اها
فية موقع لتنزيل المحضرات الموقع دة يا جماعة
ولسة هنشوف الجديد احنا هناخد بالا راء
علشان نشوف هنساعد بعض
اذاى اوك
والموقع اهو ولسة
كمان هنطورة
ويكون افضل منتدى
ونشوف الافكار الجديدة
وكدة والموقع اهوhttp://egypharma.alafdal.net/forum.htm

اوك وجارى التسجيل فى المنتدى

بس على فكره يا دكتوره ساره المنتدى ده كويس ولكن عندى اقتراحات كتيره ليكوا عشان تطوره ويكون احسن انا كان عندى منتدى من زمان واعرف فيه حاجات كتير مثل
لابد من اخفاء روابط تحمل المحاضرات عشان نزود عدد الردود والمشاركات
وكمان لازم يكون تنشيط الحساب اتومتك بدل ما المدير هو اللى ينشط
انا بقول اقتراحات بس ومحدش يزعل منى
بس هو منتدى جميل والله بس للاسف مش عارف اشارك لان عضويتى متنشتطش

بس انتو ايه رايكوا فى المواد اللى خدنها الكام يوم دول انا حاسس انى مش فاهم اى حاجه خالص ولا دكتوره البيولوجى اللى قاعد تكلمنا كاننا عباقره زمانا ربنا يستر

انا شخصيا محضرتش محاضره البيولوجي انا بس رحت امبارح
حضرت سيكشن بيولوجي
وهاروح ان شاء الله بكره علشان محاضره النبات
ويارب بئه حد ينزل المحاضرات لان فاتني كتير
ويارب كمان التحويل يقبل بئه ونخلص

انا اعدادى صيدلة طنطا بس للاسف المواعيد لسه متلخفنة عندنا شوية







متهيالي ماشين على الجدول القديم
صح؟
اصل الجديد انا سمعت ان محدش موافق عليه علشان متاخر
بس لو حد ركز مع الدكتوره امبارح في سيكشن البيولوجي وكتب وراها اماكن المعامل بالمواد يحطها لاني ملحقتش اكتبهم

منور صيدله طنطا يا صوت السكون سواء ولد او بنت انا زميلك فى اعدادى مجموعه واحد سيكشن البيولوجى امبارح قالت ان الاحصاء الحيوى هيدهولنا بتوع الفارما وده ديما هيكون فى مدرج اربعه الدور السادس انا بالنسبه للنباتات الطبيه وهو نفسه العقاقير وده دوره بيبقى مكتوب عليه لو اى استفسار تانى انا معاك بس انا مش بدخل كتير هنا لو عوزت اميلى ابقى قولى وانا هبعتهولك ع الخاص

لو سمحتم فيه حد يعرف ايه مادة اللغه الانجليزية عملى والحضور لازم فيها واللا لأ .

السؤال الرخم اللى بسأله ف كل توبيك
معلش استمحلونى
انتو النجاح عندكو م كام؟؟؟

ازيكو يا جماعة ايه رايكو فى الكلية؟؟؟ انا حضرت النهارده محاضرة انجليزى والدكتور قال ان مفيش عملى وان هتبقى محاضرة

كل اسبوع وهياخدغياب وان الانجليزى من 200 درجة والغياب هياثر على الدرجات بتاعة اعمال السنة واللى هى 40 درجة فى

الترم الاول وان شاءالله هنمشى على اجدد جدول يوم السبت الجاى

على فكره انا مروحتش امبارح والناس قالولنا ان مفيش الاسبوع لا احصا ولا انجليزي
يله خير بس لو حد بس ينزل الحجات بتاع الاسبوع

هو كتاب الاحصاء الحيوى جبتوه من الدور الكام يا جماعه وقى اى معلومات عن كتب تانيه؟

انا سمعت انه من الدور الرابع على العموم انا كمان لسة مجبتهوش هجيبة ان شاء الله يوم السبت وعلى فكرة كتاب مدخل صيدلة نزل وبينه ب15 جنية فنشترى الاتنين مع بعض يوم السبت

انا مصطفى اعدادي صيدله طنطا سيكشن 7 مجموعه ب حسب اخر تعديل للجدول 5/10 في حد معايا؟

انا عامل جروب اسمه (اعدادي صيدلة طنطا2009/2010) على الفيس بوك يا ريت تشرفونا

كتاب الاحصا بيتباع فى الدور الخامس وب 50 جنيه والانجليزى نزل برده بس الدكتور مقلش بكام هو مدخل صيدلة بيتباع فين لو سمحتوا؟؟؟