دا عبط والله |
من الاخر يا جماعة اللى انتوا بتعملوه دا هو اللى الوزارة عايزاة الوزارة عايزة تخلى الناس مش تصحح عشان مش تأذى المدرسين بتوعها
لااااااااااااااااااااااااااااااااااازم تعمل اعادة تصحيح هتندم بقيت حياتك وهتحس بالظلم وانك لوحدك اللى كدا أعمل اللى عليك وشوف ورقتك وربنا يقدم اللى فيه الخير ولازم تبقى فاكر الاية دى ( ولا تدرى نفس ماذا تكسب غدا .......) وربنا يوفقك |
اتكل على الله واعمل انا اتظلمت فى العربى السنه الى فاتت بس كنت جايبه مجموع عالى قولت مش ححتاج للدرجه دى السنه دى انا محتاجه نص درجه بس حتحس بندم لازم تروح انت كد كده لازم ترضى بقضاء الله بس دى ماده الطالب الفاشل بيجيب 40 او 45 يعنى حرااااااااااااااااام بجد الى بيحصل ده |
السلام عليكم
انا نصيحتي ليك انك تعمل تظلم و حتي لو هتدفع فلوس هتكون في سبيل تدخل كلية انت عايزها مش مهم الفلوس ربنا يوفقك |
لا لا لا لا لا .... الأمر ميتسكتش عليه
متسمعش كلام حد ومتشيبش حقك .. حتى لو وصل الأمر انك ترفع قضية ... (الساكت عن الحق شيطان أخرس) طير عالتظلم يا مان وميهمكش أي حاجه ... ده مستقبلك مش اي حاجه ..... ولا أيه ؟؟ |
شكرا ليكو ...... ربنا يقدم ما فيه الخير بس مقلتوليش هلحق تجارة انجليزي و لا لا
انا علمي رياضه و جايب ف الانجليزي ف تانيه 22 و نص و تالته 24 و المستوي انجليزي بردو 8و نص هل هلحق تجارة انجليزي ؟؟ |
لازم تصور ورقك علشان القضية
|
قضيه ؟؟؟؟؟؟؟؟
|
اولا ده مش معقوول خالص
لأنك لو ألفت فيها والله ماهتقل عن 40 خالص ومن رأى تتوكل على الله وتروح تشوف يمكن غلط في الحساب او عدم تصحيح سؤال كامل وعلى فكرة انا طالع عندي غلطة وجبت 50 والحمد لله .... وف الأخر قول الحمد لله على كل شىء |
رايي انك تعمل تظلم عشان متندمش
ومتعدش تقول ياريتني كنت عملت تظلم خاصة انك محتاج الدرجات ديه لكن متحتش امل كبير انك حتاخد درجات لان قليل جدا جدا اللي بيخدوا حقهم ولو ربنا كتبلك انك تاخد درجات حتخدها وبعدين انا اتظلمت في العربي السنة اللي فاتت وعملت تظلم وما اختش حقي وله نصف درجة حتى لكن اعرف واحدة زميلتي السنة اللي فاتت كانت جايبة 88% وعملت تظلم في كل المواد واخدت درجات فيها كلها وبقت جايبة 94% يعنى اعمل تظلم وانت ونصيبك |
يا ناس في طلاب برضه ممك يستفيدوا من التظلم ومش كله بيطلع منه من غير ولا حاجة
أنا عندي واحد زميلي مجموعه ماكنش يجيب أي طب وبعد ما عمل تظلم خد 9 درجات ولحق طب أقاليم وبعدين حول |
نصيحة بلاش تعمل تظلم لانك هتلاقي درجات بس مش هتعرف تجيبها وهتبقي حاسس ان حقق قدام عينيك ومش قادر تمسكة
ياريتني ما رحت اتظلمت,,,,,,,,,,,,, |
يا زوم ان انا مأجل فيزياء من السنة اللى فاتت والحمد لله خلصت يعنى خبرة فى ثانوى هقولك حاجة انا برضه فى مواد حسيت انى اظلمت فيها مثلا الفرنساوى جبت فيه 46.5 وكنت حاسس انى مظلوم كمان الاحياء 47 ورحت ولقيت ليا حاجات فى التصحيح
بص الصراحة مفيش حد مستواه يجيب 50 ويجيب 34 مهما اظلم ممكن يجيب مثلا 46 47 لكن 34 لا وخد بالك انت ممكن تكون طالع فاكر ان انت مقفل الامتحان وتلاقى عندك غلطات كتير ممكن مثلا فى علم النفس فى الصح والغلط ودى حصلت قبل كدا تعلل علاطول من غير ما تكتب صح او غلط ودا بينقص ست درجات |
| جميع الأوقات بتوقيت GMT +2. الساعة الآن 10:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.