على فكرة موضوع انك تروح تحضر فى الكلية اللى انت محولها دة من رأيى مش مظبوط خالص اول حاجة لان اسمك مش موجود فى الكلية دى اصلا ولا ليك اى صفة فيها تانى حاجة ان التحويل مش بالسهولة دى يعنى يعنى احتمال قبوله مش بنسبة 100% لان معظم اللى محولين محولين لكليات واخدة اكبر من مجموعهم و ممكن كمان ميكونش فى اماكن فاضية فى الكلية زى ما مكتوب فى شروط التحويل علشان كدة من رأيى ان كل واحد يحضر فى الكلية اللى جاتلوا علشان الكليات العملية بتبدأ من اول يوم وخصوصا كمان لو النتيجة هتتأخر زى ما بتقولوا يبقى تتعبوا اول اسبوع دة وان شاء اللة ربنا يوفقنا كلنا

بس بردوا نهاية الاسبوع القادم دى بعيدة اوى يعنى انا الكلية عندى بتبدأ من اول وكاتب رغبتين فى التحويل طب القاهرة والفيوم المفروض انى اخمن بقى هقبل فى القاهرة ولا الفيوم ولا مش هقبل خالص واعمل حادى بادى واروح الكلية اللى هتطلعلى بقى وانا وحظى يأما اكمل فيها يأما اروح تايه بقى من تانى اسبوع فى الكلية اللى هاتجيلى بعد ماتكون السكاشن خلاص بتبدأ......والله اللى بيعملوه ده تهريج

ان شاء الله خير وكل واحد تيجيلوا الجامعة اللى نفسوا فيها بأذن الله

ايه ده احنا لسة هنستنا لاخر الاسبوع
ده ايه الملل ده

شوفي يا همسة ساهرة انا طالب في كلية العلوم كانت جاتلي الاول في الفيوم ودوقتي انا عامل طلب تحويل لجامعة عين شمس وانا من اول الاسبوع بحضر عادي وانا ان شاء الله حروح مكتب التنسيق اجيب النتيجة يوم الخميس الجاي ان شاء الله والكلام ده اكيد على اخر الاسبوع ان شاء الله نتيجتك حتظهر ده لو انتي شهادة معادلة وربنا يوفقك يا رب وتدخلي المكان اللي انتي عايزاه ياريت اتعرف عليكي ممكن يعني وانتي جالك كلية ايه ممكن يعني

وعلى فكرة يا همسة ساهرة انا في كلية علوم قسم بيولوجي بدؤو محاضرات على فكرة اخدت محاضرة نبات ومحاضرتين رياضيات وكده يعني لو كليتك علمية يكون احسن انك تحضري هناك وربنا يوفقك يا رب

النتيجة طلعت خلاص بلاش فتاوي اكتر من كدة روحو يوم الاربع هتلائوها باذن الله

يعني النتيجة مش هتطلع عالنت ولو ماطلعتش عالنت ماينفعش نعرفها غير من مكتب التنسيق اللي فى القاهرة؟

الله اعلم لكن في زمايلي في المنتدي قالولى انهم راحوا ولاقوا النتايج طلعت بس الموظفين كانوا مروحين خلاص
مفيش غير اننا نروح بنفسنا عشان نشوفها و نتاكد او ننتظرها بالبريد

يعني النتيجة طلعت ولا لسة مطلعتش

انا ياجماعة قدمت رغباتى من جديد مع المتخلفين علشان ورقى ضاع منهم وقالولى النتيجة بعد 15 يو ولغاية دلوقتى فات 20 يوم ولسة ماطلعتش انا قلقانة جدا لانهم قالولى حايبقى ليكى بواقى الكليات وانا خايفة يجيلى معهم مع انى جايبة 92 %ادبى