بوابة الثانوية العامة المصرية - مفاجأة !!!!! طريقة التحويل بالتفصيل لطلبة الشهادات المعادلة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

يا جماعة هى نتيجة التحويل هتطلع امتى؟

اقتباس:

المشاركة الأصلية كتبت بواسطة الطالبة المطحونة ! (المشاركة 1631175)

merci beaucoup pour vous docteur ahmed

العفو يا دكتورة مطحونة
شكرا على الرد الفرنساوي الجميل ده :)

اقتباس:

المشاركة الأصلية كتبت بواسطة اليثابي (المشاركة 1631536)

شكرا جزيلا على المعلومات ديه

العفو
اتمنى تكونو استفدتم منها

اقتباس:

المشاركة الأصلية كتبت بواسطة ميدو الخفجاوى (المشاركة 1631566)

الله يجزيك خير دكتور احمد على فكرة انا كنت المعلومة دى عشان انا جالى هندسة كفر الشيخ وعايز احول هندسة اسكندرية ورلابنا يوفقك يا رب

ربنا يوفقك في التحويل ان شاء الله وتروح اسكندرية

اقتباس:

المشاركة الأصلية كتبت بواسطة tiger masked (المشاركة 1631648)

جزاك الله خيرا

وجزاك مثله
شكرا على مرورك

اقتباس:

المشاركة الأصلية كتبت بواسطة النجم 999 (المشاركة 1633601)

طيب لما النتيجة تاريخ 3 / 10 .. هنروح الكلية ازاي و احنا مش عارفين اماكنا و لا عارفين احنا في اي جامعة !!!
+ امتى هنكمل بقية الاجراءات في الجامعة و النتيجة متأخرة كده ..

انا عندي امل ان الدراسة ممكن تتأخر اسبوع كمان
بس لو متأخرتش هنضطر نحضر في الكلية الاولى حوالي اسبوع ببطاقة الترشيح على ما تطلع بطاقة الترشيح التانية
عادي الاجراءات ان شاء الله هنكملها خلال الدراسة مفيش مشكلة يعني

اقتباس:

المشاركة الأصلية كتبت بواسطة لاراا (المشاركة 1634060)

شكرا ليك بجد احنا محتاجين المعلومات دي

العفو
وده اللي خلاني انقلها ليكم لأني عارف انها مفيدة لينا كلنا في التحويل
ويارب كلنا تحويلنا يتقبل ان شاء الله

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

اقتباس:

المشاركة الأصلية كتبت بواسطة حبيبة رسول الله (المشاركة 1637483)

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

معاك حق والله يا حبيبة نفسي حد يرد على السؤال ده الواحد تعب

اقتباس:

المشاركة الأصلية كتبت بواسطة اليثابي (المشاركة 1637459)

يا جماعة هى نتيجة التحويل هتطلع امتى؟

ان شاء الله من 10 -15 يوم
ادعوا بس متتأخرش عن كده

اقتباس:

المشاركة الأصلية كتبت بواسطة معتصم tates (المشاركة 1637364)

طب يادكتور احمد او اي واحد بايدوا يفيدني
لو سمحتوا
عاوز احول من حاسبات الاسماعليه لحاسبات الفيوم
هو الملف راح هناك (الاسماعليه ) ولا مش هايروح حاجه الا لما يشوفو نتيجه التحويل

والله يا بشمهندس معتصم مقدرش افيدك
بس مش هتفرق كتير
المهم لما تروح الكلية تلاقي ملفك هناك
متفرقش معانا هوا اتبعت ولا لسه

اقتباس:

المشاركة الأصلية كتبت بواسطة حبيبة رسول الله (المشاركة 1637483)

يا جماعة احنا دلوقتي قدمنا طلب التحويل لما الدراسة هتبدا هنحضر في اي كلية ؟
الي يعرف يرد عليا ضروري

اقتباس:

المشاركة الأصلية كتبت بواسطة مناجية الله (المشاركة 1637815)

معاك حق والله يا حبيبة نفسي حد يرد على السؤال ده الواحد تعب

هنحضر في الكلية اللي جت في الأول
يعني اللي معاكوا في بطاقة الترشيح لغاية ما نتيجة التحويل تظهر وبعدها نبقى نروح للكلية الجديدة

طيب ما هو يا دكتور أحمد الكلية التانية اللي جتلنا بعيدة عن محافظتنا سفرها تقريبا 3 أو 4 ساعات هنروحها ازاي كل يوم هنعقد في مدينة جامعية يعني مستحيل

السلام عليكم ورحمة الله وبركاته

يا جماعة انا جالي طب الفيوم وعاوزة احول طب القاهرة

بس مش عارفة يعني هو طلبات التحويل بتبقى كل دولة لوحدها ولا كله على بعضه

وبعدين انا كنت سمعت ان الفيوم وبني سويف تبع القصر العيني وان انا ممكن احول السكاشن من غير ما احول من الكلية

هل الكلام ده صحيح

؟؟؟

افيدوني افادكم الله

اقتباس:

المشاركة الأصلية كتبت بواسطة دكتور11 (المشاركة 1638900)

السلام عليكم ورحمة الله وبركاته

يا جماعة انا جالي طب الفيوم وعاوزة احول طب القاهرة

بس مش عارفة يعني هو طلبات التحويل بتبقى كل دولة لوحدها ولا كله على بعضه
التحويل كل الدول مع بعض

وبعدين انا كنت سمعت ان الفيوم وبني سويف تبع القصر العيني وان انا ممكن احول السكاشن من غير ما احول من الكلية
طب بني سويف مع القصر العيني واللي اعرفه انك اذا عايز تحول بعد اول سنة مفيش قدامك غير القصر العيني
هل الكلام ده صحيح

؟؟؟

افيدوني افادكم الله

بالتوفيق :d

انا في واحد قالي ان سنه اولى السنادي اساسا هايتأخرو عشان التحويلات
وبعديييييين انا والله مش فاهم حاجه خالص وعايز اللي يقعد معايا واحده واحده يفهمني احنا دلوقت هنعمل ايه بالنسبه للي هايحولو هانروح فين يعني انا مثلا في اسماعليه طيب هاروح هناك هاقعد فين لحد مالنتيجه تظهر طيب ماروحش مش عرف
حاجه تجنن

طيب ممكن اسالكو سؤال الله يخليكو الطلبات ايه اللى مطلوبه علشان التحويل يا ريت حد قدم التحويل يقوللى ايه اللى طلبوه منكم الله يخليكم

يا اميره القمر
لو محولتيش الحقي حولي بسرعه عشان اخر حاجه الاربع

طيب الله يخليك ايه الطلبات اللى مطلوبه بسرعه

اقتباس:

المشاركة الأصلية كتبت بواسطة 7med* (المشاركة 1630613)

بسم الله الرحمن الرحيم

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا

ثانيا: تحويل من كلية الى كلية غير مناظرة:

{ يشترط بلوغ الحد الأدنى }

يعني لازم لما تحول لكلية غير الكلية اللي انت اترشحت فيها تكون جايب الحد الأدنى بتاعها

مثال:

لو جبت هندسة طنطا ( 399.2375 ) وعاوز تحول لصيدلة طنطا ( 399.49375 )

للأسف مش هاينفع

لكن لو جبت صيدلة القاهرة ( 400.16 ) وعاوز تحول لهندسة القاهرة ( 397.7 )

يبقى انت كده في السليم

ثالثا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ 1000 جنيه

رابعا: الفترة المتاحة للتحويل:

من يوم الاربعاء 23 / 9 / 2009 الى يوم الأربعاء 30 / 9 / 2009

خامسا: معاد ظهور النتيجة:

بعد 10 أيام من دلوقتي يعني 3 / 10 / 2009

على يوم الدراسة بالظبط

وهما هيبعتولك بريد بالنتيجة يا اما تعرفها من النت من موقع التنسيق ببوابة الحكومة المصرية

http://www.tansik.egypt.gov.eg/application/

سادسا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ 1000 جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

سابعا: مبروك عليك التحويل!!!!!!!!!!!!!!!!!!!!! وبالقبول ان شاء الله

ملاحظة هامة جدا: طلب التحويل مش أكيد, يعني ممكن يقبل وممكن لا

والحكاية دي بتعتمد على عدد المحولين

للكلية اللي انت عايزها ومجاميعهم وكمان عدد الأماكن الشاغرة

زي التنسيق العادي بالظبط

وعلى فكرة لا عزاء للألف جنيه لو لا قدر الله ماتحولتش!!!!!!!!!!

وفي الأخير بقول لن يصيبنا الا ما كتب الله لنا

يعني لو بفضل ربنا اتحولت ادعيه واشكره على نعمه

ولو لا قدر الله ماتحولتش احمده على كل حال على الأقل جبت الكلية اللي انت عايزها

وكلها سنة بالطول ولا بالعرض وتحول عادي جدا وطبعا 100% هيقبلوا تحويلك

يا رب الشرح ده يكون أفدكم

منقوووووووووووووول

اشكري دكتور احمد

بيقولوا لواحد صاحبى راح يحول
انه لو طلبوا اتقبل حيدفع 4 الاف جنيه تانى للكلية كتبرع
ده غير المصاريف
صح ولا غلط الكلام ده

صح الصح كمان أنا أختي عملوا معاهاه كده لما حولت من 4 سنين
دي ناس مفترية كأن اغلشهادات المعادلة دول قاعدين على تل فلوس أو بنك مثلا
ربنا يسامحهم
الواحد مش عارفة هيروح فين دلوقتي كليته الأصلية ولا اللي عايز يحول ليها
نفسي بجد حد يرد علينا