|
انا بعد ما قريت الجملة ده سحبت كل الكلام اللى كنت عايز اقوله
اقتباس:
وكمان بعد كلام الاخ الكريم احمد رضا P h i l o n o i s t المفروض الواحد ميتكلمش تاني بس حتكلم برده :d مشكلتك بتتحدد في الآتي والدك فارض عليكي رأيه ومفيش مجال ليكي تفرضي رأيك ولو مرة قدامك طريقين الحاجة الاولى بتقول "الشكوى لغير الله مذلة" يبقى المفروض اول حاجة تحاولي تقربي من ربنا شوية وتدعيه يفك كربتك وكمان زي ما قالوليك تصلي صلاة الاستخارة وتدعي ربنا إنه الكلية اللى يفرضها عليكي والدك تكون هي الافضلك كتير بيختارو ومش عارفين إنهم بيختارو غلط الحاجة التانية اذا كان ابوكي بيفرض عليكي كلمته فاكيد في حد بيفرض عليه كلمته مش حقول بيفرض بس بيسمعله او بيقتنع بكلامه ممكن يكون جدتك (لو عايشة وربنا يديها طولت العمر) عمتك عمك خالك او حتى حد صاحبه قاعد معاه على طول اكيد في حد بيسمعله تقدري تحكيله حكايتك وتخليه يقنعه بالكلام من غير ما يجيب سيرتك ولو انتي بتكرهيه هو مش بيكرهك والا مكنش اهتم بيكي لحد ما وصلك للمرحلة الجامعية وهو سابلك الفرصة مرة في ثانوي وضيعتيها حتى لو كان عندك ظروف وشديدة بس هو في نظره إنك خيبتي امله فبالتالي بيجبرك هو المرادي على اختياره هو لأنه شايفه الاحسن ولو طال به الامر يوديكي اي كلية تاخدي منها شهادة لاحظي إنه عايزك تاخدي شهادة على الاقل مقلش ارميكي في معهد ولا دبلوم صناعي ولاحظي كمان إنه عايز يجوزك ولو حتى في المرحلة الجامعية يعني هو مهتم إنه يوفرلك كل حاجة لحد ما تخلص مهمته بالنسبالك لو بيكرهك كان رماكي تتوهي في الدنيا وتتجوزي متتجوزيش ملوش دعوة بيكي وكلام من ده انا معاكي إنه اسلوبه غلط تماماً وممكن حياته كانت زمان غلط بس احنا بنتكلم في شخصه دلوقتي والظروف اللى فيكي دلوقتي لازم تصبري عليه بلاء وربنا حيعوضك عنه ان شاء الله بعدين في زوجك في المستقبل بس لو صبرتي عليه وبرده مش كله بلاء لازم تنظري من ناحية تانية ومتخليش التصرفات الحالية (ولو كانت كفيلة) تسيطر على تفكيرك وشعورك تجاه والدك وتصفيه بالمكروه في ابهات تانية بتبيع ولادها في السوق والتانيين من غير قلب خالص بيرموهم في الشارع ولو نظر الشخص في بلاوي الناس لهانت عليه مشكلته لكن بباكي معاكي لحد النهاردة ومفكرش في يوم يتخلص منك واوعي تقولي إنه عايز يجوزني عشان يخلص مني لأ ده عايز يخلص مسؤوليته مش اكتر لأنه المسؤولية ده صعبة جداً وسيبك من الكلام الجانبي بتاع ملكيش غير شغل البيت وانتي فاشلة وده فده كله كلام مش مقصود ناتج عن الزهق والغضب مش اكتر لكن مش بيقوله قاصد يغيظك ولا حاجة ومش واخد لباله عن انطباع الكلمات ده فيكي يلا زي ما قلتلك في البداية تصلي الاستخارة وتدعي ربنا وتحاولي تشوفي حد حسن الاسلوب ممكن يقنع والدك على جنب ربنا يوفقِك |
اولا عايز اقول حاجه بعيد خالص عن الاب والاولاد او البنات علشان انا مريت بالكلام ده كتير انا لما كنت في تانيه وجبت 94.5 ومجموعي ميحققش لاسرتي اللي تتمناه من دخولي لكليه الطب وكنت فرحان بالمجموع لاني هحقق حلمي وادخل الهندسه والحمد لله ربنا وفقني وجبت 95 في الميه المهم ابويا واخواتي كانوا بيتراهنوا اني مش هجيب اكتر من 90 في الميه بس خيبت ظنهم وجبت اكتر وكانول بيقولولي ذاكر كل مايشوفوني بستر يح شويه ايه تصرفي بقي انا كنت عامل ودن من طيم وودن من عجين يعني طنش كبر سيبك الكلام ده كله والله وجاب نتيجه
معلش طولت عن نفسي شويه بالنسبه للك انتي مخطئه انك معملتيش خطه لنفسك لو مثلا مدخلتيش هندسه هتعملي ايه او هتصممي علي كليه ايه بعد كده ده ثانيا مادام والدك عايزك تدخلي اي حاجه انتساب وهو طبعا بفلوس ما يقارب 500 جنيه غير مصاريف الكتب والملازم .... الخ فليه متعر ضيش علي والدك دخول الجامعه المفتوحه وتذاكري في البيت وده حل كويس ثالثا في حل كويس بقي ايه رايك في معهد المساحه معهد المساحه لو جبتي امتاز في السنتين ممكن ندخلي معهد بنها للتكنولوجيا او ممكن تدخلي كليه هندسه وارجو منك التفكير في الكلام ده كمان استخدمي طرق الاحتيال علي والدك واعملي نفسك مطيعه والكلام ده ولما تيجي تتكلمي معاه بلاش انا نفسي قو لي ايه رايك وهاتي المميزات كلها ولو ليكي قرايب من ولاد عمك او عمتك خليهم يقنعوه بس من بعيد او اخترعي له امثله وقولي كانت ليه واحد صاحبتي كذا وكذا وشكرا للاصغاء |
انا بشكركوا جدا ع المساعده
وفعلا بعتذر عن اسلوبي ف الحوار بس انا فعلا كانت اعصابي تعبانه خالص بس عندي استفسار للبروف انس ايه هو معهد المساحه ده ؟ وازاي ممكن احول هندسه ؟ وهل دراسته زياعدادي هندسه تقصد ولا ايه بالزبط؟ معلش انا اسفه بزعجكوا معايا كتير بس والله انا محتاجه حد يوقف جنبي وجزاكم الله عني كل الخير |
اقتباس:
هو فرقت معاه هندسة على حاجة بسيطة فدخل معهد مساحة بتاخديها سنتين المواد بتاعتها فيها كتير من مواد مدني وده حيقربلك فكرة بتاع مساحة اكتر بس لو جبتي في معهد مساحة امتياز ممكن تحولي منه لهندسة وتبدأي من اعدادي معانا عادي بل حتكوني افضل فرصة إنك تتفوقي في مدني بعد كده من الطالب العادي ده لو غاوية هندسة فعلاً وعارفة إنك حتتفوقي فيها لودخلتيها مع إني شايف إنك مكنتيش ماشية في مجال علمي بس انتي ادرى بقدراتك وربنا يوفقك |
معهد المساحه ده اسمه منتشر جدا هو عباره عن سنتين دراسه فعلا معظم مواده بتبقي مدنيه بس كله بيقول سهله ولازم تيحيبي امتياز في السنتين وده سهل جدا ليه 5 اصحابي والله جابوا امتيازات ع انهم كانوا جايبين 70 و72 في الميه
ولو جبيتي امتياز في السنتين لكم تنسيق تروحي بيه اي كليه هندسه حتي ممكن تكون اللي في محافظتك وان ملحقتيش هندسه في معهد بنها العالي للتكنولوجيا هو ايضا بيدي بكالوريوس هندسه ودراسته ذي الهندسه بالضبط وارجو ان اكون افدتك |
| جميع الأوقات بتوقيت GMT +2. الساعة الآن 07:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.