|
انا مش باخد قرار زى ده غير لما ابقى متاكد منه
فيه ناس الواحد بيبقى معاهم مخلص وواخدهم اصدقاء وفى الاخر بيطلعو عالم انتهازيه يعنى ممكن يكون زميلك وصديقك طول العمر وتلاقى الخيانه جايه منه تتوقعى ايه اللى يحصل على العموم انا مش بحب اخد حد صديق ليا غير قليل جداااااااااااااااااااااااااااااا عشان مجرحش حد ولا انجرح من حد |
الحذر مطلوب
بس اكيد هتلاقى الصديق المخلص شكرا لمرورك |
اناحذفت كتير اوى ممكن لاسباب مش منطقيه خالص بس هما الى كانوا بيتصرفوا معايا باسلوب مش ظريف
بس دلوقتى معنديش غير صديقة واحدة انا ليا اصحاب مش اصدقاء علاقاتى معاهم علاقة سطحية عاديه جدا ومعتش عندى ثقة فى حد الا لناس معينة طبعا انتوا كلكوا منهم ميرسي على الموضوع |
ميرسى ليكى انتى على ردك الجميل والصريح
وانا بحترمه جدا ومش اى حد يستحق الثقه والمواقف هى اللى بتبين |
<span style="color:#6666CC"><div align="center">بسم الله الرحمن الرحيم
انا و صاحبتي اللي بحبها اوي كنت عملت لها مره ديليت و بلوك عشان اتخانقنا بس احنا كنا بنحب بعض اوووووووووي بس انا بعد ما عملت الحركه دي قلبي ماطاوعنيش .. و قلت حرام بجد نخسر حب في الله و اخوه مالهاش مثيل و ممكن تدخلنا الجنه عشان خناقه فرحت شلت البلوك و رجعتها و بعت لها ايميل اعتذار و ورده و قلت لها ننسى كل اللي حصل و من يومها الحمد لله مابقيناش نتخانق و واعدنا بعض مانتخانقش تاني و بقينا بنحب بعض اكتر من الأول الحمد لله ربنا يديم محبتنا دي و بقيت كل يوم بدعيلها و بفتكرها في دعائي هي بس .. و هي عارفه كل اسراري و انا عارفه اسرارها و بنتكلم في التليفون كتير و شوفتها .. يعني تقريباً معرفه شخصيه مابقتش بحب اتبع سياسية البلوك و الديليت دي في الخناقات بستنى لحد ما اللي قدامي يهدى و بعدين اكلمه و كأن شيئا لم يحدث بس طبعاً انا شلت ناس كتير لإنهم ضافوني و انا معرفهومش .. من غير ما كلمه ده طبيعي جداً و كل الولاد طبعاً اتشالوا و بلوكات .. لإني مابقتش بكلم ولاد الحمد لله شكراً عالموضوع الجميل ده :) اختك جارة القمر</div></span> |
شكرا لمرورك جاره القمر
اسمك كوول اوى :) وبلوك ودليت دى بتحصل بس مش كتير واعتقد لايف مسنجر حل المشكله دى :D بهذر طبعا بس المشاكل البسيطه يعنى بتحتاج شويه نقاش بسيط مش بتوصل لدليت وبلوك:) |
احسن حاجه لما الانسان يراجع نفسه ويلاقي نفسه غلطان انتى بجد كده لكي كل الاحترام بس بعض كده متخليش الغضب يسيطر عليكي تانى ومفيش احسن من الحب فى الله حتى لو مشفناش بعض
|
حزفها قلمى وعينى تدمع
تجاهلها عقلى وقلبى يتمزق صداقة اخذت من الزمن أعواما وتركت فى قلبى انين لا ينتهى ليت الزمن يعود لكنى لن اعود قسوت على قلبى لكنى لن اعود دى حكايتى كانت اجمل حكاية كنا اتنين حكايتنا حكاية جميلة هنحكيها ونحكيها كل الناس الى شافتنا حبتنا ماعدا انت يا قدر حبناك ومحبتناش الحكاية بدات من اول يوم رحت فيه مدرسة الإعدادى مكنتش اعرف ولا وحدة فى المدرسة خالص خالص ولما خرجنا فسحة ببص لقتها قدامى من غير محس لقتنا بتكلم مع بعض وتعرفنا وحبينا بعض لدرجة متتوصفش وانا كنت بحبها لدرجة كبيرة جدا وهى كمان وفضلنا اصدقاء مش اصدقاء بس احنا كنا اكتر من اخوات وفضلنا كدة مدة 3 وبعدين حصل مشاكل بنا استمرت فترة كانت من اصعب فترات حياتى لإنى لما بصاحب بصاحب بقلبى العمر كله وتصالحنا وكنت مبسوطة جدا بس لقتها اتغيرت مش دى صديقتى كل حاجة كانت بنا اتغيرت وكان لما يحصل ليها حاجة كنت اول وحدة تطمن عليها وهى كمان انا تعبت وبعد فترة لما رجعت المدرسة كانت بتطمن عليا زى اى وحدة انا مش هكذب انا اتاثر بس بدات معدتش احبها واتصاحبنا تانى بعدها بشهر وبعدنا عن بعض ومن فترة بسيطة حصل لها حادثة وانا رحتلها وفضلت معاها لغاية مبقت كويسة بس رفضت اننا نكون اصدقاء مرة تانية رغم انى زعلت جدا بس دى كانت اول وحدة أصادقها واول وحدة جرحتنى وانا مبسامحش الى بيجرحنى واسامحة ويجرحنى |
حكايتنا زى اى حكايه 2 عشره عمر وحب سنين كان احلامي وكان أمانيا كان اجمل غنوه فى أغانيا كان هو السما ولياليها والأرض اللى بمشي عليها كنت بفرح وقت فرحه كنت بـتألم لجرحه كان احساسي باين كان امل عمري الجميل كان محال كان مستحيل انه يطلع خاين جرح ليه وهونت عليه وهانت ليه عشرتنا
حكايتنا رحله حزن وجرح كبير غلطه دفعت تمنها كتير............ كل ذنبي وخطأى وعيبي انى أمنت وفيت لحبيبي ((صديقي)).......... مصطفي كامل[color=#FF0000] |
الحقيقة أنا حصلتلي الحكاية دي مرتين في حياتي بس هما مش أصدقاء ولا عشرة سنين ولا حاجة
الاولي كانت بنت معايا في الكلية وأصحاب كتير مشتركين بينا حذروني منها لكن ماحبتش أخد منها موقف من غير ماتعملي حاجة لحد ما حصل موقف قضي علي كل اللي بنا وفضلت فترة مفيش أي كلام بينا بس بعدين رجعنا مجرد زملاء والحقبقة أنا كنت زعلانة بس عشان أتخدعت فيها وكنت بأصدقها أما الثانية كانت لسة هاتبقي صحبتي وبدأت تدخل شلتنا لحد ما عملت موقف وحش جدا خاصمتها وبعدين جات واعتذرت فاسمحتها وبعدين عملت حاجة أسواء فأنتهي كل شيء بس لو عدت جنبي وسلمت برد السلام علشان ربنا وعلشان ماأحرجهاش بس في النهاية أنا مابقطاعش حد وبأحب أصحابي قويييييييييييييي وأعز أصحابي أنتمتي toti وروح قلبي kikiوأهم صاحبة عندي نور عيني ماما وصاحبتي غصب عنيmory اللي بحبها موت وشكرا جدا يا أختي في الله علي الموضوع الروش ده[color=#CC0000] : ;) |
اولا بتاسف بجد اذا كنت بفكركم بذكريات صعبه
بجد مش قصدى كده بس انا حبيت اعرف رايكم شكرا ايمى وعادل وزهره المدائن لمروركم وتعقيباتكم دى :) |
| جميع الأوقات بتوقيت GMT +2. الساعة الآن 02:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.