<div align="center">
الله

مجموعة صور تحفة

شكرا هايل انا عمرى مازورت المنصورة

اد ايه بلادنا حلوة

واجمل بناسها الطيبيين


............</div>

شكراً على كل الردود الجميلة جداً دى وبانسبة للميدان هو اسكه أم كلثوم عشان موضوع فيه تمثال أم كلثوم طبعاً
لكن الحى اسمه " تـوريـل "
وانا زى داليا أدعو كل عضو لزيارة المنصورة للاستمتاع بجمالها وطبعاً جمال أهلها ..

السلام عليكم ورحمة الله وبركاته
بجد صور جميله جدا جدا
ممكن يا جماعه اتعرف على حد من المنصوره اصل انا كليتى فى المنصوره
وعايز اتعرف او نلتقى باعضاء المنتدى لو ممكن يا هيال نتعرف ونبقى اصحاب
ها قولت ايه
على فكره انا فى كلية لغه عربيه المنصوره

شكراً يا مجاهد وطبعاً ممكن نبقى أصحاب ودا إيميلى
hailhelail@hotmail.com

hailmm@yahoo.com

ومنتظرين باقى الردود وشكراً

يااااااااااه
بقى الموضوع ده هنا ومش فى حد يقوللى
ده انا كده حسيت ان انا فى بيتنا :D
وياريت صور اكتر لان انت حصرتها فى الكليات تقريبا يعنى
وانا بجد كنت بفكر بس هتبقى مشكلتى فى التصوير بس هحاول بردو
وميرسى كتير بجد ليك على الموضوع الممتاز ده

السلام عليكم ورحمه الله وبركاته انا كمان من المنصوره بس عايزه ارد على محمد البرى ان اى حد بيعرف مدينته عمره ما هيقول على حاجه وحشه فيها وده برده ميمنعش ان فيها حاجات وحشه واى مدينه ليها عيبوبها ومميزتها ومرسى يا هايل على الموضوع على الفكره انا شوفت حبه من الصور دى قبل كده بس مكنتش اعرف دى فين فى المنصوره وان شاء الله هحاول اجيب صور للمنصوره انا كمان علشان نساعد ده لو ممكن يعنى (:

شكراً يا تويتى على الرد الجميل واحب اتعرف أكتر على أساس اننا ولاد بلد يعنى ومعلش انا آسف انا مكنتش عارف اعمل ايه عشان كل الاعضاء يعرفوا ان الموضوع موجود يبقى الحل المنصف هو التثبيت التثبيت وانا أضن ان الموضوع عليه اقبال الطلب ده للسادة المشرفين طبعاً على القسم " بسبوسة وأسماء فريد " ايه رأيكم ؟؟

وشكراً ليكى يا فتاة الاسلام على الرد وطبعاً ممكن تجيبى أى صورة انتى عايواها طبعاً وأكون شاكر ليكى لانها أكيد مش هتكون عندى اذن انا فى انتظارها .

وطبعاً محمد برى عنده حق ان كل مدينة فيها عيوب ولكن اللى يحكم بين مدينة ومدينة هو الجمال بقى طبعاً يعنى مش هنقول ايه أقل المدن عيوب ولكن أكثرها مزايا وأنا لا أعرف عيوب معينة فى المنصورة ولكن أظن انها قليلة وشكراً ..

ميرسى على الصور :)

وشكرا انك جبت صورة الكليه بتعتى
بس هيه اوحش من كده الكليه :D

الموضوع جميل جدا نظرا لأنى فاشله فى تنزيل الصور
بس عندى تعليق يا مسلم جيرل المنصوره مش حلوه قوى ماناوانت عارفنها كويس
وكفايه شارع كليه اداب وعربيه الزباله اللى قدامها يا سلام مقلكمش روعه
واحنى لازم ننقض عشان نصلح منفضلش نقول حلوه حلوه وهى مفهاش اى حاجه حلوه
ونظرا ان صورك يا هايل مفهاش الناس اللى بشفهم وانا جايه وراحه للمدرسه
هتظهر انها اجمل مدينه وطبعا كفايه رغى بقه لأنى ع اخرى من المنصوره
والف شكر ليك يا هايل

المنصوره بلد جميل
( فيها ناس تظهر .. ناس تختفى )
بس المنصوره بلد جميل

شكراً يا جماعة على المرور والتعليق وانا مش عارف انتى ليه يا دريمز متغاظة أوى كدة ومش متفائلة وازا كانت المنصورة زى ما بتقولى كده يبقى أى مكان هتعيشى فيه غيرها مش هتستحمليه لانها رغم كده من أجمل مدن مصر ( ملناش دعوة بالقاهرة واسكندرية ) على الاقل فى الدلتا لو قارنتيها بباقى مدنها وعموماً فى ناس كتير بتتغااااااااااااظ من الجمال هههه

وانا رأيى زى رأى الامير عبده شكراً ليك .. ومنتظر صور الفتاة المسلمة .... المزيد......................

اوكى يا مجاهد .. انا فى هندسة ..

بس معرفش الصراحة كليتك فين ..

يا ريت فى رسالة خاصة كدة تنور بيها اللستة تعرفنى مكانك ...
سلام يا مان

الموضوع ده جميل اوى وفكرته حلوة وجديدة والمنصورة فعلاً من أجمل مدن مصر وأجمل مدينة فى الدلتا هى المنصورة بعد اسكندرية وكمان المصيف التابع ليها جمصة
واهلها طيبين وبناتها حلوين شكراً وكفاية النيل والجامعة والمراكز التجارية وارجو من الجميع يجيبوا هم كمان صور لمدنهم ونعمل ألبوم
شكراً ليك يا هايل ولكل عاشق للمنصورة ..

شكراً ليكى يا منى على مشاركتك الجميلة دى وواضح انك حافظة المنصورة والمنصورة فعلاً أهلها طيبين معظمهم طبعاً لأن كل مكان فيه الخير والشر بس أنا بقول معظمهم ..

وانا معاكى فى الفكرة بتاعتك طبعاً وشكراً ليكى ولكل أعضاء المنتدى ..

وياريت نشوف صور منهم ورأيهم على حكاية الصور لمدنهم ومنتظر صورك يا منى ........

يا جماعه انا ولا متغاظه ولا حاجه بس انتوا بتتكلموا عن المكان اللى انا ساكنه فيه
بس ع العموم هى رحمه برده