اعتقد انه لا يجب ان تخفي اشياء ظاهرة عن الناس وحضرتك بتقول ان الاداريين لم يعد لهم الا تسجيل الغياب طيب خلاص نخلي الغياب كمان علي النت ونستغني عن الاداريين وكمان العمال ونسجل نظافة المدرسة علي النت
وكمان نخلي النت يعمل المرتبات ويجيب الكتب ويوزعها ويروح الادارة كا شوية يراجع العهد والمرتبات
وعلي فكرة انا امين معمل علوم يا ريت حضرتك كمان تخلي النت يمسك المعمل واهو نخف عن كاهل الحكومة
معلومة لحضرتك او سؤال : كم مدرسة في مصر فيها نت ؟

[quote=kimiko;1527695]

[quote=fathi_124;1528976]هو قال وجهة نظره
ولنا أن نعارضها أو نقبلها
وبالتأكيد لا نقبلها
فمن المسئول عن الماهيات
ومن المسئول عن شئون الطلبة
ومن المسئول عن شئون المعلمين
ومن المسئول عن التوريدات

يا أخى انا درست فى السعودية سنوات طويلة :
كانت الماهيات تنزل فى البنوك على حساباتنا بدون موظف فى المدرسة
وكان المدرس يسجل غياب الطلبة فى دفتر درجاته لأن الغياب عليه درجات
اما شئون العاملين وملفاتهم وتعاملاتهم مع إدارة التعليم
والكتب كان يروح يجيبها المدير من الادارة فى سيارته و العامل ينزلها فى المدرسة
يعنى لامعنى لوجود الادارى فى المدرسة
اى كلها عمالة زائدة وحمل زائد على بند المرتبات فى الدولة
ما كان يجب عمله من الدولة أن تقوم بتدريب هؤلاء الاداريين على اعمال اخرى وتحويلهم اليها سواء كانت هذه الاعمال فى التربية و التعليم او فى عثمان احمد عثمان
اخيرا يجب معرفة ان المعلم هو محور العملية التعليمية ويجب مساعدته للقيام بمهامه وليست المسألة كادر وبس ولكن التدريب ثم التدريب للمعلم وتكريس الجهد و المال لذلك بدلا من المطالبة بالكوادر حتى للعمال

كلام حضرتك عن العمل في السعودية والمرتبات كلام لا يصلح للعمل في مصر وبعدين لو ينفع حضرتك تقترح علي الوزارة التخلص من الاداريين اقترح بس اتق الله في هؤلاء اصحاب البيوت والاولاد ومنهم من يعاني من الامراض
وفي الاخير ( من كان رزقه علي الله فلا يحزن)

اتقى الله يا اخى دى ناس عندها اولاد انت هدتفع من جيبك حرام عليك ناس تعبانة ومش بتدى دروس ولا غيرة
اتقى الله ودع الملك للمالك

لا أقصد منع الأرزاق ولكن ليوضع الشخص المناسب فى المكان المناسب ولو أن ما ذكرته كان امرا واقعا وكان عمل الاداريين مقتصر على الادارة التعليمية لكان عدد موظفى الدولة أقل وكانت المرتبات أفضل لان مرتب شخص واحد بيتوزع على 4 موظفين الان دى حتى دول الخليج واقوى الدول اقتصاديا ليس لدى حكوماتها هذا الحشد من الموظفين
لعل وجهة النظر مفهومة.......... وربنا يرزق الجميع ونصبح أغنى شعب فى الدنيا

لا حول ولا قوة الا بالله العلي العظيم
انتو تركتم الخبر الرئيسي ومسكتم في بعض. هو المصري عمرة ما هيتغير؟؟؟؟؟؟؟
بالفعل كثير من الاداريين عماله مقنعه وهذا واقع يراه الجميع في مدارسنا طول السنه واحد او اتنين منهم بيقوم بشغله والباقي جاي يأكل السندوتشات ويشرب شاي.
كثير من المدرسين وخاصه المرحله الابتدائية لا يراعي الله في الدور الذي اوكله الله به.لو مش مصدق ادخل اي مدرسة ابتدائي جنبكم واحكم بنفسك.شوف اللي سايب الاولاد في الحصة وبيرغي مع زميله ولا ادخل لجنه امتحان وشوف اللي بيكتب لهم علي السبورة.
الواقع مر مر مر ........ لكن في النهاية الاتنين مطحونين ومش متساوين مع عامل في شركه الكهرباء لسة متعين النهارده.
رجاء من الطرفين: اتقوا الله في اعمالكم واصلحو احوالكم مع الله يصلح لكم احوالكم ويولي عليكم من يتقي الله فيكم.

مدرس منكم

الأخ الفاضل / playmaker10
 

إلى الأخ الكريم / أولاً كل عام وأنت بألف خير 0 أنا رديت فقط علشان أنت رجل مهذب في كلامك ولكن نيجي للحقيقه 0 أنا مقصدش المدرس في أي شيئ أنا نفسي المدرس ياخد في الشهر مليون جنيه وعاوز المدرس يكون قيمته فوق في العلالي 0 ولكن مفيش أحد يقلل في الأداري أو الموظف كل واحد عمده في عمله ولا إيه يا أخي الفاضل وبعدين دبلوم زمان أنت ممكن تسأل عليه وتعرف كان بمثابة إيه دلوقتي وكانت ماده بسيطه جداً تخلي الطالب يعيد السنه صح أخي المهم أنا واحد إداري وبعمل في عملي وكذلك منتدب إلى التطوير التكنزلوجي بقوم بعمل واحد أخصائي تطوير بوفر على الدوله راتب موظف بحوافزه بالكادر بتاعه بمكافأته وأكتر الإداريين بيعملوا عمل أخر بالمدرسه لسد الحاجه أل ماسك مكتبه وأل ماسك مناهل المعرفه بالإضافه إلى عمله الأصلي إحنا مش بنطلب كادر يا أخي إحنا بنطلب حوافز إثابه وبعدين لو فيه عدل كانوا إعطونا أي نسبه صح يا أخي ومش هدخل في تفاصيل أكتر من ناحية المدرس علشان إحنا في النهايه في مركب واحد وربنا يستر على التفرقه العنصريه 0
وكل عام وأنت بخير

سؤال بسيط لحضرتك هو انت كنت مخزن الدولار ليه عشان تتاجر وتضر اقتصاد البلد ولا لسبب اخر استثمار مثلا طيب لو استثمار ليه مش اشتريت اراضى او عقارات كنت كسبت ارباح اكثر من 2000% بس تقول ايه فى ناس كتير بتحب تبص لمصلحتها هى بس ومش مهم البلد كلها تنضر

يا اخى اتقى الله فيما قلت
الاداريين عندهم بيوت مفتوحة زى حضرتك بالضبط
ولابد من تعديل منظمة الرواتب
وما لاترضاه على نفسك لا ترضاه على الغير