لازم اجيب سيرة كليه تانيه عشان ابين للي في الكليه صورة الواقع
وعشان ارد ع الحمله الللي عملينها الصيادله ضد الكميائيين
ومش انا بس اظن كل الكميائيين الغيورين ع كليتهم هيتصرفوا نفس التصرف دة

على فكرة يا استاذ flavio موضوعك و كلامك ده ف حد ذاته تحيز لكليتك اللى انت اصلا لسه متعرفش عنها حاجة لغاية دلوقتى لانك زى ما قولت لسه حتدخل جامعة و بردوه متعرفش اى حاجة عن كلية علوم ولا عن الناس اللى فيها و لا عن مجالتها يبقى من الافضل انك متتكلمش عن حاجة انت اصلا مش فاهمها ده غير انك عامل هجوم على عضو فى المنتدى من اكتر الاعضاء احتراما من غير سبب و حتى لو فيه سبب ميبقاش الكلام بالاسلوب ده و ده طبعا بيبن لنا اكتر الحقد على كليتنا كلية العلماء و دى طبعا حقيقة محدش ف الدنيا يقدر ينكرها و زى ما انت متحيز و بتدافع عن كليتك احنا كمان زيك عشان احنا ناس بتحب كليتها جدا
و على فكرة كلية علوم كانت حلمى وانا ف ثانوى و الحمد لله دخلتها و تفوقت فيها كمان مش نجحت بس
احب اقولك على حاجة كمان انا لسه مخلصة تدريب فى شركة ادوية كبيرة جدا هنا ف اسكندرية و لقيت ان اغلبية الناس اللى شغالة فيها من كلية علوم مش صيدلة لو حبيت تعرف السبب ابقى قولى عشان اقولهولك
سلام

سوري بس الحق يتقال ..
كلمتين و بس... الموضوع ده عبارة عن قصر ذيل
اصل الراجل زيزو مقالش حاجة مش موجودة ولا رسم واقع وردي من الخيال .. يا جماعة ده بيقول اللي بيشوفه.
و اعتقد انك مش هتفهم اكتر منه في سوق العمل حضرتك لسه داخل اولى جامعة.
لكن بقى انت يا flavio برغم الكلام الكتير اللي كتبتوا الا انك بتهاجموا لمجرد الهجوم
و بعدين لما قلت (اهو الكيميائيين زي البيطريين اللي ملهومش مستقبل).
هو اي حاجتين يتحطوا مع بعض وسط كلام يبقوا متساويين .. مع احترامنا للبيطريين.
بس انت منطقك غريب اوي .. او منطقك هو اللامنطق
و ليا رجاء عند الادارة .. اي موضوع تاني في نفس المشكلة يتقفل على طول..بس تقفله على طول عشان مش شوية يتكلم و شوية لا.

يا جماعة عيشوا الحلم بكرة تصحوا من الوهم وتشوفوا الواقع

انا مش قدرة افهم الاخ فلافيو دة ماله؟
يعنى كمان لسه طالع اولى؟
يعنى لسا مفيش خبرة؟ يبقى ياريت منفتيش بقى و نتكلم كتير و الناس اللى اتخرجوا و نزلوا سوق العمل هما اللى يحكموا
و زى ما قالت لافلى جيرل انت متحيز لكليتك اللى انت لسه مدخلتهاش و متحامل على علوم
دى وجهة نظرك انت مش بتحب علوم انت حر بس مش معنى كدة ان الناس كلها زيك
و حرجع تانى و اقول الموضوع مكنش يستاهل منك تعمل موضوع كامل كدة عالملأ لما حاجة تضايقك من حد ابعتله رسالة خاصة مش قدام كل الأعضاء كدة

و الله انا كنت فكرة ان حضرتك اتخرجت و نزلت سوق العمل
طلعت حضرتك بتتكلم من فراغ
حضرتك مش حاببها و عايز الناس تكون زيك طب ايه المشكلة لو سبنا الناس فحالها تعيش زى ما هى عيزة
احنا بقى ناس كاتبين علوم اول رغبة رغم ان مجاميعنا اعلى

كل واحد حر فى طريقة تعبيره عن حبه للكلية
و بعدين هى دى الطريقة العلمية السليمة
لما تحب تبين للناس اهمية اى شىء لازم تعمل مقارنة بينه و بين اشياء تانية و لما حتدخل الجامعة حتلاقى حياتك كلها مقارنات و ده لازم الأخ زيزو يعمله و لو مكنش عمله كان غيره حيعمله و برده مش عيب انه يقارن هو شايف ان علوم احسن حضرتك شايف غير كدة ده برده رأيك و على العين و الراس بس مفيش داعى تهاجم عضو بعينه

انا اكيد مش حكذب عليك
ليا قرايبى خريجين علوم و قالولى و ادى كمان اختنا لافلى جيرل قالت اللى شفته بعنيها انا جنبى معمل تحاليل و كان شغال فيه صيادلة و كان اللى ماسكه دكتور من كلية الطب (دكتور تحاليل) و مشى الصيادلة اللى عنده و شغل خريجين علوم و لغاية دلوقتى شغالين معاه زى الفل و فيه اعلانات متعلقة عندنا فى الكلية و انا شفتها بعنيا مطلوب خريجى مايكروبيولوجى و كيميا حيوى دفعة 2007 و 2008 و 2009للعمل فى شركات و معامل تحاليل

من الآخر
نمشى معاك
كلية العلوم كلية ياى و وحشة و مالهاش مستقبل و كلية فشلة و الأخ زيزو غلطان ازاى يحب كليته و يدافع عنها و يقارن و و و....
احنا برده بنموت فكليتنا و احنا احرارفى القسم بتاعنا فى منتدى الثانوية قسم كلية العلوم
محدش فينا دخل قسم لكلية تانية و قعد يهاجمهم لأننا مؤمنين ان كل واحد من حقه يحب الكلية و يدافع عنها بطريقته

ياريت طلب بقى الموضوع يتقفل على كدة علشان مياخدش اكبر من حجمه
و عيب اننا نعمل موضوع كامل كدة نهاجم فيه بعض و الله عيب خصوصا فالأيام دى
هداك الله
كل عام و انتم بخير
قفلوا الموضوع ده بقىو خلينا فالمواضيع التانية المهمة و بلاش ضياع وقت

انا مش عارفه انتو مدين الموضوعاكبر من حقه بكتير وبصراحه الى كتب كدا على زميله انسان تافه وانا مش شايفه انه غلط فى اى حاجه بالعكس دة انسان بيحب كليته وبيحب يفخر بيها وبعدين عيب تغلط فيه كدا [

وانت ايه مضايقك :)

وانت مالك برضوا بتدخل فى اللى مالكش فيه
يايرت تخليك فى حالك وكفاية لحد كده

وانت مين قالك ان انا مضيقه :d

انا قصدت فلافيو يا هبة مقصدتكيش :bosyht9:

بالنسبة للعضو flavo5 انت عيب اسم الموضوع من اساسا وبعدين انت بتتكلم علي كلية ولسة مدرستش ولا صيدلة ولا علوم اوك وبعدين انت بتقول انك كتبت في الرغبات كلية علوم بعد صيدلة بتشتم عليها لية وبعدين بقي كمان انا كنت بحب الكلية دي كرهتها والمفروض اللي مجربش ولا عرف حاجة ميقولش راية وبعدين انت اول واحد بتتحيز لكلية صيدلة (اللي هي اساسا مش كليتك) ياريت تيب النا الفاهمة هي اللي تتكلم ولا احنا في مصر بيهمناش غير كلمة دكتور الدكتور راح الدكتور جاي

يا اخ فلافيو مش اى واحد هيدخل الجامعة وطلع من الثانوية هيجى وبتكلم معانا
ولو انت زعلان كدة وبتقول ان زيييزو متحيز لكليتة وعايز كل الناس تدخل علوم !!!!
انت ليه بقى عايز كل اناس تصحى وتفوق ويسيبوا كلية علوم؟
معنى كدة ان انا اعمل حملة عليك زى ما عملك على زييييزو

المفروض اننا نعمل موضوع "الى كل اعضاء المنتدى احذروا من العضو فلافيو" و يكون الموضوع كدة علنى قدام الناس كلها بدل ما ننصحه بينا و بينه
بس احنا مش بالهيافة لدرجة اننا نعمل كدة و كلنا و الحمد لله على خلق كريم و اخوة فى الله بنحترم بعض
الحمد لله

الله ينور عليكى اختى نورا
انا قلت من اولها كدة ان اسم الموضوع من اوله كدة لا يصح خصوصا اننا فى منتدى تعليمى محترم ربنا يكرمهم يارب
و ده عيبنا فمصر
اما تكون دكتور طبيب خريج طب (دى الكلية المعترف بيها فمصر)و اما تكون........ (ما علينا)
و لو نظرنا لبلاد برة حنلاقى ان الكليات المهمة عندهم هى كليات العلوم و الزراعة و الحقوق و الآداب
و اللى له قرايب بره يسألهم و هو يعرف خاصة امريكا و فرنسا (ليا ناس فى البلدين دول و قالولى)
يعنى انا بصراحة شايفة كلية الزراعة دى كلية عظيمة و لولاها نموت
و طول ما احنا هنا بنستهين بكليات مهما كانت عمرنا ما حنتقدم (الكلية لا تقيم بالمجموع اللى بتاخده من الثانوية العامة و اللى بيقيم الكليات بالطريقة دى يبقى طريقة تفكيره فيها خلل)
مصر بتتقدم بينا