كلامك سليم جدا بس انا يقول ان الدروس عاما مشروع فاشل لكن لا مفر منها لكن ملاقيش الى وصل انه يشتمنى بابويا وامى علشان قولتله انى حستغنى عن الدروس يعنى الى خلانى اعمل الموضوع ان فكره الدروس الخصوصيه متبقاش فرد علىكل طالب قانوى دى اجهاد عقلى وبدنى فوق الطبيعى المفرود انهم بيربوا اجيال مش بيربوا بهايم

كلامك جميل جدا وانا مش بهاجم حد اخد دروس لكن انا بتكلم على واحد زى اخويا فى ثانوى المدرسه كلها بتاخد درس مع مدير المدرسه فى الفيزياءء والفت بتاعهم جاب 45 فيها اخويا ماخدش فيهاو وعزه جلال الله جاب 48.5
انا بتكلم فى مبدئ لو الدروس حتبقى وسيله تعليم طب هاتلى واحد من اوأئل مصر فى الثانويه العامه وبعد الامتحانات باسبوع اسأله على الى درسه اراهن انه حيقف متنح

طب ممكن اقول لحضرتك حاجة
انا طول عمرى الحمد لله ماشية من غير دروس خالص
وكنت دايما الاولى على فصلى او الاولى مكرر او التانية
جت مس ربنا يسامحها حسستنى انى غبية جدا وانا فى اعدادى وانى لو مش اخدت درس هبقي عالة عليها فى الفصل *وكأن ده مش شغلها *
المهم وصفتنى بصفات كتير اوى زى اللى صحاب حضرتك قالوها واكتر*وجبت 97.4% فى السنة دى*
والسنة اللى بعدها اخدت درس واحد مش عرفت انظم بينه وبين مذاكرتى اللى اتعودت عليها جبت 76% وطلعت السادسة على الفصل
المهم
ان اللى متعود طول حياته انه يمشي من غير دروس صعب جدا انه ياخدها مرة واحدة
لانه فى حياته اتعود انه يذاكر لواحده ويفهم نفسه ووقت الدروس كتير مش هيعرف يوفق بين المذاكرة والدرس
ربنا مع حضرتك والبقاء الله ربنا يوفق حضرتك ويوفق اخوك ويعينه
الثانوى حسب ما حد قالى انه خلص الثانوية العامة ومش اخد ولا درس
المناهج سهلة بس عاوزة حد عايز يذاكر
حط قدامك هدف وذاكر بجد علشانه هتلاقيه بيديك دفعة قوية انك تذاكر بجد اوى
مهما كان الدافع ان شاء الله ربنا هيساعدك*ان الله لا يضيع اجر من احسن عملا*
وان شاء الله تعبك هييجى بفايدة
لكن لو مش عرفت تمشي فى مادة او مادتين روح المدرسة وخليهم يشرحولك لان ده حقك عليهم
ولو مش نفع امرك لله خد فيها درس بس دايما خليك فاكر هدفك وانك مستعد تعمل المستحيل عشانه وتذاكر اللى تقدر عليه من الوقت
وربنا يوفق حضرتك

بجد ردك حسسنى انى مش صايع ولا تايه يعنى ممكن تقولى زبطلى رؤيه الى كنت ناوى عليها وانا حموت نسى بس ما خدش دروس الا لو ربنا ابتلانى وحكمت انى اخد وربنا يستر ونعدى منها على خير :giljotiiniug3:

انا شايفه اننا بناخد دروس بس عشان مش بنروح المدرسه يكن صدقنى ممكن تمشى من غيرها وتبقى من الاوائل كمان لان المناهج مش محتاجه فهم احنا فى مصر كله حفظ والمدرس والامتحان بيسمع بس فى مواد لازم تاخد فيها زى اللغه لان دى مش هتعرف تفهمها لوحدك والرياضه والفزيا اعتقد الباقى ممكن تمشى لوحدك وربنا معاك ويوفقك

انت ممكن تروح مركز تعليمي بيبقي المواد كلها بسعر بسيط بالنسبة لسعر الدروس الخصوصية ممكن يبقي 100 او 130 جنيه
طبعا المبلغ مش قليل بس اقل حاجة ممكن تاخد بيها دروس

الدروس ديه حاجة مش اساسية يعني مش لازم وانت ممكن مش تاخد دروس عادي ولا يبقى جنون و لا حاجة
انا كنت في ثانوي السنة دي والحمد لله مش اخدت دروس ولا حاجة و معتقدش اني كنت فاشلة او افرق اوي عن اصحابي ولا شايفاه انه جنون بس اهم حاجة انك تبقى مقتنع جدا بانك مش تاخد دروس ويكون نفسك طويل في المذاكرة والمدرسة علشان لما الطلبة مش بيروحوا في مدرسين كتير مش بيكونوا عايزين يشرحوا لكن ده في الاول و الاخر حقك
و ربنا يوفق الجميع

اولا احب ان اقول للك لاغني عن المدرس سواء في المدرسه او الدرس المدرس مهمته فقط تببن وتوضيح الدرس وانت عليك المذاكره متفكرش انك لو رحت عند دكاتره بيدوا مجاضرات ده هيخليك تجيب مجموع لو مبصتش في الكتاب انا عن نفسي في تالته ثانوي انقطعت عن درس الفيزياء في المراجعه وراجعت مع نفسي واقسم بالله اني جبت اعلي درجه في الفيزياء في بلدنا والان انا في كليه الهندسه وعلي فكره انا دفعه 2008 - 2009

كلامك صعب..............................

بالنسبه لي انا واختي مابنحبش الدروس واختي ماكنتش بتاخد دروس ودخلت هندسه الحمد لله يعني مش معنى اللي مش بياخد درس يبقى مش هيخش كلية قمه
اما بالنسبه لي انا كنت مابخدش دروس لحد 3 ثانوي انا في 3 ثانوي اخدت في الاحياء والجيولوجيا علشان كنت عايزه اقفل الماده علشان الكيمياء في سنه2 ثانوي نقصتي شوية في المجموع
بس المهم يكون في هدف لتحقيقه اللي هيوصلك للكلية اللي بتتمناها ان شاء الله بدروس او من غيرها علشان لوخدت درس في كل المواد ومكانش هدف او رغبة في الدراسة يبقى مش هيستفاد منها في اي حاجه بس لبدروس بتساعد في بعض الاحيان مش دايما

لا من المستحيلات انك تلاقى واحد مش بياخد دروس ف الثانوية

اولا رايك في المدرسين مش صح . عارف ليه لأ، في مدرسين كتييير اوي بيهمهم ان الطالب يكون متفوق وبيبقى عندهم ضمير اوي ويمكن كتير يتنازلوا عن الفلوس لو حد الحال المادية معاه مش تمام .وبيكونوا سواء مدرسين المدرسة او غيره وانا شفت الكلامد دة مش سمعت من حد يعني .
ثانيا بالنسبة للدروس .انتا لازم تنظم وقتك . وفكك بقى من حوار المدرسة دة عشان هما الي بيضحكوا علينا . قولي في 2 او 3 ثانوي بتروح المدرسة تعمل اية ؟ مجرد انك بتقابل اصحابك وخلاص . طيب ما تشوفهم في الدروس كل يوم . لكن المدرسة مش فيها شرح ثابت واهتمام غير من ناس قليلة اوي . يبقى نفض خالص للمدرسة . طالما انتا في البيت واهلك عارفين مكانك ومش بتعمل حاجة غلط يبقى خلاص .
لكن الدروس بتساعد كتير عفي المناهج الفشنك دي . المناهج غبية ومش بتريح الطالب . في طلبة كتير بردو ماشاء الله عليهم مش بيحتاجوا دروس بس الاغلبية بيحتاجوا .

ربنا يوفقنا جميعا الي ما فيه الخير
و يصلح نظام التعليم الفاااااااااشل ده :bosyht9:
و يا ريت تشوف ده http://www.thanwya.com/vb/showthread.php?t=130678

M.E.M.s لو سمحت ياريت ماتقولش من المستحيلات ممكن حضرتك تقول الاغلبية بتاخد دروس علشان انا فعلا مااخدتش دروس الا في 3 ث وفي مادتين بس واختي ما اخدتش دروس وكانت بتعتمد على المدرسه والكتب الخارجية والحمدلله حققت اللي هي عايزاه