بصى يا ساره انا مرحله تالته زيك وكل الاكاديميات بتقبل من 60% وانا داخل اكاديمية المستقبل ومودرن واخبار اليوم والشروق وكل الكلام بتقبلى فيهم عادى جدا بس كلهم ليهم علاقة بالتنسيق مش زى ما قال undertaker عشان اتصلت وعرفت ان كل الاكاديميات تقديمها عن طريق التنسيق الا الجامعات الخاصة
بس اللى بيتقدملها الدوسيه وخلاص من غير تنسيق .....وشكرا!

لو سمحتو ياجماعة
وياريت حد يرد على
هو تنسيق المرحلة الثالثة انتهى التسجيل ولا لسه ولا ايه؟
علشان فىواحدة صاحبتى مكتبتش الرغبات لغيت اليوم ومش عارفة تعمل إيه
ياريت حد يرد على ضرورى

دا كان ردى يا مؤمن انا قولت ان الكليات الخاصه مالهاش دعوه بالتنسيق

التنسيق بتاع المرحله التالته اتقفل يوم الجمعه 7/8 الى هو امبارح الساعه 7 باليل بس هيرجع يتفتح تانى بعد مانتيجه الدور التانى تظهر ان شاء الله

طب ازاى وانا فى التنسيق انا مرحله تالته علمى حاطت اداب القاهره وعين شمس وحلوان يبقى ازاى مش موجوده هى ممكن تكون مش موجوده بالنسبه لادبى لكن بالنسبه لعلمى موجوده والله العظيم لانى علمى وكاتب الرغبه السابعه والتامنه والتاسعه اداب القاهره عين شمس وحلوان اما بالنسبه لادبى فمعرفش اذا كانت موجوده ولا لا

أنهي أمس طلاب المرحلة الثالثة للناجحين في الثانوية العامة بحد أدني 205 درجات بنسبة 50% للمجموعتين العلمية والأدبية تسجيل رغباتهم عبر شبكة الإنترنت وتم إيقاف الموقع لحين إعلان نتيجة الدور الثاني للثانوية العامة لاستئناف الطلاب الناجحين من تسجيل رغباتهم بهذه المرحلة.
أعلن عبدالحميد سلامة وكيل أول وزارة التعليم العالي والمشرف العام علي مكتب التنسيق أنه تقدم حتي أمس نحو 65 ألف طالب وطالبة منهم 9 آلاف من العلمي 56 ألف الأدبي.
تؤكد المؤشرات المبدئية انخفاض الحد الأدني للقبول بكليات الزراعة إلي 50% 205 درجات ومن المنتظر ألا تجد طلاباً يدخلونها بينما يتوقع أن يكون الحد الأدني للقبول بكلية التمريض طلبة وطالبات أعلي درجات المجموعة العلمية بمجموع 288 درجة وسجل قطاع كليات الآداب انتساب 280 درجة بينما ينخفض الحد الأدني لكليات الحقوق عند 65% والخدمة الاجتماعية 64% ودار العلوم 63% وذلك للمجموعة الأدبية.
ينتهي اليوم مكتب التنسيق الرئيسي وفروعه بالمحافظات من صرف وقبول أوراق طلاب الدبلومات الفنية المتقدمة نظام خمس سنوات بحد أدني 60% فأكثر .

يا جماعة نتيجة المرحلة الثالثة هتظهر بعد امتحانات الدور التانى ولا اللي سجلوا النتيجة بتاعتهم هتظهر الاسبوع ده

حد يرد على ضروري

يا جماعة انا واحد صاحبى جاى يكتب الرغبات لقا التسجيل مغلق ممكن اعرف هيتفتح تانى ولا لا ارجو الرد السريع لاهمية الموضوع

يا رييت رد للى موجود

ممكن اعرف اخى حقوق 65% دى انتساب ولا انتظام واى جامعه
وجامعه اسكندريه هتاخد من 65 %وانا جايب 257.5 (63%)ومن الاسكندريه ممكن الحق حقوق اسكندريه انتساب اخى ولا لا
ارجو الرد

هام لطلاب المرحلة الثالتة
 

شكرا ليك اخى
بس هو اكيد نتيجه الطلاب اللى سجلو فى المرحله البدائيه للمرحله التالته نتيجتهم هتظهر بعد الملاحق ولالوحدهم يوم الاحد

انا ليه واحده قاربتى مرحله تالته ومجموعها258.5 هل تلحق حقوق هنا او حتى اقاليم ارجوا حد يطمنى

لا للاسف مش هتظهر يوم الحد لان المرحلة لم تنتهى حتى الان المرحلة التالتة مقسمة لجزئين جزء انتهى الجمعة وجزء تانى هيستكمل بعد نهاية التحويلات .. حتى لو حضرتك سجلت فى الحزء الاول ليك الحق فى تعديل الرغبات فى الجزء التانى وبالتوفيق ان شاء الله

متى ستظهر نتيجة المرحلة الثالثة من التنسيق هل ستظهر بعد امتحانات الدور التانى ؟