ايه الكلام الكتير دا

مشششششششششششششششششششششششششششششكور

موضوع متميز
شكراً على الموضوع الرائع

انا من مؤيدى الرأى بتاع الاخ Cool Heart

بس احب اضيف نقطتين

النقطة الاولانية ان لو بصينا لأصل الشعر نفسه .. هاتلاقيه جاي من شبه الجزيرة العربية

ايام قريش وخزاعة والناس بتاعة فيلم فجر الاسلام

الناس دي لو بصيت لشعرها هاتتلاقي ان الشعر نفسه محتاج لترجمة

ودا لان احنا بنقيسه بالمقياس الثقافى الحالى ..

ودا معناه ان احنا فى حالة تأخر ثقافى .. او بمعنى اصح تأخر فى الشعر نفسه

وزي ماقال ناس قبلى .. انتا دلوقتى عايش فى زمن كل حاجة فيه تيك اواي

زمن خليها تاكلك والنهارده صحيت على صوتها وحاجات غريبة ما انزل الله بها من سلطان

فاستحالة تجيب شاب من دول وتقوله فسرلى البيت اللي النابغة بيقول فيه

يا دار مية بالعلياء فالسند اقوت وطال عليه سالف الابد

اذن فادى مشكلة ثقافة عامة .. مشكلة مجتمع عموماً

ويمكن انا في اللحظة دي افتكرت فيلم السفارة فى العمارة

لما كان بيقولوا دى غيبوبة فكرية و حالة تردى ثقافى !!

النقطة التانية اللى حابب اعلق عليها برده

بس على مستوى الشباب فقط .. بعض الشباب بقى يتخذ الثقافة من أجل المظهر ليس إلا

يعرفله كام بيت على كام اسم شاعر على اسم كام مدرسة شعرية على اسم كام قصة

وياسلام بقى لو يحفظله اسماء كتَّاب عالميين امثال ماركيز ودان براون .. يبقى كدا شاب تمام

ويروح يقعد فى قعدة يقوم قايل بوقين من اللى قلبك يحبهم ..

وياكل الجو بالقعدة ويبقى ظاهر ان واد مافيش منه ..

ضيف لدا ان لفت نظرى كلمة انتا قولتها كدا فى النص

العيب بقى انك تستمر فى جهلك دا .. غير كدا انت فى مجتمع لا يقبل مصطلح جاهل دى

يكفى انك لو مشيت فى الشارع وسألت حد لو سمحت اروح رمسيس ازاي .. هايلففك الكورة الارضية

وهوا اصلا لا يفقه شئ .. انا فاكر فى مرة كنت رايح الازهر بارك على طريق صلاح سالم

والطريق ماخدتش بالى منه وحسيت انى تهت ..

وقفت وسألت واحد قولتله لو سمحت الازهر بارك اروحلها منين

قالى لف وارجع وخش من تحت واطلع فوق ..

وفى الاخر اكتشفت ان انا لو كنت كملت فى طريقى اتنين كيلو بس قدام كنت وصلت

فا من الاخر دى طبيعة شعب وثقافة شعب

مشكور لمجهودك