تعقيبًا على كلامك
حقيقة لقد نقلت الموضوع و كما أعرف ينبغى أنا أنقله كاملاً كما هو من المصدر للأمانة
حضرتكصوابعك مش زى بعضها
مش كل المهندسين حلوينأو وحشين
فى زمنا ده الغالب الوحش و أنا معاك فى كده بس ربنا يهدينا أجمعين
أما السبب فى ده لأن بدون كذب
أكثرمن نص الشعب المجموع هو اللى بيوديه الكلية
مش الميول أو القدرات أو حاجة تانية لا قدر الله
و بعدين شباب حاسبات و معلومات مش درجة تانية ولا أول ى مفيش درجات (هى تونة ولا ايه *_*)
و منكرش إنى كنت هتدخلها و لكن دخلت هندسة لأن الاهتمام بها فى مصر مش بالقدر المرضى وكذلك شغلها
أما بالنسبة للمعلومات اللى مش دقيقة زى مثلاً مرتبات مرضية
أحب أقول إنى ناقل الموضوع من منتدى سعودى و تقريبًا هو كان ناقله من موقع بس مش عارف تقريبًا خليجى
ف كل الشغلات عندهم ما شاء الله مش محتاجة كادر

و أنا معاك إن حاسبات و معلومات جزء أساسى من الهندسة و ده أظن معترف بيها فى كثير من دول العالم
بس مش هنا مش فى المحروسة مصر

و بالنسبة للمهندس اللى ما بيشتغلش فى مهنته ده عادية جدًا
مثلاً مهندس طيران عشان يشتغل دلوقت محتاج واسطة جامدة جدًا و أظن ربنا مفيش أكبر منه
بس بنلاقيه بعد ما يدفع قد كده و ياخد شهادات و مية مية نلاقيه عاطل ده أكيد هيدفعه إنه يشتغل فى مجال تانى
لأن دراسته صعبة وواسعة
و زيه أكيد الميكاترونكس و الطبية
والأدهى من ذلك طلبة علوم مثلاً يشتغلوا فى بترول عادى والله ربنا يزيدهم
المشكلة لو واحد مدخلش و لا هندسة و لا علوم و تلاقيه واخد شغلهم
ده ايه بقى كوسة أكيد
و احنا مصدر رئيسى للكوسة لجميع أنحاء العالم

و كذلك مهندس يدرس حاجة و يتوظف فى حاجة مدرسهاش يا فرحتى *_*

عمومًا نورت القسم و آراءك فى الصميم
أحييك منكل قلبى على الملاحظة ده و آسف لو كنت آذيت شعورك أو أى حد تانى
حاسبات و إليكترونيات الاتنين حبايبى و هوايتى ده أكيد ليا و لناس كتير

بلاش رغى أكتر من كده بقى
السلام عليكم و رحمة الله و بركاته

أولا بالنسبة للإهتمام بيها فهي كغيرها من الكليات متبصش لمساحات الكلية ولا للنقابة ولا للكلام الفارغ ده بالعكس أنت لو دخلت حاسبات ومعلومات وعرفتها هتلقي الكلية هي تقريبا أحسن الوحشين مش عايز أقول أنها مهتم بيها لدجة عالية جدا من أحسن هيئة تدريس ومعامل لا ينقصها شئ مثل هندسة ولكن احنا مش عايزين مصر تهتم بالكلية عايزين مهندسين مصر يهتموا بمصر . اما بالنسبة لو كنت تقصد النقابة والألقاب فعيب عليك عظيم إذا كنت فهلا مهندس. فأنا لو حبيت افتخر كنت هقول أن كلية الحاسبات والمعلومات على سنتي كانت تأخذ أعلى من كل كليات الهندسة زي ما الناس ما هي فاكرة أن القضية في المجموع وإن كان أمامي بترول وتعدين ودخلت حاسبات وأن أنا الأن أعلم في تطوير برنامج كبير جدا وأنا مصمم البرنامج و الوصلات الخاصة ببرتوكولات التوصيل بالجهاز الخارجي والحمد لله أشياء كثيرة قد عملت بها وهي من أقوى المشاريع في مصر ولله الحمد وغيري من زمايلي خريجي الكلية في أحسن الأماكن وفي أحسن الأوضاع وأشياء كثيرة جدا وايضا سوف تجد كلام كثير في هذا المجال فهل تظن ان الناس الذين يقدرون العلم و التكنولوجيا يطلقون علينا منجدين أكيد طبعا مهندسين . فأنا أتكلم على الناس الذين يقدرون ليس عامة الشعب الغلبان لأن كل واحد في مجاله والإنسان عدو ما يجهل. فموضوع النقابة ده بالنسبة لي ليس له كبير فائدة.
وعلى فكرة أنا حبيتك قوي وكانت فرصة جميلة جدا أن أتعرف عليك يا بشمهندس المستقبل

وعلى فكرة في ناس فاكرة ان حاسبات ومعلومات مجال واحد وسهلة والكلام ده وميعرفش أن معدل تطور العلوم في هذا المجال لا حصر له وأنه مجالاته أوسع مما يتخيل أي أحد ومفيش شك ان مجال زي الطيران مثلا مجال كبير وعلم واسع فأيضا مجال علوم الحاسب وتكنولوجيا المعلومات ونظم العلومات و الذكاء الإصطناعي و هندسة البرمجيات والواقع الإفتراضي وغيره وغيره مجالات تنقسم إلا مجموعة علوم في منتها التعقيد وفي منتها الضخامة ومفيش حاجة اسمها دراسة صعبة . الصعوبة والتعقيد اساس أي علم هندسي لكن مع التنظيم والإجتهاد والمصابرة وبالطبع توفيق ربنا ستكون سهلة.
وأحب بس أشيد بأن معظم المشريع الكبيرة سواء في مجال الطيران في الطب والأجهزة العلمية أصبح دور كل هذه الأقسام مهم جدا وقد تجد في مشروع واحد كل تلك المجالات المندرجة تحت تخصصات الحاسبات والمعلومات وغيرها أيضا من التخصصات الهندسية الأخرى وده من واقع احتكاكي ببعض المشريع التي يسمونها ليجسي سيستم legacy system ولازم على فكرة يكون المهندس على دراية بجميع فروع النظام حتى يستطيع تأدية عمله بطريقة احترافية وابداعية.

معلش أنت عارف إن العرب عندهم لمسة خفيفة من العنصرية و المنظرة لمسة ما خلصتش

على فكرة كلمة أحسن الوحشين ده كلمتى دايمًا بقولها *_*

أنا رأيى زى ما الشعراء زمان كانوا دكاترة و مهندسين

ممكن المبرمجين يكونوا كده
و مصممين الفوتوشوب
و الحجات الإبداعية عمومًا مع شوية دراسة من الانترنت سهلة أوى أو كورسات مش هنغلب

حقيقة أنت منورنا و يا ريت تزور القسم علطول فى وقت فراغك
و الله يخليك على ذوقك العالى
و مش عارف بس بيتهيألى أنت تعرف حد فى المنتدى هنا أو أنت قريبه

و ربنا يوفقكم فى مشروعكم
و الحمد لله سعيد أكتر بمعرفة سيادتك

كلام صحيح و هو حقيقى كل حاجة المفروض تتطور بس أسرع حاجة فى التطوير هى الحاسبات و المعلومات
و إليكترونيات و أعتقد معاهم هندسة الطيران و شوية الميكاترونكس
لأنها مش بتعتمد فى المناهج أوى و مش روتينية أبدًا
بس للأسف كلهم مهضومين حقهم أو مش واخدين حقهم الكامل فى أى حاجة
عمومًا ربنا معاك يا بشمهندس

أحب بس أعقب على كلامك لأن أنا فعلا عايز يكون الموضوع معروض بصورة علمية وصورة بها انصاف. قد يكون البعض من طلبة كلية الحاسبات والمعلومات يعتقدون انهم قد فاتهم هندسة بسبب المجموع فقد يتحدث بصورة استضعاف واستكانة إذا واجه هذا النقاش وقد يكون عنده شعور بالنقص وهو لا يعلم أنه يدرس أرقى العلوم على الإطلاق ولا يعرف قدر نفسه. وقد يكره المجال أيضا خاصة عندما يراه معقدا وصعبا. فأنا هنا أريد فقط أن أعقب على كلامك في نقطة أن المبرمجين ما هم إلا مهندسي برمجيات إذا أردنا أن نوصفهم وصفا دقيقا. فقد يختلف بعض الشي بأن المبرمج والكودر ومهندس البرمجيات والتستر و محلل النظم و غيرها الكثير من هذه المسميات بها فروق ولكن عندما نتحدث على اللقب فلا شك أن كل من درس علوم كلية الحاسبات والمعلومات فهو مهندس لأنه درس المبادي الهندسية وليست عبارة عن كرسات ومش هنغلب ولا حاجة زي محضرتك بتقول وهي أيضا ليست سهلة كما تظن ولا تستطيع أن تحصلها في أي مكان في العالم إلا في الكليات التي تعطي مناهج الحاسبات والمعلومات. وعلى فكرة ده مش دفاع عن الكلية ولا حاجة بس أنا عايز الناس بس تكون ملمة بالمجالات الأخرى فهي مثلا لسيت علوم مع أحترامي الشديد لكلية علوم لأنها في أعتقادي أهم بكثير من بعض التخصصات الهندسية في مصر لأن علوم الحاسب قد يعتقده البعض انه مثل علوم الحاسب والرياضة الباحتة في كلية العلوم. فهذا القسم في الكلية من أقوى الأقسام التي تدرس مناهج علوم الحاسب الهامة جدا التي تؤهلك بالفعل في العمل في مجالات كثيرة جدا ولكن كلية العلوم تركز أكثر على علوم الطبيعة بينما قسم الرياضة والحاسب فهذا في مصر أي تهتم بعض الشي ببعض الرياضيات تدرس بعض منهاج علوم الحاسب ولكنها مختلفة تماما عن كلية الحاسبات والمعلومات. وأيضا الأقسام الأخرى. وأنا ممكن إن شاء الله في وقت أخر أتحدث عن جميع أقسام كلية الحاسبات والمعلومات والفرق بينها العلمي والتطبيقي والأكاديمي حتى يكون لدى حبايبنا المهندسين في الفروع الأخرى الدراية بهذه الأقسام أيضا ومدى حساسية وأهمية هذه المجالات في المجتمع وأهمية الإشادة والعمل على تطوير هذا المجال الذي لا يستطيع أحد ان يتجاهله خاصة وأنه في العالم الغربي يعترفون بمهندس البرمجيات منذ تقريبا أكثر من نصف قرن. وينبغي أن نعلم أيضا أنك إذا نظرت إلى أي صناعة وأي مجال فلا نخلو من مهندسين سوفتوير وتكنولوجيا معلومات وغيره والموضوع مش زي ما أنت متخيل شوية دورات ولا حاجة لأنك نحن في مصر يجب ان نكون ملتزمين بتطوير البرنامج وتطوير هذه الصناعة العملاقة التي تقدر بمليارات الدولارات وليست جيمز ولا حاجة زي ما الناس الي قعدين في السيبر ماهو فاكرين فهل تظن مثلا أن أحد غير دارس لعلوم الحاسب او تكنولوجيا المعلومات أو اي تخصص أخر أن يعمل في هذا المجال بشوية دورات إن كان يوجد ذلك فأنا لا أتحدث على الهواة ولكن أتحدث بصورة احترافية. فأنا مثلا ممكن ان أضرب لك مثلا مثلا أنه في أحد الدول الأوربية مثلا يوجد عندهم كليات ومعاهد تدرس تتخصص فقط في أحد فروع علوم الحاسب مثل مثلا الذكاء الإصطناعي وأيضا الواقع الافتراضي وغيره وغيره وهذا طبعا شي ممتاز حتى يخرجوا كوادر تستطيع الإبداع في هذه التخصصات وتلك المعاهد والكليات تندرج عندهم في العلوم الهندسية. فنحن ينبغي أن نكون على دراية بجميع أبعاد الموضوع ونكون منصفين.
وعلى فكرة انا لم أعرف أحد في المنتدي ولا حاجة كما تظن وإنما دخلت في هذا الموضوع عندما جذبني وأنا ابحث في جوجل. وعلى فكرة أيضا أنا مش متحمس لموضوع المشروع بتعنا ولا حاجة والله ولكن قد يكون هناك بعض الناس غيري يتحمسون لذلك وهذا حقهم الطبيعي وأنا الحمد لله أرى أحب المجال جدا وأحب ان اذاكر واتعلم جدا والحمد لله طبعا ونفسي نكون كلنا متعاونين ونكون مختلفين ولكن أختلاف تكاملي وليس أختلاف صدامي ونقدم الخير للناس الذي ينبغي أن نقدمه ونستطيعه حتى يكون لنا الريادة في كل المجالات كما كان أسلافنا.
أما موضوع حقنا وغيره فهذا لا يقدره إلا الله سبحانة وتعالى. ثم نحن انفسنا . وأأسف جدا على الإطالة... وربنا يكرمكوا جميعا.

أنت شكلك حساس أوى يا بشمهندس
أنا مقصدتش اللى فهمته
مش هعلق على حاجة بس هقول إنى واحد صاحبى كان قايلى بعض صفات على واحد قريبه
انطبقت عليك فافتكرته حضرتك مش أكتر
و أما حكية علوم و حاسبات و هندسة
أقولك أذكى واحد فى أصحابى فى داخل علوم
و أذكى واحد فى أصحاب أخويا كلية علم برده
مع إن الذكاء أنواع بس ده من وجهة نظرى الشخصية
و حضرتك تنورنا سواء من بحث جوجل أو من غيره
و آسف على الموضوع و المشاركات لأنها واضح أزعجتك

مفيش مشاكل والله وأنا مش حساس ولا زعلان ولاحاجة بس حبيت أوضح بعض الأفهام
وأنا مبسوط جدا بالموضوع ولا يوجد إن شاء الله أي إزعاج فأنا أحب جدا جميع المجالات الهندسية خاصة وأنا أحتك بها منذ فترة خاصة مجال الميكانيكا وهندسة ميكانيكا الطيران وأيضا الإلكترونيات وأحترم هذه العلوم جدا.
والموضوع جيد جدا ولكن كما قلت لك ينبغي ان على دراية بكل المجالات خاصة وأن أسم الموضوع نبذة كاملة عن الهندسة.
وأيضا أنا أحب أن يكون عندنا حسن نية بغيرنا ونكون كما قلت سابقا متعاونين.
فأنا مثلا يحزنني كثيرا عندما أرى حال بلادنا بالنسبة للشعوب الأخرى وأزاي أن احنا ضعاف جدا علميا ونجد ان كل العلوم اصبحت تورد من الخارج وأصبح ما يقوله الغرب مألوف عندنا وغير قابل للنقاش ومدى قلة الأبحاث العلمية والتطبقات الهندسية وضعفها إذا قورنت بالخارج. وأيضا قلة الكتب العلمية المألفة من قبل العلماء والمهندسين المصريين في كل المجالات والمشاركة الضئيلة جدا في العلم والتكنولوجيا.
فأنا أعتقد ان هذا كله ورائه أخلاقيات ومبادئ الشعب المصري وليست الإمكانيات أو غيره. فأنا أدعوا فقط إن نكتب المقالات والمواضيع بطريقة أحترافية وإبداعية وأيضا نتقى الله ما استطعنا , فلا يكلف الله نفسا إلا وسعها ونكون جادين في العلم والهندسة ونكون طموحين وحابين لمجالنا ولا نتعالى على أحد , فنحن لا نملك شئ حتى نتعالى بيه .
وشكرا جدا جدا يا عبد الراحمن وأدعيلنا ربنا يسامحنا إذا كنا أخطأنا.....

nice
 

ana 3 mechanical power > ya reet zyada newwwwwwwwww