|
دى بقى أجمد واحده
طول عمري بحب التعليم أصل أنا واد في العلم قديم كان مجموعي في الثانويه حاجه بتاع سبعه و تسعين في الميه قلت يا صيدلة أما بلاش شغلانه غيرها ما تنفعناش أول سنه كان كلي حماس قافل علي نفسي الترباس أحضر سكشن أسلم شيت كنت بنام زي الكتاكيت أول ترم عدي عليا أتمنيت أرجع ثانويه أخد نجمه وأغني بلادي أخد فسحه وألعب عادي بس يا عيني مش وقت رجوع أنا عيني خلاص عالمجموع أول سنه عديتها نضيف والمجموع كان برضه ظريف جبت يا دوب سبعين في الميه راحت فين أيام ثانويه؟ ومن يوميها أنا أتجنيت ولا عمري في حاجه عديت بكتب أسمي و أطلع تاني تعمل أيه لو كنت مكاني؟ حبه بحبه بقيت بلاص بس يا ناس مرفوع الراس أخد الصفر وأحاول تاني أنا يائس كده ليه وبعاني نفسي أجيب لو يوم مقبول حد يقولي مين مسئول؟ أن أحنا في ساقيه بنتعلم ولا راضي حد يتكلم خلينا مشيين جنب الحيط عاشقين أوي فن التخبيط حاول تفهم مني كلامي ولو ما فهمتش حعيد من تاني (((( By: dr.fido hakim ))))) |
كــفــــاحـــي
كفاحى أهى محاضره عضويه شغاله **** ومفيش حد منا صاحـــــــــــي ساعات ابقى مش فاهم و**** ساعات يبقى فهمي عالــــي دى حاجه صعبه موت ولا**** جيش أبو زيد مان الهلالــــــي انا شلت 5 المره اللي فاتت**** فمش هقدر اشيل الفتره دى و اديها مركبات رايح و جاي**** و كاني بفهم و احفظ و عادي و انا عامل نفسي مركز و**** فاهم و بكتب و هـــــــــــادي كاني بلعب كوره و عمال**** افوت كور صديق و شـــــادي ... هستولوجي اغلى منه مفيش**** و ان كنت فاهم ما تسألنيـــــش ليمف و عصب وترنك و عضل و**** انت خليك مع نفسك عيــــش اهو احسن من باقي المواد**** اللي فيها كنابس يعني حشيش و احنا بعد ما نطلع ناس تجوع**** اللي ياكل برجر او طاووق شيش فاهم في المحاضره ميه ميه**** بس اختبر معلوماتي الاقي مفيش ... اهي محاضرة العقاقير بدأت**** و دخلت علينا الدكتوره عفـــــاف و كانت ناس جعانه فقعدت**** تاكل لا من داري و لا من شــاف خلصت الديجيتالس و السنا**** و رغم كده في استئنــــــــــــاف بس راعتنا و خلتنا نمشي**** من غير ما يكون في خــــــــلاف ... يااااااااااااااااااااااااااااا اااااه دي**** محاضرة حقوق انســـــــــان الواحد هنا يدخل فايق و ****مركز لكن يخرج منها نعســـان و الدكتور بيشرح الوضع عند**** الفراعنه و الفرس و اليونـان و المشكله عندي ان ****الكلام ده من زماااااااااااااااااااااان معلش طولنا عليكم على**** امل نلتقي في الامتحــان ((((((((( BY: Mostafa sherif azam)))))))) |
اي الجمال ده جزاكم الله كل خير
|
ايه الرعب ده الواحد حاسس كانه داخل المعتقل
مش الصيدلة طلعنا منها عل خير يارب وزى مدخلناها على رجلنا نطلع منها على رجلنا اميييين |
اقتباس:
شكرا للرد والمرور اقتباس:
مفيش حلاوة م غير نار:blush: انا هعمل توضيح كده او ملاحظه نغم غير مسؤله عن اى حالالات زهق او اكتأاب(بيتهيقلى مكتوبه غلط بس كأنكوا مخدتوش بالكو) او رغبه ف التحويل م الكليه:022yb4: صيدله دى زى الفل وموادها سهله ولذيذه والجمله اللى بتسمعهوها م وانتى ف كى جى مفيش حاجه صعبه ع اللى بيذاكر:p(أنا كريهت الجمله دى) |
فعلا الصيدلة حلوة جدا
بس عيبها الوحيد ان الخريجين بتوعها كتير بعكس الاسنان والعلاج الطبيعى |
اقتباس:
نتخرج بس وبعد كده نفكر ف الشغل |
شكرا على التوبيك
|
بجد موضوع تحفة تسلم ايدك يا نغم قصدي يا د/نغم
الكلام ده هيخليني احب الصيدلة أكتر ربنا يوفقك ويوفقنا احنا كمان قولوا آمــــــــــــــــــــــــــــــــــــــــــــــــ ــــين |
اقتباس:
حد يفهمنى اصل انا مش داخل صيدله :p |
ايه يا نغم كل ده كفايه تعقيد بس فعلا توبيك رائع بس عايزه اسالك انا صيدله القاهره وطبعا معروف ان القاهره دراستها اسهل من عين شمس هل ينفع اكمل فى القاهره وفى اخر سنه احول عين شمس اصل فى ناس بتقول مينفعش نحول من القاهره لعين شمس لانهم فى منطقه واحده ياريت لو حد متاكد يقول لى
|
اقتباس:
طبعا مش عارف يعني اية بيطالط عليك ابكي لانك مش في صيدلة ههههههههههههه بيطالط عليك يعني بيترسم عليك او بيتمظهر يعني او بيفرد عضلاتة عليك او......... كفاية كدة بقي انا هجيبلك القاموس كلة روحوا اتعلموا لغة بقي :blush: |
اقتباس:
اقتباس:
وربنا معاكى ف الكليه ان شاء الله |
اقتباس:
دى م اسرار الكليه مينفعش نخرجها برة:022yb4: بس بصراحه انا شخصيا معرفش دوروا ف المعجم ولو عرفتوا ابقوا قولولى بدل ما انا مش فاهمه حاجه كده:bosyht9: |
اقتباس:
تانى حاجه معرففش تحويل اخر سنه ده هينفع ولالا بس اصلا نظام الدراسه ف عين شمس غير القاهره يعنى القاهره نظام حديث مفيهاش اعدادى ع عكس عين شمس فيها اعدادى وكمان ف عين شمس بياخدوا ف 3 و4 اكلينيكال وف القاهره مش بياخدوا اكلينيكال فاعتقد هتلاقى تغيرات ف الدراسه وربنا يوفقك يا جميل ويعملك اللى ف الخير |
| جميع الأوقات بتوقيت GMT +2. الساعة الآن 01:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.