|
اقتباس:
انا لو مكان البنت ده وحصل معايا موقف زي ده ممكن اكره الحجاب اصلاً وإنها تيجي من شيخ الازهر وقدام الملأ ده مصيبة المصايب أكيد تفكيرنا مش إنه عايز يبص ولا ميبصش ما قدامه ميت حتة تانية لكن ده كده بيخرب في الدين ده عايز يمنع المنقبات والمدرسات من دخول المعاهد الازهرية الراجل ده اتجنن وبعدين ايه لو كنتي اجمل شوية كنتي عملتي ايه هو ربنا فرض الحجاب عالجميلات والتانيين مش حيتبص عليهم يعني وتقوليلي ضرورات ومحظورات انا على فكرة واحد مش بيفضل النقاب لعدة اسباب بس انا هجومي على شيخ الازهر نفسه مش على فرضة خلع النقاب ده مش اسلوب متدين ابداً في التعامل النقاب مش فرض لكنه برده مش حرام يبقى الحرام هنا هو الاجبار على خلعه !!! |
اقتباس:
شرع الله خير كله وحيثما كانت المصلحة فثمَّ شرع الله كوني مع اسلامك حيث كان ولا داعي للالتواء |
اسمحو لى ان ازيد ما سمعت
انه عندما زار المعهد ووجد الفتاه منتقبه قال لها لماذا النقاب امام زميلاتك وامرها بخلعه وقال انه عادة وليس عبادة فجاءت معلمة فى المعهد وقالت انها ترتديه حتى لا تكشف على احد قال انا اعرف فى الدين اكثر منكى ومنها |
هذا ما سمعته يا جماعة والله اعلم
تأكد يا صاحب الموضوع من الجزء بتاع ( اللى خلفوكى ) وايضا تاكد من ( امال لو كنتى جميلة كنتى عملتى ايه ) لانى اشك فى صحة هذا الكلام والله اعلم |
اقتباس:
http://www.youtube.com/watch?v=rdXKF8f6GbE والذي يوضح فيه مرافق شيخ الازهر في هذه اللحظة ويؤكد على تلك الكلمات اقتباس:
الجملة ده قالها للطالبة مش للمدرسة - تقريبا - |
هههههههه والله هم يضحك شيخ الازهر رجل الدين صاحب المنصب الكبير والكرسى العالى يقول لطالبة ازهرية فى ازهر اقلعى النقاب ومترضاش يقلعهولها غصب ويقوللها انا اعرف فى الدين احسن منك ومن اللى خلفوكى عيب عليك يا شيخ الازهر خليت للجهلة ايه انت بكدا انت اللى جاهل ولا تفقه شىء فى الدين لا العجيب بيعاكس بيقوللها امال لو كنتى جميلة كنتى عملتى ايه دا يا جماعة ابله صاحب كرسى فقط ممكن يرتد علشان الكرسى وزى ما بيقولو سيد بيه اوكيه لا دا كمان بينوى باصدار قرار بمنع دخول المنتقبات الى المعاهد الازهرية عنده حق بجد المفرود يروحو بمينى جيب وكات وكلب لولو يهوهو جمبهم وسجارتين شيش لزوم الكيف ربنا يهديه ما هو الا رويبضة هوووووووووووف حاجة تحزن بجد |
الخبر نشر اليوم الإثنين5/10/2009 في جريدة الأهرام في الصفحة الثانية ، وهو تأكيد لهذا الكلام ، وإلى الله المشتكى
|
شكرا للمرو الكريم لكم اخوتي
تهنئة لكل دول العالم المحاربة للاسلام موقف شيخ الأزهر من الفتاة المنتقبة هذه الاشارة الخضراء لكم لتفعلوا ما تحبون في المنتقبات والمحجبات لديكم وعذرا يا رسول الله عذرا بايدينا نذبح سنتك وندعي حبك والاقتداء بك " بأي وجه سنقابله ويقابله هذا الشيخ " |
حسبنا الله ونعم الوكيل
|
دا رابط للموضوع علي بص وطل
http://www.boswtol.com/politics/news/09/october/5/870 |
لا اله الا انت سبحانك
انى كنت من الظالمين بكل الاسى والاسف تابعت الخبر المؤلم وما تم من شيخ الازهر الشريف هو ......... !!!!!!! حسبنا الله ونعم الوكيل ومنك لله يا شيخ وشكرا لحضراتكم على الخبر وتوثيقه والى حضراتكم تفاصيل اخرى : (النقاب مجرد عادة لا علاقة له بالدين الإسلامي من قريب أو بعيد، وبعدين إنتِ قاعدة مع زميلاتك البنات في الفصل لابسة النقاب ليه". هكذا صرخ دكتور محمد سيد طنطاوي -شيخ الأزهر- في إحدى طالبات الصف الثاني الإعدادي عندما رآها ترتدي النقاب داخل الفصل. فقد أجبر شيخ الأزهر -وفقا لجريدة المصري اليوم بعددها الصادر الاثنين 5 أكتوبر 2009- إحدى الطالبات المنتقبات بمعهد فتيات أحمد الليبي بمدينة نصر على خلع نقابها. زيارة شيخ الأزهر جاءت أثناء جولته التفقدية لمعاهد الأزهر؛ للوقوف على مدى استعدادها لمواجهة انتشار فيروس "h1n1" المعروف باسم "إنفلونزا الخنازير"، ليعلن خلالها عزمه إصدار قرار رسمي بمنع دخول المنتقبات معاهد الأزهر. ولم تجد الطالبة أمامها وسيلة أخرى في مواجهة إصرار شيخ الأزهر على خلع النقاب سوى تنفيذ الأمر بخلعه وكشف وجهها؛ فردّ طنطاوي قائلاً: "لما أنتِ كده أمال لو كنتِ جميلة شوية كنت عملتِ إيه؟!!". وردت إحدى المدرّسات بالمعهد قائلة: "إن الطالبة تقوم بخلع نقابها داخل المعهد؛ لأن كل المتواجدات فيه فتيات، ولم تقُم بارتدائه إلا حينما وجدت فضيلتك والوفد المرافق تدخلون الفصل". وطلب شيخ الأزهر من الطالبة عدم ارتداء النقاب مرة أخرى طوال حياتها؛ فقالت: إنها تقوم بارتدائه حتى لا يراها أحد، فرد طنطاوي منفعلاً: "قلت لكِ: إن النقاب لا علاقة له بالإسلام وهو مجرد عادة، وأنا أفهم في الدين أكتر منكِ ومن اللي خلفوكِ". وأعلن طنطاوي على الفور عزمه إصدار قرار رسمي بمنع ارتداء النقاب داخل المعاهد الأزهرية، ومنع دخول أي طالبة أو مدرسة المعهد مرتدية "النقاب". يُذكر أن قضية النقاب تُواجه جدلاً شديداً في الشارع المصري؛ لا سيما بعد أن اشتعلت مظاهرات الطالبات المنتقبات بجامعة القاهرة أمام المدينة الجامعية للطالبات؛ اعتراضاً على منعهن من السكن بالمدينة الجامعية بسبب ارتدائهن النقاب، وهو القرار الذي أعلنه الدكتور هاني هلال -وزير التعليم العالي والدولة للبحث العلمي. وقالت طالبات الجامعة إنهن لا يمانعن في كشف النقاب للاطلاع على هوياتهن من قِبل مشرفات المدينة الجامعية، ولا يُمانعن في رفع النقاب تماماً داخل أسوار المدينة الجامعية، كما طالبن وزير التعليم العالي باستبدال العمال والموظفين الرجال المتواجدين فى المدينة بسيدات). |
اقتباس:
ونضع رابط حضرتك فى المشاركة الاصلية للموضوع . |
والله ياجماعة انا معرفش حاجة عن الموضوع ده بس اللى عايزة اقوله ان لو ده حصل فعلا يبقى عليه العوض ومنه العوض
|
:excl: مش كل حاجة نسمعها نصدقها وكما يقول الله فىكتابه الكريم
"ياايها الذين امنوا ان جاءكم فاسق بنبا فتبينوا ان تصيبوا قوما بجهالة فتصبحوا على مافعلتم نادمين" صدق الله العظيم |
يا اخوانى مليون فى المية لا مليار فى المية الراجل دا مجنون
لانه مش ممكن اى مسلم ولا عاقل يعمل كل اللى عملو هذا الشحص انا مش عارف فين اسلامه ولا نخوته ولا عقله حتى طريقة كلامه ماتوحيش باى نوع من الرجولة |
| جميع الأوقات بتوقيت GMT +2. الساعة الآن 12:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.