السلام عليكم و رحمة الله
احب اشارك معاكوا
انا رنا 17 سنة و نص اولى طب عين شمس
الحقيقة الكلية عندنا شيك اوىىىىىىىىىى
من اشيك كليات عين شمس (طبعا بهذر)هى فعلا قديمة اوى بس دمها خفيف و انا بجد بحب الاماكن اللى فيها
اما بالنسبة للدراسة فانا بجد مش عارفة اذا كنت مبسوطة و لا لاء انا مانكرش ان حلم حياتى كان انى ادخل الكلية دى بس هى ممتعة بس مرهقة
انا ما عنديش امتحان ترم بس فى امتحانات من يوم 14/1 عليها 20%من اخر السنة بس الللى هنمتحن فيه فى الترم هنمتحن فيه تانى فى اخر السنة
احنا عندنا مبنى جديد شيك بس للاسف مش لسنة اولى
و نسيت لقول انه من الساعة2 ممنوع ان الطلبة يقعدوا فى اى حتة العساكر بتقومهم يعنى اللى عندوه سكشن الساعة3 يتصرف
ادعولى اعدى السنة دى على خير
معلش طولت عليكوا و كل سنة و انتم طيبين

ههههههههههههههههههههههههههههههههه
حرام عليكم عقدتونى
ربنا يستر عليا

انا والحمد لله مها محمد طالبه تانيه ثانوى وبلا فخر :D
وبجد بحمد ربنا بعد اللى انتو قلتوه ده :blink:
قلبى اتشحتف عليكم :(
انتم السابقون ونحن اللاحقون <_<
مدرستنا مفيش احلى منها (اعدادى ثانوى ) وازاى متسئلونيش هوا كده
بنتعامل معامله اعدادى والحمد لله <_<
والمديرة ربنا يخليهالنا ( شبه مبارك الخالق الناطق :( )
كفايه كده لانى كلامى عيالى خالص بالنسبه لكلامكم :P

الله يعينكم ويعنى

ربنا يوفقنا جميعا :)

انا بقي بسام
متنيل ف كارثه عامة
مرحله تانيه
السن 15 و11شهر و10 ايام واربع ساعات و22دقيقه
هههههههههههههههههه
ومعرفش حاجه عن المدرسشه اللي انا فيها لاني اصلا مبروحش عشان مواعيدها مش مناسباني

ههههههه
كان الله فى العون
انا بقى مش بحب اتكلم عن نفسى
كل اللى اقدر اقوله انه فى مشروع انتحار قريب ليا وادعولى يالتوفيق :D

انا بقي نورهان

اولى ثانوى

داخلة على مصيبة قصدي ثانوية

السن 14 سنة

انا بقي مش فاشلة زيك

انا بروح المدرسة وبهرب بعد الحصة الاولى

طبعا فى فرق

اما المدير بقي فالمدير صحبي يرن عليا الصبح وانا ارن عليه بعد صلاة الظهر على طول

هو اه بخيل شوية لانه مش بيبعتلى رسايل بس كويس انه بيرن

مشروع الانتحار ده قريب جدا

احنا الاثنين فى الهوا سوا

أنا بقى اسمى محمود
السن : داخل على 19 بعد خمس شهور
فى اولى هندسة طنطا قسم ميكانيكا
بعد إعدادى هندسة المنيا
كل اللى أحب أقوله " ربنا يستر السمة دى "


ألف شكر على الموضوع الجميل ده يا احمد

ربنا معاكم جميعا يا رب وربنا يوفقنا

واهلا وسهلا بعودتك يا محمود ايه الغيبة الطويلة دى
وربنا معاك يا رب

معلش يا علمى علوم انا اسف

بس انا لسه منستش المنتدى الجميل ده

ولازم ادخله حتى ولو على فترات بعيدة

ايه يعم منتا معانا في طنطا اهو :D :D يلا نبأى نقابلك في يوم :)

<div align="center">.: السلام عليكم ورحمة الله وبركاته :.</div>أنا احمد كلية تجارة المنصورة بس حولت فرع دمياط لانى ساكن فى دمياط ولانى مش بحب اروح المنصورة بنكون فى الامتحانات فى البرد هنموت ومش عارفين نركز اما بقى عن كليتنا فهى كلية كلها عايزه حفظ وكلية رخمة جدا ,

انا اصلا بحب الكمبيوتر وبموت فيه وبشتغل فى الصيانة بس لسه مش لاقى الفرصه اللى اخد مرتب 2000 جنيه لانى عايز اخلص الكلية واخطب علطول لاننا فى زمن الفلوس هى كل حاجه .

واسيبكو بقى الوقتى لانى عندى امتحانات ومش عارف حاجه فى المواد.

<div align="center"> انا بقى ( أحمد رجب ) صدفة يا mido ragab - بس انا مش ميدو محدش بيدلعنى

تالتة ثانوى ( علوم ) بس مستهيف الثانوية بس والله مش غرور دى قلة حيلة فى المذاكرة

بس ادعولى اخش صيدلة القاهرة </div>

السلام عليكم ورحمة الله وبركاته
انا بقى هيثم
اولى طب المنصورة
على فكرة طب المنصورة كلية( جميلة ونظيفة ومتطورة) شعار المدارس
لا الكلام ده بجد
وبالنسبة للدراسة فهى دراسة الطب ممتعة ولذيذة ومفيش اجمل منها
معندناش امتحانات فى نصف السنة الا امتحانات(MCQ)
المشكلة فى كمية الدراسة الرهيبة اللى بندرسها
وكمان طريقة الامتحانات التى تعتمد على الحفظ بطريقة فظيعة نظرا لكبر المواد
ارجو من اى طالب فى كلية الطب التعاون معى لكى نجتاز هذه المنحة

وشكرا لكم ...........................

انا بقى اختكم دريم

اسمى الحقيقى احلام [size=4]

سنة 2 كلية اداب قسم اثار ودراسات يونانية ورومانية

شعبة اثار


القسم بتاعى بقى عبارة عن دراسات عتيقة بعيد عنكم

مواد اثرية زى الحفائر العمارة النحت الفخار العملة وهكذا حتى الادب اليونانى والرومانى قارفيننا بيه وما ادراكم بقى

واللغات اللى بندرسها لغة يونانية ولغة لاتينية

بس ايه جرامار كامل بالاعراب والترجمة

من الاخر يا جماعة القسم ده عايز دماغ عالية اوى وناس بتحب القديم والتراث الثقافى

وتدخله عن حب هتلاقوا الدراسة فيه رغم صعوبتها شويا الا انها ممتعة اوى

وخصوصا الرحلات والتدريبات

وربنا معاكم

ومعايا

حلو اوى الموضوع دة يا جماعة علشان نتعرف على بعض اكتر
انا بقى ايمن و فى الكلية الفنية العسكرية الى اظن ان معظمكم ميعرفهاش او عمرة ما سمع عنها هيا فى القاهرة و انا من طنطا
و ابسط شرح ليها ان هيا بتخرج منها ظابط مهندس و انا دلوقتى فى سنة 2

اهلا وسهلا بيك
منور المنتدى