وانا بهنيك على شجاعتك مش كتير اللى بيملوكها عشان يعبروا عن نفسهم

متشكر أوي علي وجودك في الموضوع بس ايه رأيك أكمل ولا ؟!

كمل ايوة انا متابعة

يعنى ايه فاهم سن المراهقه لو فاهم هتبقى متاكد نها هتتغير
بس على فكره انا اعرف ناس كده والموضوع تم

حاول الفتره دى تخليها تركز فى المذاكره

إن شاء الله بس شوية كده لحد مخلص المصايب اللي ورايا دي
أنا عارف قصدك ايه بس حتي المراهق لحد ما ينضج مابينساش بسهولة ولحد الوقت ده أنا عامل حسابي يعني لو افترضنا إنها مراهقة وإستنت تحبني لحد أولي كلية مثلا يبقي تقريبا أولي كلية سن حلو أحكم عليها فيها دا من نحيتكم إنتم أنا حكمت خلاص
أنا علي فكرة إدتها هدق إنها تدخل صيدلة بس مش بطريقة مباشرة أحسن تفكروا علشان خاطري ولا حاجه

ليلة العيد
 

بداية خليني أقول إن ده أسود عيد عدي عليا ويمكن أرجع في الزمن لقبل العيد بيومين تبدأ الحكاية لما والدتي عرفت إني بكلم خطبتي (مش رسمي ) وبحكم إن والدتي ست متدينة جدا فقامت الدنيا فوق دماغي علي ما أتذكر في يوم الوقفة ومامتي حبت تزودها فاتصلت بأهل النت ردت عليها والدتها (ست جامده أوي ) علي دخلتي ساعة الفطار وكانت أول مره مصليش المغرب في الجامع فوالدتي معرفتش تكلمها في وجودي علي أساس إني معرفش دا غير إني متوقعتش كده المهم تفاصيل المحادثة (ماما: سلام عليكم .حضرتك أم دعاء ، أم دعاء : أيوه ، ماما : كنت عايزه أتكلم معاكي في موضوع مهم ، أم دعاء :إتفضلي ،جيت أنا داخل ، ماما حبت تفصل قلتلها :طيب أكلمك بعد مانصلي التراويح بقي وقفلوا ) لقيت بعد صلاة العشاء أختها إتصلت بيا بتقولي إلحق مامتك إتصلت بمامتي وحكتلي اللي حصل أنا برج من نافوخي طار يعني أنا طول حياتي مفيش مرة أختلفت مع ماما في الرأي غير رأيها هو اللي مشي يعني قصدي لو إختلاف بيني وبينها رأيها يمشي لكن لو حصل إختلاف في وجهات النظر بيني وبينها في علاقاتي مع الناس ملهاش حق تتصرف بمعني إنها مثلا شافتني بصاحب واحد مش عاجبها تجي تقولي متصحبوش ولو حصل وبيحصل كتير طبعا ملهاش تتصرف يعني أحرجتني كذا مره مع ناس أعرفهم المشكلة إني مش مصاحبهم دي شافتني مرة أو مرتين معاهم وحاجات زي كده (نفسي أبقي موضوعي مرة وأنا بتكلم مش عارف ) المهم جينا في الصبح يوم العيد وإحنا المفروض بيجلنا كل عيد واحد صاحب بابا بالعربية يودينا بيت عمي في قرية جنبنا فشديت مع ماما مشداة كلامية عنيفة في الاخر حلفت لأخرج بره البيت وأسيبه خدو برضو اللي كان جوايا تخيل إنسان إنتا كت بتحبه حب لا يوصف وتخيل الحب ده ممكن يوصل في لحظة من اللحظات إنك بقيت مش طايق والله أنا الكلام ده تقيل عليا يعني عمري مفكرت في يوم مجرد فكر بس إني أكره ماما بس التزمت والعصبية دي كرهتني في حياتي هيا ليه مش مقتنعة إني أقدر أتحمل مسئولية أفعالي حتي لو غلط نفسي تسيبني أغلط مهو أنا مش حتعلم كده بالطريقه دي لو عشت مليون سنة المهم رحت قايلهم مش معيد معاكو وطبعا بابا زعق معايا وإزاااااااااااي وعمك وكلام من ده المهم نمت بعد صلاة العيد صحيت المغرب أكمل الباقي بعدين أصل أنا زهقت

كنت متابعة الجزء الاول مع حضرتك
بس عايزة اقول لحضرتك حاجتين
حضرتك ممكن تكون اتعلقت بيها عشان بتسمعك وتهتم بكل حاجة ليك
بس دى صغيرة فرق السن برده هى ممكن تشوفك اخ كبير بيخاف عليها
فكر شويتين قبل ما تكمل وقبل ما تقولها كل حاجة
عشان لا قدر الله بعدت عنها مش تزعل من اى تصرف ليها
تانى حاجة اكيد والد حضرتك بيستنى العيد عشان تتجمعوا على فرحة كبيرة
كدة حصل زعل جامد واكيد والدتك مش تقصد انها تزعلك
مش ممكن كانت عايزة توقفك لانها شايفة انك غلط تكلمها من غير سبب رسمى
عشان كدة عملت كدة
حضرتك ناقش والدتك وفهمها وافتح مجال كلام معاها وصارحها بكل حاجة
هى اللى هتشجعك وتخطب لك
على فكرة ولا ام بتشوف ابنها كبير
مهما حصل هتفضل النونو بتاعها اللى عايزاه معاها طول عمرها
لو بتكلمها فى اى قرار ليك حاول تقنعها برأيك
حتى لو هتجرب مليون طريقة ان شاء الله هتقتنع برأيك
بس اثبتلها صح انك بقيت راجل
وانك تقدر تاخد القرار الصح
ومنتظرة الباقى بس بعد ما حضرتك تهدى شوية
ان شاء الله لو فيها خير تكمل مع البنت دى ربنا هيوفقك

أنا الموضوع ده قالب دماغي أوي مش عارف أتصرف أعمل ايه بخصوص والدي ووالدتي أنا متأكد إن كل كلمة أولتيها صح بس أنا سايب مساحه بين كل اللي حوليا لحد معرف أظبط أفكاري وأشوف حعمل ايه ؟ متشكر أوي علي وجودك وردك

انا من رايى حاول تقول لماماتك ممكن تفهمك
وبعدين هى لسه مقلتش حاجة فحاول تصلح الوضع

بصراحه مليش نفس أكلمها الفتره دي خالص بس إن شاء الله أعمل كده بس علي فكره ماما معندهاش تفاهم من النوع بتاع الحديث من طرف واحد

ممكن تكلم باباك يكلمها

No Way بابا عمري مبتكلم معاه سواء في مواضيع زي كده أو حتي العادية

ليه
ما هى دى الطريق الوحيدة تكلمه
ممكن يتفهم ويقولها

Fe w2t da mfrod tsbr la3'et ma el mawdo3 ehda
5als w ba3d kada 7awl ttklm ma3 tant w uncle
b hdo2 w da mogrd r2y