|
جمبرى بانيه ولكن بنكهة خاصة
جمبرى بانيه ولكن بنكهة خاصة ياريت ياجماعة يتم تنظيف الجمبرى كويس والتخلص من كيس الرمل فى ظهر الجمبرى المقادير: اكجم جمبرى متوسط الحجم مقشر ومنظف عصير ليمون ليمون اسود ناشف بصلة مفرومة( مفرومة) خل راس ثوم مفرومة كسبرة خضراء مفرومة ملح وفلفل اسمر يهارات سمك ( يتم احضارها من عند العطار) قليل من المايونيز قليل من الزنجبيل قليل جدا من الكارى بيض مخفوق دقيق بقسماط للبانيه مستردة زيت للقلى الطريقة: 1- يتم غسل الجمبرى وينظف تماما وخصوصا الكيس الرملى فى الظهر 2- يتم خلط جميع المكونات ببعضها كلها ماعدا( البيض والدقيق والبقسماط) 3- يتبل الجمبرى حيث يتم وضعه فى الخليط لمدة من 3:2 ساعات داخل الثلاجة ( طعم روووووووووووعة) 4- بعد ذلك يوضع الجمبرى فى الدقيق ثم فى البيض المزود بقليل من المستردة والملح ثم فى البقسماط 5- ثم يقلى فى الزيت ويترك لفترة ويقدم مع الارز البنى مع سلطة طحينة ملحوظة: لازم تنظفى الجمبرى كويس وخصوصا الكيس الرملى واتحداكم ان هيكون طعمها روووووووعة وبالهنا والشفا |
يمممممممممم ايه الطعامة دى انا بأة عندى سمك النيل والبحر فى نفس الوقت عندنا الشبار بأنواعه الأبيض والأحمر والأخضر وكمان المرجان والبورى والسهيلى وأبو كرش والبسارية والسردين والبربونى والشبين والجمبرى البلدى بتاع بلدنا والكابوريا طبعا والجران والعصفر والجبرو
بصراحة أنا تعبت أصل الخير كتير بأة |
اقتباس:
خير بلدنا يعنى بس فين السمك الدنيس والبلطى ااااه صحيح ده انا ناسى انك تعبتى من كتر الخير على العموم نورتى قسم المطبخ ويارب تفيدينا ومنتظرين كل جديد منك ان شاء الله وجزاكم الله خيرا |
على فكرة البلطى هوة نفسه الشبار والدنيسة عندنا منها فى البحيرة وهية من أنضف أنواع السمك وهية كمان فكهة وأنا بعد ما ارتحت هأول بقية أصناف السمك اللى عندنا عندنا سمك المكرونة والصوار والغطيان والطوبارة وسمك ستة أكتوبر وسمك القط والحنشان والقرموط والسيوف والأروس يلا بأة الظاهر انى تعبت تانى
|
السبيط( الكاليمارى- الحبار) المحشى
انا بهدى الوجبة لاستاذتى الفاضلة عاشقة الموج
السبيط المحشى المقادير: كمية من السمك( حسب الرغبة) ثوم مفروم بصل مفروم كمون وملح وشطة( للى بيحب) بهارات سمك صنوبر زيت للقى دقيق ورق لورا صلصة المحشى وخلطة ارز المحشى العادية الطريقة: نقوم اولا بغسل الكاليمارى بالملح والخل والماء جيدا ونقوم بتنظيفه ثم نقوم بتتبيل السمك لاما بمارينيه الاسماك كما ذكرت سالفا او بالتوابل العادية ثم بعد ذلك نقوم بحشو الكاليمارى بخلطة الارز مضاق اليه الثوم المفروم بعد تشويحه فى الزيت ثم يقفل الكاليمارى جيدا باعواد من الخلة او بالابره ( او باى طريقة اخرى) ثم بعد ذلك نقوم بوضعه فى الماء المغلى المتبل ببهارات السمك وورق اللورو والملح والفلفل والكمون الى ان ينضج السمك ثم بعد ذلك نخرجه ونصفيه من الماء جيدا ثم نقوم بتتبيله بالدقيق المتبل ثم يقلى فى زيت حار الى ان ياخذ اللون الذهبى ثم بعد ذلك يوضع على ورق ماص ليمتص الزيت ممكن نقدمه عادى وممكن نقطعه ونضيف عليه بقدونش مفروم السمك هيكون مقرمش على فكرة وبالهنا والشفا وان شاء الله الوجبة الجاية ارز ايطالى ( ارز بحريات) جامد |
مشكووووووووووورابننا الكريم
روعة و أكيد طعم تحفة بس الجديد هو الأرزخلطة المحشى و أن شاء الله أجرب و أقولك رأيى و أشكرك على الهدية الجميلة لإنى بحب السبيط الأبيض الكبير و الأحمر (القراطيس)متوسط الحجم بارك الله فيك جزيت الخير |
ايه الحلاوه دى يا شيف / شريف
|
ماشاء الله وصفات روعة وشيف ممتاز جاتنا نيلة فى حظنا الهباب:d |
اقتباس:
اقتباس:
اقتباس:
بس صراحة الشيف مش ممتاز لسا بدرى اوى وحظك ده انتى السبب فيه عاوز اعرف ولعتى فى المطبخ كام مرة:d وانا ان شاء الله مش ناوى على شغل فى قسم المطبخ ربنا يكرمنى واشتغل فرونت اوفيس |
اقتباس:
إن شاء الله ربنا يكرمك ب فرونت أوفيس و لكن لا تنسانا من جديد الفنادق فى المأكولات فلهم طبيعة خاصة و أكلهم مشهى و لذيذ منتظرة جديدك و بالتوفيق |
مشكووووووووووووووووووووور
|
مرسى جدااا روووووووووووعه
بس ليا طلب عايزه سمك مكرلى وياريت يكون بالصور |
وصفات حلوه اوى بس ازاى اسماك مع فواكه انا سمعت برده عن حاجه غريبه
جمبرى بالكنافه بس انا عايزه اعرف طريقه عمل السى فود وشكرا ليك |
جمبرى بالكنافة
تصدقى غريبة فعلا ان شاء الله الوصفات هتنزل بعد العيد مباشرة |
اسهل طريقة لشوربة السى فود
النهاردة شوربة سى فود ودى هتكون اسهل طريقة لشوربة السى فود المقادير 1ك بحريات متنوعة ( سيبط + فيليه +جمبرى بيبيى + كابوريا ) ويلاحظ ان الكابوريا تكون مخلية وايضا الجمبرى يكون مقشر 2 طماطم مقطعة جوليان 2 بصل مقطع جوليان كرافس كسبرة خضراء عصير ليمون ملح وفلفل ماء 1/2 كوب لبن 2 ملعقة دقيق قليل من الزيت والزبدة وممكن نضيف جزر او بطاطا حسب الرغبة الطريقة نضع الماء فى اناء على النار ثم نرش الملح والبهارات ونضع الخضراوات وتترك حتى يتم الغليان وتنضج الخضرة ثم نضع البحريات الكابوريا والجمبرى والفيليه والسبيط الى ان يتم نضجهم ( حوالى عشرين دقيقة ) بعد ذلك نقوم بتصفيتهم من الخضار والاحتفاظ بالشوربة والبحريات ثم نضع اناء على النار به قليل من الزبدة والزيت ويضاف اليه اللبن والشوربة والبحريات وعصير الليمون الى ان يتم الغليان وفى النهاية يتم وضه الكريمة عليه ويرش الكسبرة والكرافس فوقهم للتزيين ويقدم وبالهنا والشفا ملحوظة : يوجد اكثر من طريقة لعمل شوربة السى فود ولا نلتزم بهذه فالطهى فن وابداع ولكل منا طريقته. |
| جميع الأوقات بتوقيت GMT +2. الساعة الآن 08:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.