انا طبعا ضدد التشديد بس برده في حدود لان البنت لو لقيت حرية زيادة عن اللزوم ممكن تسئ استخدامها

يعني الاب والام يربوا بنتهم كويس ويبقوا واثقين فيها وبعدها يدوها حريتها ويبقوا عارفين انها هتستخدمها صح

الامور دى ليس هناك وسط ابدا

وعاوز اقول حاجه وهى مهمى جدا البنت النهرده عرفى الصح والغلط ومع ذلك بتغلط وديما الشباب بيحكو عليهم مثل الزواج اعرفى وخلافه بنت ايه اللى تيجى بالعافية او بالطيبه
لا تشديد ولا تخفيف
اهم الاهم هى التربيه والتمسك بالدين خلاف كا فكل النظريات غلط مع احترامى للجميع
تانى مره هقول تانى
اهم حاجه هى التربيه والتمسك بالدين الدين التربيه
وشكرا مع انى عارف ان هناك من يغضب من اسلوبى
فى رعاية الله

طبعا ضد التشديد لان ده ممكن يخليها تعمل حاجة غلط
والصح ف التربية ان الاهل يربوا بناتهم ع الصراحة ويكونوا البنات نفسهم يكونوا مقتنعين ان الحاجة دى غلط لان الاهل ممكن تشددع البنت وهى تعمل غلط من غير مايعرفوا والغلط ساعتها هتكون غلط كبير

اكيد طبعا الدين اهم حاجة
لكن نفترض انك عملت ده وهى مش متقبله الكلام دة
ومثلا عايزة تلبس ضيق
ساعتها هتعمل ايه وانت رب الاسرة والمسئول عنها؟؟؟؟؟؟؟؟؟؟؟؟؟؟؟؟

اكيد طبعا ضد التشدد
لكن لازم يكون فيه تشدد لازم لازم
وزى ما قلت لو انتى مسئوله عن بنت وعايزة تلبس ضيق تعملي ايه
لازم تستخدم التشدد هنا شويه بس طبعا مش تشدد يعنى خلاص
لا تشدد بغرض التربيه والتوجيه ويكون مقنن زى ما قلت

الجمله دى غلط على فكره وبعترض عليها مفيش ام بتعمل كده ابدا

انا ضد تماما التشديد من واقع تجربة شخصية
وانا في اول ثانوي كان اهلي مشددين عليا كنت بعاند واعمل الي انا عايزاه
كله كله منغير محد يعرف
ولما كبرت شوية وبطلوا يشددوا عليا قلت لازم ابقى قد المسؤولية وبقيت اخد بالي من كل تصرفاتي تقريبا وبس
يارب يكون رايي افاد

انا معاكم بالطبع
ولكن ليييييييييييه بس البنت؟؟؟
والولد برده لازم يتشدد عليه
لانه من رايي راس معظم المصائب
مش شايفين ان دي عنصريه

معاكى حق الولد برده مفروض يتشد عليه
بس هى مش مساله عنصريه
هو بس بعض الاسر بيدوا للاولاد صلاحيات اكتر من حقهم

مفيش اختلاف مع رايك بس الاولى انهم الاول
يتفاهموا معاهم
لان التشدد بدون استخدام حل تانى بيولد الخوف ونتائج سلبيه بتأثر عليه
يعنى نعامل برفق وفى نفس الوقت نعرفها ان فى حاجه اسمها ثواب وعقاب

انا من رايى

ان البنات بطبعها بتكون محتاجة الحنية والتفاهم اكتر من الولد

لكن التشدد له وقت والحرية ليها وقت

يعنى مش ادى البنت حرية مطلقة ولما تغلط اعاقبها المفروض اعاقب نفسى عشان ادتها الحرية المطلقة دى

وكمان مش اشد عليها اوى وطبعا من خلال الكبت وكده ممكن تعمل حاجة تخرجها من الكبت والتشدد ده يبقى برده قبل ما اعاقبها اعاقب نفسى

يعنى فى حرية بس محكومة شوية اه انا اديتك حرية بس برده فى شدة اعملى اللى انتى عاوزاه طالما فى حدود الدين والادب والاخلاق

لكن التشدد بجد مش بيجيب نتيجة ده ممكن يكون بيجيب نتيجة عكسية

تمام بس هو المفروض يتفاهم معاها يحاول يقنعها وجد ان مفيش امل يلجأ سعتها مش هنقول لتشدد لانها كلمه مرفوضه بس ممكن نقول عقاب
شكرا لردك ياعمر